Цефамед

Цефамед

Цефтриаксон

Дәрілік түрі, дозасы

0.5 г немесе 1.0 г инъекция үшін ерітінді дайындауға арналған ұнтақ еріткішімен жиынтықта (лидокаин гидрохлориді, инъекцияға арналған 1% ерітіндісі)

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа бета-лактамды препараттар. Үшінші буын цефалоспориндері. Цефтриаксон.

АТХ коды J01DD04

Ересектер мен мерзіміне жетіп жаңа туған нәрестелерді (туғаннан бастап) қоса, балалардағы цефтриаксон препаратына сезімтал қоздырғыштар туғызған инфекциялар:

– бактериялық менингит

– ауруханадан тыс пневмония

– ауруханаішілік пневмония

– жедел ортаңғы отит

– интраабдоминальді инфекция

– бүйрек және несеп шығару жолдарының асқынған инфекциялары (пиелонефритті қоса)

– сүйектер мен буындар инфекциялары

– жұмсақ тіндер мен терінің асқынған инфекциялары

– генитальді инфекциялар, созды қоса

– мерез

– бактериялық эндокардит

– ересек пациенттерде өкпенің созылмалы обструкциялық ауруларының қайталанулары

- ересектер мен 15 күндік жаңа туған нәрестелерді қоса, балалардағы диссеминацияланған Лайм ауруы (бастапқы (ІІ саты) және кейінгі (ІІІ саты))

– операция алдындағы инфекциялық асқынулар профилактикасы

- бактериялық инфекция туғызған қызбадан зардап шегіп жүрген нейтропениясы бар пациенттерді емдеу

– жоғарыда атап көрсетілген инфекциялардың кез келгенімен байланысты немесе оның күмән туындауына орай кездесетін бактериемия бар пациенттерді емдеуде

– цефтриаксонның әсер ету ауқымына болжамды қоздырғыштар қатары кірмейтін жағдайларда препаратты бактерияға қарсы басқа препараттармен біріктірілімде тағайындау керек.

Қолданудың басталуына дейін қажетті мәліметтер тізбесі

– цефтриаксонға, цефалоспориндерге немесе препараттың қосымша заттарының біріне жоғары сезімталдық

– анамнездегі бактерияға қарсы бета-лактамды препараттарға (пенициллиндер, монобактамдар және карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар)

Цефтриаксон қарсы көрсетілімді:

Жасы 41 аптаға дейінгі шала туған нәрестелерге (жатыр ішіндегі даму мерзімі (жүктілік аптасы) + туғаннан кейінгі апталарды есепке алумен)*;

Шала туған нәрестелерге (≤ 28 күндік жастағы):

– гипербилирубинемия, сарғаю, гипоальбуминемия немесе ацидозбен, өйткені осындай жай-күйлерде билирубин байланысуы бұзылады*;

– цефтриаксон кальций тұздарының шөгу қаупі себебінен кальцийді авена ішіне қолдану немесе құрамында кальций бар инфузиялар жасау қажет болса (немесе қажеттілігі күтілсе).

* Цефтриаксон қан сарысуы альбуминімен қосылыстардан билирубинді ығыстыруға қабілетті, бұл осындай пациенттерде билирубин энцефалопатиясының ықтималды қаупіне алып келеді.

– еріткіш - лидокаинге жоғары сезімталдық. Лидокаин пайдаланылатын цефтриаксонның бұлшықетішілік инъекциясын салар алдында лидокаинге қарсы көрсетілімдердің бар-жоғын анықтау қажет. Лидокаинді медициналық қолдану жөніндегі нұсқаулықта лидокаинді қолдануға қарсы көрсетілімдер келтірілген.

Құрамында лидокаин бар цефтриаксон ерітінділерін вена ішіне енгізуге болмайды;

– 15 жасқа дейінгі балаларға лидокаинді еріткіш ретінде пайдалану қарсы көрсетілімді.

Цефамед препаратымен емді бастар алдында пациентте цефтриаксонға, цефалоспориндерге аса жоғары сезімталдық реакциясының немесе басқа бета-лактамды антибиотиктерге аса жоғары сезімталдық реакциясының байқалған-байқалмағанын анықтау қажет.

Рингер ерітіндісі немесе Гартман ерітіндісі сияқты құрамында кальций бар сұйылтқыштарды Цефамед құтыларын қалпына келтіруге немесе шөгінді түзілуі мүмкін екендіктен вена ішіне енгізу үшін қалпына келтірілген құтыны әріқарай сұйылтуға пайдалануға болмайды. Цефтриаксон кальцийдің шөгуі цефтриаксонды құрамында кальций бар ерітінділермен сол вена ішіне енгізу желісінде араластыру кезінде де болуы мүмкін. Цефамед препаратын Y торабы арқылы парентеральді қоректендіру сияқты құрамында кальций бар үздіксіз инфузияларды қоса, құрамында кальций бар вена ішілік ерітінділермен бір мезгілде енгізуге болмайды. Алайда, жаңа туған нәрестелерден өзге пациенттерде, егер инфузиялық катетерлер үйлесімді сұйықтықпен инфузиялар арасында мұқият жуып-шайылса, цефтриаксон мен құрамында кальций бар ерітінділерді бірінен соң бірін енгізуге болады. Кіндік қанының ересек және неонатальді плазмасы пайдаланылатын in vitro зерттеулері жаңа туған нәрестелерде цефтриаксон кальций шөгіндісінің жоғары түзілу қаупін көрсетті.

Пероральді антикоагулянттармен бір мезгілде қолдану K дәруменіне қарсы әсерді және қан кету қаупін арттыруы мүмкін. Цефтриаксонмен емдеу кезінде де, одан кейін де халықаралық қалыптасқан қатынасты (ХҚҚ) жиі бақылап отыру және K дәруменіне қарсы препараттың дозасын тиісінше түзету ұсынылады.

Цефалоспориндермен қолданғанда аминогликозидтердің бүйректік уыттылығының ықтималды артуына қатысты қарама-қайшы деректер бар. Осындай жағдайларда клиникалық практикада аминогликозидтер деңгейіне (бүйрек функциясына) ұсынылатын мониторингті қатаң ұстану керек.

Хлорамфеникол мен цефтриаксон біріктірілімінде антагонистік әсерлері байқалды. Осы зерттеудің клиникалық мәні белгісіз.

Цефтриаксонның құрамында кальций бар пероральді препараттармен өзара әрекеттесуі туралы немесе бұлшықетішілік цефтриаксонның құрамында кальций бар препараттармен (венаішілік немесе пероральді) өзара әрекеттесуі туралы хабарламалар келіп түспеді.

Цефтриаксон қабылдаған пациенттерде Кумбс тестісі жалған оң тест нәтижелеріне әкелуі мүмкін.

Цефтриаксон, басқа да антибиотиктер сияқты, галактоземияның жалған оң тестілеріне әкелуі мүмкін.

Ұқсас үлгіде, несепте глюкозаны анықтаудың ферментативтік емес әдістері жалған оң нәтижелер беруі мүмкін. Сол себепті, цефтриаксонмен ем кезінде несептегі глюкоза деңгейін анықтауды ферментативті жүргізген жөн.

Цефтриаксон мен күшті әсер ететін диуретиктердің (мысалы, фуросемид) көп дозаларын бір мезгілде қабылдаудан кейін бүйрек функциясының бұзылуы байқалмады.

Пробенецидті бір мезгілде қолдану цефтриаксон шығарылуын төмендетпейді.

Цефтриаксон амсакринмен, ванкомицинмен, флуконазолмен және аминогликозидтермен үйлесімсіз.

Арнайы сақтандырулар

Аса жоғары сезімталдық реакциялары

Басқа бета-лактамды антибиотиктер қолдану кезіндегі сияқты, аса жоғары сезімталдықтың, оның ішінде өліммен аяқталатын ауыр реакциялары тіркелді. Аса жоғары сезімталдықтың ауыр реакциясы дамығанда Цефамед препаратымен емді дереу тоқтатып, тиісті шұғыл емдеу шараларын жасау қажет. Цефамед препаратымен емдеуді бастар алдында пациентте цефтриаксонға, цефалоспоринге аса жоғары сезімталдық реакциялары немесе басқа бета-лактамды антибиотиктерге (пенициллиндер, монобактамдар және карбапенемдер) аса жоғары сезімталдықтың ауыр реакциялары байқалу-байқалмауын анықтау қажет. Анамнезінде басқа бета-лактамды антибиотиктерге (пенициллиндер, монобактамдар және карбапенемдер) аса жоғары сезімталдықтың ауыр емес реакциялары бар пациенттерде цефтриаксонды қолданғанда сақ болу қажет.

Аса жоғары сезімталдықтың терідегі реакцияларының (Стивенс-Джонсон синдромы немесе Лайелл синдромы/уытты эпидермалық некролиз, сондай-ақ эозинофилиямен және жүйелі симптомдармен (DRESS) болатын дәрілік реакция) өліммен аяқталуға әкелуі мүмкін даму жағдайлары хабарланды. Осындай реакциялардың даму жиілігі белгісіз.

Құрамында кальций бар препараттармен өзара әрекеттесуі

Жасы 1 айға толмаған шала туған және мерзіміне жетіп туған нәрестелерде өкпе мен бүйректе цефтриаксон-кальций преципитаттарымен өлімге ұшырататын дәрілік реакциялар жағдайлары сипатталды. Олардың, кем дегенде, біреуі цефтриаксон мен кальцийді әртүрлі уақытта және алуан түрлі венаішілік желілер арқылы алды. Қолда бар ғылыми деректерде цефтриаксон мен құрамында кальций бар ерітінділерді немесе құрамында кальций бар кез келген басқа өнімдерді қабылдаған жаңа туған нәрестелерден басқа пациенттерде расталған тамырішілік шөгінділер туралы хабарамалар жоқ. Жаңа туған нәрестелерде, басқа жас топтарымен салыстырғанда, цефтриаксон кальций шөгіндісінің түзілу қаупі жоғары болады.

Жаңа туған нәрестелерден басқа, пациенттердің барлық топтары үшін в/і енгізулер арасында инфузиялық жүйені физиологиялық ерітіндімен мұқият жуып-шаюмен цефтриаксон мен құрамында кальций бар ерітінділерді бірізді енгізуге болады. Парентеральді қоректендіруге арналған құрамында кальций бар ерітінділерді тағайындау қажет болса, преципитаттардың түзілуін болдырмау мақсатында басқа антибиотикті тағайындау мүмкіндігін қарастыру керек. Құрамында кальций бар ерітінділермен парентеральді қорек алатын пациенттерге цефтриаксон енгізу  қажет болған жағдайларда оларды венаға жетімді әртүрлі жолдарды пайдаланумен бір мезгілде енгізеді немесе цефтриаксон инфузиясы кезеңінде құрамында кальций бар ерітінділермен парентеральді қоректендіруді тоқтата тұруға болады. Жасы 28 күннен асып кеткен пациенттерге цефтриаксон мен құрамында кальций бар ерітінділерді, егер инфузиялық жүйелер венаға жетімді әртүрлі жолмен пайдаланылса немесе егер инфузиялық жүйелер алмастырылса немесе шөгінді түзілуін болдымау үшін инфузия арасында физиологиялық тұз ерітіндісімен мұқият жуылып-шайылса, цефтриаксон мен құрамында кальций бар ерітінділерді бірінен соң бірін бірізді енгізуге болады.

Балаларда қолдану Цефамед препаратының қауіпсіздігі мен тиімділігі жаңа туған нәрестелерде, сәбилерде (емшектегі балалар) және кішкентай жастағы балаларда «Дозалау режимі және қолдану тәсілі» бөлімінде сипатталған дозаларында анықталды. Зерттеулер, басқа цефалоспориндер сияқты, цефтриаксонның сарысулық альбуминмен байланыстан билирубинді ығыстыра алатынын көрсетті. Цефамед препаратын жаңа туған нәрестелерде, әсіресе, билирубин энцефалопатиясының даму қаупі бар шала туған нәрестелерде қолдануға болмайды.

Иммундық себептен болатын гемолиздік анемия

Басқа цефалоспориндерді қолдану кезіндегідей, Цефамед препаратымен емдеу кезінде аутоиммундық гемолиздік анемия дамуы мүмкін. Ересектер мен балаларда ауыр гемолиздік анемияның, оның ішінде өліммен аяқталған жағдайлары тіркелді. Цефтриаксонмен емдеуде жүрген пациентте анемия дамығанда цефалоспоринмен астасқан анемия диагнозын жоққа шығаруға болмайды және себебі анықталғанша емдеуді тоқтату қажет.

Ұзақ уақыт емдеу

Ұзақ уақыт емдеу кезінде шеткері қан көрінісін, бауыр мен бүйректің функционалдық жағдайының көрсеткіштерін жүйелі бақылап отыру қажет.

Колит / Асқын инфекциялар

Бактерияға қарсы басқа препараттардың көпшілігін қолдану кезіндегідей, цефтриаксонмен емдеу кезінде Clostridium difficile (C.difficile) туғызған диареяның ауырлығы әртүрлі: жеңіл диареядан өліммен аяқталған колитке дейін даму жағдайлары тіркелді.

Ондай жағдайларда ішек перистальтикасын тежейтін дәрілік заттарды қолдануға болмайды. Бактерияға қарсы басқа препараттармен емдеу кезіндегідей асқын инфекция дамуы мүмкін.

Бүйрек және бауырдың ауыр жеткіліксіздігі

Бүйректің және бауырдың ауыр жеткіліксіздігінің бірігуінде препаратты қолданудың тиімділігі мен қауіпсіздігін мұқият қадағалау керек.

Серологиялық зерттеулер

Цефтриаксонмен емдеу кезінде Кумбс сынамасының, галактоземия сынамасының, несептегі глюкоза анықтамасының (глюкозурияны тек ферменттік әдіспен анықтау ұсынылады) жалған оң нәтижелерін байқауға болады.

Цефтриаксон қолдану қандағы глюкоза деңгейіне жасалған тест мәнін бұрмалауы (төмендетуі) мүмкін. Тест-жүйелер қолдану жөніндегі нұсқаулық көрсетілімдерін қадағалау қажет. Қажет болса, баламалы зерттеу әдістерін пайдалану керек.

Натрий мөлшері

Цефамед препаратының 1 г құрамында 3.6 ммоль натрий бар. Оны натрий бақыланатын диетада жүрген пациенттер ескеру керек.

Цефтриаксонның бактерияға қарсы әсер ету ауқымы

Цефтриаксонның әсер ету ауқымы шектеулі және, патогенді агент анықталған жағдайларды қоспағанда, Цефамед препаратымен монотерапия бактериялардың кейбір типтеріне қатысты тиімсіз болуы мүмкін. Цефтриаксонға төзімді штаммдары болатын полимикробты инфекцияда Цефамед басқа антибиотиктермен бір мезгілде тағайындалу керек.

Лидокаин қолдану

Құрамында лидокаин бар цефтриаксон ерітінділерін тек бұлшықет ішіне енгізу керек. Лидокаинді қолдануға қарсы көрсетілімдер лидокаинді медициналық қолдану жөніндегі нұсқаулықта келтірілген. Лидокаин ерітіндісін вена ішіне енгізуге болмайды.

Өт тастары

Сонограммаларда көлеңкелер байқалғанда цефтриаксон кальций шөгіндісінің түзілу мүмкіндігін ескеру керек. Өт қалтасындағы тастар болып қате қабылданған көлеңкелер, әдетте, ұсынылған стандартты дозадан асып кететін дозалардан кейін өт қалтасының сонограммаларынан табылды. Балаларды емдеу кезінде ерекше көңіл бөлу керек. Осы көлеңкелер, дегенмен, цефтриаксонмен ем аяқталған соң немесе тоқтатудан кейін жоғалатын цефтриаксон кальций шөгінділері болып табылады. Осы нәтижелер симптомдармен сирек байланысты болды. Симптоматикалық жағдайларда хирургиялық емес консервативті емдеу ұсынылады, ал симптоматикалық жағдайларда цефтриаксонмен емдеуді тоқтату емдеуші дәрігердің шешімімен болуы тиіс.

Панкреатит

Цефамед препаратын алған пациенттерде өт жолдарының обструкциясы салдарынан болуы мүмкін панкреатиттің сирек жағдайлары сипатталды. Осы пациенттердің көпшілігінде осыған дейін өт жолдарындағы іркілудің қауіп факторлары болды, мысалы, бұрын жүргізілген ем, ауыр аурулар және толық парентеральді қоректену. Осы орайда Цефамед препаратының әсер етуімен өт жолдарында түзілген преципитаттардың панкреатит дамуына түрткі болу рөлін жоққа шығаруға болмайды.

Бүйректік литиаз

Цефтриаксон қабылдау тоқтатылғанда қайтымды болатын бүйректік литиаз жағдайлары хабарланды. Симптоматикалық жағдайларда сонограмма жасаған жөн. Ренальді литиаз немесе гиперкальциурия тарихы бар пациенттердегі емнің пайдасын дәрігер нақты пациент үшін қауіп бағасын негізге ала отырып, қарастыруы тиіс.

Яриш-Герксгеймер реакциясы (JHR)

Цефтриаксонмен емделуден кейін тез арада спирохеттер туғызған инфекциясы бар кейбір пациенттерде Яриш-Герксгеймер реакциясы (JHR) туындауы мүмкін. Реакция әдетте өз бетінше өтеді немесе оны симптоматикалық емдеумен басуға болады. Реакция туындаған жағдайда антибиотиктермен емдеуді тоқтатуға болмайды.

Энцефалопатия

Цефтриаксонды қолдану кезінде, әсіресе ауыр бүйрек жеткіліксіздігі немесе орталық жүйке жүйесінің бұзылулары бар егде жастағы адамдарда энцефалопатия дамығаны туралы хабарланған. Цефтриаксонмен байланысты энцефалопатияға (мысалы, сана деңгейінің төмендеуі, психикалық жай-күйдің өзгеруі, миоклонус, құрысулар) күдік туған кезде цефтриаксонды қабылдауды тоқтату туралы мәселені қарау керек.

Дозалау режимі

Доза инфекцияның ауырлығына, сезімталдығына, орны мен типіне, сондай-ақ пациенттің жасына және бауыр мен бүйрек функциясының жағдайына байланысты.

Төменде келтірілген кестелерде ұсынылатын дозалар, әдетте, осы көрсетілімдерде ұсынылған дозалар болып табылады. Ерекше ауыр жағдайларда ұсынылған диапазонның ең жоғары шегіндегі дозаларын есепке алу керек.

Ересектер мен 12 жастан асқан балалар (≥50 кг)

*Расталған бактериемияда ұсынылған диапазонның жоғарғы шегіндегі доза тағайындалады.

**Күнделікті 2 г-ден асатын доза тағайындалғанда тәулігіне екі рет (әр 12 сағат сайын) енгізуге болады.

Белгілі бір дозалау режимі қажет болатын ересектер мен 12 жастан асқан балалар (≥ 50 кг) үшін көрсетілімдер

Жедел ортаңғы отит:

Б/і тәулігіне 1 рет 1-2 г бір реттік бұлшықетішілік дозасын енгізуге болады.

Егер пациент ауыр жағдайда болған немесе алдыңғы ем тиімсіз болған жағдайда Цефамедті 3 күн бойы тәулігіне 1-2 г дозада бұлшықет ішіне тағайындауға болады.

Хирургиялық инфекциялардың операция алдындағы профилактикасы Операциялық араласу алдында бір реттік инъекция түрінде 2 г ұсынылады.

Соз

б/і бір рет 500 мг.

Мерез

Әдетте ұсынылатын дозасы 500 мг - 1 г тәулігіне 1 рет; нейромерезді емдеу үшін дозаны 10-14 күн бойы тәулігіне 1 рет 2 г дейін арттыруға болады. Мерез, оның ішінде нейромерез кезінде Цефамед препаратын дозалау жөніндегі деректер шектеулі. Сондықтан, егер бар болса, емдеу жөніндегі ұлттық немесе жергілікті нұсқауларды ұстану керек.

Жайылған Лайм боррелиозы (бастапқы [II саты] және соңғы [III саты] сатылары) – 14-21 күн бойы тәулігіне 1 рет 2 г. Ұсынылатын емдеу ұзақтығы өзгеріп отырады. Егер бар болса, емдеу жөніндегі ұлттық немесе жергілікті нұсқауларды ұстану керек.

Балалар

Жаңа туған нәрестелер, 15 күндіктен 12 жасқа дейінгі сәбилер мен балалар (<50 кг)

*Расталған бактериемияда ұсынылған диапазонның жоғарғы шегіндегі доза тағайындалады.

**Күнделікті 2 г-ден асатын доза тағайындалғанда тәулігіне екі рет (әр 12 сағат сайын) енгізуге болады.

Ерекше дозалау режимі қажет болатын жаңа туған нәрестелер, 15 күндіктен 12 жасқа дейінгі сәбилер мен балалар (<50 кг) үшін көрсетілімдер

Жедел ортаңғы отит

Жедел ортаңғы отитті емдеудің басында Цефамед 50 мг/кг дозада бір реттік бұлшықетішілік инъекция түрінде енгізіледі. Егер бала ауыр жағдайда болған немесе алдыңғы ем тиімсіз болған жағдайда, Цефамедті 3 күн бойы тәулігіне 50 мг/кг дозада бұлшықет ішіне енгізуге болады.

Хирургиялық инфекциялардың операция алдындағы профилактикасы Операциялық араласу алдында бір реттік инъекция түрінде 50-80 мг/кг ұсынылады.

Мерез

Әдеттегі ұсынылатын доза – 10-14 күн бойы тәулігіне бір рет 75-100 мг/кг (ең көбі 4 г). Мерез, соның ішінде нейромерез кезінде Цефамедті дозалау жөніндегі деректер шектеулі. Сондықтан, егер бар болса, емдеу жөніндегі ұлттық немесе жергілікті нұсқаулықтарды ұстану керек.

Жайылған Лайм боррелиозы (бастапқы [II саты] және соңғы [III саты] сатылары) – 14-21 күн бойы тәулігіне бір рет 50-80 мг/кг. Ұсынылатын емдеу курсы өзгеріп отырады. Егер бар болса, емдеу жөніндегі ұлттық немесе жергілікті нұсқауларды ұстану керек.

0-14 күндік жаңа туған нәрестелер

Цефтриаксон, құрсақішілік даму мерзімінің ескерілуімен, 41 апталық жасқа дейінгі (гестациялық жас + туғаннан кейінгі жас) шала туылған нәрестелерге қарсы көрсетілімді.

*Расталған бактериемияда ұсынылған диапазонның жоғарғы шегіндегі доза тағайындалады.

Ең жоғары тәуліктік доза 50 мг/кг-ден асырылмауы тиіс.

Ерекше дозалау режимі қажет болатын жасы 0-ден 14 күнге дейінгі жаңа туған нәрестелер үшін көрсетілімдер:

Жедел ортаңғы отит

Жедел ортаңғы отитті емдеудің басында Цефамед 50 мг/кг дозада бір реттік бұлшықетішілік инъекция түрінде енгізіледі.

Хирургиялық инфекциялардың операция алдындағы профилактикасы Операциялық араласу алдында бір реттік инъекция түрінде 20-50 мг/кг ұсынылады.

Мерез

Әдеттегі ұсынылатын доза – 10-14 күн бойы тәулігіне бір рет 50 мг/кг. Мерез, оның ішінде нейромерез кезінде Цефамед препаратын дозалау жөніндегі деректер шектеулі. Сондықтан, егер бар болса, емдеу жөніндегі ұлттық немесе жергілікті нұсқауларды ұстану керек.

Ем ұзақтығы

Ем ұзақтығы инфекциялық ауру ағымына байланысты. Үнемі антибиотиктермен ем кезіндегі сияқты, Цефамед препаратын температура қалыпқа түскен соң және қоздырғыш эрадикациясының расталуынан кейін тағы кем дегенде 48-72 сағат бойы жалғастырған жөн.

Пациенттердің ерекше топтары

Егде жастағы пациенттер

Бүйрек және бауыр функциялары қанағаттанарлық болған жағдайда егде жастағы пациенттерге дозаны түзету қажет емес.

Бауыр жеткіліксіздігі бар пациенттер

Қолда бар деректер, бүйрек функциясы бұзылмаған жағдайда, бауыр функциясының жеңіл немесе орташа бұзылуында дозаны азайту қажеттілігін көрсетпейді.

Бауыр жеткіліксіздігі ауыр пациенттерде жүргізілген зерттеу деректері жоқ. Бүйрек жеткіліксіздігі бар пациенттер

Бүйрек функциясының бұзылуы бар пациенттерде, бауыр функциясы бұзылмаған жағдайда, цефтриаксон дозасын азайту қажет емес. Терминалдық бүйрек жеткіліксіздігінің алдындағы (креатинин клиренсі < 10 мл/мин) жағдайларда ғана цефтриаксон дозасы тәулігіне 2 г-ден аспауы тиіс.

Диализде жүрген пациенттерде диализден кейін қосымша дозалау қажет емес. Оның шығарылу жылдамдығы төмендеуі мүмкін, сондықтан, плазмадағы Цефтриаксон перитонеальді диализбен немесе гемодиализбен шығарылмайды. Қауіпсіздігі мен тиімділігіне мұқият клиникалық мониторинг ұсынылады.

Бауыр және бүйректің ауыр жеткіліксіздігі бар пациенттер

Бүйрек пен бауырдың ауыр дисфункциясы бар пациенттерде қауіпсіздігі мен тиімділігіне мұқият клиникалық мониторинг ұсынылады

Цефамед бұлшықет ішіне және вена ішіне сорғалатып немесе тамшылатып енгізіледі.

Бұлшықет ішіне қолдану

Цефамед препаратының ерітіндісі бір енгізілетін орынға 1 г-ден аспайтын көлемде ірі бұлшықетке терең енгізіледі.

Цефтриаксон ерітіндісін вена ішіне енгізу үшін еріткіш ретінде лидокаинді пайдалану қарсы көрсетілімді!

Ерітіндіні б/і енгізу үшін еріткіш ретінде лидокаин пайдаланылғанда енгізер алдында пациентте лидокаинді қолдануға қарсы көрсетілімнің барын жоққа шығару (лидокаинді қолдану жөніндегі нұсқаулықты қараңыз), сондай-ақ анамнездегі лидокаинге аллергиялық реакцияларды ескеру керек.

15 жасқа дейінгі балаларға еріткіш ретінде лидокаинді пайдалануға тыйым салынады.

15 жастан асқан балаларда еріткіш ретінде лидокаинді пайдаланғанда лидокаинге тері ішіне аллергиялық сынама жасау ұсынылады.

Вена ішіне енгізу

Цефамед препаратының ерітіндісін ұзақтығы кемінде 30 минут венаішілік инфузия (ұтымды тәсілі) немесе ұзақтығы кемінде 5 минут баяу венаішілік инъекция түрінде қолдануға болады. Үзік-үзік венаішілік инъекцияны, дұрысы, ірі веналарға 5 минут ішінде енгізу керек. Сәбилер мен 12 жасқа дейінгі балаларға 50 мг/кг немесе одан көп венаішілік дозалары инфузия арқылы енгізілуі тиіс. Жаңа туған нәрестелерде билирубиндік энцефалопатияның ықтималды даму қаупін төмендету үшін венаішілік дозалары 60 минут ішінде енгізілуі тиіс. Вена ішіне енгізу мүмкін болмаса немесе қолайсыз болса, бұлшықетішілік тәсілін қолдану мүмкіндігін қарастыру керек. 2 г-ден жоғары дозалары венаішілік тәсілмен енгізіледі.

Цефтриаксонның кальций тұздары шөгіндісінің түзілу қаупіне байланысты, парентеральді қоректендіруге арналған ерітінділер сияқты үздіксіз инфузияға арналған құрамында кальций бар ерітінділерді қоса, құрамында кальций бар ерітінділерді вена ішіне енгізу қажет болатын (немесе қажет болады деп күтілетін) жаңа туған нәрестелерде (≤ 28 күндік жастағы) цефтриаксон қарсы көрсетілімді.

Шөгінді түзілу қаупін ескеріп, құтылардағы цефтриаксонды ерітуге немесе вена ішіне енгізу үшін әзірленген ерітіндіні әріқарай сұйылтуға құрамында кальций бар еріткіштерді (мысалы, Рингер ерітіндісі немесе Хартман ерітіндісі) қолдануға болмайды.

Препаратты құрамында кальций бар ерітінділермен вена ішіне енгізуге арналған бір инфузиялық жүйеде араластырғанда да цефтриаксонның кальций тұздары шөгіндісінің түзілуі болуы мүмкін. Сондықтан цефтриаксон мен құрамында кальций бар ерітінділерді араластыруға немесе бір мезгілде қолдануға болмайды.

Хирургиялық инфекциялардың операция алдындағы профилактикасында цефтриаксон операцияның басталуына дейін 30-90 минут бұрын қолданылу керек.

Препаратты дайындау ережелері

Бұлшықет ішіне енгізу үшін:

Цефамед 500 мг препаратын 2 мл 1% лидокаин гидрохлориді ерітіндісінде ерітеді.

Цефамед 1 мг препаратын 3.5 мл 1% лидокаин гидрохлориді ерітіндісінде ерітеді.

Вена ішіне енгізу үшін:

Цефамед 500 мг препаратын инъекцияға арналған 5 мл суда ерітеді.

Цефамед 1 мг препаратын инъекцияға арналған 10 мл суда ерітеді.

Цефамед 0.5 г немесе 1.0 г препаратының инъекциялары үшін жаңа әзірленген ерітіндіні пайдалану ұсынылады. Алайда, дайындалған ерітінді (1% лидокаин гидрохлориді еріткішімен) 2°C-8°C температурада сақталғанда 24 сағат бойы немесе 15°C-25°C температурада сақталғанда 6 сағат бойы тұрақты.

Цефамедті 1% лидокаин гидрохлориді ерітіндісінен басқа (тек бұлшықетішілік инъекцияға арналған), қандай да бір өзге препараттармен сол бір ғана шприцте араластыруға болмайды.

Әр жолы қолданудан кейін инфузиялық жүйені жуып-шаю қажет.

Цефамед препаратының құтысы тек бір рет пайдалануға арналған, қалған ерітіндіні/ұнтақты жойып жіберу керек.

Артық дозалану кезінде қабылдау қажет болатын шаралар

Цефамед препараты артық дозаланғанда жүрек айну, құсу және диарея туындауы мүмкін. Цефтриаксон гемодиализ немесе перитонеальді диализ арқылы шығарылмайды. Арнайы антидоты жоқ. Емдеу - симптоматикалық.

Дәрілік препаратты қолдану тәсілін түсіндіру үшін медициналық қызметкер кеңесіне жүгінуге кеңес беріледі.

Жиі

- эозинофилия, лейкопения, тромбоцитопения

- диарея, сұйық нәжіс

- бауыр ферменттері белсенділігінің жоғарылауы

- бөрту

Жиі емес

- жыныс мүшелерінің зеңді инфекциясының дамуы

- бас ауыру, бас айналу

- гранулоцитопения, анемия, коагулопатия

- жүрек айну, құсу

- қышыну

- инъекция орнының ауыруы, флебит, қызба күйі

- қанда креатинин деңгейінің жоғарылауы

Сирек

- жалған жарғақшалы колит

- энцефалопатия

- бронх түйілуі

- есекжем

- гематурия, глюкозурия

- ісіну

- қалтырау

Жиілігі белгісіз

- асқын инфекция

- гемолиздік анемия

- агранулоцитоз

- анафилаксиялық реакция, анафилактоидтық реакция, жоғары сезімталдық, анафилаксиялық шок

- құрысулар

- вертиго

- стоматит, глоссит, панкреатит

- өт қалтасында цефтриаксонның кальций тұздары преципиттарының түзілуі, ядролық сарғаю

- жедел жайылған экзантематоздық пустулез, Стивенс-Джонсон синдромы, уытты эпидермалық некролиз, мультиформалы эритема

- олигоурия, бүйректегі (кальций шөгуі) преципитация (қайтымды)

- Кумбс сынамасының, галактоземия тестісінің, несептегі глюкозаны анықтаудың ферментативтік емес әдістерінің жалған оң нәтижелері.

- эозинофилиямен және жүйелік симптомдармен (DRESS – синдром) болатын дәрілік реакция

- Яриш-Герксгеймер (JHR) реакциясы

Цефтриаксонмен емдеу, әсіресе бүйректің немесе жүйке жүйесінің ауыр аурулары бар егде жастағы науқастарда, сирек жағдайда сананың төмендеуіне, қалыптан тыс қозғалыстарға, қозу мен құрысуларға әкелуі мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер