Облепиховое Масло суппозитории ректал. по 500 мг №10 (2 блистера х 5 суппозиториев)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Шырғанақ майы

Халықаралық патенттелмеген атауы

Жоқ

Дәрілік түрі, дозалануы

Ректальді суппозиторийлер, 500 мг

Фармакотерапиялық тобы

Жүрек-қантамыр жүйесі. Вазопротекторлар. Геморрой және анальді сызаттарды емдеу үшін жергілікті қолдануға арналған дәрілер. Геморрой және анальді сызаттарды емдеу үшін жергілікті қолдануға арналған басқа да дәрілер.

АТХ коды: С05АХ

Қолданылуы

- геморройда, артқы өтіс сызаттарында, тік ішектің ойық жараларында;

- спецификалық емес проктиттер мен проктосигмоидиттерде;

- артқы өтіске, жуан және тік ішекке жасалған операциялардан кейінгі жағдайларда;

- жуан ішектің төменгі бөліктерінің шырышты қабығының сәулемен зақымдануында.

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- белсенді затқа немесе “Дәрілік препарат құрамы” бөлімінде атап көрсетілген қосымша заттарының кез келгеніне аса жоғары сезімталдық;

- диарея;

- 6 жасқа дейінгі балаларға.

Қолдану кезіндегі қажетті сақтандыру шаралары

Жоғары сезімталдығы бар және аллергия дамуына бейім адамдарға сақтықпен қолдану керек.

Басқа дәрілік препараттармен өзара әрекеттесуі

Жергілікті қолданғанда басқа дәрілік заттармен клиникалық тұрғыдан маңызды өзара әрекеттесулері сипатталған жоқ.

Арнайы сақтандырулар

Жүктілік немесе лактация кезінде

Жүктілік

Егер анасы үшін күтілетін пайдасы шаранаға потенциалды қаупінен астам болса жүктілікте қолданылуы мүмкін. Дәрігермен кеңесу керек.

Бала емізу

Егер анасы үшін күтілетін пайдасы шаранаға потенциалды қаупінен астам болса лактация кезеңінде қолданылуы мүмкін. Дәрігермен кеңесу керек.

Фертильділігі

Препараттың фертильділікке әсері туралы деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Шырғанақ майы көлік құралдарын басқару және механизмдермен жұмыс істеу қабілетіне әсер етпейді немесе елеусіз ғана әсер етеді.

Қолдану жөніндегі нұсқаулар

Дозалану режимі

Ересектер мен 6 жастан асқан балаларға күніне 1-2 рет бір суппозиторийден тағайындайды. Ауыр жағдайларда емдеу курсын жалғастыруға болады.

Балалар

Препаратты 6 жасқа дейінгі балаларға тағайындауға болмайды.

Егде жастағы пациенттер

Препаратты егде жастағы пациенттерде қолдану туралы деректер жоқ.

Бауыр жеткіліксіздігі бар пациенттер

Препаратты бауыр функциясының бұзылуы бар пациенттерде қолдану туралы деректер жоқ.

Бүйрек жеткіліксіздігі бар пациенттер

Препаратты бүйрек функциясының бұзылуы бар пациенттерде қолдану туралы деректер жоқ.

Енгізу әдісі және жолы

Ректальді. Суппозиторийлер пішінді қаптамасынан босатылып алынады және ішек босағаннан кейін артқы өтіске тереңірек енгізіледі.

Емдеу ұзақтығы

Емдеу курсы: 10-15 күн. Қажет болған жағдайда 4-6 аптадан соң емдеу курсы қайталанады.ка

Артық дозалану жағдайында қабылдау қажет болатын шаралар

Артық дозалану жағдайлары сипатталмаған.

Дәрілік препараттың бір немесе бірнеше дозасын өткізіп алу кезіндегі қажетті шаралар

Қабылданбай қалған дозаның орнын толтыру үшін екі есе дозаны қабылдамаңыз.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсыныстар

Әрқашан препаратты осы нұсқаулыққа немесе емдеуші дәрігер мен дәріхана қызметкерінің ұсыныстарына сәйкес қолданыңыз. Егер күмән туындаса, емдеуші дәрігермен немесе дәріхана қызметкерімен кеңесіңіз.

Дәрілік препарат стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Белгісіз ( қолда бар деректердің негізінде бағалау мүмкін емес)

- аллергиялық реакциялар

- артқы өтіс аумағында күйдіру сезімі.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір суппозиторийдің құрамында

белсенді зат - 500 мг шырғанақ майының концентраты (құрамындағы каротиноидтар жиынтығы β-каротинге шаққанда кемінде 240 мг %),

қосымша зат: қатты май

Сыртқы түрінің, иісінің, дәмінің сипаттамасы

Цилиндрконус пішінді, ашық-сарыдан қою-қызылсары түске дейінгі, беткейі күңгірт және/немесе жылтыр суппозиторийлер. Кесіндісінде ауа және кеуекті стержень мен шүңгіме тәрізді ойықтың болуына жол беріледі.

Шығарылу түрі және қаптамасы

5 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

2 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғау үшін пішінді ұяшықты қаптаманы сыртқы қаптамасында,

25 °C-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«ФАРМАПРИМ» ЖШҚ

Кринилор көш., 5, Порумбень а., Криулень ауд.,

Молдова Республикасы, MD-4829

телефон (+373 22) 28-18-45

факс (+373 22) 28-18-46

e-mail: safety@farmaprim.md

Тіркеу куәлігінің ұстаушысы

«ФАРМАПРИМ» ЖШҚ

Кринилор көш., 5, Порумбень а., Криулень ауд.,

Молдова Республикасы, MD-4829

телефон (+373 22) 28-18-45

факс (+373 22) 28-18-46

e-mail: safety@farmaprim.md

Қазақстан Республикасы аумағында тұтынушылардан дәрілік препараттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ФАРМАПРИМ СРЛ» ҚР өкілдігі

Қазақстан Республикасы, Алматы қ., Гоголь көш., 86, 528 кеңсе,

тел.: + 7(727) 279-65-18

e-mail: tatiana.abdulkhairova@farmaprim.md