Кортексин лиофилизат д/ин. по 5 мг №10 (флаконы)

Кортексин®

Жоқ

Бұлшықет ішіне енгізу үшін ерітінді дайындауға арналған лиофилизат, 5 мг

Жүйке жүйесі. Психоаналептиктер. Зейін тапшылығы және аса жоғары белсенділік кезінде қолданылатын психостимуляторлар (ADHD) және ноотропты дәрілер. Басқа психостимуляциялайтын және ноотропты дәрілер.

АТХ коды: N06ВХ

Кешенді ем құрамында:

- ми қанайналымының бұзылуында

- бассүйек-ми жарақаты мен оның салдарында

- генезі әртүрлі энцефалопатияда

- когнитивті бұзылуларда (есте сақтау және ойлау бұзылыстары)

- жедел және созылмалы энцефалитте және энцефаломиелитте

- эпилепсияда

- астениялық жағдайларда (сегментүстілік вегетативті бұзылыстар)

- үйрену қабілетінің төмендеуінде

- балалардағы психомоторлық даму мен сөйлеу дамуының кідіруінде

- балалардың церебральді салдануының әртүрінде

Қолдануды бастағанға дейін қажетті мәліметтер тізбесі

- препарат компоненттеріне жеке төзімсіздік;

- жүктілік және лактация кезеңі.

КОРТЕКСИН® препаратына арналған еріткіш ретінде 0,5% прокаин (новокаин) ерітіндісін пайдаланған кезде прокаинді (новокаинді) қолдану жөніндегі нұсқаулықта жазылған қолдануға болмайтын жағдайлар, сақтық шаралары және жас шектеулері туралы ақпаратты ұстанған жөн.

КОРТЕКСИН® дәрілік препаратының ерітіндісін дайындау үшін еріткіш ретінде лидокаиннің жергілікті анестетикасын қолдану ұсынылмайды.

Ерітілген дәрілік препараты бар құтыны сақтауға және сақтағаннан кейін пайдалануға болмайды. КОРТЕКСИН® препаратының ерітіндісін басқа ерітінділермен араластыру ұсынылмайды.

Дәрілік препараттың алғашқы қабылдаудағы немесе оны тоқтатудағы әсер ету ерекшеліктері жоқ.

Пайдаланылмаған дәрілік препараттарды жою кезінде арнайы сақтық шаралары талап етілмейді.

Препараттың дәрілік әрекеттесуі сипатталмаған.

КОРТЕКСИН® тек дәрігердің тағайындауы бойынша пайдаланыңыз!

Педиатрияда қолдану

КОРТЕКСИН® педиатрияда жаңа туған кезден бастап қоса алғанда 17 жасқа дейін қолданылады.

Жүктілік немесе лактация кезінде

Препарат жүктілік кезінде қарсы көрсетілген (клиникалық зерттеулер деректерінің болмауына байланысты). Лактация кезеңінде препаратты тағайындау қажет болған жағдайда бала емізуді тоқтату керек (клиникалық зерттеулер деректерінің болмауына байланысты).

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қоздырғыш әсер симптомдары пайда болған жағдайда препарат ерекше назар аударуды және жылдам реакцияларды (автокөлікті басқару, қозғалатын механизмдермен жұмыс) талап ететін әлеуетті қауіпті қызмет түрлерін орындауға әсер етуі мүмкін.

Дозалау режимі

Дене салмағы 20 кг – ға дейін болған кезде препаратты 0,5 мг/кг дозада, дене салмағы 20 кг-нан асқан кезде-күніне бір рет 10 мг дозада енгізеді. Ең жоғары тәуліктік доза дене салмағы 20 кг-ға дейін 0,5 мг/кг және дене салмағы 20 кг-нан асатын 10 мг құрайды.

Енгізу әдісі мен жолы

Препарат бұлшықет ішіне енгізіледі. Құтының ішіндегісін инъекция алдында 1-2 мл 0,5% прокаин (новокаин) ерітіндісінде, инъекцияға арналған суда немесе 0,9% натрий хлориді ерітіндісінде ерітеді (көбіктенуді болдырмау үшін инені құтының жанына бағыттай отырып)

Қабылдау уақыты көрсетілген қолдану жиілігі

Препаратты тамақтануға қарамастан күніне бір рет енгізеді.

Бір емдеу курсының ұзақтығы 10 күнді құрайды.

Қажет болса, 3-6 айдан кейін қайта емдеу курсын жүргізіңіз.

Қазіргі уақытта препараттың артық дозалануы туралы хабарланған жоқ.

Дәрілік препараттың бір немесе бірнеше дозасын өткізіп алған кезде қажетті шаралар

Инъекцияны өткізіп алған жағдайда қосарлы дозаны енгізу ұсынылмайды, әдеттегідей келесі инъекцияны белгіленген күні жүргізу керек.

Дәрілік препаратты қолдану тәсілін түсіндіру үшін сізге препаратты тағайындаған медицина қызметкеріне жүгініңіз.

Өте сирек

- аса жоғары сезімталдық реакциялары: анафилаксиялық шок, көмейдің ангионевроздық ісінуі, тері бөртпесі, тері қышынуы, тері гиперемиясы, енгізген жердегі гиперемия;

- қимыл үйлесімінің бұзылуы- психомоторлы қозу, қозғалыстарды үйлестірудің бұзылуы, ұйқысыздық, мазасыздық сезімі;

- тахикардия (жүректің жиырылу жиілігінің жоғарылауы).

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

«ГЕРОФАРМ» ЖШҚ фармакологиялық қадағалау қызметі

farmakonadzor@geropharm.com

Қосымша мәліметтер

Бір құтының ішінде

белсенді зат - 5 мг кортексин (Кортексин® құрғақ экстрактіден бөлініп алынған суда еритін полипептидтік фракциялар кешені),

қосымша зат - глицин.

Ақ түсті немесе сарғыш реңді ақ түсті лиофилизацияланған ұнтақ немесе кеуекті масса.

11 мг лиофилизаттан «ГЕРОФАРМ» бедерлі жазуы бар, қызғылт сары түсті жұлып алынатын пластик жапсырмасы бар алюминий қалпақшамен қаусырылған медициналық резеңке тығындармен тығындалған сыйымдылығы 3 мл түссіз шыныдан жасалған құтыда. Құтыға өздігінен желімденетін заттаңба жабыстырылады.

5 құтыдан поливинилхлоридті үлбірден немесе полиэтилентерефталатты үлбірден және фольгадан жасалған пішінді ұяшықты қаптамада. 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге импорттық картон қорапшаға салынған.

3 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

«ГЕРОФАРМ» ЖШҚ, Ресей

191119, Санкт-Петербург, Звенигородская к-сі, 9 үй

Телефон: (812) 703-79-75 (көп каналдық), факс: (812) 703-79-76

«ГЕРОФАРМ» ЖШҚ, Ресей

191119, Санкт-Петербург, Звенигородская к-сі, 9 үй

Телефон: (812) 703-79-75 (көп каналдық), факс: (812) 703-79-76

«ГЕРОФАРМ» ЖШҚ Қазақстан Республикасындағы өкілдігі

Алматы қ., Тимирязев к-сі, 42 үй, 15/108-109 павильон, 339 кеңсе Тел. 8 (727) 334-15-70

Ресей аумағында

«ГЕРОФАРМ» ЖШҚ

Ресей, 191144, Санкт-Петербург, Дегтярный тұйық көшесі, 11 үй, лит. Б

Тел. (812) 703-79-75 (көп каналдық), факс (812) 703-79-76

Жедел желі телефоны: 8-800-333-4376 (Ресей бойынша қоңырау шалу тегін)

www.cortexin.ru

www.geropharm.ru