Эксагин таблетки вагинал. №7

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Эксагин

Халықаралық патенттелмеген атауы

Жоқ

Дәрілік түрі, дозасы

Қынаптық таблеткалар

Фармакотерапиялық тобы

Несеп-жыныс жүйесі және жыныстық гормондар. Гинекологиялық микробқа қарсы және антисептикалық препараттар. Кортикостероидтармен біріктірілімді қоспағанда, микробқа қарсы дәрілер және антисептиктер. Имидазол туындылары. Имидазол туындыларының біріктірілімі.

AТХ коды G01AF20

Қолданылуы

- Candida albicans туындатқан кандидозды вульвовагинит

- Gardnerella vaginalis және анаэробты бактериялар туындатқан бактериялық вагиноз және аралас қынаптық инфекциялар

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші заттарға немесе қосымша заттардың кез келгеніне аса жоғары сезімталдық

- емдеу кезінде немесе емдеу аяқталғаннан кейін 3 күн ішінде алкогольді тұтынатын пациенттер

- емдеу кезінде немесе емдеу аяқталғаннан кейін 2 апта ішінде дисульфирам тұтынатын пациенттер

- жүктіліктің I триместрі, оның ішінде трихомонадты вагиниті бар жүкті әйелдер

- бала емізу кезеңі

- порфирия

- эпилепсия

- бауыр функциясының ауыр бұзылулары

- 12 жасқа дейінгі балалар.

Қолдану кезіндегі қажетті сақтандыру шаралары

Тек интравагинальді қолдануға арналған. Ішке қабылдауға болмайды.

Препаратты 10 күннен артық қолдану қажет болған жағдайда клиникалық-зертханалық көрсеткіштерге (әсіресе лейкоциттер санына) тұрақты мониторинг жүргізу және шеткері немесе орталық нейропатия (оның ішінде парестезия, атаксия, бас айналу, құрысу ұстамалары) сияқты жағымсыз реакцияларды анықтау мәніне пациенттерді бақылау ұсынылады.

Шеткері және орталық жүйке жүйесінің белсенді немесе созылмалы ауыр аурулары бар пациенттерде метронидазолды жүйелі қолдану кезінде неврологиялық статустың нашарлау қаупіне байланысты сақ болу керек.

Коккейн Синдромы

Құрамында метронидазол бар препараттарды жүйелі қолдану кезінде Коккейн синдромы бар пациенттерде қысқа уақыт кезеңі ішінде өліммен аяқталудың дамуы жағдайларын қоса, ауыр гепатоуыттылық/жедел бауыр жеткіліксіздігінің даму жағдайлары туралы хабарланды. Мұндай пациенттерде метронидазолды пайда/қауіп арақатынасын мұқият бағалағаннан кейін және баламалы емдеу болмаған жағдайда ғана қолдану ұсынылады. Бауырдың функционалдық көрсеткіштерін емдеу басталғанға дейін, оның бүкіл ұзақтығында және емдеуден кейін (бауырдың функционалдық көрсеткіштері қалыпты мәндер шеңберінде немесе бастапқы мәндер шеңберінде болуы тиіс) тікелей бақылау керек. Бауырдың функционалды көрсеткіштері елеулі жоғарылаған кезде препаратпен емдеуді тоқтату керек.

Бауырдың зақымдануының қандай да бір симптомдары пайда болған кезде, Коккейн синдромы бар пациенттер дереу дәрігерге барып, метронидазолды қолдануды тоқтатуы керек.

Метронидазолды қолдану кезінде Стивенс Джонсон синдромы (СДС), уытты эпидермальді некролиз (УЭН) немесе жедел жайылған экзантематозды пустулез (ЖЖЭП) сияқты терінің ауыр буллезды реакцияларының жағдайлары туралы хабарланды.

СДС, УЭН немесе ЖЖЭП симптомдары немесе белгілері пайда болған кезде, препаратпен емдеуді дереу тоқтату керек.

Бүйрек жеткіліксіздігінде метронидазолдың жартылай шығарылу кезеңі өзгермейді. Сондықтан метронидазол дозасын төмендетудің қажеті жоқ. Алайда, мұндай пациенттерде метронидазол метаболиттері жинақталуы мүмкін. Жоғарыда аталған өзгерістердің клиникалық маңыздылығы қазіргі уақытта белгісіз.

Гемодиализдегі пациенттерде метронидазол және оның метаболиттері сегіз сағаттық диализ кезеңі ішінде тиімді түрде шығарылады. Сондықтан метронидазолды гемодиализден кейін бірден қолдану керек.

Интермиттирленген перитонеальді диализде (ИПД) немесе үздіксіз амбулаториялық перитонеальді диализде (ҮАПД) жүрген бүйрек жеткіліксіздігі бар пациенттерде препараттың дозасын әдеттегі түзету талап етілмейді.

Метронидазол клиренсі бауырдың ауыр жеткіліксіздігінде бұзылуы мүмкін.

Бауыр энцефалопатиясы бар пациенттерде плазмадағы метронидазол концентрациясы жоғарылауы мүмкін, нәтижесінде энцефалопатия симптомдары күшеюі мүмкін, сондықтан препаратты сақтықпен қолдану қажет.

Пациенттерге метранидазолдың несепті қара түске бояуы мүмкін екендігі туралы ескерту керек.

Адамда мутагенділік қаупі туралы деректер жеткіліксіз болғандықтан, препаратты әдеттегіден ұзағырақ емдеу үшін қолдану туралы мәселені мұқият қарастырған жөн.

Емдеу кезінде алкогольді қабылдаудан аулақ болу керек және ықтимал дисульфирам тәрізді реакцияларға байланысты курс аяқталғаннан кейін кем дегенде 48 сағат ішінде.

Препараттың үлкен дозалары мен ұзақ мерзімді жүйелі қолданылуы шеткері невропатия мен құрысуларды туындатуы мүмкін.

Метронидазол мен дисульфирамды бір мезгілде қолданған пациенттерде психоздық реакциялар туралы хабарланды.

Эксагинді қыздық пердесі бұзылмаған және жыныстық жетілуге жетпеген жас қыздарда қолдануға болмайды.

Лидокаинді қолданған кезде жүрек ырғағының бұзылуы, тыныс алудың қиындауы пайда болуы мүмкін, бұл комаға әкелуі мүмкін, соның ішінде өліммен аяқталатын, атап айтқанда оны терінің ауқымды бөліктеріне және окклюзиялық таңғыштың астына жаққан кезде

Етеккір кезінде Эксагинді қолдану ұсынылмайды, өйткені препараттың тиімділігі төмендейді немесе оны пайдалану кезінде қиындықтар пайда болады.

Қынаптық таблеткаларды контрацептивті диафрагмалармен және мүшеқаптармен бір мезгілде пайдаланған кезде, резеңкенің таблетка негізімен ықтимал өзара әрекеттесуіне байланысты сақ болу керек.

Емдеу кезінде интимдік гигиенаға арналған басқа өнімдер (тампондар, душқа арналған өнімдер, спермицидтер) пайдаланылмауы тиіс.

Трихомонадалық вагинит диагнозы бар әйел пациенттерге жыныстық серіктесін бір мезгілде емдеу ұсынылуы керек.

Басқа дәрілік препараттармен өзара әрекеттесуі

Метронидазолдың абсорбциясы нәтижесінде төмендегі препараттармен бір мезгілде қолданғанда келесі дәрілік өзара әрекеттесулер байқалуы мүмкін:

Алкоголь: дисульфирам тәрізді реакциялар (көңіл-күйдің нашарлауы, психикалық жабырқау және т.б.).

Дисульфирам: орталық жүйке жүйесі тарапынан бұзылуы (мысалы, психоздық реакциялар) болуы мүмкін.

Варфарин тобынан пероральді антикоагулянттар: метронидазолды бір мезгілде пероральді қабылдағанда пероральді антикоагулянттардың дозаларын азайту қажеттілігі пайда болуы мүмкін, өйткені соңғысының әсері күшеюі мүмкін; осындай препараттарды бір мезгілде қолданғанда қандағы протромбин деңгейін жиі бақылау ұсынылады; гепаринмен өзара әрекеттесу тіркелмеген.

Литий: метронидазолды бір мезгілде пероральді қабылдау кезінде бүйрек жеткіліксіздігі белгілері бар пациенттерде литийдің іркілуі туралы хабарланды; метронидазолды қолданар алдында литий препараттарын қабылдау жиілігін біртіндеп төмендету немесе қолдануды тоқтату керек; метронидазолмен және литий препараттарымен бір мезгілде ем қабылдайтын пациенттерде қан плазмасындағы литий концентрациясын бақылау, сондай-ақ қандағы креатинин мен электролит деңгейін бақылау қажет.

Фенобарбитал-фенитоин: метронидазолдың организмнен шығарылуының күшеюі, нәтижесінде препараттың жартылай шығарылу кезеңі 3 сағатқа дейін азаяды.

5-фторурацил: метронидазол организмнен 5-фторурацилдің шығарылуын азайтады, сондықтан 5-фторурацилдің уытты әсерін күшейтуі мүмкін.

Циклоспорин: қан сарысуындағы циклоспорин деңгейінің жоғарылауы мүмкін; метронидазолмен бір мезгілде қолдану қажет болған кезде, қан сарысуындағы циклоспорин мен креатинин деңгейін мұқият бақылау керек.

Бисульфан: метронидазол плазмадағы бисульфан деңгейін жоғарылатуы мүмкін, сондықтан бисульфанның уытты әсерін күшейтуі мүмкін.

Амиодарон: кардиоуытты әсерлер (ЭКГ-де - Q-T аралығының ұзаруы, «torsades de pointes» типті полиморфты қарыншалық тахикардия, жүректің тоқтауы).

Астемизол және терфенадин: метронидазолды астемизол және терфенадинмен бір мезгілде қолданбаған жөн.

Карбамазепин: өзара әрекеттесу механизмі белгісіз; метронидазол карбамазепин метаболизмін тежеуі мүмкін.

Векуроний (деполяризацияланбайтын жүйке-бұлшықет блокаторы): метронидазол векуронийдің әсерін күшейтуі мүмкін.

Колестирамин: метронидазолдың сіңуінің төмендеуіне, демек, оның әсерінің төмендеуіне әкелуі мүмкін.

Қастауыш алкалоидтары: метронидазол Р450 3А4 цитохромы жүйесінің изоферментін тежейді, сондықтан қастауыш алкалоидтарының метаболизмі метронидазолмен бір мезгілде қолданғанда төмендеуі мүмкін, эрготизмнің (жүрек айну, құсу, вазоспастикалық ишемия) даму қаупі артады.

Метронидазол трепонемаларды иммобилизациялайды, сондықтан Treponema pallidum иммобилизация тестінде жалған оң нәтиже береді.

Метронидазолды қолданған кезде аспартатаминотрансфераза, аланинаминотрансфераза, лактатдегидрогеназа, триглицеридтер немесе ультракүлгін сәулеленуді сіңіру әдісін пайдалана отырып өлшеу кезінде қандағы глюкоза деңгейі көрсеткіштерінің өзгерістері пайда болуы мүмкін.

Миконазол нитраты абсорбциясының нәтижесінде төмендегі препараттармен бір мезгілде қолданғанда келесі дәрілік өзара әрекеттесулер байқалуы мүмкін:

Аценокумарол, лизиндион, дикумарол, фениндион, фенпрокумон, варфарин: қан кетудің даму қаупінің жоғарылауы.

Астемизол, цизаприд және терфенадин: миконазол астемизол, цизаприд және терфенадин метаболизмін тежейді, нәтижесінде жоғарыда көрсетілген препараттардың қан плазмасындағы концентрациясы жоғарылайды.

Фенитоин және фосфенитоин: фенитоиннің уытты әсер ету қаупінің жоғарылауы (атаксия, гиперрефлексия, нистагм, тремор).

Фентанил: апиындардың әсер ету ұзақтығының күшеюі немесе ұлғаюы (орталық жүйке жүйесіне бәсеңдететін әсер, тыныс алудың бәсеңдеуі).

Глимепирид: гипогликемияның дамуы.

Карбамазепин: карбамазепин метаболизмінің төмендеуі.

Оксибутинин: метаболизмнің тежелуі (ауыздың құрғауы, іш қату, бас ауыруы) нәтижесінде оксибутининнің әсерінің күшеюі немесе оның қан плазмасындағы концентрациясының жоғарылауы.

Оксикодон: қан плазмасындағы оксикодон концентрациясының жоғарылауы және оның клиренсінің төмендеуі.

Пимозид:кардиоуытты әсер ету қаупінің жоғарылауы (QT аралығының ұзаруы, жыпылықтағыш аритмия, жүректің тоқтауы).

Циклоспорин: циклоспориннің уытты әсері қаупінің жоғарылауы (бүйрек функциясының бұзылуы, холестаз, парестезия).

Толтеродин: P450 2D6 цитохром жүйесінің изофермент белсенділігі төмендеген пациенттерде толтеродиннің биожетімділігінің жоғарылауы.

Триметрексат: триметрексаттың уытты әсерінің күшеюі (сүйек кемігі функциясының бәсеңдеуі, бүйрек және бауыр жеткіліксіздігі, асқазан-ішек жолының ойық жарасы).

Лидокаиннің абсорбциясы нәтижесінде төмендегі препараттармен бір мезгілде қолданғанда келесі дәрілік өзара әрекеттесулер байқалуы мүмкін:

Аритмияға қарсы препараттар: лидокаиннің уыттылығы артуы мүмкін.

Фенитоин немесе барбитураттар: плазмадағы лидокаин деңгейінің төмендеуі.

Пропранолол: лидокаин клиренсінің төмендеуі.

Циметидин: лидокаин клиренсінің төмендеуі.

Арнайы сақтандырулар

Бала тууға қабілеті бар әйелдер/контрацепция

Препаратпен емдеу кезінде контрацепцияның тиісті әдістерін пайдалану керек, өйткені препараттың құрамына кіретін белсенді заттардың шарана мен жаңа туған балалардың дамуына әсері толық белгісіз.

Жүктілік немесе лактация кезінде

Жануарларды зерттеу деректері жүктілікке, эмбрионның/ұрықтың дамуына, босануға және/немесе босанғаннан кейінгі дамуға әсерін бағалау үшін жеткіліксіз. Адам үшін потенциалды қауіп белгісіз.

Жүктіліктің бірінші триместрінде әйелдерде препаратты қолдану туралы деректер жеткіліксіз. Препаратты жүктіліктің бірінші триместрінде әйелдерде қолданбаған жөн. Жүктіліктің екінші және үшінші триместрінде әйелдерде препаратты пайдалану қажет болған кезде, пайда/қауіп арақатынасын бағалау керек. Препарат жүктілік кезеңінде әйелдерде өте қажет болған жағдайда ғана қолданылуы керек.

Бала емізуді тоқтату керек, себебі метронидазол емшек сүтіне енеді. Емдеу аяқталғаннан кейін 24-48 сағаттан кейін емізуді қалпына келтіруге болады. Лидокаиннің емшек сүтіне енетін-енбейтіні белгісіз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Метронидазолды жүйелі қолдану көлік құралдарын басқару және қауіптілігі зор механизмдермен жұмыс істеу қабілетіне әсер етуі мүмкін. метронидазол жүйелік қолданудан айырмашылығы қынаптық қолданғанда баяу сіңіріледі. Препаратты қолдану бас айналуын, атаксияны, шаршауды және әлсіздікті туындатуы мүмкін, сондай-ақ көлік құралдарын басқару және қауіптілігі зор механизмдермен жұмыс істеу қабілетіне әсер етуі мүмкін.

Қолдану жөніндегі нұсқаулар

Дозалау режимі

Препаратты пайдаланар алдында дәрігермен кеңесу керек.

Егер дәрігер басқаны ұсынбаса, 1 қынаптық таблеткадан 7 күн бойы түнде қынапқа терең енгізеді.

Препаратты етеккір кезеңінде қолдану ұсынылмайды, өйткені оның тиімділігі төмендеуі немесе осы кезеңде оны пайдалануда қиындықтар пайда болуы мүмкін.

Пациенттердің ерекше топтары

Бүйрек жеткіліксіздігі бар пациенттер

Бүйрек жеткіліксіздігінде метронидазолдың жартылай шығарылу кезеңі өзгермейді. Сондықтан метронидазолдың дозасын төмендетудің қажеті жоқ, бірақ дозаны гемодиализ жүргізуді қажет ететін ауыр бүйрек жеткіліксіздігі кезінде түзету керек.

Бауыр жеткіліксіздігі бар пациенттер

Бауыр функциясының күрделі бұзылулары кезінде метронидазол клиренсі төмендеуі мүмкін.

Метронидазолдың үлкен дозалары энцефалопатия симптомдарын туындатуы мүмкін, сондықтан бауыр энцефалопатиясы бар пациенттерде сақтықпен қолданылуы тиіс.

Бауыр энцефалопатиясынан зардап шегетін пациенттер үшін метронидазолдың күнделікті дозасы 1/3 дейін төмендетілуі тиіс.

Бауыр функциясы төмендеген пациенттерде лидокаиннің жартылай шығарылу кезеңі екі немесе одан да көп есе артуы мүмкін.

Бүйрек функциясының төмендеуі лидокаиннің фармакокинетикасына әсер етпейді, бірақ метаболиттердің жиналуын туындатуы мүмкін.

Бұл ерекшеліктерді бауыр және/немесе бүйрек функциясы төмендеген пациенттерге Эксагинді тағайындау кезінде ескеру қажет.

Балалар

Препаратты 12 жасқа дейінгі балаларға тағайындамаған жөн.

Егде жастағы пациенттер

Дозалау режимі ересек пациенттермен бірдей.

Енгізу әдісі және жолы

Таблеткаларды қынапқа терең жатқан күйде енгізу керек.

Емдеу ұзақтығы

Қайталанатын ауру немесе басқа емдеуге резистентті вагинит кезінде емдеу курсын 14 күнге дейін ұзарту ұсынылады.

Артық дозалану жағдайында қабылдау қажет болатын шаралар

Бір мезгілде бірнеше таблеткаларды интравагинальді енгізу кезінде метронидазолдың жүйелік әсерлері дамуы мүмкін, бірақ өмірге қауіп төндіретін жағымсыз реакциялардың пайда болуы күтілмейді.

Емдеу метронидазолдың 12 г-нан астам дозасын кездейсоқ ішке қабылдаған пациенттерге қамтамасыз етілуі мүмкін.

Симптомдары: жүрек айну, құсу, іштің ауыруы, диарея, қышыну, аузындағы металл дәмі, атаксия, парестезия, құрысулар, лейкопения, несептің қараюы. Миконазол нитратының артық дозалануы кезінде жүрек айнуы, құсу, көмей мен ауыздың құрғауы, анорексия, бас ауыруы, диарея байқалады.

Лидокаинді қолданған кезде жүрек ырғағының бұзылуы, тыныс алудың қиындауы пайда болуы мүмкін, бұл комаға әкелуі мүмкін, соның ішінде өліммен аяқталатын, атап айтқанда оны терінің ауқымды бөліктеріне және әсіресе жоғары дозаларда жаққан кезде.

Емдеу: препараттың үлкен дозасын кездейсоқ ішке қабылдаған кезде асқазанды шаюды жүргізеді. Қажет болса, симптоматикалық емдеу тағайындалады. Арнайы антидоты жоқ.

Препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Препаратты қолдану дәрігердің бақылауымен жүргізілуі керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау  керек шаралар

Жағымсыз әсерлер емдеудің бірінші немесе екінші аптасында едәуір жиі пайда болады, содан кейін әдетте аз қарқынды болады және емдеуді жалғастырған кезде сирек пайда болады.

Өте жиі

- қынаптан бөліністер

Жиі

- вагинит, вульваның және қынаптың тітіркенуі, жамбас аймағының ауыруы

Жиі емес

- шөлдеу сезімі

Сирек

- анафилаксия

- қынапта күйдіріп ашу сезімі, қышыну, тітіркену, іштің ауыруы, тері бөртпесі, аллергиялық реакциялар (анафилаксиялық шок)

Өте сирек

- агранулоцитоз, нейтропения, тромбоцитопения, панцитопения

- көңіл-күйдің өзгеруі, сананың шатасуы және елестеулерді қоса, психоздық бұзылыстар

- энцефалопатия (мысалы, сананың шатасуы, дене температурасының жоғарылауы, бас ауыруы, елестеулер, салдану, фотофобия, қозғалыс бұзылулары, мойын бұлшықетінің сіресуі) және жеделалды мишық синдромы (атаксия, дизартрия, жүрістің бұзылуы, нистагм және треморды қоса), олар препаратты қабылдауды тоқтатқаннан кейін қайтымды болады, бас айналу, құрысулар, ұйқысыздық, бас ауыруы

- диплопия және жақыннан көру сияқты көрудің, негізінен өтпелі бұзылулары

- бауыр ферменттерінің белсенділігінің жоғарылауы (АСТ, АЛТ, сілтілі фосфатаза), холестаздық гепатит немесе аралас гепатит және бауырдың гепатоцеллюлярлық зақымдануы, препаратты тоқтату кезінде қайтымды сарғаю және панкреатит; метронидазолды басқа антибиотиктермен біріктіріп қабылдаған пациенттерде бауыр трансплантациясын қажет ететін бауыр жеткіліксіздігі жағдайлары туралы хабарланды

- тері бөртпесі, пустулезды бөртпе, жедел жайылған экзантематозды пустулез, қышыну, гиперемия

- миалгия, артралгия

- несептің қараюы (метронидазол метаболиттерінің болуына байланысты)

Белгісіз

- лейкопения, метгемоглобинемия

- ангионевроздық ісіну, есекжем, қызба

- анорексия

- депрессиялық бұзылыс

- шеткері сенсорлық нейропатия немесе транзиторлы эпилептиформалы ұстамалар (жоғары дозада және/немесе метронидазолмен ұзақ уақыт емдегенде; көп жағдайда нейропатия емдеуді тоқтатқаннан немесе препараттың дозасын төмендеткеннен кейін жоғалып кетті), шаршау немесе әлсіздік, бозару, шаншу, ұйып қалу, парестезия, бағдардан адасу, қозу, психоз, құрысулар, сөйлеу бұзылыстары,гиперестезия, гипостезия, солбырлық, елестеулер, ысыну сезімі, ашушаңдық, мазасыздық, эйфория, ұйқышылдық, көіністіің қосарлануы немесе бұлыңғырлануы, қалтырау, тремор, естен тану, кома (сирек), үрей, ұйқысыздық, асептикалық менингит

- көру жүйкесінің нейропатиясы/невриті

- есту қабілетінің бұзылуы/жоғалуы (соның ішінде нейросенсорлық), құлақтағы шуыл

- дәмнің өзгеруі, ауыз қуысының мукозиті, ауыздағы металл дәмі, жүрек айнуы, құсу, эпигастрийдің ауыруы және диарея, ауыздың құрғауы, тәбеттің жоғалуы, іштің ауыруы немесе түйілуі

- мультиформалы эритема, Стивенс-Джонсон синдромы, уытты эпидермальді некролиз, бекітілген дәрілік бөртпе

- енгізу орнында тітіркену және ауырсыну, жанаспалы дерматит.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді заттар: 750 мг метронидазол, 200 мг миконазол нитраты, 100 мг лидокаин гидрохлориді,

қосымша заттар: микрокристалды целлюлоза (Avicel рН 102), магний алюминий силикаты, натрий крахмалы гликолаты, маннитол/ кросповидон/ поливинил ацетаты, сусыз коллоидты кремнийдің қостотығы, жүгері крахмалы, магний стеараты.

Сыртқы түрінің, иісінің, дәмінің сипаттамасы

Біркелкі емес сопақша пішінді, жиектері қиғаш, екі беті дөңес, ақтан крем түске дейін таблеткалар, дақтардың болуына жол беріледі.

Шығарылу түрі және қаптамасы

3 таблеткадан мөлдір емес поливинилхлоридті үлбірден және алюминий фольгадан жасалған пішінді ұяшықты қаптамаға салынады.

4 таблеткадан мөлдір емес поливинилхлоридті үлбірден және алюминий фольгадан жасалған пішінді ұяшықты қаптамаға салынады.

№3 1 пішінді қаптамадан және №4 1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

MERKEZ LABORATUARI ILAC SAN. VE TIC. A.S.

Tasdelen Mah. Ayca Sokak No: 6 Cekmekoy ISTANBUL - Стамбул, Түркия

Телефон: + 90 216 484 41 66 Факс: + 90 216 484 41 91

e-mail: info@merkezilac.com

Тіркеу куәлігінің ұстаушысы

Helba Ilac Ic ve Dis Sanayi Ticaret Anonim Sirketi

Camlik Mahallesi Pamuk Sok. A Blok Apt. No: 12 – 16/17 Umraniye/ ISTANBUL - Стамбул, Түркия

Телефон: + 90 216 365 41 47 Факс: + 90 216 365 41 48

e-mail: helba@helba.com.tr

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«DeltaPV Consulting» ЖШС

Қазақстан Республикасы, Алматы қ., Қажымұқан көш., 32, 5 кеңсе.

Телефон: +7 7273574128

e-mail: helbacis@deltapv.com