Зинерит порошок д/наруж. прим. по 1,69 г (флакон + растворитель по 30 мл)

Сыртқа қолдану үшін ерітінді дайындауға арналған ұнтақ еріткішімен және аппликатормен жиынтықта

Дерматология. Безеуге қарсы препараттар. Жергілікті қолдануға арналған безеуге қарсы препараттар. Безеуді (безеулі бөртпе) емдеуге арналған инфекцияға қарсы препараттар. Эритромицин, біріктірілімдер.

АТХ коды D10AF52

- құрамында антибиотик бар сыртқа қолдануға арналған дәрілер тиімді болмағанда, немесе осындай дәрілер жағымсыз болған жағдайда, ауырлығы орташа және жоғары дәрежедегі безеулі бөртпені емдеу

Қолдану басталғанға дейін қажетті мәліметтер тізбесі

Қарсы көрсетілімдер

- эритромицинге және басқа макролидтерге аса жоғары сезімталдық

- мырышқа немесе қандай да бір қосымша заттарға аса жоғары сезімталдық

- 12 жасқа дейінгі балалар

Басқа макролидтерге, линкомицинге, клиндамицинге айқаспалы төзімділіктің даму мүмкіндігін ескеру керек (жергілікті және жүйелі қолдану кезінде). Көзге, ауыз қуысы мен мұрынның шырышты қабығына түсуден аулақ болу қажет (тітіркену немесе күйік болуы мүмкін).

Осы уақытқа дейін Зинерит® препаратының басқа дәрілік препараттармен клиникалық маңызды өзара әрекеттесуі анықталған жоқ.

Қажет болған жағдайда Зинеритті® безеулі бөртпені емдеуге арналған басқа жергілікті және жүйелі препараттармен бірге қолдануға болады.

Ауыр безеулі бөртпелер жағдайында Зинеритті ® А дәрумені, бензоил пероксидін сыртқа қолданумен немесе тетрациклинді ішке қабылдаумен біріктіруге болады.

Педиатрияда қолдану

12 жасқа дейінгі балаларда қауіпсіздігі мен тиімділігі туралы мәліметтер жоқ.

Жүктілік немесе лактация кезеңінде

Препаратты жүктілік және лактация кезеңінде көрсетілімдер бойынша және ұсынылатын дозаларда қолдануға болады. Ұрыққа жағымсыз әсері анықталған жоқ.

Дәрілік препаратты көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлікті басқару және механизмдермен жұмыс істеу қабілетіне әсер етпейді.

Қолдану бойынша ұсыныстар

Дозалау режимі

Препаратты қоса беріліп отырған аппликатордың көмегімен, дайындалған ерітіндісі бар құтыны аздап қысыммен басып төмен еңкейту арқылы жағу керек.

Зинеритті® зақымданған терінің барлық бөлігіне күніне екі рет жағу керек. Бет терісі зақымданған жағдайда Зинерит® тәулігіне 2 рет: таңертең (макияж жағылғанға дейін) және кешке (жуынғаннан кейін) бет терісінің зақымданған жеріне жұқа қабатпен жағылады.

Ерітіндіні жағу жылдамдығы аппликаторды теріге басу күшімен реттеледі. Бір реттік доза шамамен 0,5 мл.

Кепкеннен кейін ерітінді көрінбейтін болады, сондықтан косметиканы қолдануға болады.

Бактериялық төзімділік мүмкіндігін ескеру қажет. Бактериялық төзімділік пайда болған кезде препаратты қолдануды екі айға тоқтата тұру керек.

Енгізу әдісі мен жолы

Сыртқа, ересектерге және балаларға 12 жастан бастап.

Курстың ұзақтығы-10-12 апта. Клиникалық жақсару жекелеген жағдайларда 2 аптадан кейін болуы мүмкін. Егер осы кезеңнен кейін жақсару болмаса, жеткіліксіз болса немесе жағдайы нашарласа, пациент дәрігермен кеңесуі керек.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Дәрілік препаратты қолдану бойынша сұрақтар туындаған жағдайда дәрігерге кеңес алу керек.

Артық дозаланған жағдайда қабылдануы тиіс шаралар

Препаратты жергілікті қолдану ерекшеліктеріне байланысты кездейсоқ артық дозалану ықтималдығы аз.

Дәрілік препаратты стандартты қолдану кезінде көрінетін жағымсыз реакциялардың сипаттамасы және бұл жағдайда қабылдануы тиіс шаралар

Жанама құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ге дейін), жиі емес (≥1/1000-ден < 1/100-ге дейін), сирек (≥1/10000-ден < 1/1000-ге дейін), өте сирек (<1/10000), белгісіз (қолда бар деректер негізінде бағалау мүмкін емес.

Сирек

- қышыну

- эритема*

- терінің тітіркенуі*

- терідегі күйдіру сезімі*

- құрғақтық

- терінің қабыршақтануы

Өте сирек

- жоғары сезімталдық

Белгісіз

- жедел жайылған экзантематозды пустулез (ЖЖЭП)

* құбылыстар: эритема, терінің тітіркенуі және күйдіру сезімі қысқа мерзімді және салдарлы клиникалық маңызға ие.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық дерекқорға тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл дайындалған ерітіндінің құрамында

белсенді заттар: эритромицин 40 мг,

микрондалған мырыш ацетаты дигидраты 12 мг,

қосымша заттар: диизопропилсебакат, этанол.

Препараты бар (араластырғанға дейін) бір құтының (А) ішінде:

Эритромицин 1,20 г

Микрондалған мырыш ацетаты дигидраты 0,36 г

Еріткіші бар (араластырғанға дейін) бір құтының (В) ішінде:

Диизопропилсебакат – 7,80 г (8,36 мл)

Этанол – 17,00 г (21,6 мл)

Ақ түсті ұнтақ.

Еріткіш - мөлдір түссіз сұйықтық.

1.69 г препараттан бұрандалы қақпағы бар тығыздығы жоғары полиэтиленнен жасалған құтыға салынады. 30 мл еріткіш бұрандалы қақпағы бар тығыздығы жоғары полиэтиленнен жасалған құтыға салынады.

Препараты бар 1 құтыдан және еріткіші бар 1 құтыдан дозалауға арналған аппликатормен және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды!

Араластырғанға дейін 25 ºC -ден аспайтын температурада сақтау керек.

Ерітіндіні дайындағаннан кейін 25 ºC-ден аспайтын температурада 5 аптадан асырмай сақтау керек.

Балалардың қолы жетпейтін жерде сақтау керек!

Дәріханалардан босату шарттары

Рецептісіз.

ЛЕО Фарма А/С,

Индустрипаркен 55, ДК-2750 Баллеруп, Дания,

тел.: +45 4494 5888, электронды пошта: drug.safety@leo-pharma.com

ЧЕПЛАФАРМ Арцнаймиттель ГмбХ,

Цигельхоф 24, 17489 Грайфсвальд, Германия

электронды пошта: info@cheplapharm.com

тел.: +49 (0) 3834 3914-0

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Дельта Медикел Промоушнз АГ» (Швейцария) АҚ өкілдігі,

050010, Алматы қ., Медеу ауданы, Қазыбек Би 20А, 308 кеңсе,

тел./факс: +7 (771) 504 54 13,

электронды пошта: quality@deltaswiss.eu

ЗИНЕРИТ ДӘРІЛІК ЗАТЫН ДАЙЫНДАУ ЖӨНІНДЕГІ НҰСҚАУЛЫҚ

Дайындалған ерітіндіні дайындағаннан кейін 5 апта бойы 25 °С-ден температурада сақтауға болады. Құтыға жарамдылық мерзімініен нан кейін 5 апта бойы 25°С ң өтетін күнін жазған жөн.