Бестоксол

Дәрілік препаратты медициналық қолдану

жөніндегі нұсқаулық  (Қосымша парақ)

Саудалық атауы

Бестоксол

Халықаралық патенттелмеген атауы

Таурин

Дәрілік түрі, дозалануы

Көзге тамызатын 4 % дәрі

Фармакотерапиялық тобы

Сезім мүшелері. Офтальмологиялық препараттар. Басқа офтальмологиялық препараттар.

АТХ коды S01XA

Қолданылуы

- көз торқабығының дистрофиялық зақымдануы

- мөлдір қабықтың дистрофиясы мен жарақаттану

- катаракта (қарттық, диабеттік, жарақаттық және сәулелік)

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

- бала мен 18 жасқа дейінгі жасөспірімдер жасы

Қолдану кезіндегі қажетті сақтандыру шаралары

Тамшылатқыш-құтының ұшы басқа заттармен және беткейлермен жанаспауын қадағалау керек. Тамызғаннан кейін тамшылатқыш-құтының қалпақшасын тығыз жабу керек.

Басқа да офтальмологиялық дәрілік затты бір мезгілде пайдалану қажеттілігі кезінде оларды қолданылу аралығы 10-15 минуттан кем болмау керек. Көзге арналған жақпамайларды ең соңынан қолданған жөн.

Басқа дәрілік препараттармен өзара әрекеттесуі

Глаукомасы (ашық бұрышты) бар науқастарда Бестоксолды тимололмен біріктіріп қолданған жағдайда гипотензиялық әсердің айтарлықтай күшеюі анықталған. Әсер етудің күшеюі ағып шығу жеңілдену коэффициентінің жоғарылауы және сулы ылғалды өндірудің азаюы есебінен қол жеткізіледі.

Арнайы ескертулер

Ашық бұрышты глаукома кезінде препаратты инстилляциялау тимололды қолданғанға дейін 20-30 минут бұрын жүргізіледі.

Қосымша заттар

Препарат құрамында метилпарагидроксибензоат бар, ол аллергиялық реакцияларды тудыруы мүмкін (мүмкін кешеуілдеген).

Жүктілік және лактация кезеңі

Препаратты әйелдерде жүктілік және бала емізу кезеңінде қолдану туралы деректер жоқ.

Препарат әйелдерде жүктілік және емшек емізу кезеңінде, егер әйел үшін күтілетін пайда шарана/бала үшін ықтимал қауіптен асып кетсе ғана қолданылуы керек.

Педиатрияда қолдану

18 жасқа дейінгі балаларда дәрілік заттың тиімділігі мен қауіпсіздігі жөнінде деректер жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлік жүргізу және механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Бестоксол препаратын зақымданған көздің конъюнктивалық қабына, егер дәрігер өзгесін көрсетпесе, 2 тамшыдан тәулігіне 3-4 рет тамызады.

Енгізу әдісі мен жолы

Тек жергілікті қолдануға арналған.

Қабылдау уақыты көрсетілген қолдану жиілігі

Катаракта кезінде инстилляция түрінде 3 ай бойы 2-3 тамшыдан күнделікті 2-4 рет қолданылады. Курс бір айлық аралықпен қайталанады.

Жарақаттар кезінде 1 ай бойы сол дозада қолданылады.

Артық дозаланған жағдайда қабылдануы тиіс шаралар

Препараттың артық дозалануы туралы деректер жоқ.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар (қажет болған жағдайда)

- аллергиялық реакциялар

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл препараттың құрамында

белсенді зат - 40 мг таурин,

қосымша заттар: 1.0 мг метилпарагидроксибензоат, рН 5.6-5.8 дейін натрий гидроксиді, инъекцияға арналған су 1.0 мл дейін.

Сыртқы түрінің, иісінің, дәмінің сипаттамасы

Мөлдір түссіз сұйықтық

Шығарылу түрі және қаптамасы

10 мл препараттан тамшылатқыш-тығыны және бұрандалы қорғаныш қалпақшасы бар, сақтандырғыш сақинамен жабдықталған пластик құтыда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

Сақтау мерзімі

5 жыл

Құтыны ашқаннан кейін препаратты 28 күн бойы қолдану керек.

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Уорлд Медицин Илач Сан. ве Тидж. А. Ш.», Түркия

15 Теммуз Мах., Джами Йолу Джад. № 50 Гюнешли Багджылар, Стамбул.

Телефон: +90 (212) 474 70 50

Факс: +90 (212) 474 09 01

е-mail: info@worldmedicine.com.tr

Тіркеу куәлігінің ұстаушысы

«Уорлд Медицин Илач Сан. ве Тидж. А. Ш.», Түркия

15 Теммуз Мах., Джами Йолу Джад. № 50 Гюнешли Багджылар, Стамбул.

Телефон: +90 (212) 474 70 50

Факс: +90 (212) 474 09 01

е-mail: info@worldmedicine.com.tr

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның аатауы, мекенжайы және байланыс деректері (телефон, факс, электронды пошта)

«RIN Pharm» (РИН Фарм) ЖШС

Қазақстан Республикасы, Алматы қ., Сүйінбай д-лы, 222 Б

Тел/факс: 8 (7272) 529090

е-mail: rin_pharma@mail.ru

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«RIN Pharm» (РИН Фарм) ЖШС, Алматы қ., Сүйінбай даңғ., 222 Б

Ұялы тел +7 701 786 33 98.

е-mail: pvpharma@worldmedicine.kz