Фенибут

Фенибут

Жоқ

Таблеткалар, 250 мг

Жүйке жүйесі. Психоаналептиктер. Зейіннің жетіспеушілігінде және жоғары белсенділік кезінде қолданылатын психостимуляторлар (ADHD-Attention deficit hyperactivity disorder) және ноотропты дәрілер. Басқа психостимуляциялайтын және ноотропты дәрілер. Фенибут.

АТХ коды: N06ВX22

- астениялық және мазасыздық-невроздық жағдайлар: мазасыздық, қорқыныш, алаңдаушылық

- егде жастағы адамдарда ұйқысыздық пен түнгі мазасыздық

- күйзеліс жағдайларының профилактикасы, операция алдында

- Меньер ауруы, шығу тегі әртүрлі вестибулярлық анализатордың әрекетсіздігімен байланысты бас айналу

- кинетоз профилактикасы (жүрек айну, құсу, прострация және вестибулярлық аппараттың бұзылуымен сипатталатын және қозғалатын объектіде, мысалы, қайықта немесе ұшақта туындаған ерекше жағдай)

- 8 жастан асқан балаларда кекештенуді, тартылуды емдеу

- алкогольді абстиненция синдромын тоқтатуға арналған қосымша дәрі.

Қолданудың басталуына дейін қажетті мәліметтер тізбесі

- препараттың әсер етуші затына немесе қосымша заттарына жоғары сезімталдық;

- галактозаның тұқым қуалайтын жақпаушылығы, Lapp-лактаза ферментінің тапшылығы, глюкоза-галактоза мальабсорбциясы;

- 8 жасқа дейінгі балалар;

- жүктілік және емшекпен емізу кезеңі.

Фенибутты және онымен біріктірілетін дәрілік заттардың дозасын азайта отырып, психотроптық препараттармен біріктіруге болады.

Фенибут ұйықтататын дәрілердің, есірткі анальгетиктерінің, паркинсон ауруына қарсы дәрілердің, транквилизаторлардың және нейролептиктердің әсерін ұзартады және күшейтеді.

Арнайы сақтандырулар

Асқазан-ішек жолының эрозиялық-ойық жара аурулары бар пациенттерге препараттың тітіркендіргіш әсеріне байланысты сақ болу керек. Бұл пациенттерге препараттың аз дозалары тағайындалады.

Ұзақ уақыт қолданған кезде бауыр функциясының көрсеткіштерін және шеткері қан көрінісін бақылау қажет.

Препараттың құрамында лактоза моногидраты бар, соның салдарынан оны сирек кездесетін тұқым қуалайтын галактозаға төзбеушілік, лопарлардағы лактаза тапшылығы немесе глюкоза-галактаза мальабсорбциясы бар пациенттерге қабылдауға болмайды.

Педиатрияда қолдану

Препарат 8 жастан асқан балаларда қолдануға арналған. 8 жасқа дейінгі балаларда фенибутты ішуге арналған ерітіндіні дайындау үшін ұнтақ түрінде қолдану ұсынылады.

Жүктілік және лактация кезеңі

Жануарларға жүргізілген зерттеулерде фенибуттың мутагендік, тератогендік және эмбриоуытты әсері анықталмаған. Жүктілік кезінде және бала емізу кезеңінде қолдануға болмайды, себебі жүктілік және/немесе лактация кезеңінде фенибутты қолдану қауіпсіздігін бағалау бойынша баламалы және жақсы бақыланатын зерттеулер жүргізілген жоқ. Жүктілік кезінде және бала емізу кезінде қолдануға болмайды.

Репродуктивті функция

Фенибуттың фертильділікке әсері туралы ақпарат жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұйқышылдық, бас айналу немесе орталық жүйке жүйесінің басқа да бұзылыстары бар пациенттер осы жағымсыз әсерлердің көрінісі кезінде көлік құралдарын басқара алмайды немесе механизмдермен жұмыс істей алмайды.

Дозалау режимі

Астениялық және мазасыз-неврозды күйлер

Доза күніне үш рет 250-500 мг құрайды. Ең жоғары бір реттік доза 750 мг, 60 жастан асқан пациенттерге – 500 мг құрайды. Емдеу курсы-2-3 аптаны құрайды. Қажет болса, курсты 4-6 аптаға дейін ұзартуға болады.

Меньер ауруы және шығу тегі әртүрлі вестибулярлық анализатор қызметінің бұзылуымен байланысты бас айналу

Шығу тегі инфекциялық болып табылатын вестибулярлық анализатордың қызметі бұзылған кезде және Меньер ауруы асқынған кезде:

- доза 5-7 күн бойы күніне үш рет 750 мг құрайды;

- вестибулярлық бұзылыстар азайған кезде емді 5-7 күн бойы күніне үш рет 250-500 мг қабылдай отырып жалғастырады;

- содан кейін тағы 5 күн бойы күніне бір рет 250 мг қабылдайды.

Аурудың жеңіл өтуі кезінде 5-7 күн бойы күніне екі рет 250 мг, содан кейін 7-10 күн бойы күніне бір рет 250 мг қабылдайды.

Шығу тегі васкулярлық және жарақат тектес вестибулярлық талдауыштың бұзылуынан туындаған бас айналуды жою үшін 12 күн бойы күніне үш рет 250 мг қабылдайды.

Кинетоздың профилактикасы

Доза күтілетін жүрек айнуынан бір сағат бұрын немесе кинетоздың алғашқы симптомдары (мысалы, жүрек айну) пайда болған кезде 250-500 мг құрайды. Айқын симптомдарда (мысалы, құсу) дәрілік затты қолдану тиімсіз.

Алкогольді абстиненция синдромын кешенді түрде емдеудегі қосымша зат

Алғашқы күндері күніне үш рет 250-500 мг және түнде 750 мг қабылдайды, содан кейін дозаны біртіндеп төмендетеді.

Пациенттердің ерекше топтары

Балалар

Кекештену және тартылу

14 жастан асқан балаларға: күніне үш рет 250 мг. Емдеу курсының ұзақтығы 2-6 аптаны құрайды.

Бауыр функциясы бұзылған пациенттер

Бауыр функциясы бұзылған пациенттерге Фенибут препаратының жоғары дозалары бауырға уытты әсерін тигізуі мүмкін. Осы топтағы пациенттердің ең аз тиімді дозаны қабылдауы керек.

Бүйрек функциясы бұзылған пациенттер

Дәрілік затты емдік дозаларда қабылдау кезінде бүйрек функциясы бұзылған пациенттерге Фенибут препаратының тигізген жағымсыз әсері туралы деректер жоқ.

Енгізу әдісі мен жолы

Таблеткаларды тамақтан кейін ішке жеткілікті мөлшердегі сумен қабылдау керек. Таблеткаларды шайнауға болмайды.

Емдеудің дозасы мен ұзақтығын дәрігер анықтайды.

Артық дозалану жағдайлары белгісіз. Препараттың уыттылығы мардымсыз.

Симптомдары: ұйқышылдық, жүрек айну, құсу, бас айналу. Жоғары дозаларды ұзақ уақыт қолданғанда эозинофилия, артериялық гипотензия, бауырдың майлы дистрофиясы, бүйрек функциясының бұзылуы сияқты аурулардың дамуы мүмкін.

Емі: улану кезінде асқазанды шаяды, белсендірілген көмір қабылдайды, демеуші және симптоматикалық ем жүргізеді. Спецификалы антидоты белгісіз.

Артық дозаланған жағдайда дәрігерді шақыру керек.

Дәрілік препараттың бір немесе бірнеше дозасын өткізіп алу кезіндегі қажетті шаралар

Препараттың дозасын өткізіп алған кезде келесі жоспарланған дозаны қажетті уақытта қабылдау керек. Өткізіп алған дозаның орнын толтыру үшін екі есе дозаны қабылдауға болмайды.

Тоқтату кезіндегі симптомдар қаупінің бар-жоғын көрсету

Дәрілік затты тоқтатудан пайда болған тәуелділік синдромының дамуы байқалмады. Әдебиетте фенибутты қолданумен байланысты тәуелділіктің жекелеген жағдайлары туралы жарияланым бар.

Препаратты қолдану бойынша сұрақтар туындаған жағдайда медицина қызметкеріне жүгіну керек.

Жағымсыз реакциялар сипаттамасы

Фенибут, басқа дәрілік заттар сияқты, барлық пациенттерде байқала бермейтін жағымсыз әсерлерді тудыруы мүмкін. Фенибуттың әдетте төзімділігі жақсы.

Сирек

- аллергиялық реакциялар (бөртпе, қышу)

Белгісіз

- аса жоғары сезімталдық реакциялары (есекжем, қышу, эритема, бөртпе, ангионевроздық ісіну, беттің ісінуі, тілдің ісінуін қоса алғанда);

- ұйқышылдық (емдеудің басында), ашушаңдықтың күшеюі, қозу, үрейлену

- жүрек айнуы (емдеудің басында)

- бас ауруы, бас айналу (күніне 2 г астам дозада қабылдаған кезде, доза төмендеген кезде жағымсыз әсерлердің айқындылығы азаяды)

- бауырға уытты әсері (жоғары дозаларды ұзақ уақыт қолданғанда).

Дәрілік затты қабылдағаннан кейін балалардағы эмоционалдық тұрақсыздық пен ұйқының бұзылу жағдайлары туралы хабарланды.

Дәрілік затқа төзімділікті дамыту жағдайлары туралы деректер бар.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер