Натрия хлорид Борисовский Змп раствор д/инъекций 0,9% по 5 мл №10 (ампулы)

Натрий хлориді

Жоқ

Инъекцияға арналған изотоникалық ерітінді, 9 мг/мл

Қан және қан түзу ағзалары. Қан алмастырғыштар және перфузиялық ерітінділер. Ирригациялық ерітінділер. Тұзды ерітінділер. Натрий хлориді.

АТХ коды B05CB01

- парентеральді енгізуге арналған дәрілік препараттарды еріту

- таңғыш материалды дымқылдау, жараларды, шырышты қабықтарды шаю

Қолдануды бастағанға дейін қажетті мәліметтер тізбесі

Міндетті түрде басқа еріткіш көрсетілген дәрілік препараттарды еріту және сұйылту үшін қолданылмайды.

Әсер етуші немесе қосымша заттардың кез келгеніне аса жоғары сезімталдық.

Сақтықпен

- декомпенсацияланған созылмалы жүрек жеткіліксіздігі;

- созылмалы бүйрек жеткіліксіздігі (олиго -, анурия);

- бүйректің шығару функциясының бұзылуы (изотоникалық  ерітіндінің үлкен көлемі үшін);

- жүрек жеткіліксіздігі;

- артериялық гипертензия;

- шеткері ісіну.

Препарат балалар мен егде жастағы адамдарға ерітіндіні енгізгенде дәрігердің бақылауымен қолданылады.

Препаратты тікелей ампула ашылғаннан кейін немесе қолдануға дайын дәрілік түрлерін дайындағаннан кейін қолдану керек.

Ампулалар тек бір реттік қолдануға арналған. Препараттың пайдаланылмай қалған көлемін жою қажет.

Ерітіндіні, егер ол мөлдір және ампула зақымданбаған болса ғана пайдалану керек.

Ерітіндіні май ерітінділерімен араластыру дұрыс емес.

Басқа препараттармен араластырғанда физико-химиялық үйлесімсіздік байқалуы мүмкін болғандықтан, үйлесімділігін көзбен шолып бақылау қажет.

Натрий хлоридін 20% немесе 25% маннитке қосу манниттің шөгуін туындатуы мүмкін.

Жүктілік және лактация кезеңі

Жүктілік кезінде және бала емізу кезінде қолдану препаратты еріту/сұйылту үшін қолданылатын препараттың медициналық қолдану жөніндегі нұсқаулығымен анықталады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралын басқару және қауіптілігі зор механизмдермен жұмыс істеу қабілетіне әсер етпейді.

Қолдану бойынша ұсынымдар

Дозалау режимі

Дәрілік препаратты еріту алдында осы дәрілік препаратты еріту үшін натрий хлориді ерітіндісін қолдану мүмкіндігін тексеру қажет.

Натрий хлоридін, инъекцияға арналған ерітіндіні пайдалана отырып, дәрілік препараттардың ерітінділерін дайындау стерильді жағдайларда (ампулаларды ашу, шприц пен дәрілік препараттары бар ыдыстарды толтыру) жүзеге асырылады. Натрий хлоридінің, инъекцияға арналған ерітіндінің мөлшері белгілі бір препараттың ерітіндісін дайындау үшін соңғысын қолдану жөніндегі нұсқаулықпен немесе жағдайға байланысты – дәрігермен анықталады.

Натрий хлориді, инъекцияға арналған изотоникалық 9 мг / мл ерітінді, егер олардың кейбіреулері үшін міндетті ретінде басқа еріткіш көрсетілсе, дәрілік препараттар еріткіші ретінде қолданылмайды.

Енгізу әдісі мен жолы

Тері астына, вена ішіне

Артық дозалану жағдайында қабылдануы қажет шаралар

Натрий хлориді ерітіндісінің ұсынылған көлемін енгізген кезде артық дозалану ықтималдығы аз. Көп мөлшерде кейіннен өкпе мен мидың ісінуі болатын гипернатриемия, гиперхлоремия және гипергидратация дамуына әкелуі мүмкін. Сумен уыттану синдромымен (бас ауыруы, жүрек айнуы, құсу, диарея, асқазанның түйілуі, әлсіздік, мелшию, конвульсия, кома) сипатталады.

Емі: препаратты тоқтату және симптоматикалық ем жүргізу керек, диуретиктер енгізу (жедел жүрек жеткіліксіздігі және өкпе ісінуінде), электролиттер теңгерімін түзету, хлоридті ацидоз, калий шығарылуының жоғарылауы (гипокалиемия), гипергидратация.

Дәрілік препаратты қолдану тәсілін түсіндіру үшін медициналық қызметкерден кеңес алуға жүгіну ұсынылады

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Белгісіз:

- ацидоз, гипергидратация, гипокалиемия дамуы

- операциядан кейінгі және жүрек пен бүйрек функциялары бұзылған пациенттерге натрий хлориді ерітіндісін вена ішіне енгізу гипернатриемияға әкелуі мүмкін, бұл өз кезегінде жасушаішілік көлемнің азаюына және нәтижесінде – ішкі ағзалардың, әсіресе мидың сусыздануына, бұл тромбозға және қан кетуге әкелуі мүмкін

- организмде натрий хлоридінің артық болуы: жүрек айну, құсу, диарея, іштің ауыруы, шөлдеу, сілекей секрециясының және көз жасы сұйықтығының азаюы, тершеңдік, қызба, артериялық гипотензия, тахикардия, бүйрек функциясының бұзылуы, шеткері ісіну және өкпе ісінуі, тыныс алудың тоқтап қалуы, бас ауыру, бас айналу, мазасыздық, ашушаңдық, әлсіздік, бұлшықеттің тартылуы және сіресу, құрысулар, кома және өлім. Хлоридтер деңгейінің жоғарылауы қышқылдандыратын әсері бар бикарбонаттарды жоғалтуға әкелуі мүмкін.

- тері астына енгізу: изотоникалық ерітіндіге кез келген толықтыру оны гипертониялық етуі, бұл инъекция орны ауыруының себебі болуы мүмкін.

- аса жоғары сезімталдық

Еріткіш ретінде төмен дозаларды енгізген кезде жағымсыз әсерлер анықталмады.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір ампула (5 мл ерітінді) ішінде

белсенді зат – натрий хлориді 45 мг;

қосымша зат – инъекцияға арналған су.

Мөлдір түссіз сұйықтық.

5 мл шыныдан жасалған ампулада.

Әр ампулаға өздігінен желімделетін заттаңба жапсырылады немесе мәтін жылдам бекітілетін бояумен терең басып шығару әдісімен ампулаға жазылады.

10 ампуладан ампулаларды ашуға арналған пышақпен немесе скарификатормен бірге гофралауға арналған қағаздан жасалған гофрланған қосымша беті бар картон қорапқа салынады.

Қорапты офсетті немесе көпбояулы басып шығаруға арналған қағаздан жасалған бандероль-заттаңбамен желімдейді.

Қораптар медициналық қолдану жөніндегі қазақ және орыс тілдеріндегі нұсқаулықтармен бірге топтық қаптамаға салынады.

Медициналық қолдану жөніндегі қазақ және орыс тілдеріндегі нұсқаулықтар саны қораптар санына сәйкес болуы тиіс.

10 ампуладан ампулаларды ашуға арналған пышақпен немесе скарификатормен және медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған ампулаларды бекітуге арналған бір немесе екі қосымша беті бар картон қорапшаға салынады.

Қорапшаларды топтық қаптамаға қаптайды.

Сындыру сақинасы немесе кертігі және сындыру нүктесі бар ампулаларды пайдаланған жағдайда, ампулаларды ашу үшін пышақ немесе скарификатор салу қарастырылмайды.

5 жыл

Жарамдылық мерзімі өткеннен кейін қолдануға болмайды.

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қ., Чапаев көш., 64, тел/факс +375 (177) 734043

E-mail: market@borimed.com.

«Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қ., Чапаев көш., 64, тел/факс +375 (177) 734043

E-mail: market@borimed.com

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«LEKARSTVENNAYA BEZOPASNOST (Лекарственная безопасность)» ЖШС: Қазақстан Республикасы, 050047, Алматы қ., Алатау ауданы, Саялы шағын ауданы, 16 үй, 8 пәтер, тел.: +7 777 064 27 02, +7 499 504 15 19

Е-mail: kazakhstan@drugsafety.ru, adversereaction@drugsafety.ru