Травазол крем д/нар. прим. по 15 г (туба)

Дәрілік препаратты медициналық қолдану

жөніндегі нұсқаулық (қосымша парақ)

Саудалық атауы

Травазол

Халықаралық патенттелмеген атауы

Жоқ

Дәрілік түрі, дозасы

Крем, 15 г

Фармакотерапиялық тобы

Дерматология. Кортикостероидтар, дерматологиялық препараттар. Кортикостероидтар, басқа біріктірілімдер. Күшті әсер ететін кортикостероидтар, басқа біріктірілімдер.

АТХ коды D07ХС

Қолданылуы

- айқын қабыну немесе экзема тәрізді тері симптомдарымен, мысалы қолдарында, табанның саусақ арасы бөліктерінде, сондай-ақ шап аймағында және жыныс мүшелерінің аймағында болатын тері беткейінің зеңді инфекцияларын бастапқы немесе кезеңді емдеу.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- препарат компоненттеріне жоғары сезімталдық

- туберкулез

- мерез

- желшешек, белдемелі теміреткі

- розацеа, периоральді дерматит және препарат жаққан жердегі вакцинадан кейінгі тері реакциялары

- тірі вирустық вакцинамен вакцинация кезеңінде

- жүктілік және лактация кезеңі

- 18 жасқа дейінгі балалар

Травазол окклюзиялық таңғышсыз пайдаланылуы тиіс.

Басқа дәрілік препараттармен өзара әрекеттесуі

Анықталмаған.

Арнайы ескертулер

Травазол препараты тек сыртқа қолдануға арналған. Әсері болмағанда немесе кез келген жағымсыз реакциялар пайда болғанда препарат қолдануды тоқтатып, дәрігерге қаралу қажет екендігі тұрғысында пациентке ескерту керек.

Кремді көзге және ашық жара беткейіне тигізіп алмау керек.

Розацеа немесе периоральді дерматиті бар пациенттер препаратты бет терісіне жақпағандары дұрыс.

Бактериялық дерматоздар және/немесе дерматомикоздар болғанда Травазолмен емдеуге қосымша ретінде арнайы антибактериялық ем жүргізген жөн.

Ұзақ уақыт бойы жергілікті глюкокортикостероидтардың шамадан тыс көп мөлшерін терінің ауқымды беткейіне, әсіресе окклюзиялық таңғыш астына жағу, жағымсыз әсерлерінің даму қаупін едәуір арттырады.

Жүйелік кортикостероидтарды қолданғандағы сияқты, жергілікті кортикостероидтарды қолданған кезде глаукома дамуы мүмкін (мысалы, үлкен дозалардан кейін, немесе препаратты ұзақ уақыт бойы ауқымды түрде жаққанда, окклюзиялық таңғыштар қолданғанда немесе препаратты көз маңы терісіне жаққанда).

Саусақтар арасы бөліктерінің инфекциялары кезінде Травазол кремі жағылған дәке жолақтарын саусақтар арасына салған дұрыс болады.

Инфекцияның қайталануын болдырмас үшін жеке гигиена ережелерін сақтаған жөн (сүлгіні, іш киімді (мақтадан болған абзал) күнделікті ауыстыру және қайнату).

Травазолмен емдеу әсеріне қол жеткізу үшін гигиена шараларын тұрақты сақтау өте маңызды. Табанды әрбір жуған сайын саусақтар арасы аймағын құрғағанша мұқият сүрту керек, ал шұлық пен колготкиді күнделікті ауыстыру керек.

Травазол құрамында кетостеарил спирті бар, ол жергілікті тері реакциясын (жанаспалы дерматит) туғызуы мүмкін.

Пациент басқа дәрілік препараттарды бір мезгілде қабылдауы туралы дәрігерді хабардар етуі тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Травазолды терінің зақымданған бөліктеріне жұқалап жағып, жеңіл ысқылайды – ем-шараны тәулігіне 2 рет жүргізеді (таңертең және түнде). Травазолмен емдеуді қабыну үдерісі регрессиясынан кейін тоқтатып, емдеуді құрамында глюкокортикостероидтар (ГКС) жоқ креммен жалғастыру керек. Препаратты жыныс мүшелері аймағы мен шап қатпарларына жағу кезінде мұның маңызы зор.

Емдеу курсы 7 күн, ең ұзақ емдеу - 2 апта.

Артық дозаланған жағдайда қолданылуы қажет шаралар

Симптомдары: жедел артық дозалану симптомдары сипатталмаған, алайда препаратты шамадан тыс немесе ұзақ қолданғанда сипатталған жағымсыз реакциялармен қатар жүретін созылмалы артық дозалану орын алуы мүмкін.

Емі: симптоматикалық ем.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

Әдетте, Травазол сезімтал теріге жаққан кезде де жақсы көтерімді.

Сирек

- тітіркену, қышыну, жаққан жерде күйдіруді сезіну, эритема, везикуляция, құрғау, мацерация. Бұл құбылыстар жеңіл және уақытша сипатта болады және глюкокортикоидтар әсерінің нәтижесі болып табылады әрі емдеу үдерісінде жоғалып кетеді,

- препарат компонентінің қандай да біріне аллергиялық реакциялар.

ГКС әсер етуіне негізделген әсерлері

- ауқымды бөліктерге (тері беткейінің 10% және одан көп) және ұзақ уақыт бойы (4 аптадан астам) қолданғанда (және/немесе окклюзиялық таңғышты пайдаланғанда) тері атрофиясы, телеангиэктазия, стрия, акне пішінді дерматит, фолликулит, периоральді дерматит, гипертрихоз, салдарлы бактериялық жұқпаның қосылуы, терінің қараюы, сондай-ақ ГКС сіңірілуі салдарынан жүйелік жағымсыз әсерлері (гипоталамо-гипофизарлық-бүйрек үсті бездері жүйесі функциясының бәсеңдеуі) болуы мүмкін.

Күтілген дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

15 г препараттың құрамында

белсенді заттар: 0.150 г изоконазол нитраты, 0.015 г дифлукортолон валераты,

қосымша заттар: минерал майы № 6 (сұйық парафин), твин 60, натрий ЭДТА, вазелин, ланетта О (кетостеарил спирті), арлацел 60 (сорбитан стеараты), тазартылған су.

Сыртқы түрінің, иісінің, дәмінің сипаттамасы

Иіссіз гомогенді ақ крем.

Шығарылу түрі және қаптамасы

15 г препараттан полипропиленнен жасалған ақ түсті бұрандалы қақпағы бар алюминий сықпада.

1 сықпа медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Билим Илач Сан. ве Тик. А. С.,

ГОСБ 1900 Сокак №1904, 41480 - Гебзе, Коджаэли, Түркия

Телефон нөмірі: +90 262 678 40 00

Факс: +90 262 678 40 10

Эл.пошта: Pinar.ALP@bilimilac.com

Тіркеу куәлігінің ұстаушысы

Билим Илач Сан. ве Тик. А. С.,

Каптанпаша махаллеси, Зинджирликуйу джад. №184, 34440 Бейоглу - Стамбул, Түркия

Телефон нөмірі: +90 212 365 15 00

Факс: +90 212 276 29 19

Эл.пошта: Pinar.ALP@bilimilac.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«AVITA (АВИТА)» ЖШС

Қазақстан Республикасы, Алматы қ., Алмалы ауд., БӨГЕНБАЙ БАТЫР көшесі, 150 үй, т.е. 13, пошта индексі 050000

тел.: +77007100151

электронды пошта: Infoavita@mail.ru