Занидип-рекордати таблетки по 10 мг №56 (4 блистера х 14 таблеток)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Занидип-рекордати

Халықаралық патенттелмеген атауы

Лерканидипин

Дәрілік түрі, дозалануы

Үлбірлі қабықпен қапталған таблеткалар, 10 мг және 20 мг

Фармакотерапиялық тобы

Жүрек-қантамыр жүйесі. Кальций өзекшелерінің блокаторлары. Кальций өзекшелерінің қантамырларға әсері басым селективті блокаторлары. Дигидропиридин туындылары. Лерканидипин.

АТХ коды С08СА13

Қолданылуы

- ересектердегі жеңіл және орташа ауырлық дәрежесіндегі эссенциальді гипертензия

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

- солжақ қарыншаның шығару жолының бітелуі

- жүректің емделмеген іркілістік жеткіліксіздігі

- тұрақсыз стенокардия

- миокард инфарктісінен кейінгі бірінші ай

- диализде жүрген пациенттерді қоса алғанда, бүйрек функциясының ауыр жеткіліксіздігі (шумақшалық сүзілу жылдамдығы < 30 мл/мин)

- бауыр функциясының ауыр жеткіліксіздігі

- келесілермен бір мезгілде қабылдау:

- CYP3A4 күшті тежегіштерімен

- циклоспориндермен

- грейпфрут немесе грейпфрут шырыны

- тұқым қуалайтын фруктоза жақпаушылығы, Lapp-лактаза ферменті

тапшылығы, глюкоза-галактоза мальабсорбциясы

- балалар мен 18 жасқа дейінгі жасөспірімдер

- жүктілік және лактация кезеңі

- сенімді контрацепцияны қолданбайтын бала туатын жастағы әйелдер

Қолдану кезіндегі қажетті сақтандыру шаралары

Синустық түйіннің әлсіздігі синдромы

Синустық түйіннің әлсіздік синдромы бар пациенттерге лерканидипинді сақтықпен қолдану керек (кардиостимуляторсыз).

Солжақ қарыншаның жеткіліксіздігі

Гемодинамиканы зерттеулер препараттың солжақ қарыншаның функциясына қандай да бір әсерін анықтамағанына қарамастан, солжақ қарыншаның дисфункциясы бар пациенттерге қолданған кезде сақ болу керек.

Жүректің ишемиялық ауруы

Кейбір қысқа мерзімді әсер ететін дигидропиридиндер жүректің ишемиялық ауруы бар пациенттерде жүрек-қантамыр реакцияларының қаупін арттыруы мүмкін деп болжануда. Лерканидипин ұзақ әсер ететін препарат болғанымен, препаратты осы пациенттерде қолданған кезде сақ болу керек.

Кейбір дигидропиридиндер прекордиалдық ауырсынуды немесе стенокардияны тудыруы мүмкін. Стенокардиямен ауыратын пациенттерде ұстамалардың жиілігі, ұзақтығы және ауырлық дәрежесі өте сирек артуы мүмкін. Миокард инфарктісінің пайда болуының жекелеген жағдайлары байқалуы мүмкін.

Бүйрек және бауыр функциясының жеткіліксіздігі кезінде қолдану

Бүйрек немесе бауыр функциясының жеңіл немесе орташа дәрежелі жеткіліксіздігінің бар пациенттер ерекше сақтықты қажет етеді. Әдетте препаратты тәулігіне 10 мг ұсынылған дозада қолдануды жақсы көтере алса да, дозаны тәулігіне 20 мг-ға дейін арттыру сақтықпен жүргізілуі керек. Бауыр функциясының орташа дәрежедегі жеткіліксіздігі бар пациенттерде препараттың гипотензиялық әсері күшеюі мүмкін, бұл жағдайда дозаны түзету қажет.

Лерканидипинді бауыр функциясының ауыр жеткіліксіздігі бар пациенттерге, бүйрек функциясының ауыр жеткіліксіздігі бар пациенттерге (шумақшалық сүзілу жылдамдығы <30 мл/мин), соның ішінде гемодиализде жүрген пациенттерге қолдануға болмайды.

Перитонеальді диализ

Перитонеальді диализде жүрген пациенттерде бұлыңғыр перитонеальді экссудаттың пайда болуы лерканидипинді қолданумен байланысты болды. Бұл бұлыңғырлық перитонеальді экссудаттағы триглицеридтер концентрациясының жоғарылауымен байланысты болуы мүмкін. Құбылыстың механизмі әлі белгісіз болғандықтан, лерканидипинді тоқтатқаннан кейін бұлыңғырлық жоғалады. Бұл өзара байланысты есте сақтау өте маңызды, өйткені перитонеальді экссудаттың бұлыңғырлануы инфекциялық перитонит деп қате қабылдануы, содан кейін негізсіз ауруханаға жатқызу және эмпирикалық антибиотикпен ем жүргізілуі мүмкін.

CYP3A4 индукторлары

Құрысуға қарсы препараттар (мысалы, фенитоин, карбамазепин) сияқты CYP3A4 индукторлары және рифампицин қан плазмасындағы  лерканидипиннің концентрациясын азайтуы, бұл препараттың тиімділігін төмендетуі мүмкін.

Алкоголь

Препаратпен емдеу кезінде алкогольді тұтынудан аулақ болу керек, себебі ол вазодилятаторлардың әсерін көтермелеуі мүмкін.

Басқа дәрілік  препараттармен өзара әрекеттесуі

Бір мезгілде қолдануға қарсы көрсетілімдер

CYP3A4 тежегіштері

Лерканидипин CYP3A4 ферментімен метаболизденетіні белгілі, сондықтан CYP3A4 тежегіштерін бір мезгілде қолдану оның метаболизмі мен жойылу процесіне әсер етуі мүмкін. Күшті CYP3A4 тежегіші кетоконазолмен өзара әрекеттесуді зерттеу плазмадағы лерканидипин мөлшерінің айтарлықтай жоғарылағанын көрсетті (эутомер S-лерканидипиннің AUC 15 есе және Cmax 8 есе жоғарылауы).

Лерканидипинді CYP 3A4 тежегіштерімен (мысалы, кетоконазол, итраконазол, ритонавир, эритромицин, тролеандомицин немесе кларитромицинмен) бір мезгілде қолданудан аулақ болу керек.

Циклоспорин

Лерканидипинді циклоспоринмен бір мезгілде қолдану екі препараттың да қан плазмасындағы концентрациясының жоғарылауына әкеледі, сондықтан лерканидипин мен циклоспоринді бір мезгілде қолдануға болмайды.

Дені сау жас еріктілердің қатысуымен жүргізілген зерттеу көрсеткендей, егер циклоспоринді лерканидипинді қабылдағаннан кейін 3 сағаттан соң қабылдағанда плазмадағы лерканидипиннің концентрациясы өзгермеген болса, ал несептегі циклоспориннің орташа концентрациясы 27% - ға жоғарылаған. Алайда, лерканидипинді циклоспоринмен бір мезгілде қабылдағанда плазмадағы лерканидипин концентрациясының 3 есе жоғарылауы және циклоспорин үшін AUC мәнінің 21% жоғарылауы байқалды.

Циклоспорин мен лерканидипинді бірге қабылдауға болмайды.

Грейпфрут немесе грейпфрут шырыны

Басқа дигидропиридиндер сияқты, лерканидипин де грейпфрут немесе грейпфрут шырыны арқылы метаболизмнің тежелуіне сезімталдықты көрсетеді, содан кейін оның жүйелі биожетімділігі артады және гипотензивті әсері күшейеді. Лерканидипинді грейпфрут немесе грейпфрут шырынымен бірге қабылдауға болмайды.

Бір мезгілде қолдану ұсынылмайды

CYP3A4 индукторлары

Лерканидипинді CYP3A4 индукторларымен, мысалы, құрысуға қарсы дәрілермен (фенитоин, фенобарбитал, карбамазепин) және рифампицинмен бір мезгілде қолданғанда сақтық таныту керек, өйткені гипотензивті әсер төмендеуі және артериялық қысымды әдеттегіден жиі бақылау қажет болуы мүмкін.

Алкоголь

Алкогольді тұтынудан аулақ болу керек, өйткені препараттардың гипотензивті әсерінің күшеюі мүмкін.

Сақтық шаралары, оның ішінде дозаны түзету

CYP3A4 субстраттары

Лерканидипинді терфенадин, астемизол сияқты CYP3A4 басқа субстраттарымен, III класты аритмияға қарсы препараттармен, мысалы, амиодарон, хинидин, соталолмен бір мезгілде қолданғанда сақ болу керек.

Мидазолам

Лерканидипинді 20 мг дозада егде жастағы еріктілерде мидазоламмен бір мезгілде қолданған кезде лерканидипиннің сіңуі жоғарылаған (шамамен 40%) және сіңу жылдамдығы төмендеген (tmax жоғарылады және 1,75 сағаттың орнына 3 сағатты құрады). Мидазоламның концентрациясы өзгерген жоқ.

Метопролол

Лерканидипинді метопрололмен, негізінен бауыр арқылы шығарылатын бета-блокатормен бір мезгілде қабылдаған кезде, метопрололдың биожетімділігі өзгерген жоқ, ал лерканидипиннің биожетімділігі 50%-ға төмендеді. Бұл әсер β-блокаторлар тудыратын бауырлық қанағымның төмендеуінен туындауы мүмкін, сондықтан осы класстағы басқа препараттарды қолданғанда да пайда болуы мүмкін. Сондықтан лерканидипинді бета-адренорецепторлардың блокаторларымен қауіпсіз қабылдауға болады, бірақ дозаны түзету қажет.

Дигоксин

Бета-метилдигоксинді үнемі қабылдайтын пациенттерде бір мезгілде 20 мг лерканидипинді қабылдау фармакокинетикалық өзара әрекеттесу белгілерін анықтаған жоқ.

Алайда, дигоксиннің Сmax орташа 33% - ға ұлғаюы байқалды, ал AUC мәні мен бүйрек клиренсі шамалы өзгерді. Дигоксинді бір мезгілде қабылдайтын пациенттердің жағдайын дигоксиннің уыттылығына мұқият бақылау қажет.

Басқа дәрілік препараттармен бір мезгілде қолдану

Флуоксетин

65 ± 7 жас аралығындағы еріктілермен (орташа мәні ± стандартты ауытқу) жүргізілген флуоксетинмен (CYP2D6 және CYP3A4 тежегіші) өзара әрекеттесуді зерттеу лерканидипиннің фармакокинетикасында қандай да бір клиникалық маңызды өзгерістер болған жоқ.

Циметидин

Циметидинді тәуліктік дозада 800 мг-ға дейін бір мезгілде қабылдау қан плазмасындағы лерканидипин концентрациясында айтарлықтай өзгерістер тудырмайды, бірақ дозаны жоғарылату кезінде сақтық қажет, өйткені лерканидипиннің биожетімділігі мен гипотензивті әсері жоғарылауы мүмкін.

Симвастатин

20 мг дозада лерканидипинді және 40 мг дозада симвастатинді бір мезгілде қабылдаған кезде лерканидипиннің AUC шамалы өзгерді, ал симвастатиннің AUC 56%-ға және оның белсенді β – гидроксиқышқыл метаболиті үшін 28% - ға өсті. Бұл өзгерістердің клиникалық маңызы болуы екіталай. Лерканидипинді таңертең және симвастатинді кешке қабылдаған кезде (бұл препарат үшін көрсетілгендей) ешқандай өзара әрекеттесу күтілмейді.

Варфарин

Сау еріктілердің ашқарынға бір мезгілде 20 мг лерканидипинді қабылдауы варфариннің фармакокинетикасына әсер етпеді.

Диуретиктер және AӨФ тежегіштері

Лерканидипин диуретиктермен және АӨФ тежегіштерімен бір мезгілде қауіпсіз қолданылды.

Артериялық қысымға әсер ететін басқа дәрілік препараттар

Басқа гипотензивті препараттарды қолданған кездегі сияқты, гипотензивті әсердің күшеюі лерканидипинді артериялық қысымға әсер ететін басқа препараттармен, мысалы, несеп шығару жолдарының тарапынан симптомдарды басуға арналған альфа-блокаторлармен, трициклді антидепрессанттармен, нейролептиктермен бірге қабылдағанда байқалуы мүмкін.

Керісінше, кортикостероидтармен бір мезгілде қолданғанда гипотензивті әсердің төмендеуі байқалуы мүмкін.

Арнайы сақтандырулар

Педиатрияда қолдану

Балалар мен 18 жасқа дейінгі жасөспірімдерде қолданған кездегі препараттың қауіпсіздігі мен тиімділігі анықталмаған. Деректер жоқ

Жүктілік немесе лактация кезеңінде

Лерканидипинді жүкті әйелдерде қолдану туралы деректер жоқ. Жануарларға жүргізілген зерттеулер тератогендік әсерді көрсетпеді, бірақ ұқсас әсер басқа дигидропиридин қосылыстарын енгізу кезінде байқалды. Лерканидипинді жүктілік кезінде, сондай-ақ контрацепция құралдарын қолданбайтын бала туатын жастағы әйелдерге қабылдау ұсынылмайды.

Лерканидипиннің немесе оның метаболиттерінің емшек сүтіне енетіні белгісіз. Жаңа туған нәрестелер немесе емшек еметін балалар үшін қауіпті жоққа шығаруға болмайды. Лерканидипинді бала емізу кезінде қабылдауға болмайды.

Фертильділік

Лерканидипинді қабылдаған кезде репродуктивті функцияға қатысты клиникалық деректер жоқ. Кейбір пациенттерде кальций өзекшелерінің блокаторларын қолдану ұрықтану процесіне теріс әсер етуі мүмкін сперматозоидтардың басында қайтымды биохимиялық өзгерістер тудырды. Экстракорпоральды ұрықтандырудың қайталанған сәтсіз әрекеттері кезінде, сондай-ақ басқа түсіндірмелер болмаған жағдайда, кальций өзекшелерінің блокаторларының әрекеті ықтимал себебі болуы мүмкін екенін ескеру қажет.

Қосымша заттар туралы ерекше ақпарат

Препарат құрамында лактоза бар. Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттер бұл дәрілік препаратты қабылдамағандары жөн.

Препараттың көлік құралын немесе қауіптілігі зор механизмдерді  басқару қабілетіне әсер ету ерекшеліктері

Лерканидипин көлік құралдарын басқару және механизмдермен жұмыс істеу қабілетіне елеусіз әсер етеді. Дегенмен, абай болу керек, өйткені бас айналу, астения, шаршағыштық және сирек жағдайларда ұйқышылдық болуы мүмкін.

Қолдану жөніндегі нұсқаулар

Дозалау режимі

Дұрысы таңертеңгілік тамақтануға дейін 15 минут бұрын күніне 1 рет 10 мг-ден жеткілікті мөлшердегі сумен шайнамастан қабылдау керек. Пациенттің жеке реакциясына байланысты препараттың дозасы 20 мг дейін ұлғайтылуы мүмкін. Дозаны жоғарылату біртіндеп жүргізілуі керек, өйткені препаратты қабылдағаннан кейін оның максималды гипотензияға қарсы әсері пайда болғанға дейін шамамен 2 апта өтуі мүмкін.

Бір гипотензивті препаратты қолдану жеткілікті тиімді болмаған кейбір пациенттерде бета-адренорецепторлардың блокаторларымен (атенолол), диуретиктермен (гидрохлортиазид) немесе ангиотензин өзгертуші ферменттің тежегіштерімен (каптоприл немесе эналаприл) емдеуге қосымша ретінде Занидип-рекордати препаратын қолдану жағымды әсер етті.

«Доза-әсер» тәуелділік қисығы күшті болғандықтан және 20-дан 30 мг-ға дейінгі дозаларда плато түзетіндіктен, препараттың тиімділігі жоғары дозаларда қолданылған кезде жоғарылауы екіталай, ал жағымсыз реакциялардың пайда болу қаупінің артуы мүмкін.

Пациенттердің ерекше топтары

Балалар

Балалар мен 18 жасқа дейінгі жасөспірімдерде қолданған кездегі препараттың қауіпсіздігі мен тиімділігі анықталмаған. Деректер жоқ

Егде жастағы пациенттер

Фармакокинетикалық деректер мен клиникалық тәжірибе егде жастағы пациенттерде тәуліктік дозаны түзету талап етілмейтінін көрсетсе де, препаратты пациенттердің осы тобына қолданған кезде сақ болу керек.

Бүйрек және бауыр функциясының жеткіліксіздігі бар пациенттер

Препаратты бүйрек немесе бауыр функциясының жеңіл немесе орташа ауырлық дәрежесіндегі бұзылулары бар пациенттерге қолданған кезде сақ болу керек. Әдетте препаратты ұсынылған дозада қолдануды пациенттердің осы топтары жақсы көтере алады, бірақ дозаны тәулігіне 20 мг-ға дейін арттырған кезде сақ болу керек. Бауыр функциясының жеткіліксіздігі бар пациенттерде препараттың гипотензивті әсері күшеюі мүмкін, сондықтан дозаны түзету қажет болуы мүмкін.

Занидип-рекордати препаратын бауыр функциясының ауыр жеткіліксіздігі бар пациенттерге немесе бүйрек функциясының ауыр жеткіліксіздігі бар пациенттерге (шумақшалық сүзілу жылдамдығы <30 мл/мин), соның ішінде гемодиализде жүрген пациенттерге қолдануға болмайды.

Енгізу әдісі мен жолы

Ішке қабылдау үшін.

Дәрілік препаратты қабылдағанға дейін қабылдау керек сақтық шаралары:

- препаратты таңертең таңғы астан кем дегенде 15 минут бұрын қабылдаған жөн.

- препаратты грейпфрут шырынымен бірге қабылдауға болмайды.

Артық дозалану жағдайында қабылдау қажет болатын шаралар

Тіркеуден кейінгі бақылау барысында лерканидипинді 30-40 мг-дан 800 мг-ға дейінгі дозада қабылдаудан туындаған артық дозаланудың бірнеше жағдайлары, соның ішінде суицид әрекеттері туралы хабарланды.

Симптомдары

Басқа дигидропиридиндерді қолданған жағдайдағы сияқты, лерканидипиннің артық дозалануы ауыр артериялық гипотензиямен және рефлекстік тахикардиямен айтарлықтай шеткергі вазодилатацияны тудырады. Алайда, препаратты өте жоғары дозада қолданған кезде шеткері іріктемеліктің жоғалуы мүмкін, бұл брадикардия мен теріс инотропты әсерді тудырады. Артық дозаланудан туындаған ең көп таралған жағымсыз реакциялар: артериялық гипотензия, бас айналу, бас ауыруы және жүректің жиі соғуы.

Емі

Артық дозалану салдарынан клиникалық маңызды гипотензия пайда болған кезде жүрек-қантамыр жүйесін белсенді қолдау қажет, оның ішінде жүрек пен өкпенің функциясын мұқият бақылау, аяқ-қолдарды жоғары орналастыру, айналымдағы сұйықтық пен диурез көлемін бақылау. Лерканидипиннің ұзақ фармакологиялық әсерін ескере отырып, артық дозаланған жағдайда пациенттің жүрек-қантамыр жүйесінің жағдайын кемінде 24 сағат бойы бақылау қажет. Препараттың қан ақуыздарымен байланысуының жоғары дәрежесін ескере отырып, диализдің тиімділігі екіталай. Егер орташа немесе ауыр дәрежелі улануға күдік болса, пациенттердің жағдайын бақылауды қарқынды терапия бөлімшесінде жүргізу керек.

Дәрілік препаратты қолдану тәсілін түсіндіру үшін медицина қызметкеріне кеңеске жүгіну бойынша ұсынымдар

Егер препаратты қолдану тәсіліне қатысты қосымша сұрақтар туындаса, емдеуші дәрігерден немесе фармацевттен кеңес алу керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі (≥1/100-ден < 1/10 дейін)

- бас ауыруы

- тахикардия, жүректің жиі соғуы

- ысынулар

- шеткері ісінулер

Жиі емес (≥1/1,000-нан  <1/100 дейін)

- бас айналу

- артериялық гипотензия

- диспепсия, жүрек айнуы, іштің жоғарғы бөлігінің ауыруы

- бөртпе, қышу

- миалгия

- полиурия

- астения, шаршағыштық

Сирек (≥1/10,000-нан <1/1, 000 дейін)

- аса жоғары сезімталдық

- ұйқышылдық, естен тану

- стенокардия

- құсу, диарея

- есекжем

- поллакиурия

- кеудедегі ауырсыну

Белгісіз (жиілікті қолда бар деректер бойынша бағалау мүмкін емес)

- қызылиек гиперплазиясы 1

- бұлыңғыр перитонеальді экссудат 1

- сарысулық трансаминаза концентрациясының жоғарылауы1

- Квинке ісінуі1

1 Бүкіл әлемде тіркеуден кейінгі бақылау барысында алынған спонтанды хабарламаларға сәйкес жағымсыз реакциялар

Жекелеген жанама реакциялардың сипаттамасы

Плацебо-бақыланатын клиникалық зерттеулер барысында шеткері ісінулердің жиілігі лерканидипинді 10-нан 20 мг-ға дейінгі дозада қабылдағанда 0,9%-ды және плацебо қабылдағанда 0,83%-ды құрады. Ұзақ мерзімді клиникалық зерттеулерді қоса алғанда, жалпы зерттеу популяциясында пайда болу жиілігі 2% - ға жетті.

Лерканидипин қандағы қант пен қан сарысуындағы липидтер мөлшеріне теріс әсер етпейді.

Сирек жағдайларда кейбір дигидропиридиндер прекардиальді ауырсынуды немесе стенокардияны тудыруы мүмкін. Стенокардиямен ауыратын пациенттерде оның ұстамаларының жиілігі, ұзақтығы немесе ауырлығы өте сирек артуы мүмкін. Кейбір жағдайларда миокард инфарктісі байқалуы мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында:

белсенді зат - лерканидипин гидрохлориді 10,0 мг немесе 20,0 мг

(9,4 мг немесе 18,8 мг лерканидипинге баламалы),

қосымша заттар: лактоза моногидраты, микрокристалды целлюлоза, натрий крахмал гликоляты (А түрі), повидон К 30, магний стеараты,

қабықтың құрамы: Opadry OY-SR-6497 (10 мг доза үшін) және Opadry 02F25077 (20 мг доза үшін), гипромеллоза, тальк, титанның қостотығы (Е 171), макрогол 6000, темір тотығы (Е 172).

Сыртқы түрінің, иісінің, дәмінің сипаттамасы

Сары түсті үлбірлі қабықпен қапталған, дөңгелек пішінді, екі беті дөңес, бір жағында сызығы бар таблеткалар (10 мг доза үшін).

Қызғылт түсті үлбірлі қабықпен қапталған, дөңгелек пішінді, екі беті дөңес, бір жағында сызығы бар таблеткалар (20 мг доза үшін).

Шығарылу түрі және қаптамасы

14 немесе 28 таблеткадан мөлдір емес поливинилхлоридті үлбірден және алюминий фольгадан жасалған пішінді ұяшықты қаптамада.

1, 2 немесе 4 пішінді қаптамадан қазақ және орыс тілдеріндегі медициналық қолдану жөніндегі нұсқаулықпен бірге картон қорапшада.

Сақтау мерзімі

3 жыл.

Жарамдылық мерзімі өткеннен кейін қолдануға болмайды

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Рекордати Химика және Фармацевтика Индустрия С.П.А.

Via M. Civitali 1, 20148, Milan, Italy

Виа М. Чивитали 1, 20148, Милан, Италия

E-mail: RecordatiHQ-Safety@recordati.it

Тіркеу куәлігінің ұстаушысы

Рекордати Ирландия Лтд.

Raheens East Ringaskiddy, Co. Cork, Ireland

Рахинз Ист, Рингаскидди, Ко. Корк, Ирландия

E-mail: RecordatiHQ-Safety@recordati.it

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«FIC MEDICAL» (ФИК МЕДИКАЛЬ) ЖШС Қазақстан Республикасындағы өкілдігі, Төле би көш., 69, 33-кеңсе, 050000,  Алматы қ., Қазақстан

Тел.: +7 (727) 272 93 08, факс: +7 (727) 272 90 25

e-mail: fic_kz@ficmedical.kz