Ливарол

Ливарол®

Кетоконазол

400 мг қынаптық суппозиторийлер

Несеп-жыныс жүйесі және жыныс гормондары. Гинекологиялық инфекцияға қарсы және антисептикалық препараттар. Инфекцияға қарсы және антисептикалық препараттар, кортикостероидтармен біріктірілімдерін қоспағанда. Имидазол туындылары. Кетоконазол.

АТХ коды G01AF11

- жедел және созылмалы қайталанатын қынаптық кандидозда

- организмнің төзімділігі төмендегенде және бактерияларға қарсы дәрілермен және қынаптың қалыпты микрофлорасын бұзатын басқа да препараттармен емдеу аясында қынапта зеңдік инфекциялар туындауын профилактикалау

Қолдануды бастағанға дейін қажетті мәліметтер тізбесі

- препарат компоненттеріне жоғары сезімталдық

- жүктілік

- бала емізу кезеңі

- балалар мен 18 жасқа дейінгі жасөспірімдерде

Аурудың қайталану қаупін төмендету үшін жыныстық жұптасын бір мезгілде емдеу ұсынылады.

Егер инфекцияның клиникалық белгілері емдеу аяқталғаннан кейін сақталса, диагнозды растау мақсатында қайтадан микробиологиялық зерттеу жүргізу керек.

Суппозиторийлерді қолдану механикалық контрацепция сенімділігін төмендетуі мүмкін (құрамында латекс бар мүшеқаптар және қынаптық диафрагмалар бар). Емдеу кезінде контрацепцияның сенімді әдістерін таңдау ұсынылады.

Препараттың құрамында бутилгидроксианизол (Е 320) қосымша заты бар, бұл жергілікті тері реакцияларын (жанаспалы дерматиттер), көздің және шырышты қабықтардың тітіркенуін тудыруы мүмкін.

Қынапішілік қолдану кезінде сіңірілуінің төмендігінен басқа дәрілік препараттармен өзара әрекеттесуі екіталай.

Педиатрияда қолдану

Қатысты емес.

Жүктілік және лактация

Препаратты жүктілік кезінде қолдануға болмайды.

Лактация кезеңінде препаратты қолдану қажет болған жағдайда бала емізуді тоқтату керек.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Препаратты қолдану көлік құралын немесе қауіптілігі зор механизмдерді басқару қабілетіне әсер етпейді.

Қынапішілік.

Суреттегі көрсетілгендей (әрбір суппозиторийдің пішінді ұяшықты қаптамасы арнайы «қанаттармен» жабдықталған, ол сізге суппозиторийлерді зақымдамай тез және оңай алуға мүмкіндік береді) пішінді қаптамадан суппозиторийді шығарыңыз.

Арқаға жатқан қалпында суппозиторийді қынапқа тереңдетіп енгізіңіз.

Аурудың ағымына байланысты 3-5 күн ішінде тәулігіне 1 суппозиторийден.

Созылмалы кандидоз кезінде 10 күн ішінде тәулігіне 1 суппозиторийден қолданылады.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Егер сізде осы препаратты қолдану бойынша қосымша сұрақтар туындаса, дәрігерге немесе мейірбикеге кеңес алу үшін хабарласыңыз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

Бірлі-жарым жағдайларға қарағанда жиі кездесетін жағымсыз реакциялар келесі градацияға сәйкес көрсетілген:

өте жиі (≥1/10); жиі ( ≥1/100-ден <1/10 дейін); жиі емес (≥1/1000-ден <1/100 дейін); сирек (≥1/10000-нан <1/1000 дейін); өте сирек (<1/10000), жиілігі белгісіз (бар деректер бойынша реакциялардың пайда болу жиілігін бағалау мүмкін емес).

Жиілігі белгісіз

- аллергиялық реакциялар: тері бөртпесі, есекжем

- жергілікті реакциялар: гиперемия және қынаптық шырышты қабықтың тітіркенуі, қынаптың қышуы

Сирек

- сексуалдық жұптастың жыныстық мүшесінің гиперемиясы және ауыруы

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір суппозиторийдің құрамында

белсенді зат – кетоконазол 400 мг,

қосымша заттар: бутилгидроксианизол,

макроголдар қоспасы: макрогол 1500, макрогол 400 – салмағы 3,0 г суппозиторий алғанға дейін.

Торпеда пішінді, ақ, сарғыш немесе сұрғылт, немесе крем реңдес ақ түсті суппозиторийлер. Мәрмәрлануына жол беріледі және кесіндіде әуе өзекшесі мен құйғыш тәрізді шұңқыры болады.

5 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамаға салынған.

1 пішінді қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Нижфарм» АҚ, Ресей Федерациясы

603105, Нижний Новгород қ.

Салганская к-сі, 7

тел.: (831) 278-80-88

факс: (831) 430-72-28

e-mail: med@stada.ru

«Нижфарм» АҚ, Ресей Федерациясы

603105, Нижний Новгород қ.

Салганская к-сі, 7

тел.: (831) 278-80-88

факс: (831) 430-72-28

e-mail: med@stada.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«STADA Kazakhstan» ЖШС

050011, Қазақстан Республикасы,

Алматы қ., Сүйінбай даңғылы, 258В үй

тел.: (727) 2222-100

факс: (727) 398-64-95

e-mail: almaty@stada.kz