Мускомед раствор д/ин. 4 мг / 2 мл по 2 мл №6 (ампулы)

Мускомед

Тиоколхикозид

Инъекцияға арналған ерітінді 4 мг/2 мл, 2 мл

Сүйек-бұлшықет жүйесі. Миорелаксанттар. Орталықтан әсер ететін миорелаксанттар. Орталықтан әсер ететін басқа препараттар. Тиоколхикозид.

АТХ M03BX05

Ересектер мен 16 жастан асқан жасөспірімдерде омыртқаның жедел патологиясымен байланысты ауыратын бұлшықет түйілуінде қосымша терапия.

Қолдануды бастағанға дейін қажетті мәліметтер тізбесі

- әсер етуші затқа (заттарға) немесе қосымша заттардың кез келгеніне аса жоғары сезімталдық

- шеткері салдану, бұлшықет гипотониясы

- жүктілік

- лактация кезеңі

- контрацепцияны пайдаланбайтын бала туу жасындағы әйелдер

- 16 жасқа дейінгі балалар

Қолдану кезіндегі қажетті сақтық шаралары

Бұлшықет ішіне енгізгеннен кейін вазовагальді естен тану жағдайлары байқалды, сондықтан инъекциядан кейін пациент бақылануы керек.

Дәрілік өзара әрекеттесу туралы деректер жоқ.

Тиоколхикозидті қолдануға байланысты постмаркетингтік есептерде бауыр тарапынан бұзылулар туралы хабарланды. Тиоколхикозидпен бір мезгілде қабынуға қарсы стероидты емес дәрілерді немесе парацетамолды қабылдаған пациенттерде ауыр жағдайлар (мысалы, шұғыл дамыған гепатит) тіркелді. Бауырдың зақымдану симптомдары пайда болған жағдайда пациенттер емдеуді тоқтатып, дәрігерге қаралуы керек.

Тиоколхикозид эпилепсияға шалдыққан пациенттерде немесе эпилепсиялық ұстамалар қаупі бар пациенттерде құрысуды тудыруы мүмкін. Тиоколхикозид метаболиттерінің бірі (SL59.0955) тәулігіне 2 рет 8 мг дозасын пероральді қолданғанда организмде қол жеткізілгеннен жоғары әсер ету деңгейінде анеуплоидиямен (бөлінетін жасушалардағы хромосомалар санының өзгеруі) байланысты болуы мүмкін екендігі анықталды. Анеуплоидия тератогендіктің, эмбриоуыттылықтың/ фетоуыттылықтың, өздігінен түсік тастаудың, сондай-ақ ерлер фертильділігінің бұзылуы анықталған қауіп факторы болып табылады. Теориялық тұрғыдан обырдың даму қаупі де артады. Сондықтан сақтық шарасы ретінде дозаны асырудан және/немесе ұзаққа созылатын емдеуден аулақ болу керек.

Жүктілік кезіндегі ықтимал қауіп туралы және контрацепцияның тиімді әдістерін қолдану қажеттілігі жайлы пациенттер хабардар болуы керек.

Препараттың құрамында бір реттік дозада 1 ммольден кем (23 мг) натрий бар, яғни іс жүзінде натрий жоқ.

Жүктілік немесе лактация кезінде

Мускомедті жүктілік пен лактация кезінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлікті жүргізу және механизмдерді басқару қабілетіне әсері туралы зерттеулер жүргізілген жоқ. Препаратты қолдану кезінде ұйқышылдықтың пайда болу мүмкіндігіне байланысты автокөлік жүргізу және механизмдерді басқару кезінде сақ болу керек.

Қолдану бойынша ұсынымдар

Дозалау режимі

Ересектер

Ең жоғары тәуліктік доза әрбір 12 сағат сайын 4 мг (1 ампула) (тәулігіне 8 мг (2 ампула) құрайды.

Үздіксіз жүргізілетін емнің жалпы ұзақтығы 5 күннен аспауы тиіс.

Ұсынылған дозаларды асырудан және препаратты ұзаққа созылатын қолданудан аулақ болу керек.

Пациенттердің ерекше топтары

Балалар

Қауіпсіздік жөніндегі деректердің болмауына байланысты препаратты 16 жасқа дейінгі балалар мен жасөспірімдерде қолдануға болмайды.

Енгізу әдісі мен жолы

Мускомед препараты бұлшықет ішіне енгізуге арналған.

Артық дозаланған жағдайда қабылдануы қажет шаралар

Тиоколхикозид қабылдаған пациенттерде артық дозалану жағдайлары тіркелген жоқ.

Емі: симптоматикалық және мұқият медициналық бақылау.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Иммундық жүйе тарапынан: анафилаксиялық реакциялар, мысалы: жиі емес - қышыну; сирек - есекжем; өте сирек - гипотензия; жиілігі белгісіз - ангионевроздық ісіну және анафилаксиялық шокты қоса, анафилаксиялық реакциялар.

Тері және тері асты тіндері тарапынан: жиі емес - терінің аллергиялық реакциялары.

Жүйке жүйесі тарапынан: жиі - ұйқышылдық; сирек - ажитация және сананың шатасуы; жиілігі белгісіз - әдетте бұлшықет ішіне енгізгеннен кейін бірнеше минут ішінде болатын вазовагальді естен танумен байланысты немесе байланысты емес дімкәстік, құрысулар.

Асқазан-ішек жолы тарапынан: жиі - диарея, гастралгия; жиі емес - жүрек айнуы, құсу; сирек - қыжыл.

Бауыр мен өт жолдары тарапынан: жиілігі белгісіз-бауырдың дәрілік зақымдануы.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 ампуланың ішінде

белсенді зат- тиоколхикозид 4 мг,

қосымша заттар: натрий хлориді 16.80 мг, хлорсутек қышқылы, инъекцияға арналған су.

Сыртқы түрінің, иісінің, дәмінің сипаттамасы

Ашық сары түсті мөлдір ерітінді.

2 мл препараттан түссіз шыныдан жасалған ампулаларға құйылған.

6 ампуладан пішінді ұяшықты қаптамаға салынған.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Уорлд Медицин Илач Сан. ве Тидж. А.Ш.»

ЧОСБ Г.О. Паша Мах. 6. Джад. № 30 Черкезкёй, Текирдаг, Түркия

Тел: +90 (212) 474 70 50, факс: +90 (212) 474 09 01, электронды пошта:

info@worldmedicine.com.tr

«Уорлд Медицин Илач Сан. ве Тидж. А.Ш.»

15 Теммуз Мах., Джами Йолу Джад. № 50, Гюнешли, Багджылар, Стамбул, Түркия

Тел: +90 (212) 474 70 50, факс: +90 (212) 474 09 01, электронды пошта:

info@worldmedicine.com.tr

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222Б

Тел/факс: 8 (7272) 529090, электронды пошта: rin_pharma@mail.ru

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222Б

Ұялы телефон: +7 701 786 33 98, электронды пошта: pvpharma@worldmedicine.kz