Эспумизан L капли д/внутр. прим. 40 мг/мл по 30 мл (флакон)
- Тауар туралы барлығы
- Дәріханалардағы бағалар
- Аналогтар
Мынау үшін нұсқаулық Эспумизан L капли д/внутр. прим. 40 мг/мл по 30 мл (флакон)
Дәрілік препаратты медициналық қолдану
жөніндегі нұсқаулық (Қосымша парақ)
Эспумизан® L балаларға арналған тамшылар
Симетикон
Ішуге арналған тамшылар, 40 мг/мл, эмульсия
Ас қорыту жолы және зат алмасу. Асқазан-ішектің функционалдық бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Асқазан-ішек функционалдық бұзылыстарын емдеуге арналған басқа препараттар. Силикондар.
АТХ коды: A03AX13
-газдардың шамадан тыс түзілуімен туындаған асқазан-ішек жолы тарапынан бұзылуларды емдеу үшін, мысалы, метеоризмде, нәрестелердегі шаншуларда (үш айлық шаншулар).
-іш қуысы ағзаларын диагностикалық зерттеулерде қосымша зат ретінде, мысалы, рентгенологиялық зерттеулерде, іш қуысы мүшелерінің УДЗ және гастроскопияда
-беткейлік-белсенді заттармен улануда көбік жойғыш ретінде.
Қолдануды бастағанға дейін қажетті мәліметтер тізбесі
- әсер етуші затқа немесе құрамына кіретін қосымша заттардың кез келгеніне аса жоғары сезімталдық
Қолданған кездегі қажетті сақтандыру шаралары
Іш қуысы ағзалары тарапынан симптомдар қайта пайда болған кезде және/немесе олар сақталған жағдайда клиникалық тексеру қажет.
Осы уақытқа дейін белгісіз.
Рентгенологиялық зерттеуге, УДЗ-ге, эзофагогастродуоденоскопияға дайындалғанда немесе жуғыш заттармен улану кезінде Эспумизан® L балаларға арналған тамшылар бірнеше шай қасық препаратын қабылдау қажет.
Осы дәрілік препараттың құрамында мл-ге 1 ммоль натрий (23 мг) аз, яғни «натрийсіз» деп санауға болады.
Жүктілік немесе лактация кезінде
Жүктілік және бала емізу кезеңінде қолдану салдары күтілмейді, өйткені симетиконның жүйелік әсері шамалы болып табылады. Эспумизан® L балаларға арналған тамшылар препаратын жүктілік және бала емізу кезінде пайдалануға рұқсат етілген.
Фертильділік
Клиникаға дейінгі деректер адам үшін фертильділікке қатысты қауіптің жоқтығын көрсетеді.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Эспумизан® L балаларға арналған тамшылар препараты көлік құралдарын басқару және механизмдермен жұмыс жасау қабілетіне әсер етпейді.
Қолдану бойынша ұсыныстар
Дозалау режимі
Доза әр 4-6 сағат сайын қабылданады. Қажет болған жағдайда дозаны қабылдау жиілігін бір жастан асқан балаларда және ересектерде арттыруға болады.
Газ түзілуінің жоғарылауынан туындаған асқазан-ішек бұзылуларында нәрестелердегі ішек шаншулар симптомдары
Жасы | Бір реттік доза тамшылармен (мл) | Ең жоғары тәуліктік доза |
Жаңа туған нәрестелер | 25 тамшы (1 мл = 40 мг) | 4 × 25 тамшы (4 мл = 160 мг) |
Нәрестелер (4 аптадан 12 айға дейін) | 25 тамшы (1 мл = 40 мг) | 6 × 25 тамшы (6 мл = 240 мг) |
Балалар (12 айдан 6 жасқа дейін) | 25 тамшы (1 мл = 40 мг) | 23 мл = 940 мг |
Балалар мен жасөспірімдер (6-дан 14 жасқа дейін) | 25-50 тамшы (1-2 мл = 40-80 мг) | Қатысы жоқ |
Ересектер | 50-75 тамшы (2-3 мл = 80-120 мг) | Қатысы жоқ |
25 тамшы 1 мл сәйкес келеді
Рентгенографияға дайындау үшін
Рентгенографияға дайындалу үшін зерттеуге бір күн қалғанда кешке Эспумизан® L балаларға арналған тамшылар препаратын 3-6 шай қасықпен (15-30 мл) қабылдау керек.
УДЗ дайындалу үшін
Зерттеуге бір күн қалғанда кешке 3 шай қасық (15 мл) Эспумизан® L балаларға арналған тамшылар препаратын және зерттеуге шамамен 3 сағат қалғанда 3 шай қасық (15 мл) қабылдау ұсынылады.
Эзофагогастродуоденоскопияға дайындау үшін
Эндоскопияның алдында ½ -1 шай қасық (2,5–5 мл) Эспумизан® L балаларға арналған тамшылар препаратын қабылдау керек.
Зерттеу кезінде кедергі жасайтын газ көпіршіктерін жою үшін эндоскоп өзегі арқылы бірнеше миллилитр Эспумизан® L балаларға арналған тамшылар препаратын енгізу керек
Жуғыш заттармен қатты уланған кезде
Доза уыттанудың ауырлығына байланысты. Эспумизан® L балаларға арналған тамшылар препаратының ұсынылатын ең аз дозасы 1 шай қасық (5 мл) құрайды.
Препаратты жоғарыда көрсетілген көрсеткіштер бойынша қолдану (рентгенологиялық зерттеу, УДЗ, эзофагогастродуоденоскопия, жуу құралдарымен улану) құтыдан тамшылы саптаманы алып тастағанда жеңілдейді.
Енгізу әдісі мен жолы
Ішке қабылдау үшін. Қолданар алдында құтыны белсенді сілку керек. Суспензия тамшы саптамадан түсе бастауы үшін - құтыны төңкеріп, түбін сәл қағу керек.
Жаңа туған нәрестелер мен сәбилер (4 аптадан 12 айға дейін)
Эспумизан® L балаларға арналған тамшылар препаратын тамақтандыру бөтелкесіне қосуға болады. Препарат басқа сұйықтықтармен, мысалы, сүтпен оңай араласады.
Эспумизан® L балаларға арналған тамшылар препаратын тамақтандыру алдында, соның ішінде емшек емізу алдында, кішкентай қасықпен беруге болады.
Эспумизан® L балаларға арналған тамшылар шала туған нәрестелерде қолдану ұсынылмайды.
Балалар (12 айдан 18 жасқа дейін) және ересектер
Эспумизан®L балаларға арналған тамшылар препаратын тамақтану кезінде немесе тамақтан кейін, ал қажет болғанда ұйықтар алдында да қабылдайды.
Емдік қабылдау ұзақтығы бұзылыстың динамикасына байланысты.
Егер симптомдар сақталса немесе нашарласа, дәрігермен кеңесу керек.
Ем қабылдау ұзақтығы симптомдар динамикасына байланысты.
Қажет болған жағдайда балаларға арналған Эспумизан® L балаларға арналған тамшылар препаратын ұзақ уақыт бойы қабылдауға болады.
Артық дозаланған жағдайда қабылдануы тиіс шаралар
Қазіргі уақытта артық дозалану жағдайлары туралы хабарланған жоқ.
Химиялық және физиологиялық тұрғыдан симетикон толық инертті болып табылатындықтан, улану іс жүзінде мүмкін емес. Эспумизан® L балаларға арналған тамшылар препараты көп мөлшерде де ешқандай симптомсыз өтеді.
Дәрілік препаратты қолдану тәсілін түсіндіру үшін денсаулық сақтау жүйесі маманынан консультация алу ұсынылады.
ДП стандартты қолданған кезде байқалатын жағымсыз реакциялар-дың сипаттамасы және осы жағдайда қабылдауға тиісті шаралар
Құрамында симетикон бар препараттарға аса жоғары сезімталдық реакциялары, соның ішінде есекжем, бөртпе, эритема, қышыну, аллергиялық дерматит және басқа да тері реакциялары хабарланды. Жиілігі белгісіз: қолда бар мәліметтер негізінде бағалау мүмкін емес.
Жағымсыз дәрілік реакциялар туындаған кезде денсаулық сақтау жүйесінің қызметкеріне, дәріхана қызметкеріне немесе Қазақстан Республикасының аумағында тіркелген дәрілік өзара іс-қимылдар туралы хабарламаларды қоса алғанда, дәрілік препараттардың жанама реакциялары (әрекеттері) туралы тікелей ақпараттық дерекқорға жүгініңіз
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Бір мл ішуге арналған тамшылардың құрамында
әсер етуші зат: симетикон 40 мг
қосымша заттар: макрогол стеараты, глицерин моностеараты 40-55, карбомерлер, натрий хлориді, натрий цитраты (Е 331), сукралоза (Е 955), натрий гидроксиді (Е 524), сорбин қышқылы (Е 200), тазартылған су. Сыртқы түрінің, иісінің, дәмінің сипаттамасы
Тұтқырлығы төмен сүттей ақ эмульсия.
30 мл байқаусызда ашылып кетуінен қорғайтын, жұлып алынатын сақинасымен полипропиленнен жасалған бұралатын қақпақтан және тамшылатқыш қондырғыдан тұратын қоңыр шыны құтыларда.
Құты медициналық қолдану жөніндегі қазақ және орыс тіліндегі нұсқаулықпен бірге картон қорапқа салынады.
Жарамдылық мерзімі
3 жыл.
Құты ашылғаннан кейін: 6 ай.
Жарамдылық мерзімі өткеннен кейін қолдануға болмайды!
30°С-ден аспайтын температурада сақтау керек.
Балалардың қолы жетпейтін жерде сақтау керек!
Босатылу шарттары
Рецептісіз
Берлин-Хеми АГ
Глиникер Вег 125,
12489 Берлин, Германия
Тел.: +7 727 2446183, 2446184, 2446185
Эл. пошта: Kazakhstan@berlin-chemie.com
Берлин-Хеми АГ
Глиникер Вег 125,
12489 Берлин, Германия
Тел.: +7 727 2446183, 2446184, 2446185
Эл. пошта: Kazakhstan@berlin-chemie.com
Ұйымның атауы, мекенжайы және байланыс деректері (телефон, эл. дәрілік заттардың сапасына қатысты тұтынушылардың шағымдарын (ұсыныстарын) қабылдайтын, сондай-ақ Қазақстан Республикасының аумағында дәрілік препараттың тіркеуден кейінгі қауіпсіздігін қадағалауға жауапты:
«Берлин-Хеми АГ» АҚ Қазақстан Республикасындағы филиалы
050051, Алматы, Луганский к-сі 54 үй, № 2 коттедж
Тел.: +7 727 2446183, 2446184, 2446185
Эл. пошта: Kazakhstan@berlin-chemie.com
Симетикон: 40 мг/мл