Тридерм мазь д/нар. прим. по 15 г (туба)

Жақпамай

Дерматология. Кортикостероидтар, дерматологиялық препараттар. Кортикостероидтар, басқа біріктірілімдер. Күшті әсер ететін кортикостероидтар, басқа біріктірілімдер. Басқа препараттармен біріктірілген бетаметазон.

АТХ кодыD07ХC01

- кортикостероидты емге сезімтал дерматоздарды емдеуде, бактериялық және/немесе зеңдік инфекция болғанда немесе бар екеніне күдіктенгенде.

Жақпамай әсіресе құрғақ немесе қатайып кеткен теріге қолдануға қолайлы.

Қолданудың басталуына дейін қажетті мәліметтер тізбесі

- тері туберкулезі

- мерездің теріде білінуі

- желшешек

- вирустық этиологиядағы тері инфекциясы (Herpes simplex)

- вакцинадан кейінгі тері реакциялары

- ашық жаралар

- розацеа, периоральді дерматит

- препарат компоненттерінің қандай да біреуіне жоғары сезімталдық (гентамицинге және/немесе клотримазолға айқаспалы аллергия)

- окклюзиялық таңғыш астына қолдануға болмайды

- шырышты қабыққа, көзге және көз айналасындағы теріге жағуға болмайды

Препаратты ашық жараларда және тері жабындарының бүтіндігі бұзылған жағдайда қолданудан аулақ болу керек.

Мүмкіндігінше, Тридерм® препаратын 2-3 аптадан тұратын үздіксіз қолдану мерзімінен асырмау керек.

Пациентке осы препаратты оның ағымдағы тері ауруларын емдеу үшін ғана қолдану керектігін және препаратты басқа адамдарға бермеу керектігін түсіндіру керек.

Тридерм®препаратын генитальді немесе анальді аймаққа қолданғанда вазелин мен сұйық парафин (негіз құрамына кіретін қосымша заттар) бір мезгілде қолданылатын латекс мүшеқаптарының беріктігі мен сенімділігінің төмендеуіне әкелуі мүмкін.

Клотримазол жергілікті қолданғанда амфотерицинге және басқа полиенді антибиотиктерге қатысты антагонистік әсер етуі мүмкін.

Тридерм® жақпамайын қолдану аясында тітіркену немесе сенсибилизация дамыған кезде емдеуді тоқтатып, тиісті емді бастау керек.

Егер Тридерм® жақпамайы терінің үлкен аймақтарына қолданылса, әсіресе ұзақ емдеуде немесе тері жабындарының бүтіндігі бұзылғанда, жергілікті қолданған кезде белсенді заттардың жүйелі сіңуі жоғары болады.

Мұндай жағдайларда белсенді заттардың жүйелі қолдануға тән жағымсыз әсерлерінің туындауы мүмкін. Балаларға осындай жағдайларда қолданған кезде ерекше сақ болу ұсынылады.

Тридерм препаратын жүйелі әсер ететін аминогликозидті антибиотиктермен бір мезгілде қолданғанда теріге жоғары сіңуі себебінен кумуляциялық уытты әсердің (отоуыттылық, нефроуыттылық) пайда болу мүмкіндігі туралы есте сақтау керек.

Атап айтқанда, басқа аминогликозидтік антибиотиктерге айқаспалы реакциялар ықтималдығын ескерген жөн.

Антибиотиктерді ұзақ уақыт жергілікті қолдану кейде төзімді микрофлораның өсуіне әкелуі мүмкін. Бұл жағдайда, сондай-ақ суперинфекция дамыған кезде тиісті емді бастау керек.

Жоғары дозаларда, терінің ауқымды бөліктерінде немесе окклюзиялық таңғыш астында күшті және өте күшті белсенділік класындағы глюкокортикостероидтарды жергілікті қолдану, әсіресе бүйрек үсті безі қыртысы функциясының бәсеңдеуі және метаболизмдік бұзылулардың дамуы мүмкіндігін ескере отырып, дәрігердің тұрақты бақылауымен ғана жүзеге асырылуы тиіс.

Өте күшті, күшті және орташа белсенділік класындағы глюкокортикостероидтарды бетке және гениталий аймағына ерекше сақтықпен және 1 аптадан асырмай қолдану керек.

Көздің айналасында тек белсенділігі төмен глюкокортикостероидтарды ғана қолдануға болады (глаукома дамуы мүмкін).

Кортикостероидтар препараттың қандай болсын компонентіне аллергиялық реакциялар симптомдарын бүркемелеуі мүмкін.

Жүйелік және жергілікті әсер ететін кортикостероидтарды қолданғанда (мұрын ішіне, ингаляциялық және көз ішіне енгізуді қоса) көрудің бұзылуы туындауы мүмкін. Анық көрмеу немесе басқа да көру бұзылыстары сияқты симптомдардың дамуы кезінде пациент глюкокортикостероидтарды жүйелі және жергілікті қолдану кезінде бірқатар жағдайларда байқалған катаракта, глаукома немесе орталық серозды хориоретинопатия сияқты сирек ауруды қамтитын көру бұзылысының ықтимал себептерін анықтау үшін офтальмологтан тексеруден өтуі тиіс.

Балалар жасындағы пациенттерге қолдану

Бұл препаратты 2 жасқа дейінгі балаларға қолдану ұсынылмайды.

Балаларда ересектерге қарағанда беткей ауданы мен дене салмағы арақатынасының үлкендігіне байланысты, жергілікті әсер ететін кез келген ГКС қолданғанда гипоталамус-гипофиз- бүйрек үсті жүйесі (ГГБЖ) функциясын басуда балаларға үлкен қауіп төнеді.

ГГБЖ жүйесінің супрессиясы, Кушинг синдромы, ұзынынан өсудің баяулауы, дене салмағын қосудың баяулауы және бассүйекішілік гипертензия топикалық глюкокортикостероидтарды алған балаларда байқалды. Балалардағы ГГБЖ функциясын басудың симптомдары: қан плазмасындағы кортизолдың төмен деңгейі және АКТГ стимуляциясына реакцияның болмауы. Бассүйекішілік қысымның жоғарылауы еңбектің томпайып шығуынан, бас ауыруынан және көру жүйкесі дискісінің екі жақты ісінуінен болады.

Жүктілік немесе лактация кезеңі

Жануарларға жүргізілген зерттеулерде кортикостероидтарды жергілікті қолдану тератогендік әсер тудырды. Оларды жүкті әйелдерде қолдану туралы деректер жоқ.

Аминогликозидтер плацентарлық бөгет арқылы өтуге қабілетті және шаранаға жағымсыз әсер етуі мүмкін. Аналары жүктілік кезеңінде аминогликозидтер, оның ішінде гентамицин қабылдаған балалардағы толық, қайтымсыз, туа біткен екі жақты кереңдік жайында хабарлар түскен. Жүктілік кезеңінде гентамицин мен клотримазолды жергілікті қолдану туралы жеткілікті деректер жоқ. Жануарларға жүргізілген зерттеулерде ұрық үшін ешқандай қауіп байқалмады.

Тридерм® жақпамайы жүктілік кезінде тек абсолютті қажеттілік жағдайында қолданылуы керек.

Препаратты терінің кең аумақтарында, көп мөлшерде немесе ұзақ уақыт бойы қолдануға болмайды.

Емшек сүтімен гентамицин, клотримазол және топикалық глюкокортикостероидтардың бөлінуі туралы деректер жоқ. Алайда жүйелі әсер ететін кортикостероидтар емшек сүтіне өтеді.

Тридерм® препаратын, егер оны сүтбездерінің аймағына қолдану қажет болса, емшек емізетін әйелдерге қолдануға болмайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлік пен механизмдерді басқару қабілетіне әсері зерттелмеген.

Дозалау режимі және енгізу жолы

Жасөспірімдер және ересектер:

Тридерм® жақпамайын зақымданған тері беткейіне тәулігіне 2 рет (таңертең және кешке) жұқа қабатпен жағып, жеңіл ысқылайды, бұл ретте бүкіл зақымданған бөлігі, әрі оның айналысындағы сау тері қамтылуы керек.

Емдеу ұзақтығы клиникалық әсеріне, сондай-ақ клиникалық және микробиологиялық деректерге байланысты.

Табан дерматофитиясы кезінде ұзағырақ емдеу курсы (2–4 апта) қажет болуы мүмкін.

2-ден 12 жасқа дейінгі балалар:

Препаратты зақымданған тері беткейіне жұқа қабатпен жағып, жеңіл ысқылау керек. Жеткілікті мөлшердегі жақпамайды тәулігіне 2 реттен жиі жақпаған жөн, аппликациялар арасындағы ең аз үзіліс 6–12 сағат. Жақпамайды бетке, мойынға, бас терісіне, гениталий аумағына, ректальді аумақ пен тері қыртыстарына дәрігердің қадағалауымен жағу керек. Емдеу ұзақтығы 5–7 күнмен шектеледі.

Дәрілік препаратты қолдану тәсілін түсіндіру үшін медицина қызметкеріне кеңес беру үшін жүгіну бойынша ұсынымдар

Егер сізде препаратты қабылдауға қатысты сұрақтарыңыз болса, дәрігерге хабарласыңыз.

Симптомдары

Жергілікті кортикостероидтарды үлкен дозаларда ұзақ уақыт қолдану қайталама адреналдық жеткіліксіздіктің дамуымен және гиперкортицизм симптомдарының, оның ішінде Кушинг синдромының пайда болуымен гипофизарлы - адреналдық жүйе функциясының бәсеңдеуін тудыруы мүмкін.

Емдеу

Тиісті симптоматикалық емді тағайындайды. Жедел гиперкортицизмнің симптомдары әдетте қайтымды. Қажет болған жағдайда, электролиттік теңгерімсіздікті түзету жүргізіледі. Созылмалы уытты әсер ету жағдайында кортикостероидтарды біртіндеп тоқтату ұсынылады. Флораның төзімділігі дамыған жағдайда Тридерм® жақпамайымен емдеуді тоқтатып, тиісті зеңге қарсы немесе бактерияға қарсы емді тағайындау ұсынылады.

Тері тарапынан бұзылулар

сирек:

- тітіркену, ашытып-күйдіру сезімі, қышыну, терінің құрғауы

- препарат компоненттерінің кез келгеніне жоғары сезімталдық реакциялары

- пигментацияның бұзылуы

Терінің ауқымды бөліктерінде, окклюзиялық таңғыштың астында және/немесе ұзақ уақыт қолданғанда

Терінің ауқымды бөліктерінде, окклюзиялық таңғыштың астында және / немесе ұзақ уақыт қолданғанда жергілікті және жүйелік реакциялар дамуы мүмкін (бүйрек үсті безі қыртысының функциясын басу).

Жергілікті иммунитеттің төмендеуіне байланысты қайталама инфекцияның қосылу қаупі жоғары екенін есте ұстаған жөн.

Тері тарапынан бұзылулар:

- терінің жергілікті өзгерістері: атрофия (әсіресе бетте), телеангиэктазия, стриялар, терінің созылуы, тері геморрагиялары, пурпура, стероидты акне, розацеа тәрізді/периоральды дерматит, гипертрихоз, тері пигментациясының бұзылуы. Пигментацияның бұзылуы қайтымды сипатта болатыны белгісіз.

Жиі емес:

- гентамицинге сенсибилизация

- фотосенсибилизация кейбір пациенттерде фотосенсибилизация байқалды; алайда гентамицинді қайта қолданғанда және кейіннен ультракүлгін сәулеленудің әсерінен бұл әсерді көбейту мүмкін болмады

Эндокриндік жүйе тарапынан бұзылулар:

- екінші бүйрек үсті безінің жеткіліксіздігі және гиперкортицизм симптомдарының дамуымен бүйрек үсті безі функциясының бәсеңдеуі

- жасырын қант диабетінің манифестациясы

Көру мүшелерінің бұзылуы

- анық көрмеу

Есту, ішкі құлақ / бүйрек тарапынан бұзылулар:

Аминогликозидті антибиотиктерді бір мезгілде жүйелі қолданғанда және Тридерм препаратын терінің ауқымды бөліктеріне қолданғанда кумуляциялық отоуыттылықты/нефроуыттылықты күту керек.

Қаңқа-бұлшықет жүйесі тарапынан бұзылулар:

- остеопороз

- өсудің тежелуі (балаларда)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

немесе

«АНКОР Персонал Центральная Азия» ЖШС

Қазақстан, Алматы қ., Достық даңғылы, 38, «Кен Дала» бизнес орталығы, 3 қабат, 302С кеңсе

Тел. +7 (727) 291-89-49

электронды пошта: dpoc.kazakhstan@organon.com

Қосымша мәліметтер

1 г жақпамайдың құрамында

белсенді заттар: 0.643 мг бетаметазон дипропионаты (0.500 мг бетаметазонға баламалы), 10.000 мг клотримазол, 1.000 мг немесе 1 000 ХБ гентамицин (гентамицин сульфаты түрінде)

қосымша заттар: сұйық парафин, ақ жұмсақ парафин

Көзге көрінетін механикалық қоспалары жоқ, ақтан ақшыл сары түске дейінгі біркелкі жақпамай

15 г препараттан жарғақшаны тесетін істігімен бұралып жабылатын пластмасса қалпақшасы мен іші лакпен жабылған жарғақшалы алюминий сықпаға салынған.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Органон Хейст бв, Бельгия

Индустриепарк 30, 2220 Хейст-оп-ден-Берг, Бельгия

+32 15 25 87 11

www.organon.com

Органон Сентрал Ист ГмбХ, Швейцария.

Вейштрассе 20 6006 Люцерн, ШвейцарияТ.+ 4141 4181719

www.organon.com

«АНКОР Персонал Центральная Азия» ЖШС

Қазақстан, Алматы қ., Достық даңғылы, 38, «Кен Дала» бизнес орталығы, 3 қабат, 302С кеңсе

Тел. +7 (727) 291-89-49

электронды пошта: dpoc.kazakhstan@organon.com