Лацидофил

Лацидофил® - WM

Жоқ

Капсулалар

Ас қорыту жүйесі және зат алмасу. Диареяға қарсы, ішекке арналған қабынуға қарсы/микробқа қарсы препараттар. Диареяға қарсы микроорганизмдер. Сүт қышқылын өндіретін микроорганизмдер.

АТХ коды А07FA01

- антибиотиктермен емдеу кезінде және одан кейін асқазан-ішек жолының микрофлорасы бұзылыстарының профилактикасында

- саяхатшылар диареясының профилактикасында

- антибиотикпен емдеу кезінде және одан кейін демеуші емде

Қолдануды бастағанға дейін қажетті мәліметтер тізбесі

- белсенді заттарға немесе препарат құрамына кіретін қосымша заттардың қандай да біреуіне аса жоғары сезімталдық;

- сиыр сүті ақуызына немесе сояға расталған аллергия;

- лактаза (Лапп түрі) немесе сахараза-изомальтаза тапшылығы;

- тұқым қуалайтын галактоза көтере алмаушылығы, фруктозаға төзбеушілікпен байланысты бұзылулар, глюкоза-галактозаның мальабсорбциясы.

Емдеуші дәрігерге рецептісіз препараттарды қоса, пациент қабылдайтын барлық препараттар туралы хабарлау қажет.

Басқа дәрілік препараттармен өзара әрекеттесу жағдайлары туралы хабарланбаған.

Келесі топтарға жататын пациенттер осы дәрілік препаратты қолданар алдында дәрігермен кеңесуі тиіс:

- қызба, құсу немесе іштің қатты ауыруы бар пациенттер;

- жедел панкреатиті бар пациенттер;

- орталық веналық катетерлері бар пациенттер және операциядан кейінгі кезеңдегі пациенттер, әсіресе анамнезінде миокардитке немесе эндокардитке нұсқаулар бар пациенттер немесе жүрекке, асқазан-ішек жолына немесе ауыз қуысына операция жасағаннан кейінгі пациенттер (тіс жұлуды қоса), себебі ашық жаралар бактериялық инфекцияның ықтимал ену орындары болып табылады;

- қан аралас нәжіспен пациенттер, әсіресе нәрестелер мен егде жастағы пациенттер, себебі өткізгіш ішек бөгеттері бактериялық инфекцияның ықтимал ену орындары болып табылады;

- иммунитеті әлсіреген пациенттер және иммунитетті басуға арналған препараттарды қабылдайтын пациенттер, оның ішінде трансплантациядан кейінгі пациенттер, радиотерапияға немесе химиотерапияға ұшырайтын пациенттер, иммундық жүйесі бұзылған пациенттер, шала туған балалар, ЖИТС, лимфомасы бар пациенттер немесе кортикостероидтармен ұзақ уақыт емделген пациенттер;

- пробиотиктерді қолданғанда лактоацидоз туындауы мүмкін, қысқа ішек синдромына шалдыққан балалар. Пациенттердің осы санатында L. helveticus сияқты лактобактериялардың штаммдарын қолдану қанда бақылауды қажет етеді және лактат деңгейі жоғарылаған жағдайда дереу тоқтатылуы тиіс.

Жүктілік немесе лактация кезінде

Лацидофил®-WM препаратын әйелдерде жүктілік және лактация кезеңінде қолдану туралы деректер жоқ немесе шектелген.

Осы дәрілік препараттың жүктілік пен лактацияға белгілі зиянды әсерлері жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Лацидофил®-WM автокөлік жүргізу және механизмдерді басқару қабілетіне әсер етпейді.

Дозалау режимі

Антибиотиктермен емдеу кезінде және одан кейін асқазан-ішек жолының микрофлорасы бұзылуларының профилактикасында, саяхатшылар диареясының профилактикасында:

- 4 жасқа дейінгі балалар: тәулігіне 1 капсула;

- 4 жастан 12 жасқа дейінгі балалар: тәулігіне 1-2 капсула;

- ересектер мен 12 жастан асқан балалар: тәулігіне 3 рет 1 капсула.

Лацидофил®-WM антибиотиктермен жүргізілетін еммен бір мезгілде немесе саяхат алдында және саяхат кезінде кемінде 10 күн бойы қабылданады.

Антибиотикпен емдеу кезінде және одан кейін демеуші емде:

- нәрестелер: тәулігіне 1 капсула;

- 1 жастан 4 жасқа дейінгі балалар: тәулігіне 2 рет 1 капсула;

- 4 жастан 12 жасқа дейінгі балалар: тәулігіне 3 рет 1 капсула;

- ересектер мен 12 жастан асқан балалар: тәулігіне 3 рет 1-2 капсула.

Лацидофил®-WM 14 күннен асырмай қабылданады.

Енгізу әдісі мен жолы

Ішке қабылдау үшін. Капсулаларды тамақ ішу кезінде немесе тамақ ішкеннен кейін 30 минут бұрын қабылданады.

Қажет болған жағдайда (мысалы, нәрестелерде немесе капсуланы тұтастай жұтуға қабілетсіз адамдарда) капсуланың ішіндегісін бөлме температурасындағы сумен немесе тамақпен араластыруға болады.

Артық дозалану жағдайлары туралы хабарламалар жоқ.

Дәрілік препаратты қолдану тәсілін түсіндіру үшін медициналық

қызметкерден кеңес алу үшін жүгіну ұсынылады.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте сирек жағдайларда бөртпе немесе диарея ретінде көрінетін аса жоғары сезімталдық реакциялары туралы хабарланды. Мұндай жағдайларда симптомдар жойылғанша препаратты қолдануды тоқтата тұру ұсынылады. Басқа жағымсыз реакциялар белгісіз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір капсуланың құрамында

белсенді заттар: lactobacillus rhamnosus R0011 –1.9·109 КТБ

lactobacillus helveticus R0052 – 0.1·109 КТБ

(Бактериялық өсіріндінің жалпы мөлшері) (2.0·109 КТБ)

қосымша заттар: мальтодекстрин, магний стеараты, аскорбин қышқылы, желатин.

Сыртқы түрінің, иісінің және дәмінің сипаттамасы

Мөлдір қатты желатинді капсулалар, өлшемі №2.

Капсула ішіндегісі – кішкентай сарғыш дақтары бар ұсақ дисперстік ақ ұнтақ.

10 капсуладан ПВХ және алюминий фольгадан жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

3 жыл

Жарамдылық мерзімі өткеннен кейін қолдануға болмайды!

2°С -ден 8°С-ге дейінгі температурада тоңазытқышта сақтау керек.

Балалардың қолы жетпейтін жерде сақтау керек!

Рецептісіз

«Уорлд Медицин Илач Сан. ве Тидж. А.Ш.»

15 Теммуз Мах., Джами Йолу Джад. № 50, Гюнешли, Багджылар,

Стамбул, Түркия

Тел: +90 (212) 474 70 50, факс: +90 (212) 474 09 01, Электронды пошта:

info@worldmedicine.com.tr

«УОРЛД МЕДИЦИН ЛТД.»

Бербути к-сі, 10/Алмасиани к-сі, 19-21, 26 кеңсе (корп.II), Тбилиси қ-сы, Грузия

Тел: + 995 32 2 21 28 12, факс: + 995 32 2 21 28 13,

Электронды пошта: worldmedicine.llc.geo@gmail.com

«РИН Фарм» ЖШС, Қазақстан Республикасы, Алматы қ., Сүйінбай д-лы, 222 б

Тел/факс: 8 (7272) 529090, электронды пошта: rin_pharma@mail.ru

«РИН Фарм» ЖШС, Қазақстан Республикасы, Алматы қ., Сүйінбай д-лы, 222-б

Ұялы телефон: +7 701 786 33 98

электронды пошта: pvpharma@worldmedicine.kz