Гельминтокс таблетки 250 мг №3 (блистер)

Гельминтокс

Пирантел

Үлбірлі қабықпен қапталған таблеткалар, 250 мг

Фармакотерапиялық тобы

Паразиттерге қарсы препараттар, инсектицидтер және репелленттер. Гельминтке қарсы препараттар. Нематодозды емдеуге арналған препараттар. Тетрагидропиримидин туындылары. Пирантел.

АТХ коды P02CC01

Гельминтокс 250 мг, үлбірлі қабықпен қапталған таблеткалары, ересектерде:

- аскаридозда

- энтеробиозда (острицалардың жұғуы)

- анкилостомозда қолдануға көрсетілген.

Қолданудың басталуына дейін қажетті мәліметтер тізбесі

- әсер етуші заттарға немесе қосымша заттардың кез келгеніне аса жоғары сезімталдық

- 18 жасқа дейінгі балаларға және жасөспірімдерге

Бауыр аурулары болған жағдайда дәрігерге ескерту қажет. Бауыр жеткіліксіздігі жағдайында дозасын азайтады.

Энтеробиоз: Қайталап жұқтыруды болдырмас үшін, тазалық ережелерін қатаң сақтау қажет: анус аймағын күнделікті жуу, қолды жуу, тырнақтарды алу және тазалау, шат аймағын қасуға жол бермеу, төсек жабдықтарын және іш киімді үнемі ауыстырып отыру. Барлық отбасы мүшелерін бір мезгілде емдеу ұсынылады. Жұқтыру көбіне ешқандай симптомдармен көрініс бермеуі мүмкін.

Бұл препараттың құрамында аллергиялық реакция туындатуға қабілетті қосымша зат: күн батар түстес сары бояғыш (Е110) бар.

Бұл дәрілік препараттың құрамында бір таблеткасында 3,06 мг натрий бар, ол ересек адам үшін ДДҰ ұсынған ең жоғарғы тәуліктік 2 г натрий дозасының 0,15%-ына баламалы.

Қазіргі сәтте қолда бар деректер клиникалық тұрғыдан маңызды өзара әрекеттесулерін көрсетпейді.

Жүктілік немесе лактация кезінде

Жүктілік

Жүктілік кезінде аса қажет жағдайда ғана, ұрық үшін пайдасы/қаупі арақатынасын дәрігер анықтайтын мұқият бағалаудан кейін қатаң көрсетілімдер бойынша қолдану және ұсынылған дозаларды қатаң ұстану керек. Егер емделу кезінде Сіз жүкті екеніңізді байқасаңыз, дәрігерге жүгініңіз, өйткені тек ол ғана емді жалғастыру қажеттілігі жөнінде мәселені шеше алады.

Лактация

Зерттелу жеткіліксіздігіне байланысты, қатаң қажеттілік жағдайды қоспағанда, препаратты бала емізу кезеңінде пайдалануға болмайды.

Фертильділік

Ерлердің немесе әйелдердің фертильділігіне әсер ететіні анықталған жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Дозалау режимі

Таблеткалар тек ересектерге арналған.

Балалар үшін анағұрлым бейімделген дәрілік түрі болады.

Энтеробиоз және аскаридоз

Әдеттегі дозасы дене салмағына бір рет 10 мг/кг:

- салмағы 75 кг-ден аз ересектерге: 250 мг-ден 3 таблетка бір рет;

- салмағы 75 кг-ден асатын ересектерге: 250 мг-ден 4 таблетка бір рет.

Энтеробиоз кезінде паразиттерді түбегейлі жою мақсатында қатаң гигиеналық шараларды қолдану, сондай-ақ, қоршаған ортаны тазалап өңдеу қажет.

Қайталап жұқтырудың профилактикасы үшін препаратты қабылдауды 3 аптадан соң қайталау ұсынылады.

Анкилостомоз

Эндемия аймақтарында, Necator americanus жұқтырған жағдайда немесе Ankylostoma duodenale ауыр түрін жұқтырған жағдайда, дозасы екі-үш күн бойы күніне 20 мг/кг (бір немесе екі қабылдауға) құрайды, яғни:

- салмағы 75 кг-ден аз ересектерге: күніне 1.5 г (250 мг-ден 6 таблетка).

- салмағы 75 кг-ден асатын ересектерге: күніне 2 г (250 мг-ден 8 таблетка).

Эндемия аймақтарынан тыс Ankylostoma duodenale жұқтырған жағдайда (жеңілірек өтеді) бір қабылдауға 10 мг/кг дозада тағайындайды.

Ішке.

Гельминтоксты тәуліктің кез келген уақытында, алдын ала іш жүргізетін дәрілерді ішпей-ақ қабылдауға болады, аш қарында қабылдау міндетті емес.

Сіңірілу жылдамдығы төмен болғандықтан, препараттың қан плазмасындағы концентрациясы да төмен. Тіпті айқын артық дозалануы да уыттанудың күрделі белгілерін туындатпайды, ас қорытудың аздаған бұзылыстары және орталық жүйке жүйесі тарапынан өтпелі бұзылыстар (астения, бас айналуы, бас ауыруы) болуы мүмкін. Артық дозалануы кейде бауыр трансаминазаларының (аспартатаминотрансферазаның) артуына алып келеді.

Емі: симптоматикалық, бастапқыда асқазанды шаю, сондай-ақ респираторлық және жүрек-қантамыр функцияларына мониторинг жүргізу ұсынылады.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Осы дәрілік препаратты әрдайым осы нұсқаулықта сипатталғандай, немесе дәрігердің немесе фармацевтің ұсынымдарымен дәл қабылдаңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау  керек шаралар

Сирек

- асқазан-ішек бұзылыстары (анорексия, жүрек айнуы, құсу, іш ауыруы, диарея)

- бауыр трансаминазалары белсенділігінің елеусіз қысқамерзімді жоғарылауы

Белгісіз

- бас ауыруы, бас айналуы, астения, тері бөртпесі, ұйқы бұзылулары.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер