Эпиген Интим спрей д/наруж. прим. 0,1% по 60 мл (флакон)

Эпиген Интим

Жоқ

Сыртқа және жергілікті қолдануға арналған спрей

Дерматология. Дерматологияда қолдануға арналған антибиотиктер мен химиотерапиялық препараттар. Жергілікті қолдануға арналған химиотерапиялық препараттар. Вирусқа қарсы препараттар

АТХ коды D06BB

-қарапайым герпес вирусынан туындаған инфекция (жедел бастапқы және қайталанатын ағым);

-герпес вирусты инфекцияның қайталануының алдын алу; Варицелла Зостер вирусынан туындаған белдемелі теміреткіні емдеу (біріктірілген ем құрамында);

-адам папилломасы вирусының әртүрлі түрлерінен (соның ішінде онкогендерден) туындаған папилломавирустық инфекцияны емдеу;

-спецификалы емес колпит пен вагинозды емдеу, қынап микрофлорасын қалыпқа келтіру;

-қорғалмаған жыныстық қатынас кезінде инфекциялардың алдын алу

Қолданудың басталуына дейінгі қажетті мәліметтер тізбесі

- белсенді затқа немесе қосымша заттардың кез келгеніне аса жоғары сезімталдық

Қондырғыны сабындап қайнаған сумен жуады және қоса ұсынылатын полиэтилен қаптамада сақтайды.

Қондырғы құрылымы жатыр мойны мен қынап қабырғаларына біркелкі бүрку әсерін сақтауға мүмкіндік береді.

Стационар жағдайында пайдалану үшін препаратпен қынап ішіне бүркуді айнамен қондырғысыз жүргізуге болады.

Әсерінің тиімді болуы үшін жағатын бөлікті алдын ала шаю қажет емес.

Жақпаушылық белгілері пайда болған жағдайда препаратты тоқтату керек.

Көрсетілген аурулар кезінде (антибиотиктер мен антисептиктер; қабынуға қарсы және ауырсынуды басатын дәрілер) кешенді емде қолданылатын дәрілік препараттардың негізгі топтарымен өзара әрекеттесуі анықталмаған.

Белсендірілген глицирризин қышқылы және вирусқа қарсы басқа да препараттарды, атап айтқанда ацикловир, йодоуридин, интерферон туындыларын және басқа иммуномодуляторларды бір мезгілде қолданған кезде синергизм анықталған.

Жүктілік және лактация

Препаратты жүктілік және лактацияның бүкіл кезеңінде пайдалануға рұқсат етіледі.

Педиатрияда қолдану

Балаларда қолданудың клиникалық тәжірибесі шектеулі. Балаларға дәрігердің тағайындауы бойынша қолдану керек.

Препараттың көлік құралын және қауіптілігі зор механизмдерді  басқару қабілетіне әсер ету ерекшеліктері

Препарат көлік жүргізу және жоғары зейінділікті талап ететін жұмыстарды істеу қабілетіне әсер етпейді.

Дозалау режимі

Ересектерге

Сыртқа қолданған кезде препарат терінің барлық зақымданған бетіне клапанды 1-2 басу арқылы 4-5 см қашықтықтан жағылады, бұл оңтайлы емдік доза болып табылады.

1 типті герпесвирустық инфекция, белдемелі теміреткі кезінде препаратты зақымдану ошағына күніне 6 рет 5 күн бойы қолдану ұсынылады. Инфекциялық процестің тоқтаусыз ағымы кезінде емдеу мерзімі ауру симптомдары толық жойылғанша ұзартылады.

2-типті герпевирустық инфекция (гениталии герпесі), цитомегаловирустық инфекция кезінде күніне 5 рет 14 күнбойы сыртқа және интравагинальді, қайталануды тоқтатқаннан кейін тәулігіне 3 рет 10 күн бойы қолдану ұсынылады.

Гениталии герпесінің және цитомегаловирустық инфекцияның қайталануының алдын алу мақсатында препаратты етеккір циклінің 18-20 күнінен бастап менструация аяқталғанға дейін күніне 2 рет таңертең және кешке сыртқа және интравагинальді қолдану ұсынылады.

Папилломавирустық инфекция кезінде препаратты қолдану ұсынылады:

- кондилома жойылғанға дейін – этиотропты терапияның барлық кезеңі ішінде тәулігіне 3 рет;

- деструкция аясында - 10 күн бойы тәулігіне 5 рет және толық сауыққанға дейін;

- жақын арада қайталанудың алдын алу үшін күніне 3 рет 1 ай бойы.

Папилломавирустық инфекцияның өршуінің алдын алу үшін жыныстық қатынасқа дейін және одан кейін, сондай - ақ қоздырғыш факторлар (стресс, шамадан тыс шаршау, респираторлық вирустық инфекциялар, микрофлораның бұзылуы, антибиотиктерді, цитостатиктерді қабылдау) пайда болған кезде - қоздырғыш факторлардың әсер ету кезеңінде күніне 3 рет интравагинальді және сыртқа қолдану ұсынылады.

Бактериялық вагиноз, спецификалық емес вульвовагинит және кандидозды вульвовагинит кезінде: препаратты интравагинальді түрде күніне 3-4 рет 7-10 күн бойы қолдану ұсынылады. Қажет болса, емдеу курсын 10 күннен кейін қайталаңыз. Егер қоздырғыш факторлар пайда болса (респираторлық вирустық инфекциялар, антибиотиктерді, цитостатиктерді қабылдау) - қоздырғыш факторлардың әсер ету кезеңінде күніне 3 рет интравагинальді және сыртқа.

Вирусқа қарсы профилактикалық зат ретінде препаратты жыныстық қатынасқа дейін және одан кейін қолдану ұсынылады.

Сыртқа, интравагинальді және интрауретралық.

Қолданар алдында баллонды шайқау керек.

Қолдану кезінде баллонды тік қалыпта ұстау керек.

Препаратты қынап ішіне қолдану үшін бүріккіші бар арнайы қондырғы ұсынылады. Клапанды пульверизатор баллоннан алыңыз және қондырғының клапанын кигізіңіз. Содан соң қондырғыны қынапқа енгізіп, қондырғының клапанын 1- 2 рет басып бүркіп шашады, бұл оңтайлы емдік доза болып табылады.

Еркектерге қолдану кезінде, сыртқа жаққаннан басқа, препарат несеп шығару каналының сыртқы тесіктеріне 0,5-1 см қашықтықта пульверизатор клапанын 1-2 рет басып шашыратады.

Артық дозалануы туралы деректер жоқ.

Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар

Сұрақ туындаған жағдайда дәрілік препаратты қабылдағанға дейін кеңес алуға дәрігерге жүгініңіз.

- препарат компоненттеріне жеке жақпаушылық болуы мүмкін

Сирек жағдайларда жергілікті аллергиялық реакциялар, соның ішінде жанасу дерматит түрінде болуы мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 мл препараттың құрамында

белсенді зат - 0,10 мг глицирризин қышқылы (аммоний глицирризинаты түрінде)

қосымша заттар: алма қышқылы, фумар қышқылы, аскорбин қышқылы, фолий қышқылы, твин-80 (полисорбат –80), пропиленгликоль, тазартылған су.

Өзіне тән иісі бар сарғыш ерітінді

60 мл препараттан бүріккіші бар пластик құтыға салынған.

Құтыға заттаңба қағаздан жасалған заттаңба жапсырылады.

Құты қынап ішіне қолдануға арналған бүріккіш қондырғысымен жиынтықта медициналық қолдану жөніндегі қазақ және орыс тіліндегі нұсқаулықпен бірге картон қорапқа салынған.

3 жыл

Жарамдылық мерзімі өткеннен кейін қолдануға болмайды!

4 ºС-ден 25ºС-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз

«Хеминова Интернейшнл С.А.»

Макарена, 14, 28016, Мадрид, Испания

тел. +0130534793

e-mail: Chemigroup @free.fr

«Хемигруп Франс»

C/Macarena 14. 28016, Испания

тел. +0130534793

e-mail: Chemigroup @free.fr

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ORAI» ЖШС, Қазақстан Республикасы, 050013, Алматы қ., Керемет ш.а., 7-үй, 1-42 кеңсе,

тел. 8 (727)2 609832, 2609901,

e-mail: orai@inbox.ru