Мускомед крем д/наруж. прим. 0,25% по 30 г (туба)

Мускомед

Тиоколхикозид

Сыртқа қолдануға арналған крем 0.25 %, 30 г

Сүйек-бұлшықет жүйесі. Миорелаксанттар. Орталықтан әсер ететін миорелаксанттар. Орталықтан әсер ететін басқа препараттар. Тиоколхикозид.

АТХ M03BX05

Мускомед кремі ауырсынатын бұлшықет түйілулерін симптоматикалық емдеуге арналған.

Қолдануды бастағанға дейін қажетті мәліметтер тізбесі

- әсер етуші затқа (заттарға) немесе қосымша заттардың кез келгеніне аса жоғары сезімталдық

- бұлшықет гипотониясы және сылбыр салдану

- жүктілік және бала емізу кезеңі

Қолдану кезіндегі қажетті сақтық шаралары

Препаратты ұзақ уақыт пайдаланудан аса жоғары сезімталдық реакциясы пайда болған жағдайда емді тоқтату керек.

Препараттың дәрілік өзара әрекеттесуі туралы хабарламалар жоқ.

Пациенттердің ерекше топтары

Пациенттердің ерекше топтарында дәрілік өзара әрекеттесулерге зерттеу жүргізілген жоқ.

Балалар

Балалардағы дәрілік өзара әрекеттесулерге зерттеу жүргізілмеген.

Арнайы сақтандырулар

Препаратты жергілікті қолданғанда, әсіресе оны ұзақ пайдаланған жағдайда, аса жоғары сезімталдық реакциялары дамуы мүмкін; мұндай жағдайларда емдеуді тоқтату керек.

Мускомед кремін дәрігермен кеңескеннен кейін ғана қолдану керек.

Қолданған кезде сақтық танытып, көзбен және шырышты қабықтармен жанасудан аулақ болу керек.

Тиоколхикозид эпилепсиясы бар пациенттерде немесе эпилепсиялық ұстамалар қаупі бар пациенттерде құрысуды тудыруы мүмкін.

Қосымша заттар

Мускомед кремінде гидрогенделген ланолин мен цетил спирті бар, олардың әрқайсысы терінің жергілікті реакциясын (мысалы, жанаспалы дерматит) тудыруы мүмкін.

Мускомед кремінің құрамында метилпарагидроксибензоат және этилпарагидроксибензоат бар, олардың әрқайсысы баяу аллергиялық реакциялар тудыруы мүмкін.

Мускомед кремінің құрамында натрий лаурилсульфаты бар, ол терінің жергілікті реакциясын тудыруы мүмкін (мысалы, қышыну немесе күйдіру сезімі) немесе терінің сол беткейіне қолданылатын басқа заттардан туындаған тері реакцияларын күшейтеді.

Жүктілік немесе лактация кезінде

Жүктілік кезінде әйелдерде тиоколхикозидті қолдануға болмайды.

Тиоколхикозид емшек сүтіне өтетіндіктен, препаратты лактация кезеңінде әйелдерде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлік жүргізу және механизмдерді басқару қабілетіне әсері туралы деректер жоқ.

Клиникалық зерттеулердің нәтижелері тиоколхикозидтің психомоторлық реакцияларға әсер етпейтінін көрсетеді, алайда ұйқышылдық пайда болу жағдайлары сирек байқалған, сондықтан препаратты емдеу кезінде автокөлік пен механизмдерді басқару кезінде сақ болу керек.

Қолдану бойынша ұсынымдар

Дозалау режимі

Мускомед кремін теріге күніне 2-3 рет жағу керек.

Пациенттердің ерекше топтары

Балалар

Мускомед кремін 15 жасқа дейінгі балалар мен жасөспірімдерде қолдану ұсынылмайды.

Егде жастағы пациенттер

Егде жастағы пациенттерде препаратты қолданудың қауіпсіздігі мен тиімділігі туралы деректердің саны жеткіліксіз.

Бүйрек/бауыр жеткіліксіздігі бар пациенттер

Бүйрек/бауыр жеткіліксіздігі бар пациенттерде препаратты қолданудың қауіпсіздігі мен тиімділігі туралы деректердің саны жеткіліксіз.

Сыртқа қолдануға арналған.

Артық дозаланған жағдайда қабылдануы қажет шаралар

Симптомдары

Тиоколхикозидпен емдеу кезінде пациенттерде артық дозаланудың ешқандай спецификалық симптомдары байқалған жоқ.

Емі

Артық дозаланған жағдайда пациентті медициналық бақылаумен қамтамасыз ету және симптоматикалық ем жүргізу ұсынылады.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Иммундық жүйе тарапынан: қышыну, есекжем, ангионевроздық ісіну сияқты анафилаксиялық реакциялар.

Жүйке жүйесі тарапынан: ұйқышылдық.

Асқазан-ішек жолы тарапынан: диарея, асқазанның ауыруы, жүрек айнуы, құсу.

Тері және тері асты тіндері тарапынан: аллергиялық тері реакциялары (тері реакциялары тиоколхикозидті қолдану нәтижесінде пайда болуы мүмкін).

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 г кремнің құрамында

белсенді зат – тиоколхикозид 2.5 мг,

қосымша заттар: гидрогенделген ланолин 127.5 мг, стеарин қышқылы, цетил спирті 70.0 мг, полисорбат 80, цетилэфирлі балауыз, натрий лаурилсульфаты, натрий альгинаты, жөке эссенциясы, метилпарагидроксибензоат 1.4 мг, этилпарагидроксибензоат 0.35 мг, тазартылған су.

Сыртқы түрінің, иісінің, дәмінің сипаттамасы

Ашық сары түсті біртекті крем.

30 г препараттан алюминий сықпаларға салынған.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Уорлд Медицин Илач Сан. ве Тидж. А.Ш.»

ЧОСБ Г.О. Паша Мах. 6. Джад. № 30 Черкезкёй, Текирдаг, Түркия

Тел.: +90 (212) 474 70 50, факс: +90 (212) 474 09 01, электронды пошта: info@worldmedicine.com.tr

«Уорлд Медицин Илач Сан. ве Тидж. А.Ш.»

15 Теммуз Мах., Джами Йолу Джад. № 50, Гюнешли, Багджылар, Стамбул, Түркия

Тел: +90 (212) 474 70 50, факс: +90 (212) 474 09 01, электронды пошта:

info@worldmedicine.com.tr

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222Б

Тел/факс: 8 (7272) 529090, электронды пошта: rin_pharma@mail.ru

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222Б

Ұялы телефон +7701 7863398

электронды пошта: pvpharma@worldmedicine.kz