Вазокет таблетки по 600 мг №30 (2 блистера х15 таблеток)

ВАЗОКЕТ®

Диосмин

Таблеткалар, 600 мг.

Жүрек-қантамыр жүйесі. Вазопротекторлар. Капиллярларды тұрақтандыратын дәрілер. Биофлавоноидтер. Диосмин.

АТХ коды С05СA03

ВАЗОКЕТ® ересектерде қолданылады

-вена-лимфа жеткіліксіздігінсимптоматикалық емдеуде (аяқтағы ауырлық, ауыру, ісінулер мен құрысулар)

-геморройдың жедел ұстамаларын қысқа мерзімді симптоматикалық емдеуде.

- микроциркуляциялық бұзылыстарда қосымша ем ретінде

Қолдануды бастағанға дейін қажетті мәліметтер тізбесі

- әсер етуші затына немесе қосымша заттарының кез келгеніне аса жоғары сезімталдық

- балалар мен 18 жасқа дейінгі жасөспірімдерге

- бала емізу кезеңі (қолдану тәжірибесі шектеулі)

Жедел геморрой кезінде емі қысқа мерзімді болуы тиіс.

ВАЗОКЕТ® препаратын өршу сатысындағы геморройды емдеу үшін қолдану тік ішектің басқа ауруларын спецификалық емдеуді шектемеуі тиіс. Симптомдары сақталып немесе күшейген жағдайда, проктологтың кеңесіне жүгіну және емді қайта қарау қажет.

Басқа дәрілік заттармен өзара әрекеттестігінің клиникалық тұрғыдан елеулі әсерлері сипатталмаған.

Адреналин мен норадреналиннің тарылтатын әсерін күшейтуі мүмкін.

Арнайы сақтандырулар

Педиатрияда қолдану

18 жасқа дейінгі балаларда қолдануға болмайды.

Жүктілік немесе лактация кезінде

Жүктілік кезеңінде тек, анасы үшін күтілетін пайдасы шарана үшін ықтимал қауіптен асып түсетін жағдайда ғана, дәрігердің тағайындауы бойынша қолдануға болады.

Шаранаға тератогенді әсері анықталмады. Осы уақытқа дейін клиникалық практикада препаратты жүкті әйелдерде қолданған кезде шаранаға мальформациялық немесе фетоуытты әсер ету жағдайлары туралы хабарлар болған жоқ. Дегенмен, қауіпті жоққа шығару үшін деректер жеткіліксіз.

Диосминнің емшек сүтіне түсетіні туралы деректер жоқ, сондықтан препаратты лактация кезеңінде қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ВАЗОКЕТ® автокөлікті және қауіптілігі зор механизмдерді басқару қабілетіне әсер етпейді.

Дозалану режимі

Созылмалы лимфа-вена жеткіліксіздігі

Созылмалы лимфа-вена жеткіліксіздігінде таңертеңгілік, дұрысы тамаққа дейін тәулігіне 1 таблеткадан (тәулігіне 600 мг) тағайындайды.

Жедел геморрой және созылмалы геморройдың асқынуы.

Жедел геморрой және созылмалы геморройдың өршуі кезінде препаратты тамақтану кезінде тәулігіне 2 немесе 3 таблеткадан (тәулігіне 1200 мг-ден 1800 мг дейін) тағайындайды.

Симптомдары қайта туындаған жағдайда, емдеу курсын дәрігердің ұсынымы бойынша қайталауға болады.

Препаратты қолданар алдында дәрігерден кеңес алу керек.

Балалар

Балалар мен 18 жасқа дейінгі жасөспірімдерде диосминнің қауіпсіздігі мен тиімділігі анықталмаған.

Енгізу тәсілі және жолы

Ішке қабылдауға арналған.

Артық дозалану жағдайында қабылдануы қажетті шаралар

Артық дозалану жағдайлары туралы хабарламалар жоқ.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін) , жиі емес (≥ 1/1000-ден < 1/100 дейін), сирек ( ≥ 1/10000 - < 1/1000 дейін), өте сирек (< 1/10000), белгісіз (қолда бар деректер бойынша бағалау мүмкін емес).

Жиі

- іштің ауыруы ;

Жиі емес

- бөртпе, қышу, есекжем, бет пен тамақтың ісінуі сияқты аллергиялық реакциялар;

- іштің кебуі, диарея, ас қорытудың қиындауы, жүрек айнуы;

Сирек

- құсу.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат: 600.0 мг диосмин,

қосымша заттар: повидон, микрокристалды целлюлоза, жүгері крахмалы, магний стеараты.

Ұзынша пішінді, екі жағында сындыруға арналған сызығы бар, сұрғылт-сарыдан ақшыл-сары түске дейінгі таблеткалар.

Поливинилхлорид үлбірден және алюминий фольгадан жасалған пішінді ұяшықты қаптамаға 15 таблеткадан салынады.

2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептсіз

Фитео Лаборатуар, Франция

Монбазон 11, 37260 Мон,

Тел. +33 (0)2 47 34 33 00

Факс: +33 (0)2 47 27 25 38

Электронды пошта: contact@phyteo-laboratoire.com

Страген Фарма СА, Швейцария

Хемин дю Пре-Флери 3, 1228 План-ле-Отс, Женева

Тел./факс: +41 22 799 19 19/ +41 22 799 19 99

Электронды пошта: info@stragen.ch

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ИнтерФармасьютикал» ЖШС

483110 Қазақстан Республикасы, Қаскелең қ., Бокин к-сі, 58

Телефон: +7(495)799-21-86

Электронды пошта: adversereaction@drugsafety.ru