Белосалик

Белосалик лосьоны

Жоқ

Сыртқа қолдануға арналған ерітінді, 50 мл және 100 мл

Дерматология. Кортикостероидтар, дерматологиялық препараттар. Кортикостероидтар, басқа біріктірілімдер. Күшті әсер ететін кортикостероидтар, басқа біріктірілімдер. Басқа препараттармен біріктірілген бетаметазон

ATХ коды D07ХС01

- топиялық кортикостероидтармен емдеуге жауап беретін қабыну дерматоздарында

- бас терісінің псориазы сияқты кортикостероидтармен емдеуге сезімталдығы аз аурулар

- стероидтардың теріге өтуін мүйізгектенген эпителий қиындатуы мүмкін болған жағдайларда кортикостероидтарға жауап беретін гиперкератоздарда және құрғақ дерматоздарда.

Қолдануды бастағанға дейін қажетті мәліметтер тізбесі

- бетаметазонға, салицил қышқылына немесе қосымша заттардың кез келгеніне аса жоғары сезімталдық;

- розацеа;

- акне;

- периоральді дерматит;

- перианальді және генитальдік қышыну;

- тері туберкулезі;

- терінің вирустық зақымданулары, әсіресе қарапайым герпес, сиыр шешегі және желшешек вирусы инфекцияларымен;

- жаялық дерматиті;

- бір мезгілде инфекцияға қарсы қолданатын тиісті емдеусіз зеңдік немесе бактериялық инфекция.

- тиісті медициналық бақылаусыз 12 жасқа дейінгі балалар.

Басқа дәрілік заттармен клиникалық мәнді өзара әрекеттесулері жоқ.

Препаратты окклюзиялық таңғыштың астына қолданбаған жөн, өйткені бұл жағдайда салицил қышқылының кератолитикалық әсері кортикостероид абсорбциясының ұлғаюын туындатуы мүмкін.

Зақымданған терінің үлкен аумақтарында, тері қатпарларында немесе жабық аумақтарда ұзақ қолданғанда жергілікті және жүйелі уыттылық оқиғалары кең таралған. Балаларда қолданғанда немесе беттегі зақымдануды емдеу үшін курс ұзақтығы 5 күннен аспауы тиіс. Ұзақ үздіксіз емдеуді жасына қарамастан барлық пациентте болдырмау керек.

Псориаз кезінде топикалық кортикостероидтарды қолдану толеранттылық дамығаннан кейін аурудың қайталануын, жайылған пустулездік псориаз қаупін және терінің барьерлік функциясының бұзылуы салдарынан жергілікті жүйелі уыттылықты қоса, көптеген себептер бойынша қауіпті болуы мүмкін. Пациенттің жағдайын мұқият бақылаудың үлкен мәні бар.

Препараттың көзге түсуі қауіпті. Препараттың көзге және шырышты қабыққа тиюіне жол бермеңіз.

Бетаметазон дипропионатының және салицил қышқылының жүйелі абсорбциясы стероидтарды артық мөлшерде терінің үлкен аумақтарында ұзақ қолданғанда ұлғаюы мүмкін. Бұл жағдайларда, әсіресе сәбилер мен балаларда тиісті сақтық шараларын қабылдау керек.

Тітіркену немесе жоғары сезімталдық пайда болған кезде емдеу тоқтатылуы тиіс.

Кортикостероидтармен жүйелі емдеу кезінде туындайтын барлық жағымсыз әсерлер, бүйрек үсті бездері функциясының бәсеңдеуін қоса, кортикостероидтарды жергілікті қолданудан кейін, әсіресе балаларды емдегенде пайда болуы мүмкін.

Тері шамадан тыс құрғағанда немесе тітіркенуі жоғарылағанда препаратпен емдеуді тоқтату керек.

Көрудің нашарлауы

Кортикостероидтарды жүйелі және жергілікті (оған қоса интраназальді, ингаляциялық және көзішілік) қолданғанда көрудің нашарлауы байқалуы мүмкін. Егер пациентте көрудің бұлыңғырлануы немесе көрудің басқа да бұзылыстары сияқты симптомдар пайда болса ықтимал себептерді бағалау үшін оны офтальмологқа жіберу қажеттілігін қарастыру керек, оларға катаракта, глаукома немесе кортикостероидтарды жүйелі және сыртқа қолданғаннан кейін байқалған орталық серозды хориоретинопатия (CSCR) сияқты сирек аурулар кіруі мүмкін.

Педиатрияда қолдану

Препаратты тиісті медициналық қадағалаусыз 12 жасқа толмаған балаларды емдеу үшін қолданбаған жөн.

Балаларда топикалық кортикостероидтар туындатқан гипоталамус-гипофизарлы-бүйрекүсті безі жүйесі функциясының бәсеңдеуіне және экзогендік кортикостероидтардың әсеріне сезімталдығы ересектерге қарағанда үлкен, бұл тері беткейі ауданының жалпы дене салмағына қатысты үлкен шамамен шартталған үлкен абсорбцияға байланысты. Топикалық кортикостероидтар алатын балаларда гипоталамус-гипофизарлы-бүйрекүсті безі жүйесі функциясының бәсеңдеуіне, Кушинг синдромы, өсудің кідіруі және дене салмағының ұдғаюы, бассүйекішілік гипертензия тіркелген. Балаларда бүйрекүсті безі функциясының бәсеңдеу көріністеріне қан плазмасында кортизол деңгейінің төмендеуі, АКТГ стимуляциясына реакцияның жоқтығы кіреді. Бассүйекішілік гипертензия еңбек протрузиясы, бас ауыруы және екі жақты папиллоэдема түрінде байқалады.

Жүктілік немесе лактация кезеңінде

Жүктілік кезінде топикалық кортикостероидтарды қолдану қауіпсіздігі анықталмағандықтан осы кластағы препараттарды ана үшін болжанған пайда шаранаға төнетін потенциалды қауіптен басым жағдайда ғана жүктілік кезінде қолдануға болады. Осы кластағы препараттарды үлкен мөлшерде, терінің үлкен бөліктерінде немесе ұзақ уақыт бойы жүктілерде қолданбаған жөн.

Ана сүтінде анықталған мөлшерді өндіру үшін жеткілікті жергілікті қолдану кезінде кортикостероидтардің жүйелі сіңірілуі екені белгісіз болғандықтан, оны ана үшін қолданудың маңыздылығын назарға ала отырып, препаратты тоқтату мүмкіндігін қарастыру керек.

Препаратты емізер алдында сүт безінің терісіне/емізікке жағуға болмайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Белосалик препаратының көлік құралдарын және механизмдерді басқару қабілетіне жағымсыз әсер етуі туралы деректер жоқ.

Дозалау режимі

Ересектер:

Белосалик лосьон, сыртқа қолдануға арналған ерітіндіні, тәулігіне 1-2 рет жағу керек. Көптеген жағдайда препаратты абайлап және мұқият сүрте отырып, зақымданған бөлікке жұқалап күніне 2 рет жағады.

Кейбір пациенттер үшін тиісті демеуші емді препаратты жиі қолданбағанда қол жеткізілуі мүмкін.

Препаратты екі аптаға тағайындау ұсынылады, содан кейін емдік әсерді тексеру керек. Ең жоғары апталық доза 60 г аспауы тиіс.

Балалар

Балаларды емдеген кезде дәрілік затты қолданудың ұзақтығы 5 күннен аспауы тиіс.

Енгізу тәсілі және жолы

Сыртқа қолдану үшін.

Емдеудің ұсынылатын ұзақтығы екі аптадан аспауы тиіс, содан соң оның нәтижелеріне баға берген жөн.

Артық дозалану жағдайында қабылдануы қажеті шаралар

Топикалық кортикостероидтарды артық мөлшерде ұзақ қолдану гипофиз және бүйрекүсті бездері функциясын бәсеңдетуі мүмкін, бұл салдарлы бүйрекүсті бездері жеткіліксіздігіне әкеледі және Кушинг ауруын қоса, гиперкортицизм белгілерінің пайда болуын туындатады.

Емі: препаратты тоқтату және симптоматикалық ем. Гиперкортицизмнің жедел симптомдары, әдетте, қайтымды болады. Қажет болса, электролиттік теңгерімсіздікті қалпына келтіру қажет. Созылмалы уыттылық жағдайында кортикостероидтарды біртіндеп жою ұсынылады.

Құрамында салицил қышқылы бар топикалық препараттарды қолданған кезде артық мөлшерде ұзақ қолдану салицилизм симптомдарының пайда болуына әкелуі мүмкін. Емі симптоматикалық. Салицилатты жылдам шығару үшін шаралар қабылдау керек. Несепті сілтілеу және диурезді көтеру үшін ішуге натрий бикарбонатын тағайындайды.

Әрбір құтыдағы кортикостероидтардың мөлшері аз болады, сондықтан кездейсоқ пероральді қабылдағанда уытты әсері екіталай.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Препаратты қолдану тәсіліне қатысты күмәніңіз болған жағдайда емдеуші дәрігермен кеңесіңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі (≥ 1/100 және < 1/10)

- екіншілік инфекциялар

- ашытып күйдіру, қышыну, тітіркену, құрғау, фолликулит, гипертрихоз, безеулі бөртпе, гипопигментация, телеангиэктазия, периоральді дерматит, аллергиялық жанаспалы дерматит, тері мацерациясы, тері атрофиясы, стриялар және тербөртпе.

Жиі емес (≥1/1 000 және <1/100)

- бұлыңғыр көру.

Сирек (≥ 1/10 000 және < 1/ 1 000)

- бүйрек үсті бездерінің жеткіліксіздігі.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

httpHYPERLINK "http://www.ndda.kz/"://HYPERLINK "http://www.ndda.kz/"wwwHYPERLINK "http://www.ndda.kz/".HYPERLINK "http://www.ndda.kz/"nddaHYPERLINK "http://www.ndda.kz/".HYPERLINK "http://www.ndda.kz/"kz

Қосымша мәліметтер

1 г препараттың құрамында:

белсенді заттар: 0,640 мг бетаметазон дипропионаты (0,500 мг бетаметазонға баламалы), 20,0 мг салицил қышқылы.

қосымша заттар: динатрий эдетаты, гипромеллоза, натрий гидроксиді, изопропанол, тазартылған су.

Изопропанолдың иісі бар, мөлдір, түссіз, тұтқыр ерітінді.

50 мл және 100 мл препаратты тығыздығы жоғары полиэтиленнен жасалған бұрандалы тығынмен тығындалған, тығыздығы төмен полиэтиленнен жасалған тамшылатқышы бар тығыздығы жоғары полиэтиленнен жасалған құтыға салады. Тығында алғашқы ашуды бақылауға арналған сақинасы болады.

1 құтыдан қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл

Жарамдылық мерзімі өткеннен кейін қолдануға болмайды!

25 оС-ден аспайтын температурада.

Балалардың қолы жетпейтін жерде сақтау керек!

Рецепт арқылы

БЕЛУПО, дәрілер және косметика д.д., Хорватия Республикасы, 48000, Копривница қ., Даница к-сі, 5.

тел: + 385 48 652 200

факс: + 385 48 647 087

e-mail: anica.job@belupo.hr

БЕЛУПО, дәрілер және косметика д.д., Хорватия Республикасы

тел: + 385 48 659 011

факс: + 385 48 625 271

e-mail: belupo@belupo.hr

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

"BELUPO", дәрі және косметика д.д. Қазақстан Республикасындағы өкілдігі

Алматы қ., Тимирязев к-сі 42, 15/1Б корпус, 328 кеңсе.

Тел. +7 (727) 245 88 42, +7 (771) 701 41 14

e-mail: belupo@belupo.kz