Кратал

Таблеткалар

Бір таблетканың құрамында

белсенді заттар: 43 мг долана жемістері қою экстрактісі (құрғақ затқа шаққанда), 87 мг сасықшөп қою экстрактісі (құрғақ затқа шаққанда), 867 мг таурин (100 % құрғақ затқа шаққанда),

қосымша заттар: микрокристалды целлюлоза, натрий кроскармеллозасы, магний стеараты, сусыз коллоидты кремнийдің қостотығы.

Екі беті дөңес, ашық сұр немесе ашық қоңырдан күңгірт коңыр түске дейінгі, теңбілдері бар сопақша таблеткалар.

Таблетканың ені – (9.1±0.2) мм, таблетканың биіктігі – (6.0±0.3) мм, таблетканың ұзындығы – (21.2±0.2) мм.

Жүрек-қантамыр жүйесі. Кардиологиялық препараттар. Басқа кардиологиялық препараттар. Кардиологиялық препараттардың басқа біріктірілімдері.

АТХ коды C01E X

Фармакокинетикасы

Препарат компоненттері ас қорыту жолдарынан іс жүзінде толық сіңеді. Тауриннің және қандағы препараттың басқа да компоненттерінің ең жоғары концентрацияға жететін уақыты 2 сағатты құрайды. Кратал организмнің тіндеріне және сұйықтықтарына біркелкі таралады. Оның негізгі мөлшері несеппен бірге шығарылады, жартылай шығарылу кезеңі – 6-8 сағат.

Фармакодинамикасы

Краталдың кардиотонуcтық, антиангинальді, антиоксиданттық аритмияға қарсы, гипоксияға қарсы, антиагрегациялық жұмсақ әсерлерге ие. Кратал дигиталистік уыттану белгілерін төмендетеді.

Таурин – организмде түзілетін метаболит, ағзалар мен жүйелердің қызмет жағдайын және организмде зат алмасудың алуан түрін реттейтін әсері бар. Таурин қантамырларды кеңейтетін, антиагрегациялық, гипогликемиялық, гипохолестеринемиялық, уыттануға қарсы, гепатопротекторлы әсер береді. Таурин ренин-ангиотензиндік және калликринин-кининдік жүйелеріне тежегіш әсер танытады, антиоксиданттық әсер көрсете отырып, липидтердің асқын тотығу үдерісін бәсеңдетеді, цАМФ өнімдеріне жағымды ықпал етеді. Қанмен жабдықтауды және миокардтың қызмет ету жағдайын жақсартады, «коронарлық қорды» ұлғайтады, жүрек бұлшықетінің жиырылу және сорғыштық қызметтерін жақсартады, артериялық қысымды төмендетеді және жүректің жиырылу жиілігін (α - адренобөгегіш әсері есебінен) қысқартады.

Тауриннің нейропротекторлық әсері мидағы қан айналымын, орталық жүйке жүйесінің когнитивтік қызметтерін жақсартуда, мидың органикалық зақымданулары бар науқастарда невроздық симптоматиканы және соматовегетативтік бұзылуларды жоюда білінеді.

Долана жемістері экстрактісі, онда тритерпендік қышқылдар (олеан, урсул, кратег) бар болғандықтан, коронарлық және ми қан айналымын күшейтеді, жүрек гликозидтері әсеріне миокардтың сезімталдығын жоғарылатады, миокардтың жиырылғыштығын орташа арттырады және оның қозғыштығын төмендетеді. Долана жемістерінің құрамында флавоноидтер, ацетилхолин, иіткіш заттар, фитостериндер бар, бұл антиоксидантты әсерге, сондай-ақ ұйқыны қалыпқа келтіру қабілеттілігі мен жалпы жағдайға жағымды әсер етуге себепші болады

Сасықшөптің физиологиялық белсенді заттары: алкалоидтар (леонурин, леонуридин), флавоноидтар, иіткіш заттар, дәрумендер (А, Е, С), биометалл тұздары (калий, кальций, натрий, күкірт), гликозидтер, нейрондардағы жарғақша арқылы өтетін натрий ағысына және орталық жүйке жүйесіндегі ГАМҚ деградациясының баяулауы есебінен седативті, құрысуға қарсы және спазмолитикалық әсер береді.

Кешенді ем құрамында:

- нейроциркуляторлы дистонияда

- жүректің созылмалы ишемиялық ауруларында

- пострадиациялық синдромда.

Ересектерге тамақтанар алдында күніне 3 рет 1-2 таблеткадан, ішке қабылдауға тағайындайды. Емдеу курсы 3 – 4 аптаны құрайды.

- жоғары сезімталдық

- аллергиялық реакциялар (гиперемия, бөртпе, қышыну, терінің ісінуі, есекжем)

- диспепсиялық құбылыстар

- жалпы әлсіздік

- қатты шаршау

- бас айналу

- ұйқышылдық

- артериялық гипотензия

- брадикардия

- препарат компоненттеріне жоғары сезімталдық

- нейролептиктер, транквилизаторларды қабылдау

- эрозивтік гастрит (өршу сатысы), асқазан мен 12 елі ішектің ойық жара ауруы

- айқын брадикардия және артериялық гипотензия

- жүктілік және лактация кезеңі

- 18 жасқа дейінгі балалар мен жасөспірімдер

Нитраттардың, β-адреноблокаторлардың, кальций антагонистерінің, антигипоксанттардың, нейропротекторлардың антиангинальді әсерлерін күшейтеді.

Жүрек гликозидтерінің кардиотонустық әсерін күшейтеді. Дигиталистік уыттану белгілерін төмендетеді.

Препаратты үшінші класқа жататын аритмияға қарсы дәрілерімен және цизапридпен бірге қолданбаған жөн.

Айрықша нұсқаулар

Препаратты ұсынылған дозасынан асырмаған дұрыс.

Кез келген жағымсыз құбылыстар пайда болған жағдайда науқас дәрігерге қаралуы қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емделу кезеңінде Краталды қабылдап жүрген емделушілердің көлік құралдарын басқарудан және қауіпті механизмдермен жұмыс істеуден бас тартқаны жөн.

Артық дозалануы

Симптомдары: асқын сезімталдық реакциялары, аллергиялық реакциялар, диспепсиялық реакциялар, жалпы әлсіздік, шаршау сезімі, бас айналу, ұйқышылдық, артериялық гипотензия, брадикардия.

Емі: препаратты тоқтату және симптоматикалық ем жүргізу.

10 таблеткадан поливинилхлоридті/поливинилиденхлоридті үлбірден және бір жағы термолакпен жабындалған және басқа жағында мөрі бар алюминий фольгадан жасалған пішінді ұяшықты қаптамада. PVC/PVdC 200/90 немесе 250/90, PVC/PE/PVdC 200/30/90 немесе250/30/90 маркалы ПВХ/ПВдХ үлбірлер пайдаланылуы мүмкін.

2 пішінді ұяшықты қаптамадан медициналық қолдану жөніндегі нұсқаулықпен бірге қорапшаға салынады.

Түпнұсқалық қаптамасында, 25 (C-ден аспайтын температурада сақтау керек.

Балалардың қолы жетпейтін жерде сақтау керек.

3 жыл

Жарамдылық мерзімі өткеннен кейін қолдануға болмайды.

Рецептісіз

«Борщагов ХФЗ» ҒӨО ЖАҚ,

Украина, 03134, Киев қ., Мир к-сі, 17.

Тіркеу куәлігі ұстаушысының атауы және елі

«Борщагов ХФЗ» ҒӨО ЖАҚ, Украина

Қазақстан Республикасындағы «Борщагов ХФЗ» ҒӨО ЖАҚ өкілдігі

050063, Алматы қ., Әуезов ауданы, «Жетісу-3» ықшам ауданы, 25 үй, 27 кеңсе

Тел/Факс: +7(272) 313-23-34

E-mail: vadimt58@list.ru