Лиотон гель д/наруж. прим. 1000 МЕ по 50 г (туба)

Лиотон® 1000 гель

Халықаралық патенттелмеген атауы

Натрий гепарині

Гель, 30 г, 50 г, 100 г

Жүрек-қантамыр жүйесі. Вазопротекторлар. Варикозға қарсы дәрі. Сыртқа қолдануға арналған гепариндер мен гепариноидтар. Гепарин.

ATХ коды: C05BA03

Емдеу кезінде:

- варикоз синдромын және оның асқынуларын,

- флеботромбозды,

- тромбофлебитті,

- беткейлік перифлебитті,

- варикоз ойық жараларды,

- операциядан кейінгі ауырсынуды,

- сафенэктомияның салдарын,

- жарақаттар мен соғылуларды,

- жергілікті ісінулер мен инфильтраттарды,

- тері астылық гематоманы,

- бұлшықет-сіңір және капсула-байлам аппаратының жарақаттық зақымдануларын.

Қолдануға болмайтын жағдайлар

- гепариннің әсер етуші затына немесе «Құрамы» бөлімінде көрсетілген қосымша заттардың кез келгеніне аса жоғары сезімталдық.

- 18 жасқа дейінгі балалар мен жасөспірімдер

Қолданған кездегі қажетті сақтандыру шаралары

Геморрагиялық синдром болғанда Лиотон® 1000 гель препаратын қолдану мүмкіндігін мұқият саралау керек.

Лиотон® 1000 гельді қан кетулер кезінде қолдануға, ашық жаралы беткейлерге немесе шырышты қабықтарға, сондай-ақ іріңді үдерістер болғанда инфекция түскен жерлерге жағуға болмайды.

Басқа дәрілік препараттармен өзара әрекеттесуі

Гепаринді қолданған кезде антикоагулянттармен емделген пациенттерде протромбин уақытының ұзаруы мүмкін.

Арнайы ескертулер

Лиотон® 1000 гель препаратының құрамында баяу типті аллергиялық реакциялар туғызуы мүмкін консерванттар ретіндегі метилпарагидроксибензоат (E218), пропилпарагидроксибензоат (E216) бар.

Осы дәрілік препараттың құрамына аллергиялық реакциялар тудыруы мүмкін цитраль, цитронеллол, кумарин, D-лимонен, фарнезол, гераниол және линалоол бар хош иістендіргіштер кіреді.

Бір грамм гельде 233 мг этанол бар. Зақымдалған теріде этанол күйдіру сезімін тудыруы мүмкін.

Педиатрияда қолдану

Препаратты 18 жасқа дейінгі балалар мен жасөспірімдерде қолдануға болмайды. 18 жасқа дейінгі балалар мен жасөспірімдерде Лиотон® 1000 гель препаратын қолданудың қауіпсіздігі мен тиімділігі анықталмаған.

Жүктілік және лактация кезінде қолданылуы

Жүктілік кезінде және лактация кезеңінде препаратты қолдану туралы тиісті деректер жоқ.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Лиотон® 1000 гель препараты көлік құралдарын басқару және механизмдерге қызмет көрсету қабілетіне әсер етпейді немесе аздап әсер етеді.

Дозалау режимі

Зақымданған жерге тәулігіне 1-3 рет 3-10 см гель жағады және ысқылау қозғалыстармен абайлап сылайды.

Қолдану тәжірибесінің жеткіліксіздігін және тиісті деректердің жеткіліксіз мөлшерін ескере отырып, бұл препаратты 18 жасқа дейінгі балалар мен жасөспірімдерде қолдануға болмайды.

Емдеу ұзақтығы

Егер Сізде байқалған симптомдар нашарласа немесе 7 күннен кейін жақсару басталмаса, дәрігерге қаралыңыз.

Артық дозалану жағдайында қабылданатын шаралар

Артық дозалану жағдайлары белгіленбеді. Пайда болған жағдайда гепариннің әсерін протамин сульфатымен бейтараптандыруға болады.

Препаратты қолдану бойынша сұрақтар туындаған жағдайда денсаулық сақтау жүйесінің маманынан кеңес алу қажет.

Дәрілік препаратты әдеттегі қолдану кезінде туындайтын жағымсыз әсерлердің сипаттамасы және тиісті қажетті шаралар

Өте сирек (<1/10 000)

- гепаринге аллергиялық реакциялар

Жиілігі белгісіз (қолда бар мәліметтер бойынша орнату мүмкін емес)

- жоғары сезімталдық реакциялары дамуы мүмкін, мысалы, терінің қызаруы және қышыну, олар әдетте препаратты тоқтатқаннан кейін тез жоғалады.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 г гель құрамында

Белсенді зат -100 000 ХБ натрий гепарині

Қосымша заттар: Карбомер, метилпарагидроксибензоат (E218), пропилпарагидроксибензоат (E216), этанол, нероли хош иістендіргіші (құрамында линалоол, D-лимонен, гераниол, цитраль, цитронеллол және фарнезол бар), лавандин майы (құрамында линалоол, D-лимонен, гераниол және кумарин бар), триэтаноламин, тазартылған су.

Сыртқы түрінің иісінің, дәмінің сипаттамасы

Түссіз немесе сәл сарғыш реңкті жағымды иісі бар мөлдір дерлік тұтқыр консистенциялы гель.

30, 50 немесе 100 г алюминий сықпаларда.

1 сықпа медициналық қолдану жөніндегі қазақ және орыс тілінде нұсқаулықпен бірге картон қорапқа салынады.

5 жыл.

Қаптаманы ашқаннан кейін 6 ай.

Жарамдылық мерзімі өткеннен кейін пайдалануға болмайды!

25ºC-ден төмен температурада сақтау керек.

Балалардың қолы жетпейтін жерде сақтау керек!

Рецептісіз

А. Менарини Мэнюфекчеринг Лоджистикс энд Сервисиз Срл, Италия

Виa Сеттэ Санти, 3, 50131, Флоренция, Италия

тел: +0039 055 56807625

E-mail: Kazakhstan@berlin-chemie.com

А. Менарини Индустриэ Фармачеутикэ Риунитэ Срл

50131 Флоренция, Италия

тел: +0039 055 56807607

E-mail: Kazakhstan@berlin-chemie.com

«Берлин-Хеми АГ» АҚ Қазақстан Республикасындағы филиалы

050051, Алматы, Луганский көш. 54, № 2 коттедж

тел:+7 727 2446183, 2446184, 2446185

Эл. пошта: Kazakhstan@berlin-chemie.com