Регимед

Регимед

Жоқ

Бұлшықет ішіне енгізуге арналған ерітінді, 5 мл

Ас қорыту жолы және зат алмасу. Дәрумендер. В1 дәрумені, қарапайымдар және В6 және В12 дәрумендерімен біріктірілімдер. В6 дәруменімен және/немесе В12 дәруменімен біріктірілген В1 дәрумені.

АТХ коды А11DB

- диетаны түзету арқылы толтыру мүмкін болмайтын В1, В6 және В12 дәрумендерінің расталған тапшылығына байланысты жүйелі неврологиялық аурулар

Қолдануды бастағанға дейін қажетті мәліметтер тізбесі

- әсер етуші заттарға немесе қосымша заттардың кез келгеніне аса жоғары сезімталдық

- жедел декомпенсацияланған жүрек жеткіліксіздігі, жүрек өткізгіштігінің бұзылулары

- жүктілік және бала емізу кезеңі

- 12 жасқа дейінгі балалар

Қолданған кездегі қажетті сақтандыру шаралары

Регимед препараты тек бұлшықет ішіне (б/і) енгізіледі, ешбір жағдайда қан ағымына вена ішіне (в/і) енгізуге болмайды. Кездейсоқ венаға енгізілген жағдайда, пациентті дәрігер бақылауы керек немесе симптомдардың ауырлығына байланысты ауруханаға жатқызу керек.

Препарат алты айдан астам уақыт ұзақ қолданылғанда нейропатияны тудыруы мүмкін.

В1 дәрумені. Тиамин құрамында сульфиттер бар ерітінділерде толығымен жойылады. Басқа дәрумендер В1 дәруменінің ыдырау өнімдерінің қатысуымен белсенділігін жояды (темір иондарының төмен концентрациясы бұл инактивацияны болдырмауы мүмкін).

В1 дәруменін (тиамин) тотықтырғыш заттармен, сынап хлоридімен, йодидпен, карбонатпен, ацетатпен, танин қышқылымен, темірдің аммоний цитратымен, сондай-ақ натрий фенобарбитонымен, рибофлавинмен, бензилпенициллинмен, декстрозамен және метабисульфитпен бір мезгілде қолдануға болмайды. Мыс В1 дәруменінің ыдырауын тездетеді; бұдан бөлек, тиамин рН мәнінің жоғарылауы кезінде өз әсерін жоғалтады (3-тен артық).

В6 дәрумені. В6 дәруменінің емдік дозалары леводопаның тиімділігін әлсіретуі мүмкін, сол сияқты леводопа В6 дәруменінің емдік дозаларының әсерін төмендетеді. Изониазидпен, D-пеницилламинмен және циклосеринмен, Д-пеницилламинмен, адреналинмен, норадреналинмен, пиридоксиннің әсерін төмендететін сульфаниламидтермен өзара әрекеттесу байқалады.

Регимед препаратын С дәруменімен бір мезгілде қолдану В6 дәруменінің әсерінің әлсіреуіне әкелуі мүмкін.

Регимед препараты ісікке қарсы альтретамин препаратының тиімділігін төмендетуі мүмкін.

В12 дәрумені. Цианокобаламин тотықтырғыш заттармен және ауыр металл тұздарымен үйлеспейді, В1 дәруменінен туындаған аллергиялық реакцияларды күшейтуі мүмкін.

Регимед препаратын басқа дәрілік препараттармен араластыруға болмайды.

Микробиологиялық тұрғыдан алғанда, ампуланы ашқаннан кейін препарат дереу енгізілуі тиіс. Инъекцияға арналған ерітіндіні вена ішіне енгізуге болмайды, тек бұлшықет ішіне (б/і) енгізіледі. В12 дәруменін қысқа мерзімді бұлшықет ішіне енгізу В12 дәруменінің жеткіліксіздігінен туындаған жұлынның уақытша зақымдануын немесе организмде В12 дәруменінің жеткіліксіздігінен туындаған қан аздығының күшеюін тудыруы мүмкін.

Препаратты ұзақ уақыт қолдану немесе ұсынылған дозадан асыру ауыр жүрек жеткіліксіздігіне, тромбозға, тромбоэмболияға, организмде эритроциттер өндірілуінің күшеюіне және олардың жалпы санының артуына әкелуі мүмкін. Бейім пациенттерде дәрумендерге аллергиялық реакциялар дамуы мүмкін, бұл жағдайларда препаратты енгізуді тоқтату және шұғыл дәрігерге қаралу қажет, себебі жедел медициналық көмек қажет болуы мүмкін.

6-12 айдан астам уақыт бойы ұзақ емдеу кезінде В6 дәруменінің 50 мг-нан асатын күнделікті дозалары, сондай-ақ күніне 1 г-нан артық В6 дәруменінің дозаларын қысқа мерзімде (2 айдан астам) қабылдау кезінде шеткері жүйкенің жұмысы бұзылуымен аурудың дамуын тудыруы мүмкін. Шеткері нейропатия симптомдары пайда болған жағдайда (күйдіру, шаншу, жыбырлату сезімдерімен сезімталдық бұзылуы кезінде) емдеуді тоқтату қажет.

Асқазан мен он екі елі ішектің ойық жарасы, жүректің ишемиялық ауруы бар пациенттерге В6 дәруменін (пиридоксин гидрохлориді) тағайындағанда сақ болу керек, өйткені препаратты қолдану аурудың асқынуына түрткі болуы мүмкін.

В12 дәруменін аурудың ықтималды нашарлауына байланысты псориазы бар науқастарға қолдануға болмайды.

Бұл дәрілік препараттың құрамында бензил спирті бар, сондықтан оны шала туған балаларда немесе жаңа туған нәрестелерде қолдануға болмайды, себебі бұл оларда уытты және аллергиялық реакциялар тудыруы мүмкін.

Педиатрияда қолдану

Қатысты емес.

Жүктілік немесе лактация кезінде

Жүктілік кезінде В1 дәруменін қолданудың ұсынылатын тәуліктік дозасы екінші триместрде 1,2 мг, үшінші триместрде 1,3 мг құрайды; төртінші айдан бастап В6 дәрумені - 1,9 мг; В12 дәрумені – 2,6 мкг құрайды. Жүктілік кезінде көрсетілген дозаны арттыру В1 және В6 дәрумендерінің ауыр тапшылығы расталған жағдайда ғана мүмкін болады.

В1, В6 және В12 дәрумендері емшек сүтіне енеді.

В6 дәруменінің жоғары дозалары сүт өнімділігін тежеуі мүмкін.

Препаратты жүктілік кезінде және лактация кезінде В1, В6 және В12 дәрумендерінің қатты тапшылығы жағдайында қолдану туралы шешімді пайдасы мен қауіптерін мұқият бағалағаннан кейін емдеуші дәрігер ғана қабылдайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Регимед препаратының әдеттегі, ұсынылатын дозалары көлік құралын басқару немесе қозғалатын механизмдермен жұмыс істеу қабілетіне әсер етпейді. Арнайы сақтық шаралары қажет емес.

Дозалау режимі

Айқын және жедел ауырсыну синдромы болған жағдайда препараттың қандағы жоғары концентрациясына тез қол жеткізу үшін емдеуді 5-10 күн бойы күн сайын тәулігіне бір венаішілік инъекциядан (2,0 мл) бастаған жөн. Ауырсыну синдромын басқаннан кейін және аурудың жеңіл түрлері кезінде одан әрі ішке қабылдауға арналған дәрілік түрмен емдеуге немесе ішке қабылдауға арналған басқа дәрілік түрмен емдеуді ықтималды жалғастыра отырып барынша сирек инъекцияға (2-3 апта бойы аптасына 2-3 рет) көшеді.

Апта сайын дәрігерге қаралып тұру ұсынылады.

Енгізу жиілігі: тәулігіне бір рет.

Енгізу әдісі мен жолы

Инъекциялар терең бұлшықетке жасалады. Венаға кездейсоқ түскен кезде пациент дәрігердің бақылауында болуы немесе стационарға жатқызылуы тиіс (симптомдардың айқындылығына байланысты).

Қабылдау уақытын көрсете отырып қолдану жиілігі

Емді тәулігіне 1- инъекциядан (2 мл), күн сайын, 5-10 күн ішінде бастау керек.

Ауырсыну синдромын басқаннан кейін және аурудың жеңіл түрлері кезінде одан әрі ішке қабылдауға арналған дәрілік түрмен емдеуге немесе ішке қабылдауға арналған басқа дәрілік түрмен емдеуді ықтималды жалғастыра отырып барынша сирек инъекцияға (2-3 апта бойы аптасына 2-3 рет) көшеді.

Апта сайын дәрігерге қаралып тұру ұсынылады.

Ішке қабылдауға арналған дәрілік түрімен емдеуге көшуді мүмкіндігінше қысқа мерзімде жүргізу ұсынылады.

Қарттар

Қолда бар деректер негізінде егде жастағы пациенттерде препаратты ұсынылған дозада қолдану бойынша қандай да бір шектеулер жоқ.

Бауыр жеткіліксіздігі бар пациенттер

Бауыр функциясы бұзылған пациенттерде препарат әдеттегі дозада қолданылуы мүмкін.

Бүйрек жеткіліксіздігі бар пациенттер

Бүйрек функциясы бұзылған пациенттерде препарат әдеттегі дозада қолданылуы мүмкін.

Артық дозаланған жағдайда қабылдануы тиіс шаралар

Симптомдары: бас айналу, аритмия, құрысулар.

Емі: препаратты қабылдауды тоқтату, симптоматикалық ем.

Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну жөніндегі ұсынымдар

Қажет болса, өз емдеуші дәрігеріңізбен кеңесіңіз.

Сирек

- бензил спиртіне аса жоғары сезімталдық реакциялары

Өте сирек:

- аса жоғары сезімталдық реакциялары (мысалы, тері бөртпесі, экзантема, тыныс алудың қиындауы, шок, ангионевроздық ісіну)

- тахикардия

- тершеңдік ұстамалары, акне, қышыну және есекжеммен көрінетін тері реакциялары

Өте сирек / Бірлі-жарым жағдайларда:

- енгізу орнындағы бұзылулар: жылдам енгізу кезіндегі жүйелік реакциялар (кездейсоқ вена ішіне инъекциялау, қарқынды қанмен қамтамасыз етілген тіндерге инъекциялау) немесе артық дозаланғанда. Бұл жағдайда бас айналу, құсу, брадикардия, аритмия, сананың шатасуы және құрысулар пайда болуы мүмкін

- енгізу орнында күйдіру сезімі

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір мл препараттың құрамында

белсенді заттар: тиамин гидрохлориді 50 мг,

пиридоксин гидрохлориді 50 мг,

цианокобаламин 0,40 мг,

қосымша заттар: бензил спирті 5.0 мг, динатрий эдетаты 0.15 мг, инъекцияға арналған су 1.0 мл-ге дейін.

Сыртқы түрінің иісінің, дәмінің сипаттамасы

Қызыл түсті мөлдір сұйықтық.

5 мл-ден қызғылт сары түсті шыны ампулаларда.

6 ампуладан медициналық қолдану жөніндегі қазақ және орыс тілдеріндегі нұсқаулықпен бірге пластик тұғырға салып, картон қорапқа салынады.

Сақтау мерзімі 2 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

HELP S.A., Pedini Ioanninon, Янина, 45500, Греция

Тел. +302102815353; +302102811850

Эл. Пошта: info@help.com.gr

SPEY MEDICAL LTD, Lynton House 7-12 Tavistock Square, Лондон, WC1H 9LT, Ұлыбритания

Эл. Пошта: info@spey.eu

Тел. +44 203 598 2050

Факс: +44 203 598 2055

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«CEPHEUS Medical» (ЦЕФЕЙ Медикал) ЖШС: 050045, Қазақстан Республикасы, Алматы қ., Әл-Фараби даңғылы, 7 үй, «Нұрлы Тау» ТК, 5А блогы, 247 кеңсе, телефон: +7 (727) 300 69 71, +7 777 175 00 99 (тәулік бойы), электронды пошта: drugsafety@evolet.co.uk