Синтомицин Алтайвитамины 10% по 25 г (туба)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Синтомицин

Халықаралық патенттелмеген атауы

Жоқ

Дәрілік түрі, дозасы

Линимент 10%

Фармакотерапиялық тобы

Дерматология. Дерматологияда қолдануға арналған антибиотиктер химиотерапиялық препараттары. Жергілікті қолдануға арналған антибиотиктер. Хлорамфеникол.

АТХ коды: D06AX02

Қолданылуы

- сезімтал микроорганизмдерден туындаған жара процесінің II фазасындағы инфекцияланған жаралар (іріңнің, некроздық тіндердің болмауы)

- 2-3 дәрежедегі күйіктер

- ұзақ уақыт жазылмайтын трофикалық ойық жаралар

Қолдану басталғанға дейін қажетті мәліметтер тізбесі

Қолдануға болмайтын жағдайлар

Хлорамфениколға және препараттың басқа компоненттеріне жоғары сезімталдық;

- жаңа туған кезең (4 аптаға дейін)

- сүйек кемігінің қан түзілуін бәсеңдету

- жедел интермиттирлеуші порфирия

- глюко-6-фосфат дегидрогеназа тапшылығы

- бауыр, бүйрек жеткіліксіздігі

- тері аурулары (зең аурулары, псориаз, экзема)

Осмостық белсенділіктің болмауына байланысты (негізі – май, эмульгатор) жара процесінің бірінші фазасында (қатты іріңдеу, тіндердің айқын ісінуі, ауырсыну және некроздық тіндердің болуы) қолдану ұсынылмайды .

Қолдану кезінде қажетті сақтық шаралары

- жүктілік, лактация кезеңі

- балалардың ерте жасында

- цитостатикалық препараттармен немесе сәулелік терапиямен бұрын ем қабылдаған пациенттер

Басқа дәрілік препараттармен өзара әрекеттесуі

Эритромицинмен, клиндамицинмен, линкомицинмен бір мезгілде қолданған кезде хлорамфеникол бұл препараттарды байланысқан күйден ығыстыра алатындықтан немесе олардың бактериялық рибосомдардың 50S суббірлігімен байланысуына кедергі келтіруі есебінен әсердің өзара әлсіреуі байқалады.

Пенициллиндер мен цефалоспориндердің бактерияға қарсы әсерін төмендетеді.

Арнайы ескертулер

Педиатрияда қолдану

Ерте жастағы балалар – сақтықпен.

Жүктілік

Жүктілік кезінде сыртқы қолдану кезінде шаранаға жағымсыз әсерлері анықталған жоқ.

Бала емізу

Бала емізу кезінде сыртқы қолданғанда жағымсыз әсерлері анықталған жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару және механизмдермен жұмыс істеу қабілетіне жағымсыз әсері туралы ақпарат тіркелмеген.

Қолдану бойынша ұсынымдар

Дозалау режимі

Сыртқа. Жаралар мен күйіктерді хирургиялық өңдеуден кейін Синтомицин линимент препараты тікелей жараның бетіне жағылады, одан кейін стерильді таңғыш дәкені төсейді (немесе синтомицин линиментін таңғыш матаға жағып, оны жараның үстіне таңады). Іріңдеген жаралардың қуыстары хирургиялық жолмен өңделгеннен кейін линименті бар тампондармен толтырылады, ал Синтомицин линимент препараты бар дәкелі турундалар жыланкөз жолдарға енгізіледі.

Қабылдау уақыты көрсетілген қолдану жиілігі

Жара процесінің II фазасындағы жаралар мен күйіктерді емдеу кезінде жаралардың біту динамикасына қарай 1-3 тәулік ішінде 1 рет.

Емдеу ұзақтығы

Жаралардың жазылу динамикасына байланысты.

Артық дозалану жағдайында қабылдануы қажет шаралар

Синтомицин линимент препаратының артық дозалану жағдайлары туралы осы уақытқа дейін хабарланған жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер препаратты қолдану тәсілініе қатысты күмән туындаса, дәрігермен кеңесіңіз.

Дәрілік препаратты стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Аллергиялық реакциялар: тері бөртпесі, ангионевроздық ісіну.

Қан түзу ағзалары тарапынан

Сирек (≥1/10000 <1/1000 дейін)

- ретикулоцитопения, тромбоцитопения, эритропения, апластикалық анемия, гранулоцитоз, лейкопения, гранулоцитопения.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 г линименттің құрамы:

Белсенді зат:

Хлорамфеникол [D, L] (синтомицин) - 10,00 г

Қосымша заттар:

Майсана майы20,25 г

Эмульгатор № 18,00 г

Сорбин қышқылы0,20 г

Натрий кармеллозасы1,00 г

Тазартылған су60,55 г

Сыртқы түрінің, иісінің, дәмінің сипаттамасы

Өзіне тән әлсіз иісі бар, ақ немесе сарғыш реңді ақ түсті линимент.

Шығарылу түрі және қаптамасы

25 г препараттан алюминий сықпаларға салынған. 1 сықпадан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

2 жыл.

Жарамдылық мерзімі өткеннен кейін қолдануға болмайды

Сақтау шарттары

15ºС-ден аспайтын температурада.

Балалардың қолы жетпейтін жерде сақтау керек.

Дәріханалардан босатылу шарттары

Рецептісіз

Өндіруші туралы мәліметтер

«Алтайвитамины» ЖАҚ, Ресей Федерациясы

Мекенжайы: 659325, Ресей, Алтай өлкесі, Бийск қ., Заводская к-сі, 69

Телефон: (3854) 338-719, 326-948

Факс (3854) 326-943

Эл.пошта: office@altayvitamin.ru

Тіркеу куәлігінің ұстаушысы

«Алтайвитамины» ЖАҚ, Ресей Федерациясы

Мекенжайы: 659325, Ресей, Алтай өлкесі, Бийск қ., Заводская к-сі, 69

Телефон: (3854) 338-719, 326-948

Факс (3854) 326-943

Эл.пошта: office@altayvitamin.ru

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ЖК Кысмуратова А. Т., Қазақстан Республикасы

050010, Алматы қ., Төле би к-сі, 23 а

ұялы тел. 8 777 230 64 94

Эл.пошта: gulnarareg@mail.ru