Метромикон-Нео суппозитории вагинал. №14 (2 блистера x 7 суппозиториев)

Метромикон-Нео

Жоқ

Қынаптық суппозиторийлер, 500 мг/100 мг

Несеп-жыныс жүйесі және жыныс гормондары. Гинекологиялық инфекцияға қарсы және антисептикалық препараттар. Инфекцияға қарсы және антисептикалық препараттар, кортикостероидтармен біріктірілімдерін қоспағанда. Имидазол туындылары. Имидазол туындыларының біріктірілімдері.

АТХ коды: G01AF20

- кандидозды вульвовагинитте

- бактериялық вагинозда (спецификалық емес, гарднереллезді вагинит немесе анаэробты вагиноз)

- трихомонадалық вагинитте

- аралас инфекциялардан туындаған вагиниттерде

Қолданудың басталуына дейінгі қажетті мәліметтер тізбесі

- белсенді заттарға, нитроимидазолдың басқа туындыларына немесе Дәрілік препарат құрамы бөлімінде атап көрсетілген қосымша заттарының кез келгеніне аса жоғары сезімталдық

- емделу кезінде немесе емдеу аяқталғаннан кейін 3 күн ішінде алкоголь тұтынатын пациенттерде қолдану

- емделу кезінде дисульфирам қабылдайтын немесе емдеу курсы аяқталғаннан кейін 2 апта ішінде оны қолдануды жоспарлап жүрген пациенттерде қолдану

- порфирия

Қан түзілуінің бұзылуы, шеткері және орталық жүйке жүйесінің аурулары, бүйрек және бауыр жеткіліксіздігі бар пациенттерге сақтықпен тағайындалады.

Анамнезінде шеткері қан құрамының өзгеруі көрсетілген жағдайда, шеткері қан көрінісін бақылау қажет (лейкопения қаупі).

Метромикон-Нео препаратымен ұзақ емдеу және жоғары дозаларын қолдану ұсынылмайды, өйткені бұл шеткері нейропатияның және құрысу синдромының даму қаупімен қатар жүруі мүмкін. Науқастың неврологиялық статусының кез келген нашарлауы емдеуді тоқтатуды талап етеді. 

Метронидазол трепонеманы иммобилизациялауы мүмкін, бұл жалғаноң TPI тестіге (Нельсонның трепонемаға тестісі) әкеледі.

Препаратты қолданғанда жыныстық қатынастардан бас тарта тұру керек. Инфекцияның қайталануының алдын алу мақсатында, жыныстық серіктесін бір мезгілде емдеу, трихомонадалық вагинит жағдайында метронидазол препаратын ішке қабылдаумен біріктіру қажет.

Етеккір кезеңінде Метромикон-Нео қолдану ұсынылмайды, өйткені препараттың тиімділігі азаяды немесе оны пайдалану кезінде қиындықтар туындайды.

Суппозиторийлерді контрацептивтік диафрагмалармен және мүшеқаптармен бір мезгілде пайдаланудан аулақ болу керек, олар суппозиторийлердің негізімен өзара әрекеттесуі мүмкін.

Ем кезінде басқа қынаптық дәрілерді қолданбау керек (тампондар, бүркіп жуу, спермицидті дәрілер).

Төменде аталған дәрілік препараттармен бір мезгілде қолдану кезінде метронидазолдың сіңірілуі нәтижесінде дәрілік өзара әрекеттесудің мынадай түрлері байқалуы мүмкін:

Алкоголь: алкоголь жақпаушылық (дисульфирамдағы тәрізді реакциялар).

Амиодарон: кардиоуыттылық қаупінің артуы (ЭКГ-де - Q-T аралығының ұзаруы, полиморфты қарыншалық тахикардия, жүректің тоқтауы).

Астемизол және терфенадин: метронидазол бұл қосылыстардың метаболизмін тежейді және олардың қан плазмасындағы концентрациясын арттырады.

Карбамазепин: карбамазепиннің қан плазмасындағы концентрациясының артуы.

Циметидин: метронидазолдың қан плазмасындағы концентрациясының артуы, осының салдарынан - орталық жүйке жүйесі тарапынан жағымсыз әсерлердің даму қаупі.

Циклоспорин: циклоспориннің уыттылық әсерінің артуы.

Дисульфирам: орталық жүйке жүйесі тарапынан бұзылыстар болуы мүмкін (мысалы, психоздық реакциялар).

Литий препараттары: литийдің уыттылық әсерінің күшею қаупі.

Фенитоин: фенитоин концентрациясының жоғарылауы және метронидазол концентрациясының төмендеуі.

Фенобарбитал: метронидазол концентрациясының төмендеуі.

Фторурацил: қан плазмасындағы фторурацил концентрациясының және оның уыттылық әсерінің артуы.

Ішуге арналған антикоагулянттар: антикоагулянттық әсердің күшеюі (қан кетудің даму қаупінің жоғарылауы).

Қандағы бауыр ферменттерінің, глюкозаның (оны гексокиназалық әдіспен анықтаған кезде), теофиллиннің және прокаинамидтің деңгейлеріне ықпалы байқалады.

Миконазол нитратының сіңуі салдарынан дәрілік өзара әрекеттесулер болуы мүмкін.

Аценокумарол, анизиндион, дикумарол, фенитоин, фенпрокумон, варфарин: қан кету қаупінің жоғарылауы.

Астемизол, цизаприд, терфенадин: миконазол бұл препараттардың метаболизмін тежейді және олардың қан плазмасындағы концентрациясын арттырады.

Карбамазепин: карбамазепин клиренсінің төмендеуі.

Циклоспорин: уыттылық әсердің күшеюі (бүйрек функциясының бұзылуы, холестаз, парестезиялар).

Фентанил: апиын препараттарының әсер ету ұзақтығының артуы (ОЖЖ, тыныс алудың бәсеңдеуі).

Фенитоин және фосфенитоин: уытты әсерлер қаупі (атаксия, гиперлексия, нистагм, тремор).

Глимепирид: гипогликемиялық әсердің ұлғаюы.

Оксибутинин: оксибутинин клиренсінің төмендеуі, соның нәтижесінде оның қан плазмасындағы концентрациясы жоғарылайды.

Оксикодон: оксикодонның қан плазмасындағы концентрациясының жоғарылауы, оның клиренсінің төмендеуі.

Пимозид: кардиоуыттылық әсерлер (ЭКГ-де – Q-T аралығының ұзаруы, полиморфты қарыншалық тахикардия, жүректің тоқтауы).

Толтеродин: P450 цитохромы 2D6 изоферментінің белсенділігі төмендеген пациенттерде толтеродиннің биожетімділігінің жоғарылауы.

Триметрексат: уыттылық әсердің артуы (сүйек кемігінің бәсеңдеуі, бүйрек және бауыр функциясының бәсеңдеуі, АІЖ ойық жаралы зақымдануы).

Бүйрек функциясының бұзылуы кезінде

Бүйрек функциясы төмендеген кезде препараттың жартылай шығарылу кезеңі өзгермейді, сондықтан дозаны азайту қажет емес. Бірақ бүйрек функциясы күрделі бұзылған кезде, яғни гемодиализ жүргізу қажет болғанда, дозаға түзету жүргізілуі тиіс.

Бауыр функциясының бұзылуы кезінде

Бауыр функциясы күрделі бұзылған кезде метронидазол клиренсі төмендеуі мүмкін. Метронидазол плазмадағы деңгейінің жоғарылауына байланысты энцефалопатия симптомдарын күшейтуі мүмкін әрі сондықтан да бауыр энцефалопатиясы бар пациенттерде сақтықпен қолданылуы тиіс. Дәрігер мұндай пациенттер үшін пайда/қауіп арақатынасын бағалауы және егер бұған аса қажеттілік болмаса, препаратты тағайындамауы тиіс.

Жүктілік немесе лактация кезінде

Жүктіліктің ІІ және ІІІ триместрінде, егер ана үшін потенциалды пайдасы шаранаға болуы ықтимал қаупінен астам болатын жағдайда ғана қолданылуы мүмкін.

Препаратты лактация кезеңінде тағайындау қажет болғанда бала емізу тоқтатылуы тиіс. Емдеу аяқталған соң 24-48 сағаттан кейін бала емізуді қайта бастауға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Метронидазолды жүйелі қолдану автокөлікті басқару және күрделі механизмдермен жұмыс істеу қабілетіне әсер етуі мүмкін. Жүйелі қолданудан айырмашылығы метронидазолды топикалық қолданған кезде препарат қынаптан аздаған концентрацияда сіңеді.

Пациент әйелдерге бас айналу, атаксия, қажу мен әлсіздіктің даму мүмкіндігі туралы ескерту қажет. Көрсетілген симптомдар пайда болған жағдайда автомобиль жүргізуден және күрделі механизмдермен жұмыс істеуден тартына тұрған дұрыс.

Дозалану режимі

Дәрігердің тағайындауымен қолданылады.

Егер дәрігер өзге қолдану тәсілін тағайындамаса, таңертең және түнде 1 қынаптық суппозиторийден 7 күн бойы.

Қайталанатын вагиниттер кезінде немесе емдеудің басқа түрлеріне резистентті вагиниттерде 14 күн бойына таңертең және түнге 1 суппозиторийден тағайындайды.

Ішке немесе қынаптық тәсілден басқа, өзге жолмен қабылдамау керек!

Енгізу әдісі және жолы

Қынаптық.

Суппозиторий жатқан күйде қынап ішіне терең енгізіледі.

Артық дозалану жағдайында қабылдау қажет болатын шаралар

Метронидазолдың артық дозалану симптомдары: жүрек айну, құсу, іштің ауыруы, ауыздың темір татуы, атаксия, бас ауыру, бас айналу, парестезиялар, құрысулар, лейкопения, несептің күңгірт түске боялуы.

Миконазол нитратының артық дозалану симптомдары: жүрек айну, құсу, анорексия, диарея.

Қазіргі кезге дейін препараттың артық дозалану жағдайлары хабарланбаған. Қынапқа енгізгеннен кейін метронидазол жүйелік әсерін туындатуға жеткілікті мөлшерде сіңуі мүмкін.

Үлкен дозаны ішке кездейсоқ қабылдап қойған жағдайда асқазанды шаю керек. 12 г метронидазолды кездейсоқ тұтыну кезінде артық дозалануы мүмкін.

Арнайы антидоты жоқ. Симптоматикалық және демеуші ем ұсынылады.

Қабылданбай қалған дозаның орнын толтыру үшін қосарлы дозаны қабылдамаңыз.

Дәрілік препаратты қолданар алдында кеңес алу үшін дәрігерге немесе фармацевтке жүгініңіз.

Жүйелі жағымсыз реакциялар өте сирек туындайды, өйткені қынаптық сіңірілу кезінде метронидазолдың қан плазмасындағы деңгейі өте төмен (ішу арқылы қабылдау кезінде анықталатын деңгейдің 2-12%). Миконазол нитраты имидазол туындыларына негізделген кез келген басқа зеңге қарсы препараттарды қынаптық қолданған кездегідей (2-6 %), қынаптың тітіркенуін тудыруы мүмкін (ашытып күйдіру, қышыну). Вагиниттерде қынаптың шырышты қабығы қабынуы мүмкін, сондықтан да қынапты ашытып күйдіруі мен қышынуы бірінші суппозиторийді енгізген кезде байқалуы мүмкін. Бұл симптомдар емдеуді жалғастырған кезде тез жоғалады. Қатты тітіркенген жағдайда емдеуді тоқтату керек.

Препараттың белсенді компоненттерін жүйелі қолдануға байланысты (атап айтқанда, пероральді) жағымсыз реакцияларға мыналар жатады:

Өте жиі

- қынаптан бөлінділер

Жиі

- вагинит, вульвовагинит, жамбас аумағындағы жайсыздық

- бас ауыруы, бас айналуы

Жиі емес

- шөлдеу

- депрессия

Сирек

- қынаптағы тітіркену, күйдіру және қышыну

- іш ауыруы, тері бөртпесі

Өте сирек

- психоэмоциялық бұзылулар

Белгісіз ( қолда бар деректердің негізінде бағалау мүмкін емес)

- аса жоғары сезімталдық реакциялары, аллергиялық реакциялар (ауыр жағдайларда анафилаксия)

- қажығыштық, әлсіздік, атаксия, құрысулар, шеткері нейропатия (препаратты ұзақ уақыт қолданғанда және артық дозаланғанда)

- дәм сезу бұрмалануы, ауыздың темір татуы, ауыздың құрғауы, жүрек айнуы, құсу, іш қатуы, диарея, іштің ауыруы және түйілуі

- жергілікті тітіркену, аса жоғары сезімталдық, жанаспалы дерматит

- лейкопения

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір суппозиторийдің құрамында

белсенді заттар - 500 мг метронидазол , 100 мг миконазол нитраты,

қосымша зат: қатты май

Цилиндрлі конус пішінді, ақ немесе сарғыш реңді ақ түсті суппозиторий. Қимасында бос және кеуекті өзегі мен шұңғыма тәрізді ойығы болуына жол беріледі.

7 суппозиторийден полиэтиленмен ламинатталған поливинилхлоридті үлбірден жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Жарықтан қорғау үшін пішінді ұяшықты қаптаманы сыртқы қаптамасында, 25°C –ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

ФАРМАПРИМ ЖШҚ

Кринилор көш., 5, Порумбень а., Криулень ауд.,

Молдова Республикасы, MD-4829

телефон (+373 22) 28-18-45

факс (+373 22) 28-18-46

e-mail: safety@farmaprim.md

ФАРМАПРИМ ЖШҚ

Кринилор көш., 5, Порумбень а., Криулень ауд.,

Молдова Республикасы, MD-4829

телефон (+373 22) 28-18-45

факс (+373 22) 28-18-46

e-mail: safety@farmaprim.md

«ФАРМАПРИМ СРЛ» ҚР өкілдігі

Қазақстан Республикасы, Алматы қ., Гоголь көш., 86, 528 кеңсе,

тел.: + 7(727) 279-65-18

e-mail: tatiana.abdulkhairova@farmaprim.md