Кокарнит лиофилизат д/ин. по 2 мл №3 (ампулы + растворитель по 2 мл)

Кокарнит

Жоқ

Инъекция үшін ерітінді дайындауға арналған лиофилизацияланған ұнтақ еріткішпен жиынтықта (лидокаин гидрохлоридінің 0.5 % ерітіндісі)

Дәрумендер. В тобы дәрумендері кешені, басқа препараттармен біріктірілімін қоса. Басқа препараттармен біріктірілген В тобының дәрумендері.

АТХ коды А11ЕХ

- невриттер, нейропатиялар (қант диабеті, инфекциялық аурулар, пернициозды анемия және т. б. кезінде)

- шығу тегі әр түрлі невралгия

- миалгия, ишиалгия

- люмбаго, радикулит

- бурсит, тендинит

- жүректің ишемиялық ауруы, миокардит, миокардиопатия

Қолдануды бастағанға дейін қажетті мәліметтер тізбесі

- әсер етуші затқа (заттарға) немесе қосымша заттардың кез келгеніне аса жоғары сезімталдық

- миокард инфарктісінің жедел кезеңі

- гиперкоагуляция (соның ішінде жедел тромбоз), эритремия, эритроцитоз, артериялық гипертонияның ауыр түрлері, артериялық гипотония, өкпенің қабыну аурулары, жүректің ауыр жеткіліксіздігі, псориаз, өткізгіштіктің ауыр бұзылулары, жүректің жедел жеткіліксіздігі

- 18 жасқа дейінгі балалар және жасөспірімдер

- жүктілік және лактация кезеңі

Қолдану кезіндегі қажетті сақтық шаралары

Кокарнит препаратын енгізер алдында препарат компоненттеріне жоғары сезімталдыққа күдікті пациенттерге тері ішіне сынама жасау ұсынылады.

Кокарбоксилаза жүрек гликозидтерінің кардиотонустық әсерін күшейтеді.

В12 дәрумені В1 дәрумені туғызған аллергиялық реакцияларды күшейтуі мүмкін екенін ескеру қажет.

Никотинамидті әсіресе карбамазепин, диазепам, натрий вальпроаты сияқты эпилепсияға қарсы дәрілермен бір уақытта қолданғанда олардың құрысуға қарсы әсері үдеуі мүмкін.

Цианокобаламинмен емдеген кезде жүйелі түрде қан талдауын жүргізу қажет. Эритро- және лейкоцитозға даму үрдісі кезінде дозаны азайтады немесе препаратты қабылдауды уақытша тоқтатады. Емдеу үдерісінде қанның ұюын бақылап отыру қажет және тромб түзілуіне бейімділігі бар адамдарға қатысты абай болу қажет. В12 дәруменін жедел тромбоэмболиялық ауруларда енгізуге болмайды.

Стенокардиямен ауыратын науқастарға В12 дәруменін сақтықпен және аз дозада (бір инъекцияға 0,1 мг-ге дейін) тағайындау қажет.

Кокарнитті анамнезінде ойық жара аурулары, гастрит, подагра, қан кету, бауыр мен өт шығару жолдарының зақымданулары туралы мәліметтері бар пациенттерде сақтықпен қолдану керек.

Препаратты ұзақ уақыт бойы қолданған кезде жалпы қан талдауындағы эритроциттер санын, қанның ұю уақытын, коагулограммадағы протромбиндік индексті, трансаминазалар, сілтілі фосфатаза, гамма-глутамилтранспептидаза, билирубин, қан сарысуындағы несеп қышқылының деңгейін, қандағы тромбоциттер мөлшерін бақылау қажет.

Дайындалған ерітіндінің түсі қызғылт болуы тиіс.

Егер түсі өзгеріп кетсе, ерітіндіні пайдалануға болмайды.

Ерітіндіні дайындағаннан кейін бірден пайдалану қажет!

Ерітінді тек бұлшықет ішіне енгізуге арналған! Лидокаинді еріткіш ретінде пайдаланған кезде препарат тек бұлшықет ішіне енгізіледі!

Педиатрияда қолданылуы

Препаратты балаларға қолданудың қауіпсіздігі және тиімділігі зерттелген жоқ.

Жүктілік және лактация

Жүктілік кезінде Кокарнит препаратын егер ана үшін күтілетін пайдасы шарана үшін әлеуетті қауіптен басым болған жағдайларда ғана қолдану керек.

Препаратпен емделу кезінде бала емізуді тоқтату ұсынылады.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Кокарнит препаратын қолдану кезінде бас айналу, бас ауыру пайда болатын пациенттер жоғары зейін қоюды және психомоторлық реакциялардың шапшаңдығын қажет ететін қауіптілігі зор қызмет түрлерімен айналыспауы тиіс.

Дозалау режимі

Кокарнит препаратының тәуліктік дозасы препараттың 1-2 құтысын құрайды.

Емдеу ұзақтығы және қайталау курстары аурудың сипатына және ауырлығына байланысты және емдеуші дәрігермен анықталады.

Инъекцияға арналған ерітіндіні тікелей пайдаланар алдында, лиофилизаты бар бір құтының ішіндегісін 2 мл еріткіште еріту арқылы дайындайды.

Пациенттердің ерекше топтары

Бүйрек және бауыр жеткіліксіздігі бар пациенттер

Бауыр және бүйрек жеткіліксіздігі бар науқастарда препаратты қолданған кезде дозаны түзету қажет емес.

Балалар

Балаларда препаратты қолдану туралы ақпарат жоқ.

Егде жастағы пациенттер

65 жастан асқан пациенттерде дозаны түзету қажет емес.

Бұлшықет ішіне.

Симптомдары: препараттың жағымсыз әсерлерінің күшеюі.

Емі: симптоматикалық және препаратты қолдануды тоқтату.

Дәрілік препаратты қолданбас бұрын дәрігерге кеңес алу үшін жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Иммундық жүйе тарапынан: жиілігі белгісіз - аса жоғары сезімталдық реакциялары (анафилаксиялық шокты қоса). Препаратты енгізер алдында препараттың компоненттеріне аса жоғары сезімталдығы бар деген күмәнді пациенттерге тері ішіне сынама жүргізу ұсынылады.

Жүрек тарапынан: жиілігі белгісіз - емдеудің басында іркілісті жүрек жеткіліксіздігі, пальпитация.

Қантамырлар тарапынан: жиілігі белгісіз - шеткері қантамырлар тромбозы, қан кернеуі, гипотензия.

Тыныс алу жүйесі, кеуде қуысы ағзалары және көкірекорта тарапынан: жиілігі белгісіз - емдеудің басында өкпенің ісінуі, ентігу.

Қатерсіз, қатерлі және анықталмаған жаңа түзілімдер (кисталар мен полиптерді қоса): жиілігі белгісіз - шынайы полицитемия.

Жүйке жүйесі тарапынан: жиілігі белгісіз - бас айналу.

Асқазан-ішек жолы тарапынан: жиілігі белгісіз - диарея (жеңіл түрі, транзиторлы), жүрек айнуы, эпигастрий аумағындағы жайсыздық.

Тері мен тері асты тіндерінің тарапынан: жиілігі белгісіз - қышыну, бөртпе (транзиторлы), аллергиялық дерматит, есекжем, ангионевроздық ісіну, гипергидроз.

Бүйрек және несеп шығару жолдары тарапынан: жиілігі белгісіз - полиурия.

Жалпы бұзылыстар және енгізу орнындағы бұзылулар: жиілігі белгісіз - астения, дімкәстану, гипертермия, қалтырау, енгізу орнындағы реакциялар, оның ішінде енгізу орнындағы ауырсыну және енгізу орнындағы некроз.

Көрсетілген немесе басқа жағымсыз реакциялар туындаған жағдайда дәрігерге жүгіну керек.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір құтының ішінде

белсенді заттар: 10 мг динатрий аденозинтрифосфат тригидраты, 50 мг кокарбоксилаза, 0,5 мг цианокобаламин, 20 мг никотинамид,

қосымша заттар: глицин, метилпарагидроксибензоат, пропилпарагидроксибензоат.

Еріткіш: 10.67 мг лидокаин гидрохлорид моногидраты (10 мг лидокаин гидрохлоридіне баламалы), инъекцияға арналған су 2 мл-ге дейін.

Сыртқы түрінің, иісінің, дәмінің сипаттамасы

Қызғылт түсті лиофилизацияланған ұнтақ.

Еріткіш: мөлдір түссіз ерітінді.

Инъекцияға арналған лиофилизацияланған ұнтақ бромбутил резеңке тығыны және Flip off типті біріктірілген алюминий қалпақшасы бар күңгірт шыны құтыларда.

3 құты еріткішімен (2 мл-ден лидокаин гидрохлоридінің 0,5% ерітіндісі бар түссіз шыныдан жасалған 3 ампула) жиынтықта пішінді ұяшықты қаптамада медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Уорлд Медицин Илач Сан. ве Тидж. А.Ш.»

ЧОСБ Г.О. Паша Мах. 6. Джад. № 30 Черкезкёй, Текирдаг, ТүркияТел.: +90 (212) 474 70 50, факс: +90 (212) 474 09 01, электрондық пошта: info@worldmedicine.com.tr

«Уорлд Медицин Илач Сан. ве Тидж. А.Ш.»

15 Теммуз Мах., Джами Йолу Джад. № 50, Гюнешли, Багджылар, Стамбул, Түркия Тел: +90 (212) 474 70 50, факс: +90 (212) 474 09 01,

электрондық пошта:info@worldmedicine.com.tr

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электрондық пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222Б

Тел/факс: 8 (7272) 529090, электрондық пошта: rin_pharma@mail.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222Б

Ұялы телефон +7 701 786 33 98, электрондық пошта: pvpharma@worldmedicine.kz