Ломилан таблетки по 10 мг №10 (блистер)

Ломилан®

Лоратадин

Таблеткалар 10 мг

Респираторлық жүйе. Жүйелі әсер ететін антигистаминдік препараттар. Жүйелі әсер ететін антигистаминдік басқа препараттар. Лоратадин.

АТХ коды R06AX13

Профилактикалық және симптоматикалық емдеу

- поллиноз

- созылмалы аллергиялық ринит

- аллергиялық конъюнктивит

- созылмалы есекжем

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- тұқым қуалайтын фруктоза, галактоза жақпаушылығы, Lapp - лактаза ферментінің тапшылығы, глюкоза- галактоза мальабсорбциясы (құрамында лактоза моногидраты бар)

- 6 жасқа дейінгі балалар

- жүктілік және лактация кезеңі

Ломилан® препаратын аллергиялық тері сынамаларын жүргізерден кем дегенде екі күн бұрын (48 сағат бойы) тоқтатқан жөн, өйткені дәрілік препарат терінің аса жоғары сезімталдыққа тексеру нәтижелерін бұрмалауы мүмкін.

Бауыр зақымдануы кезінде қандағы ең жоғары концентрациясы және жартылай шығарылу кезеңі аурудың ауырлығының ұлғаюына байланысты жоғарылайды, сондықтан бауыр функциясының ауыр бұзылуы бар пациенттерге препаратты тағайындаған кезде, аздау бастапқы дозасы ұсынылады. Ломилан® таблеткаларын бауыр функциясының ауыр жеткіліксіздігі бар пациенттерде сақтықпен қолдану керек.

Препаратты Р-450 цитохромы (циметидин) тежегіштерімен бір мезгілде сақтықпен тағайындайды.

Ломилан® құрамында лактоза бар; сондықтан тұқым қуалайтын галактозаны көтере алмаушылығы, Lapp - лактаза тапшылығы немесе глюкоза-галактоза мальабсорбциясы бар пациенттерге Ломилан® қабылдауға болмайды.

Басқа дәрілік препараттармен өзара әрекеттесуі

Психомоторлық икемділікті зерттеу көрсеткендей, лоратадин алкогольмен бір мезгілде қолданылғанда ешқандай әсерлер туындатпайды. Дегенмен, лоратадинді алкогольмен бір мезгілде қабылдау ұсынылмайды.

Барлық белгілі CYP3A4 немесе CYP2D6 тежегіштерімен ықтимал өзара әрекеттесуі жүруі мүмкін, соның нәтижесінде лоратадиннің деңгейі жоғарылайды, бұл жағымсыз әсерлер пайда болу жағдайларының көбеюіне әкелуі мүмкін.

Бақыланатын зерттеулерде кетоконазолмен, эритромицинмен және циметидинмен бір мезгілде қабылдаудан кейін плазмада лоратадин концентрациясының артқаны, бірақ клиникалық мәнді өзгерістерсіз болғаны (электрокардиографияны қоса) жайлы хабарланған.

Балалар

Өзара әрекеттесуіне зерттеулер тек ересектерде жүргізілді.

Жүктілік

Жүкті әйелдерге қатысты деректердің үлкен көлемі (экспозицияның 1000-нан астам нәтижелері) лоратадиннің деформациялық және фето/неонатальді уыттылығының жоқтығын көрсетеді. Жануарларға жүргізілген зерттеулер ұрпақ өрбіту уыттылыққа тікелей немесе жанама зиянды әсерлерін көрсеткен жоқ. Сақтық шарасы ретінде жүктілік кезінде лоратадинді қолданудан бас тартқан жөн.

Бала емізу

Лоратадин емшек сүтімен шығарылады, сондықтан Ломилан® препаратын лактация кезінде қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ломилан® ұсынылған дозасында психомоторлы реакциялар жылдамдығына әсер етпейді. Алайда ықтимал жағымсыз әсерлерін ескере отырып, көлік құралын немесе қауіптілігі зор механизмдерді басқару қабілетін жекелей бағалау қажет. Кейбір пациенттер өте сирек жағдайларда ұйқышылдықты бастан өткерген, бұл олардың көлік құралдарын немесе қауіптілігі зор механизмдерді басқару қабілетіне әсер етуі мүмкін екендігі пациенттерге ескертілуі тиіс.

Дозалау режимі

Ішке қабылдау үшін.

Ломилан® таблеткасын ас қабылдауға байланыссыз қабылдауға болады.

12 жастан асқан жасөспірімдер мен ересектер: 1 таблеткадан күніне 1 рет.

Таблеткалар тұтас, шайнамай, аз мөлшерде сұйықтықпен қабылданады.

Әрекеттің тез басталуы үшін Ломилан® аш қарынға қабылдануы керек. Егер Ломилан® тамақпен бірге қабылданса, оның қанға сіңуінде аздап кешігу болуы мүмкін, бірақ бұл оның тиімділігіне әсер етпейді.

Ересектер және 6 жастан бастап және одан үлкен балалар (дене салмағы 30 кг артық): тәулігіне 1 рет 10 мг (1 таблетка).

6 жасқа толмаған немесе салмағы 30 кг немесе одан аз балаларға сәйкес дозалау үшін басқа қолайлы дәрілік нысандар бар.

Бауыр жеткіліксіздігі бар пациенттер

Пациенттерге күніне екі рет 10 мг лоратадиннің (1 таблетка) төмендетілген дозасы ұсынылады. Таблетканы бөлуге болмайды.

Ломилан® препаратын анағұрлым төмен бастапқы дозада тағайындау керек, өйткені лоратадин клиренсі төмендеуі ықтимал.

Дене салмағы 30 кг-нан асатын ересектер мен балалар үшін күніне 10 мг бастапқы доза ұсынылады.

Бүйрек жеткіліксіздігі бар пациенттер

Дозаны түзету керек емес.

Егде жастағы пациенттер

Дозаны түзету керек емес.

Артық дозаланған жағдайда қабылдануы тиіс шаралар

Симптомдары: жағымсыз әсерлерінің күшеюі, антихолинергиялық симптомдарының артуы, ұйқышылдық, тахикардия және бас ауыруы.

Емі: арнайы антидоты жоқ. Асқазанды шаю (препаратты қабылдағаннан кейінгі алғашқы 2 сағатта), адсорбенттер тағайындау қажет, қажет болса – симптоматикалық ем жүргізу керек. Белсендірілген көмірді қолдануға болады. Гемодиализ тиімсіз.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Дәрілік препаратты қолдану тәсілін түсіндіру үшін кеңес алу үшін медицина қызметкеріне жүгіну ұсынылды

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Өте жиі:

- бас ауыруы

Жиі:

- бас айналу, ұйқышылдық, жүрек айнуы

- жөтел, мұрыннан қан кету, ринит, жоғарғы тыныс алу жолдарының инфекциялары

- диарея, ауыздың құрғауы, диспепсия, тәбеттің жоғарылауы, фарингит

- шаршау

Жиі емес:

- мигрень, жүйкелік, тершеңдік, шөлдеу, құсу, парестезия

- конъюнктивит, көздің ауыруы

- құлақтың ауыруы, шуылдау

- кеудедегі ауырсыну, артериялық гипертензия, жүректің жиі қағуы

- бронхит, бронх түйілуі, мұрынның бітіп қалуы, ентігу, синусит, түшкіру, дисфония

- дәм сезудің бұзылуы, метеоризм, гастрит, іш қату, тіс ауруы

- дерматит, қышыну, гиперемия, есекжем

- артралгия, астения, арқадағы ауырсыну

- несеп шығарудағы өзгерістер

- дисменорея

- қызба, әлсіздік

Сирек

- анафилаксия (аллергиялық реакция), оның ішінде ангионевроздық ісіну, аллергияның өршуі

- амнезия, анорексия, зейіннің нашарлығы

- гиперкинезия, гипестезия, тремор

- көздің бұлдырлығы, көзден жас ағуының өзгеруі

- қан түкіру, артериялық гипотензия, ісіну, естен тану, тахикардия

- ларингит

- стоматит

- пурпура, құрғақ шаш, құрғақ тері, фотосезімталдық

- аяқтың құрысуы

- импотенция, либидоның төмендеуі, меноррагия

- ысынулар

Өте сирек:

- салмақ жоғалту

- елестеулер

- құрысулар

- блефароспазм

- сілекей бөлінуінің өзгеруі

- бауыр функциясының бұзылуы (гепатит), бауыр некрозы, сарғаю

- алопеция, мультиформалы эритем

- миалгия

- несеп түсінің өзгеруі

- вагинит, гинекомастия

- қалтырау

Кейде:

- қозу, мазасыздық, шатасу, депрессия

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Бір таблетканың құрамында

белсенді зат - 10 мг лоратадин,

қосымша заттар: лактоза моногидраты, жүгері крахмалы, желатинделген крахмал, магний стеараты.

Дөңгелек пішінді, бір жағында сызығы бар, ақтан ақ дерлік түске дейінгі таблеткалар.

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

4 жыл

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Лек Фармасьютикалс д.д., Словения

Verovskova 57, Ljubljana, 1526, Slovenia

Телефон: + 386 1 580 21 11

Факс: + 386 1 568 35 17

E-mail: info.sandoz@sandoz.com

Лек Фармасьютикалс д.д., Словения

Verovskova 57, 1526 Ljubljana, Slovenia

Телефон: + 386 1 580 21 11

Факс: + 386 1 568 35 17

E-mail: info.sandoz@sandoz.com

«Сандоз Фармасьютикалс д.д.» акционерлік қоғамының Қазақстан Республикасындағы өкілдігі

Қазақстан Республикасы, Алматы қ., 050000, Құрманғазы көш. 95

Телефон: +7(727) 258 24 47

e-mail: drugsafety.cis@novartis.com