Три-зидин М таблетки по 35 мг №60 (6 блистеров х 10 таблеток)

Три-зидин М.

Триметазидин.

Модификацияланып босап шығатын үлбірлі қабықпен қапталған таблеткалар, 35 мг.

Жүрек-қан тамырлар жүйесі. Кардиологиялық препараттар. Басқа кардиологиялық препараттар. Триметазидин.

АТХ коды: С01ЕВ15.

Триметазидинді бақылануы жеткіліксіз стенокардиясы тұрақты немесе бірінші қатардағы антиангинальді емге төзімсіздігі бар ересек пациенттерді симптоматикалық емдеуге біріктірілімде тағайындайды.

Қолданудың басталуына дейін қажетті мәліметтер тізбесі

- Триметазидинге немесе қосымша заттардың кез келген басқасына жоғары сезімталдық.

- Паркинсон ауруы, паркинсонизм симптомдары, тремор, тынымсыз аяқтар синдромы және паркинсонизмге қатысты басқа да қозғалыс бұзылыстары.

- Бүйрек функциясының ауыр бұзылулары (креатинин клиренсі < 30 мл/мин)

Организмнен триметазидинді шығару уақытының ұлғаюы мүмкін пациенттерге препаратты тағайындағанда сақ болған жөн:

- бүйрек функциясының бірқалыпты бұзылуы;

- 75 жастан асқан егде жастағы пациенттер.

Бала емізу кезінде дәрілік препарат ұсынылмайды.

Басқа медициналық препараттармен өзара әрекеттесуі байқалған жоқ.

Триметазидин стенокардия ұстамаларын басуға арналмаған. Cондай-ақ, ол тұрақсыз стенокардия немесе миокард инфарктісі үшін бастапқы емдеу ретінде көрсетілмейді. Триметазидинді ауруханаға жатқызар алдында және ауруханаға жатқызудың алғашқы күндерінде қабылдауға болмайды.

Стенокардия ұстамасында коронарлық тамырлар патологиясын қайта зерттеу және қолданылатын емді түзету қажет (дәрі-дәрмектік ем және реваскуляризацияның болуы мүмкін).

Триметазидин паркинсонизм симптомдарын (тремор, акинезия, бұлшықет тонусының көтерілуі) туындатуы мүмкін. Пациенттерді, әсіресе, егде жастағы пациенттерді жүйелі түрде қадағалау керек. Күмәнді жағдайларда пациентті тиісінше тексеру үшін неврологқа жіберу қажет. Паркинсонизм симптомдары, тынымсыз аяқтар синдромы, тремор, жүру кезіндегі орнықсыздық сияқты қозғалыс бұзылыстарының дамуы триметазидинді қабылдамау туралы түпкілікті шешімге әкелуі мүмкін.

Қозғалыс бұзылыстарының даму жиілігі төмен, әдетте қайтымды сипатта болады және басылғанда триметазидинді қабылдауға рұқсат етіледі. Көп жағдайда триметазидин қабылдауды тоқтатқаннан кейін пациенттер 4 айдың ішінде сауығып кетті. Егер паркинсонизм симптомдары триметазидинді тоқтатқаннан кейін 4 айдан артық сақталса, неврологтың кеңесі қажет.

Әсіресе, гипертензияға қарсы ем қолданылғанда, орнықсыз жүріс кезінде немесе бұлшықет тонусы төмен болғанда пациенттің құлап қалуы мүмкін.

Спортшыларға арналған ақпарат: дәрілік препарат құрамында әсер етуші зат ретінде триметазидин бар, бұл допингті бақылау кезінде жүргізілген сынақтарға оң реакция тудыруы мүмкін.

Педиатрияда қолдану

18 жасқа дейінгі балаларда Три-зидин М дәрілік препаратының қауіпсіздігі мен тиімділігі анықталған жоқ. Қолжетімді деректер жоқ.

Жүктілік және лактация кезінде

Жүкті әйелдердің триметазидинді қолдануы туралы деректер жоқ. Жануарларды зерттеу репродуктивті жүйеге тікелей немесе жанама зиянды әсерін көрсетпеген. Сақтандыру шаралары ретінде жүктілік кезінде Три-зидин М препаратын қолданбаған дұрыс. Триметазидиннің емшек сүтіне бөлінетіні белгісіз. Триметазидин немесе оның метаболиттерінің емшек сүтіне бөлінетіні белгісіз.

Жаңа туған нәрестелерге/балаларға қаупі жоққа шығарылмайды. Триметазидинді емізу кезінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Клиникалық сынақтарда триметазидиннің гемодинамикалық әсері жоқ екені анықталған, алайда, маркетингтен кейінгі кезеңде бас айналу және ұйқышылдық байқалған, бұл автокөлікті басқару және механизмдермен жұмыс істеу қабілетіне ықпал етуі мүмкін.

Дозалау режимі

Триметазидин бір таблеткадан (35 мг) тамақтану кезінде күніне екі рет (яғни таңертең бір рет және кешке бір рет).

Емдеу нәтижесі үш айдан кейін бағалануы тиіс және әсері болмаған жағдайда триметазидинді қабылдаудың тоқтатылуы тиіс.

Бүйрек жеткіліксіздігі бар пациенттер

Бүйрек функциясының бұзылуы орташа (креатинин клиренсі 30-60 мл/мин) пациенттерге таңертең таңғы ас кезінде 1 таблеткадан (35 мг) ұсынылады.

Егде жастағы пациенттер

Егде жастағы пациенттерде бүйрек функциясының жасқа байланысты төмендеуіне байланысты триметазидиннің жоғарылауының байқалуы мүмкін. Бүйрек функциясының бұзылуы орташа (креатинин клиренсі 30-60 мл/мин) пациенттерге таңертең таңғы ас кезінде 1 таблеткадан (35 мг) ұсынылады.

Егде жастағы пациенттерде дозаны іріктеу сақтықпен жүргізілуі тиіс.

Ішке қабылдау үшін

Триметазидин 35 мг бір таблеткадан тамақтану кезінде күніне екі рет (яғни таңертең бір рет және кешке бір рет) тамақтану кезінде.

Триметазидиннің артық дозалануы туралы шектеулі ақпарат бар.

Емдеу симптоматикалық болуы керек.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажетіне қарай)

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден <1/10 дейін), жиі емес (≥ 1/1000-нан <1/100 дейін), сирек (≥ 1/10000-нан <1/1000 дейін), өте сирек (< 1/10000), жиілігі белгісіз (қолдағы мәліметтердің негізінде бағалау мүмкін емес).

Жиі:

- Бас айналу, бас ауыру;

- Іштің ауыруы, диарея, диспепсия, жүрек айну және құсу;

- Бөртпе, қышыну, есекжем;

- Астения.

Сирек:

- Қалтырау, экстрасистолы, тахикардия;

- Артериялық гипотензия, ортостатикалық гипотензия әсіресе гипертензияға қарсы ем қабылдайтын пациенттерде сырқатпен, бас айналумен немесе құлаумен астасуы мүмкін; гиперемия.

Жиілігі белгісіз (қолда бар деректер негізінде бағалау мүмкін емес):

- Паркинсонизм симптомдары (тремор, акинезия, бұлшықет тонусының жоғарылауы), жүріс-тұрыстың тұрақсыздығы, тынышсыз аяқ синдромы, паркинсонизмге жататын басқа да қозғалыс бұзылыстары, әдетте емдеуді тоқтатқаннан кейін қайтымды болады;

- Ұйқының бұзылуы (ұйқысыздық, ұйқышылдық);

- Іш қату;

- Жедел жайылған экзантемалық пустулез (AGEP), ангионевроздық ісіну;

- Агранулоцитоз, тромбоцитопения, тромбоцитті пурпура;

- Гепатит;

- Вертиго.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

әсер етуші зат - 35 мг триметазидин дигидрохлориді.

қосымша заттар: гипромеллоза 2208, сусыз коллоидты кремнийдің қостотығы, магний стеараты, микрокристалды целлюлоза,

қабық құрамы: опадрай II қызғылт (85F34610): жартылай гидролизденген поливинил спирті, титанның қостотығы (E 171), макрогол/ПЭГ, тальк, темірдің (III) сары тотығы (Е 172), темірдің (III) қызыл тотығы (Е 172), магнетит/темірдің (III) қара тотығы (Е 172).

Дөңгелек пішінді, екі беті дөңес, қызғылт түсті үлбірлі қабықпен қапталған таблеткалар

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

6 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

Ылғалдан қорғалған жерде 25 °C-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

«Лекфарм» ЖШБҚ,

Беларусь Республикасы, 223141,  Логойск қ., Минская к-сі, 2а үй, 301 п.

Тел./факс: +375 1774 53801.

www.lekpharm.by

«Лекфарм» ЖШБҚ,

Беларусь Республикасы, 223141,  Логойск қ., Минская к-сі, 2а үй, 301 п.

Тел./факс: +375 1774 53801.

www.lekpharm.by

Қазақстан Республикасындағы «Лекфарм» ЖШБҚ өкілдігі,

050000, Алматы қ., Бостандық ауданы, Әл-Фараби даңғылы 7,

«Нұрлы Тау» БО, 4а корпус, 55 кеңсе,

тел. 8(727)-3110454, факс 8(727)-3110455,

электронды пошта: amangul-62@mail.ru