Эрмуцин капсулы по 300 мг №20 (2 блистера х 10 капсул)

Дәрілік препаратты медициналық

қолдану жөніндегі нұсқаулық (Қосымша парақ)

Саудалық атауы

Эрмуцин®

Халықаралық патенттелмеген атауы

Эрдостеин

Дәрілік түрі, дозасы

Капсулалар, 300 мг

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімдерін қоспағанда. Муколитиктер. Эрдостеин.

АТХ коды R05CB15

Қолданылуы

Жедел және созылмалы тыныс алу жолдарының аурулары кезінде сұйылтатын, муколитикалық дәрі.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың қандай да біріне жоғары сезімталдық

- белсенді пептикалық ойық жара

- метионин метаболизміне өнімнің ықпал етуіне байланысты, Эрмуцинді бауыр циррозынан және цистатион-синтетазасы ферментінің тапшылығынан зардап шегетін пациенттерге қолдануға болмайды

- креатинин клиренсі <25 мл/мин бүйрек жеткіліксіздігі немесе бауыр жеткіліксіздігі бар пациенттер жайында деректер болмағандықтан, эрдостеинді бұл пациенттерге пайдалануға болмайды

- 18 жасқа дейінгі балаларға және жасөспірімдерге.

Қолдану кезінде қажетті сақтық шаралары

Эрмуцин® препаратын қолданардың алдында дәрігерден немесе фармацевттен кеңес алу керек.

Басқа дәрілік препараттармен өзара әрекеттесуі

Қандай да бір басқа дәрілік заттарды пайдаланған жағдайда дәрігеріңізге немесе фармацевтке хабарлау керек.

Басқа дәрілік препараттармен өзара байланысу жөнінде хабарлар болған жоқ, сондықтан препаратты антибиотиктермен және бронходилататорлармен (жөтелге қарсы препараттар, теофиллин немесе бета2-миметиктер және т.б.) бірге қолдануға болады.

Арнайы ескертулер

Күкірт иісінің болуы өнімнің өзгеру белгісі болып табылмайды, ол белсенді заттың сипаты болып саналады.

Балалар және жасөспірімдер

Қапсула қабығының құрамына индигокармин бояғышы (Е 132) кіретіндігі ескеріліп, препарат 18 жасқа дейінгі балалар мен жасөспірімдерге тағайындалмайды.

Жүктілік және емшек емізу

Жүктілік немесе емшек емізу, жүктілікті болжамдау немесе жоспарлау жағдайында бұл дәрілік препаратты пайдаланар алдында дәрігеріңізден немесе фармацевтен кеңес алу керек. Жүктілік және емшек емізу кезеңінде эрдостеин қауіпсіздігі анықталмады, сондықтан басқа жаңа препараттар сияқты оны қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Эрмуцин® көлік құралын басқару немесе механизмдермен жұмыс жасау қабілетіне әсер етпейді.

Қолдану жөніндегі нұсқаулар

Дозалау режимі

1 капсуладан күніне 2-3 рет ішке қабылдауға арналған.

Эрмуцин® препараты, капсулалар ересектерді емдеуге арналған.

Қолдану тәсілі

Препарат пероральді қолдануға арналған.

Емдеу ұзақтығы

Бұл дәрілік препаратты дәрігердің немесе фармацевтің нұсқауына сай нақтылай қолдану керек. Сұрақтар туындаған кезде дәрігерден немесе фармацевтен кеңес алу керек.

Артық дозаланған жағдайда қолдану қажет шаралар

Ұсынылған (күніне 1200 мг) дозадан арттырған кезде тершеңдік, бас айналуы және қан кернеулері байқалған.

Эрмуцин® препаратын кездейсоқ қажет мөлшерден артық қабылдаған болсаңыз, дереу дәрігерге хабарлауыңыз немесе жақын ауруханаға баруыңыз керек.

Дәрілік препараттың бір немесе бірнеше дозасын өткізіп алғанда қажетті шаралар

Препарат қабылдауын өткізіп алған кезде дозаны екі еселеп қабылдаудың қажеті жоқ.

Осы дәрілік препаратты пайдалану бойынша қосымша сұрақтар туындаған кезде дәрігерге немесе фармацевтке жүгіну керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар

Барлық дәрілік препараттар сияқты, бұл дәрі де жағымсыз әсерлерді тудыруы мүмкін, бірақ оны барлық пациенттер сезіне бермейді.

Асқазан-ішек жолы тарапынан болатын жағымсыз реакциялар 1000 пациенттің ішінен 1-уінде пайда болуы мүмкін.

Өте сирек

Жүйке жүйесі тарапынан бұзылулар

- бас ауруы

Тыныс алу жүйесі, кеуде қуысы және көкірек ортасы ағзалары тарапынан бұзылулар

- диспноэ

Асқазан-ішек жолдары тарапынан бұзылулар

- дисгевзия (дәм сезу сезімінің өзгеруі), жүрек айну, құсу, диарея, эпигастрий аймағындағы ауыру

Тері және тері асты тіндері тарапынан бұзылулар

- есекжем, эритема, экзема.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек.

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат – 300 мг эрдостеин

қосымша заттар: микрокристалды целлюлоза 102 типі, повидон К30, магний стеараты;

қабық құрамы: желатин, титанның қостотығы (Е 171), темірдің сары тотығы (Е 172), индигокармин (Е 132).

Сыртқы түрінің, иісінің, дәмінің сипаттамасы

Сары түсті корпусы және жасыл түсті қақпағы бар қатты желатинді капсулалар.

Капсуланың ішіндегісі: ақтан дерлік ақ түске дейінгі ұнтақ.

Шығарылу түрі және қаптамасы

10 капсуладан ПВХ/ПВДХ үлбірден және алюминий фольгадан жасалған пішінді ұяшықты қаптамаға салынады.

1 немесе 2 пішінді ұяшықты қаптамадан қолдану жөніндегі қазақ және орыс тіліндегі нұсқаулықпен бірге картон қорапшаға салынады.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Сақтау шарттары

25 оС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

Дәрілік формасын өндіруге, сапаны бақылауға және серияларды шығаруға жауапты:

Эдмонд Фарма С.р.л., Италия / Edmond Pharma S.r.l., Italy

Страда Статале дей Джови, 131 – 20037 Падерно-Дуньяно (Милан), Италия.

Тіркеу куәлігінің ұстаушысы

ЮАБ «МРА» / UAB «MRA»

Тоторю к-сі 20-9, LT – 01121 Вильнюс, Литва Республикасы.

Тел.: +370 5 2649010

Электронды пошта: info@mra.lt

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын жауапты ұйымның атауы, мекенжайы және байланыс деректері (телефон, электронды пошта)

«MERLIN CAPITAL INVESTMENTS LLP» (МЕРЛИН КЭПИТАЛ ИНВЕСТМЕНТС ЛЛП) Серіктестігінің өкілдігі

Достык даңғ., 105, 208 кеңсе, Медеу ауданы, Алматы қ., 050051, Қазақстан Республикасы

Тел.: +7 727 262 26 40

Электронды пошта: info@merlin-llp.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

ТОО «Biomapas KZ (Биомапас КЗ)»

Пирогов көшесі, 16, Бостандық ауданы, Алматы қ., 050040, Қазақстан Республикасы

24/7 тел.: +7 701 758 00 43, +7 708 480 00 51

Электронды пошта: pv.kz@biomapas.com