Цефанорм капсулы по 4 мг №30 (3 блистера х 10 капсул)

Дәрілік түрі, дозалануы

Капсулалар

Фармакотерапиялық тобы

Несеп-жыныс жүйесі және жыныс гормондары. Гинекологиялық ауруларды емдеуге арналған басқа препараттар.

АТХ коды G02СХ

Қолданылуы

- етеккір оралымының бұзылуы

- мастодиния

- етеккір алдындағы синдром

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

- жүктілік және лактация кезеңі

- гипофиз ісігі

- сүт безі обыры

- 18 жасқа дейінгі балалар мен жасөспірімдер

- тұқым қуалайтын галактоза жақпаушылығы, Lapp (ЛАПП)-лактаза тапшылығы немесе глюкоза-галактоза мальабсорбциясы

Қолдану кезіндегі қажетті сақтандыру шаралары

Цефанорм препаратын қолданар алдында дәрігермен кеңесу ұсынылады.

Аллергиялық реакциялар жағдайында препаратты қабылдау тоқтатылуы тиіс және дәрігермен кеңесу қажет.

Басқа дәрілік препараттармен өзара әрекеттесуі

Цефанорм препаратының басқа да дәрілік заттармен өзара әрекеттесуі осы уақытқа дейін белгісіз. Дофаминді рецепторлар антагонистерімен (домперидон, метоклопрамид) бір мезгілде қолданғанда өзара әсері әлсіреуі мүмкін.

Арнайы сақтандырулар

Педиатрияда қолдану

Препарат 18 жасқа дейінгі балалар мен жасөспірімдерде қолдануға арналмаған.

Жүктілік немесе лактация кезінде

Цефанорм препараты клиникалық деректердің жеткіліксіздігіне байланысты жүктілік және лактация кезеңінде қолдану үшін ұсынылмаған.

Жануарларға жүргізілген тәжірибелерде жатаған изен (витекс) жемістерін енгізу кезінде сүт түзілуінің бұзылуы байқалды.

Қосымша заттар

Бұл дәрілік заттың құрамында глюкоза және лактоза бар. Сирек тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы проблемалары бар пациенттер препаратты қабылдамауы тиіс.

Цефанорм құрамында бір реттік дозада натрий 1 ммольден аз (23 мг), яғни натрийден бос препарат болып саналады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалану режимі

Ішке, таңертең тамақтану кезінде, шайнамай, судың аздаған мөлшерімен 1 капсуладан күніне 1 рет қабылдау керек. Капсулаларды күннің белгілі бір уақытында қабылдау ұсынылады.

Емдеу етеккір кезінде үзбестен, 3 ай бойы жүргізіледі.

Егер препаратты тоқтатқаннан кейін шағымдар қайтадан болатын болса, дәрігермен кеңесу қажет; ұсыным бойынша емдеуді жалғастыруға болады.

Пациенттердің ерекше тобы

Балалар

Препарат 18 жасқа дейінгі балалар мен жасөспірімдерде қолдануға арналмаған.

Енгізу әдісі және жолы

Ішке қабылдауға арналған.

Артық дозаланған жағдайда қолданылуы қажет шаралар

Ұсынылған дозалау режимі сақталғанда Цефанорм препаратымен артық дозалану жағдайы сипатталмаған.

Артық дозалану жағдайларында төменде аталған жағымсыз әсерлері туындауы мүмкін. Алдағы уақытта қандай шаралар қабылдануы тиіс екендігін шешіп алу үшін дәрігермен кеңесу қажет.

Дәрілік препараттың бір немесе бірнеше дозасын өткізіп алған кездегі қажетті шаралар

Өткізіп алған дозаның орнын толтыру үшін екі есе дозаны қабылдауға болмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсыныстар

Осы дәрілік препаратты қолдану бойынша қосымша сұрақтар туындаған жағдайда кеңес алу үшін дәрігерге немесе фармацевтке жүгіну керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі емес (≥ 1/1000 - < 1/100 дейін)

- бас ауыруы

- жүрек айнуы, іштің ауыруы

- тері реакциялары (қышыну, экзантема, есекжем, беттің ісінуі)

- ентігу

- жұтынудың қиындауы

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі  Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат - кәдімгі жатаған изен жемісінің құрғақ экстрактісі (7-13:1) 4.0 мг (экстрагент - 60% этанол),

қосымша заттар: глюкоза, сусыз коллоидты кремнийдің қостотығы, лактоза моногидраты, магний стеараты, жүгері крахмалы, тальк,

капсула қабығының құрамы: желатин, натрий лаурилсульфаты, титанның қостотығы (Е171), тазартылған су.

Сыртқы түрінің, иісінің, дәмінің сипаттамасы

Өлшемі №3, өзі де, қақпақшасы да ақ түсті қатты мөлдір емес желатинді капсулалар.

Капсула ішіндегісі – өзіне тән хош иісі мен сәл ащылау дәмі бар ашық –қоңыр түсті ұнтақ.

Шығарылу түрі және қаптамасы

10 капсуладан поливинилхлоридті үлбірден және алюминий фольгадан жасалған пішінді ұяшықты қаптамада.

3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Сақтау шарттары

25 ºС-ден аспайтын температурада.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Cefak KG

Ostbahnhofstr. 15, D-87437 Kempten, Германия

Тел.: +49 831 57401 0

e-mail: cefak@cefak.com

Тіркеу куәлігінің ұстаушысы

Cefak KG

Ostbahnhofstr. 15, D-87437 Kempten, Германия

Тел.: +49 831 57401 0

e-mail: cefak@cefak.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«AVITA (АВИТА)» ЖШС

Қазақстан Республикасы, Алматы қ., Алмалы ауданы, БӨГЕНБАЙ БАТЫР көшесі, 150 үй, т.е. 13, пошта индексі 050000

тел.: +77007100151

электрондық пошта: Infoavita@mail.ru