Флебодиа

Флебодиа 600

Диосмин

Үлбірлі қабықпен қапталған таблеткалар, 600 мг

Жүрек-қантамыр жүйесі. Вазопротекторлар.

Капиллярларды тұрақтандыратын дәрілер. Биофлавоноидтар. Диосмин.

АТХ коды С05СА03

- аяқтың лимфвенозды жеткіліксіздігі (ауырлық сезімі, шаршау, аяқтың сыздауы, кешке қарай күшейетін ауырсыну, ісінулер) симптомдарын емдеу

- геморроидальді түйіндер тромбозының симптомдарын емдеу

- микроайналымның бұзылуы кезінде қосымша емдеу

Қолданудың басталуына дейінгі қажетті мәліметтер тізбесі

- препарат компоненттеріне жоғары сезімталдық

Флебодиа 600 мг препараты, үлбірлі қабықпен қапталған таблеткаларын қабылдамас бұрын дәрігермен немесе фармацевпен кеңесу қажет.

Бұл дәрілік затты салауатты өмір салтын ұстана отырып, қабылдау ең тиімді.

Күн сәулесі мен жылудың әсерінен аулақ болыңыз, аяғыңызбен ұзақ уақыт түрегеп тұрмауға және артық салмақты болдырмауға тырысыңыз. Күнделікті жаяу жүру тиісті компрессиялық киім кию қан айналымын жақсартады.

Понсо 4R бояғыштың (Е124) болуы аллергиялық көріністердің дамуына әкелуі мүмкін.

Басқа дәрілік заттармен өзара әрекеттесуінің клиникалық елеулі әсерлері сипатталмаған.

Егер қан тамырларының проблемалары мен әлсіздігі 15 күннің ішінде азаймаса, дәрігерге хабарласыңыз.

Геморроидальді түйіндердің тромбозы кезінде емдеу қысқа мерзімді болуы керек.

Геморроидальді түйіндердің тромбозын емдеу емдеудің басқа әдісімен кешенде жүргізілуі мүмкін. Егер симптомдар ұсынылған емдеу курсынан кейін жойылмаған жағдайда, кейінгі емдеуді таңдайтын маманмен кеңесу керек.

Педиатрияда қолдану

Қарастырылмаған.

Жүктілік

Диосминнің жүкті әйелдерде қолданылуы жөнінде деректер жоқ немесе шектеулі.

Эксприментальді зерттеулер репродуктивтік уыттылығына қатысты тікелей немесе жанама зиянды әсерін көрсетпеді.

Сақтық шарасы ретінде Флебодиа 600 препаратын жүктілік кезінде қолданбаған дұрыс.

Бала емізу

Диосминнің немесе оның метаболиттерінің емшек сүтімен бөлінетін-бөлінбейтіндігі белгісіз. Жаңа туған нәрестелер/сәбилер үшін қауіптілігін жоққа шығаруға болмайды. Емшек емудің бала үшін пайдасы мен емдеудің әйел үшін пайдасын ескере отырып, бала емізуді тоқтату немесе Флебодиа 600 препаратымен емдеуді тоқтату/емделуден бас тарту туралы шешім қабылдау қажет.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препараттың көлік құралдарын және басқа механизмдерді басқару қабілетіне теріс ықпалы жөнінде мәліметтер жоқ.

Дозалану режимі

Ұсынылатын доза:

- Аяқ веналарының лимфовенозды жеткіліксіздігі: тәулігіне 1 таблетка тамақтану кезінде.

- Геморроидальді түйіндердің тромбозы және созылмалы геморройдың асқынуы: тәулігіне 2-3 таблетка тамақтану кезінде.

- Созылмалы геморрой: тәулігіне 1 таблетка.

Енгізу әдісі мен жолы

Пероральді.

Қабылдау уақыты көрсетілген қолдану жиілігі

Аяқ веналарының лимфовенозды жеткіліксіздігі

Созылмалы лимфовенозды жеткіліксіздік кезінде тәулігіне 1 таблетка тамақтану кезінде.

Геморроидальді түйіндердің тромбозы және созылмалы геморройдың асқынуы

Геморроидальді түйіндердің тромбозы және созылмалы геморройдың асқынуы кезінде препаратты алғашқы төрт күнде тәулігіне 3 рет 1 таблеткадан тамақтану кезінде; келесі үш күнде тәулігіне 2 рет 1 таблеткадан тамақтану кезінде.

Созылмалы геморрой

Жедел құбылыстар қайтқаннан кейін препаратты қабылдауды 1 таблеткадан тәулігіне 1 рет.

Аяқ веналарының лимфовенозды жеткіліксіздігі

Препаратты қабылдаудың әдеттегі курсы 2 айды құрайды.

Геморроидальді түйіндердің тромбозы және созылмалы геморройдың асқынуы

Емдеу курсы 7 күн. Симптомдар қайта қайталанған жағдайда емдеу курсы дәрігердің тағайындауы бойынша қайталануы мүмкін.

Созылмалы геморрой

Жедел құбылыстар қайтқаннан кейін препаратты қабылдауды 1-2 ай бойы жалғастыру ұсынылады.

Артық дозалану оқиғалары тіркелген жоқ.

Дәрілік препараттың бір немесе бірнеше дозасын өткізіп алу кезінде қажетті шаралар

Егер препараттың бір немесе бірнеше қабылдануын өткізіп алса, препаратты әдеттегі режимде және әдеттегі дозада қолдануды жалғастыру керек.

Препаратты қолданудың алдында дәрігерден кеңес алу керек.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Осы дәрілік препаратты әрдайым осы нұсқаулықта сипатталғандай немесе дәрігердің немесе фармацевтің ұсынымы бойынша қабылдаңыз.

Жиілік санаты клиникалық зерттеулер деректері негізінде тіркелген жиілікке сәйкес жағымсыз реакцияның әрбір түрі үшін анықталады:

Өте жиі (≥1/10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10000 <1/1000 дейін), өте сирек (<1/10000)

Жиі (≥1/100 <1/10 дейін)

- гастралгия

Жиі емес (≥1/1000 <1/100 дейін)

- іштің кебуі

- диарея

- диспепсиялық бұзылыстар

- жүрек айнуы

- бөртпе, қышыну, есекжем, ангионевроздық ісіну сияқты аллергиялық реакциялар

Сирек (≥1/10000 <1/1000 дейін)

- құсу

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

Белсенді зат - 600 мг тазартылған диосмин (сусыз диосминге баламалы),

қосымша заттар: микрокристалды целлюлоза, тальк, сусыз коллоидты кремнийдің қостотығы, стеарин қышқылы,

қабықтың құрамы: Сепифилмтм 002 қорғаныш үлбірі (гипромеллоза, микрокристалды целлюлоза, макроголь стеараты 400), қызғылт СеписперстмAP 5523 бояғыш заты (пропиленгликоль, гипромеллоза, титанның қостотығы (Е171), қан қызыл түстес бояғыш [Понсо 4R] (Е124), темірдің қызыл тотығы (Е172), темірдің қара тотығы (Е172), Опаглостм 6000 (пальма балауызы, ара балауызы, гуммилак, 95% этил спирті)

Дөңгелек пішінді, екі беті дөңес, қызғылт түсті үлбірлі қабықпен қапталған таблеткалар.

15 немесе 18 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

1, 2 немесе 4 (15 таблеткадан) немесе 1 (18 таблеткадан) пішінді ұяшықты қаптамадан медициналық қолдану жөніндегі нұсқаулықпен бірге картон қорапқа салынады.

5 жыл.

Жарамдылық мерзімі өткеннен кейін қолдануға болмайды.

30ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Иннотера Шузи

Рю Рене Шантеро, Шузи-сюр-Сис, 41150 Валуар-сюр-Сис, Франция, тел.: +33 2 54 51 22 00, факс: +33 2 54 20 41 00, электрондық пошта: aqo.chouzy@innothera.com

Лаборатории Иннотера

22 авеню, Аристид Бриан, 94110, г. Аркей, Франция, тел.: +33 1 46 15 29 00, факс: +33 1 45 46 40 15, электрондық пошта: licensing@innothera.com

«Иннотек Интернасиональ С.А.С.» Лабораториясының Қазақстан Республикасындағы өкілдігі

050000, Қазақстан Республикасы, Алматы қаласы, Бостандық ауданы, Нур Алатау шағын ауданы, Әсемтау көшесі, 53А үй.

Тел.: +7-727-339-58-46

Электронды пошта: innotech.kazakhstan@innothera.com