Кандид раствор 1% по 15 мл (флакон)

Кандид

Клотримазол

Жергілікті қолдануға арналған ерітінді 1 %, 15 мл

Асқорыту жолына және зат алмасу. Стоматологиялық препараттар. Ауыз қуысы ауруларын жергілікті емдеуге арналған инфекцияға қарсы және антисептикалық препараттар. Клотримазол.

Код ATХ А01АВ18

Жергілікті емдеу үшін:

- кандидозды стоматитте (ауыз қуысы кандидозы)

- фарингомикозда

Дәрілік препаратты қолданудың басталуына дейінгі қажетті мәліметтер тізбесі

Клотримазолға немесе қосымша заттардың кез келгеніне өте жоғары сезімталдық.

- белгісіз

Амфотерицин В немесе нистатинді бір мезгілде қолдану клотримазолдың белсенділігін төмендетеді. Дексаметазон үлкен дозада қолданғанда клотримазолдың зеңге қарсы әсерін тежейді. Клотримазолдың антимикотикалық әсері п-оксибензой қышқылы пропил эфирінің жоғары жергілікті концентрациясын күшейтеді. Кандид ерітіндісін құлаққа арналған Софрадекс тамшы дәрісімен бір мезгілде қолданған кезде жылу реакциясы болуы мүмкін.

Жүктілік

Клотримазолдың жүкті әйелдерде қолданылуы туралы деректер шектеулі. Жануарларда клотримазолды қолданып жүргізілген зерттеулер жоғары пероральді дозаларындағы репродуктивтік уыттылығын көрсетті. Жергілікті емдеуден кейін клотримазолдың жүйелі әсері төмен болатын кезде репродуктивтік уыттылығына қатысты зиянды салдарлары болжанбайды.

Клотримазолды жүктілік кезінде қолдануға болады, бірақ тек дәрігердің немесе акушердің қадағалауы қажет.

Лактация кезеңі

Клотримазолдың емшек сүтімен экскрецияланатыны туралы деректер жоқ. Алайда, енгізгеннен кейін жүйелі сіңірілуі өте төмен және жүйелі әсерлерге алып келуі екіталай. Клотримазолды лактация кезінде қолдануға болады. Үрпілер аумағына жергілікті жаққан жағдайда, баланы емізер алдында омырауды жуып жіберіңіз.

Фертильділік

Клотримазолдың адамдағы фертильділікке әсеріне ешқандай зерттеулер жүргізілмеді; алайда, жануарларда жүргізілген зерттеулер препараттың фертильділікке қандай-да бір әсері барын көрсетпеді

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Клотримазол автомобиль басқару және механизмдерді пайдалану қабілетіне әсер етпейді немесе болар-болмас әсер етеді.

Дозалау режимі

Кандид препаратының 10-20 тамшысын (0.5 мл - 1 мл) ауыз қуысының зақымданған бөлігіне мақта таяқшамен күніне 3-4 рет жағады. Жаққан кезде ауыз қуысындағы зақымданған немесе қабынған барлық жердің ерітіндімен өңделгеніне көз жеткізу керек. Жақсару 3-5 күні ғана басталғанына қарамастан, емдеуді аурудың клиникалық көріністер толық жойылғанша жалғастырған жөн. Препаратты тек дәрігердің тағайындауы бойынша ғана балаларға қолдануға болады.

Дәрігердің кеңесі қажет емес.

Атап келтірілген жағымсыз әсерлер тосыннан келіп түскен хабарламаларға негізделгендіктен, олардың әрқайсысы үшін туындау жиілігін дәл анықтау мүмкін емес.

-анафилаксиялық реакция;

- ангионевроздық ісіну;

- жоғары сезімталдық;

- естен тану;

- артериялық гипотензия;

- ентігу;

- күлбіреуіктер, жанаспалы дерматит, эритема, парестезия, терінің қабыршықтануы, қышыну, бөртпе, есекжем, күйдіру сезімі/терінің ашуы;

- жаққан жердің тітіркенуі, жаққан орындағы реакция, ісіну, ауыру.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Препараттың құрамында:

100 мл ерітінді құрамында

белсенді зат - клотримазол 1г,

қосымша заттар: пропиленгликоль, глицерол.

Сыртқы түрінің, иісінің, дәмінің сипаттамасы

Мөлдір, түссіз, тұтқыр сұйықтық.

15 мл препаратты зақымданудан қорғау үшін қақпақтың түбінде сақинасы бар және қақпақтың ішінде шыбығы бар пластикалық бөтелкелерге салынады.

Бөтелкеге ​​жапсырма бекітілген.

1 құтыдан қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.

3 жыл

Құтыны алғаш ашқаннан кейінгі қолданылу кезеңі – 45 күн.

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25º С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Гленмарк Фармасьютикалз Лтд, ПЛОТ № Е 37,39, МИДС Ареа, Саптур, Насик – 422007, Махараштра, Үндістан.

Эл. пошта: webmaster@glenmark.com

Гленмарк Фармасьютикалз Лтд, Үндістан

Адрес: Гленмарк Хаус, ХДО-Корпорэйт Билдинг, Винг – А, Б.Д. Савант Марг, Чакала, Офф Вестерн Экспресс Хайвэй, Андхери (И), Мумбай – 400 099, Индия

Тел.: + 0091-22-4018 9999;

Факс: + 0091-22-4018 9986.

Эл. пошта: webmaster@glenmark.com

"GLENMARK PHARMACEUTICALS LIMITED (ГЛЕНМАРК ФАРМАЦЕВТИКАЛС ЛИМИТЕД)" Компаниясының өкілдігі

Мекенжайы: Қазақстан Республикасы, 050059, Алматы қ., Әл-Фараби даңғылы, 7, «Нұрлы Тау» бизнес орталығы, 4 А блок, 12 кеңсе.

Тел: + 7(727) 311 04 41,

Эл. пошта: Safety.KZ&UZ@glenmarkpharma.com