Фолацин таблетки по 5 мг №30 (3 блистера х 10 таблеток)

Фолацин®

Фолий қышқылы

Таблеткалар, 5 мг

Қан және қан түзу ағзалары. Анемияға қарсы препараттар. В12 дәрумені және фолий қышқылы. Фолий қышқылы және оның туындылары. Фолий қышқылы.

АТХ коды В03ВВ01

Фолий қышқылы ересектерде қолдануға арналған

Емдеу үшін:

- жеткіліксіз немесе теңгерімсіз тамақтанудың, мальабсорбция синдромының (глютенді энтеропатия немесе целиакия) салдарынан фолий қышқылының тапшылығынан туындаған мегалобластикалық анемияда, фолий қышқылына жоғары қажеттілікте (мысалы, жүктілік кезеңінде)

Профилактикалау үшін:

- дәрілік заттарды (фенитоин, фенобарбитал, примидон) қабылдаудан немесе фолаттарды (метотрексат) ұзақ уақыт қолданудан туындаған фолий қышқылының тапшылығында

- созылмалы гемолитикалық жай-күйдегі немесе гемодиализдегі фолий қышқылының тапшылығы

- жүктілікті жоспарлаған және қауіп тобына жататын әйелдерде шарананың жүйке түтігі ақауларының дамуы (алдыңғы жүктілік кезінде шаранада жүйке түтігінің ақауы, эпилепсияға қарсы кейбір препараттарды қолдану).

Қолданудың басталуына дейінгі қажетті мәліметтер тізбесі

- фолий қышқылына немесе қосымша заттардың кез келгеніне аса жоғары сезімталдық

- фолий қышқылы В12 дәруменімен бір мезгілде енгізілмесе, диагноз қойылмаған мегалобластикалық анемия (мысалы, балаларда, пернициоздық анемия немесе этиологиясы белгісіз макроциттік анемия жағдайында)

- фолий қышқылының тапшылығы салдарынан мегалобластикалық анемиямен байланысты асқынулар жағдайларын қоспағанда, қатерлі жаңа түзілімдер

- галактозаның тұқым қуалайтын жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы.

В12 дәрумені тапшылығы бар пациенттерге фолий қышқылын гидроксокобаламинді бір мезгілде қолданбай тағайындауға болмайды, өйткені бұл неврологиялық асқынуларды бүркемелеуі мүмкін. В12 дәруменінің жетіспеушілігі диагноз қойылмаған мегалобластикалық анемияға, оның ішінде ерте балалық шақта пайда болатын зиянды анемияға немесе этиологиясы белгісіз макроциттік анемияға немесе кобаламин жетіспеушілігінің басқа себептеріне, соның ішінде ұзақ мерзімді вегетарианшылыққа байланысты болуы мүмкін.

Фолий қышқылын фолатқа тәуелді ісіктері болуы мүмкін пациенттерге тағайындағанда сақ болу керек.

Препарат шаранада жүйке түтігі ақауларының даму қаупі жоғары жүкті әйелдерге қолданылмайды, өйткені мұндай әйелдерге фолий қышқылының төмен дозаларын қолдану ұсынылады.

Фенитоин мен фолий қышқылының арасында спецификалық өзара әрекеттесу бар, сондықтан фенитоинді ұзақ уақыт қолдану фолий қышқылының тапшылығын тудырады. Фолий қышқылының тапшылығын түзету қан плазмасындағы фенитоин концентрациясын төмендетеді, құрысуды бақылауды жоғалтуы мүмкін. Ұқсас, бірақ аз айқын өзара әрекеттесулер барбитураттарды қоса алғанда (мысалы, фенобарбитал және примидон) эпилепсияға қарсы басқа дәрілермен болады. Эпилепсияға қарсы препараттар мен фолий қышқылын бір мезгілде қолданған кезде дәрігер пациенттің жай-күйін мұқият бақылауы және қажет болған кезде эпилепсияға қарсы препараттардың дозасын түзетуі тиіс.

Сульфасалазин мен триамтерен фолий қышқылының сіңуін тежейді.

Бактерияға қарсы препараттар - хлорамфеникол және котримоксазол фолий қышқылының метаболизміне әсер етуі мүмкін.

Фолий қышқылы метотрексаттың уытты және емдік әсеріне әсер етуі мүмкін (фолий қышқылының жоғары дозалары). Метотрексат фолий қышқылының белгілі бір антагонисті және оны ұзақ уақыт қолдану фолий қышқылының жетіспеушілігін тудыруы мүмкін.

5-фторурацилмен біріктірілген фолий қышқылы фторурацилдің уыттылығын арттыруы мүмкін.

Арнайы сақтандырулар

Препарат құрамында лактоза бар. Сирек тұқым қуалайтын аурулары галактоза жақпаушылығы бар, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге бұл препаратты қабылдау ұсынылмайды.

Жүктілік және лактация кезеңі

Белгілі қауіптердің болмауына қарамастан, Фолацинді® жүкті әйелдерде фолий қышқылының жетіспеушілігі диагнозы қойылған жағдайларда немесе шарананың жүйке түтігі ақауларының даму қаупі болған жағдайда ғана қолдану керек (мысалы, алдыңғы жүктілік кезіндегі шарананың жүйке түтігінің ақаулары, эпилепсияға қарсы кейбір препараттарды қолдану).

Эмбрионға немесе шаранаға зиянды әсер туралы мәліметтер жоқ. Фолий қышқылын қолдану шаранада нейрондық түтік ақауларының пайда болу қаупін азайтады.

Фолий қышқылы емшек сүтіне белсенді түрде бөлінеді. Аналары фолий қышқылын қабылдаған емшектегі балаларда жағымсыз реакциялар байқалған жоқ.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Фолий қышқылы көлік құралдары мен механизмдерді басқару қабілетіне әсер етпейді.

Дозалану режимі

Ересектер (егде жастағы пациенттерді қоса)

Фолий қышқылының тапшылығынан туындаған мегалобластикалық анемияны емдеу үшін 4 ай бойы күн сайын 5 мг (1 таблетка) қолдану ұсынылады; мальабсорбция кезінде күн сайын 15 мг (3 таблетка) дейін қажет болуы мүмкін.

Дәрілік заттарды қабылдаудан туындаған фолий қышқылы тапшылығын профилактикалау үшін: 4 ай бойы күн сайын 5 мг (1 таблетка); мальабсорбция кезінде күн сайын 15 мг (3 таблетка) дейін қажет болуы мүмкін.

Созылмалы гемолитикалық жағдайларда немесе гемодиализ кезінде фолий қышқылы тапшылығын профилактикалау үшін: негізгі ауруға және тамақтануға байланысты әрбір 1-7 күн сайын 5 мг (1 таблетка).

Жүктілікті жоспарлайтын және қауіп тобына жататын әйелдерде шарананың жүйке түтігі ақауларының дамуын профилактикалау үшін: 5 мг (1 таблетка) күн сайын жүкті болғанға дейін (жоспарланған жүктілікке дейін 3 ай бұрын) және жүктіліктің бірінші триместрінде қабылдауды жалғастыру.

Енгізу әдісі мен жолы

Ішке қабылдауға арналған.

Балалар

Препаратты осы популяцияда қолдану туралы деректердің шектеулігіне және дозалауға қатысты ұсыныстардың болмауына байланысты 18 жасқа дейінгі балалар мен жасөспірімдерге Фолацинді® тағайындауға болмайды.

Артық дозалану жағдайлары туралы хабарланған жоқ. Тіпті өте жоғары дозалар пациентке зиян тигізбеуі керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Егер дәрілік препаратты қолдану тәсілі бойынша сұрақтар туындаса, медициналық қызметкерге кеңес алу үшін хабарласыңыз.

Сирек (≥1/10 000, <1/1000)

- анорексия, жүрек айнуы, іштің кебуі, метеоризм

- эритема, тері бөртпесі, қышыну, есекжем, диспноэ және анафилактикалық реакцияларды қоса алғанда, аллергиялық реакциялар (шокты қоса алғанда).

-

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер