Полижинакс капсулы вагинал. №6 (блистер)

Полижинакс

Жоқ

Қынаптық капсулалар

Несеп-жыныс жүйесі және жыныс гормондары. Гинекологиялық инфекцияға қарсы және антисептикалық препараттар. Инфекцияға қарсы және антисептикалық препараттар, кортикостероидтармен біріктірілімдерін қоспағанда. Бактерияға қарсы препараттар. Басқа препараттармен біріктірілген нистатин.

АТХ коды G01AA51

Сезімтал микробтар (бактериялық вагинит, Candida albicans және Candida non-albicans тудырған вульвовагинит, аралас вагинит) және бактериялық вагиноз туындататын вагинитті жергілікті емдеу.

Бактерияға қарсы дәрілерді дұрыс пайдалану жөніндегі ресми ұсыныстарды ескеру керек.

Қолданудың басталуына дейін қажетті мәліметтер тізбесі

- әсер етуші заттарға немесе қосымша заттардың кез келгеніне (немесе бірнеше затқа) аса жоғары сезімталдық,

- ерлерге арналған полиуретан мүшеқаптарды, әйелдерге арналған мүшеқаптарды және ұрықтануға қарсы диафрагмаларды пайдалану,

- соя майының болуына байланысты жержаңғақ немесе сояға аллергия.

Бұл препаратты әдетте спермицидтермен бірге пайдалану ұсынылмайды.

Жергілікті-тітіркендіргіш әсері немесе аллергиялық реакция жағдайында емдеуді тоқтату керек.

Жергілікті қолданғанда антибиотиктерге сенсибилизация сол антибиотикті немесе тектес антибиотиктерді кейіннен жүйелі қолдануға қатысты қауіп төндіруі мүмкін.

Ұсынылмайтын біріктірілімдер:

+ спермицид

Қынаптың жергілікті емі жергілікті спермицидтермен контрацепцияның белсенділігін жоюы мүмкін.

Өзара әрекеттесудің басқа түрлері

Қолдануға болмайтын біріктірілімдер:

+ ерлерге арналған полиуретан мүшеқаптар, әйелдерге арналған мүшеқаптар және ұрықтануға қарсы диафрагмалар

Жарылу қаупі.

Емдеу ұзақтығын төзімді микроорганизмдерді селекциялау және осындай микроорганизмдермен суперинфекциялау қаупіне байланысты шектеу керек.

Шырышты қабықпен резорбцияланатын Неомицин мен Полимиксин В фракцияларының маңыздылығы туралы деректер болмаған кезде жүйелі әсер ету қаупін, әсіресе бүйрек жеткіліксіздігі жағдайында жоғары қаупін жоққа шығаруға болмайды.

Бұл дәрілік заттың құрамында соя майы бар және аса жоғары сезімталдық реакцияларын (есекжем, анафилаксиялық шок) тудыруы мүмкін.

Жүктілік немесе лактация кезінде

Отоуытты әсер етуі мүмкін аминогликозидтердің, неомициннің болуына және оның ықтимал жүйелі сіңуіне байланысты осы дәрілік затты жүктілік кезінде пайдалану ұсынылмайды.

Жаңа туған нәрестелерде АІЖ жетілмеуіне және осы дәрілік заттың фармакокинетикалық қасиеттеріне байланысты емшекпен емізу кезінде оны пайдалану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Тек ересектер үшін.

- емдеу кезінде гигиеналық нұсқауларды орындау керек (мақта-матадан тігілген іш киімін кию, бүркіп-шаюды болдырмау және ішкі тампондарды пайдалану және т.б.) және, мүмкіндігінше, аурудың дамуына ықпал ететін факторларды жою керек

- жұптасын емдеу әрбір нақты жағдайда талқыланады

- етеккір кезінде емдеуді тоқтатпаған жөн.

Дозалау режимі

12 күн бойы кешке бір қынаптық капсула.

Қынаптық.

Бір капсуланы жатқан күйде қынапқа терең енгізген дұрыс.

Емдеу кезінде гигиеналық нұсқауларды орындау керек (мақта-матадан тігілген іш киімін кию, бүркіп-шаюды болдырмау және ішкі тампондарды пайдалану және т.б.) және, мүмкіндігінше, аурудың дамуына ықпал ететін факторларды жою керек.

Жұптасын емдеу әрбір нақты жағдайда талқыланады.

Етеккір кезінде емдеуді тоқтатпаған жөн.

Жұптасына ерлерге арналған латекс және полиизопрен мүшеқаптарды пайдалануға рұқсат беріледі.

Емдеу курсы 12 күн. Инфекциялық асқынулардың профилактикасы кезінде емдеу курсы 6 күнді құрайды.

Препаратты шамадан тыс және ұзақ қолдану, әсіресе бүйрек жеткіліксіздігі бар пациенттерде жүйелік әсерін (естуге және бүйрек функциясына) тудыруы мүмкін, Препаратты ұзақ пайдалану аллергиялық экземаның даму қаупін арттырады.

Дәрілік препараттың бір немесе бірнеше дозасын өткізіп алу кезіндегі қажетті шаралар

Бір немесе бірнеше дозаны қабылдаған жағдайда препаратты әдеттегі дозада қабылдауды жалғастырыңыз

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Осы дәрілік препаратты әрдайым осы нұсқаулықта сипатталғандай, немесе дәрігердің немесе фармацевтің ұсынымдарымен дәл қабылдаңыз.

Белгісіз (қолда бар деректердің негізінде бағалау мүмкін емес)

- аса жоғары сезімталдық: бөртпе, қышыну, есекжем және анафилаксиялық реакция

- ашыту, қышыну, тітіркену, қызару және ісіну сияқты жергілікті реакциялар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір капсуланың құрамында

белсенді заттар: Неомицин сульфаты 35 000 ХБ

Полимиксиннің В сульфаты 35 000 ХБ

Нистатин 100 000 ХБ

қосымша заттар: Тефоз 63®, гидрогенделген соя майы, диметикон 1000.

Қабықтың құрамы: желатин, глицерол, диметикон 1000, тазартылған су.

Түсі ақшыл сарыдан сарыға дейінгі тегіс, сопақ пішінді капсулалар.

6 қынаптық капсуладан ПВХ/ПВДХ және алюминий фольгадан жасалған пішінді ұяшықты қаптамада.

1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл.

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Свисс Кепс АГ, Хузенштрассе 35, 9533 Кирхберг, Швейцария

Тел.: +41 71 932 61 30

Электронды пошта: info@aenova-group.com

Лаборатория Иннотек Интернасиональ

22 авеню, Аристид Бриан, 94110, Аркей, Франция

Тел.: +33 1 46 15 29 00

Факс: +33 1 45 46 40 15

Электронды пошта: licensing@innothera.com

Иннотек Интернасиональ С.А.С. Лабораториясының ҚР өкілдігі

050000, Қазақстан Республикасы, Алматы қ., Бостандық ауданы,

Нұр Алатау шағын ауданы, Әсемтау көшесі, 53А үй

Телефон: +7 727 339 58 46,

электронды пошта: innotech.kazakhstan@innothera.com