Дюспаталин капсулы по 200 мг №15 (блистер)

Ретард капсулалар 200 мг

Ас қорыту жолы және зат алмасу. Асқазан-ішектің функционалдық бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Синтетикалық холиноблокаторлар - үштік амин тобы эфирлері. Мебеверин

АТХ коды А03АА04

- ішек және өт шығару жолдарының функционалдық бұзылыстарымен байланысты ауыру мен жайсыздықты симптоматикалық емдеу.

Қолдануды бастағанға дейін қажетті мәліметтер тізбесі

- белсенді ингредиентке немесе қосымша мәліметтер бөлімінде тізілген қосымша заттардың кез келгеніне аса жоғары сезімталдық

- балалар мен 18 жасқа дейінгі жасөспірімдер

Егер осы бөлімде көрсетілген жағдайлар болса, препаратты қолданар алдында дәрігермен кеңесу керек.

Пациенттердің ерекше топтары

Егде немесе бүйрек және/немесе бауыр жеткіліксіздігі бар пациенттердің қатысуымен арнайы зерттеулер жүргізілген жоқ. Постмаркетингтік тәжірибе осы топтағы пациенттер үшін нақты қауіп факторларын анықтаған жоқ, сондай-ақ дозалау жөнінде арнайы нұсқаулар жоқ.

Дәрілік өзара әрекеттесуді зерттеу бойынша зерттеулер жүргізілген жоқ.

Жүктілік және лактация кезеңі

Дюспаталин® препараты жүкті әйелдерге ұсынылмайды, өйткені Дюспаталин® препаратын пациенттердің осы тобында қолдану бойынша деректер шектеулі. Мебеверин немесе оның метаболиттері емшек сүтімен ерекшеленетіні белгісіз. Деректер болмауына байланысты лактация кезеңінде әйелдерге Дюспаталин® препаратын тағайындау ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың көлікті жүргізуге және механизмдерді басқаруға әсері туралы зерттеулер жүргізілмеген. Фармакодинамикалық және фармакокинетикалық бейіні, сондай-ақ тіркеуден кейінгі қолдану тәжірибесі жүргізуге және механизмдерді басқаруға мебевериннің ешқандай зиян әсерін көрсетпеген.

Дозалау режимі

Ересектер

200 мг (1 капсула) тәулігіне 2 рет (таңертең және кешке).

Препаратты 200 мг дозада қабылдаған кезде симптомдарды жеңілдету емдеудің 2-4 аптасы ішінде басталады, тұрақты клиникалық әсерге қол жеткізу үшін емдеу ұзақтығы кемінде 6-8 аптаны құрауы тиіс. Қабылдау ұзақтығы шектелмейді.

Егер бір немесе одан көп дозаны қабылдауды өткізіп алса, келесі капсула тағайындау кестесіне сәйкес қабылданады, өткізіп алған дозаларды қосымша қабылдамау керек.

Енгізу жолы және тәсілі

Капсулалар жеткілікті мөлшерде сумен іше отырып, ішке қабылданады (100 мл-ден кем емес). Капсулаларды шайнамай, бүтіндей жұту керек, өйткені капсуланының сырты босап шығуы ұзаққа созылатын механизмді қамтамасыз етуге арналған.

Артық дозалану жағдайында қабылдануы қажет шаралар

Симптомдары: артық дозалану жағдайында ОЖЖ қозғыштығының жоғарылауы теориялық тұрғыдан мүмкін. Мебевериннің артық дозалануы жағдайында симптомдар жоқ немесе шамалы болды және, әдетте, тез қайтымды болды. Артық дозаланудың байқалған симптомдары неврологиялық және жүрек-қантамырлық сипатта болды.

Емі: Спецификалық антидоты белгісіз; симптоматикалық емдеу ұсынылады. Асқазанды шаю препараттың бірнеше дозасын қабылдағаннан кейін шамамен бір сағат ішінде уыттану құбылыстары пайда болғанда ғана қажет. Абсорбцияны төмендету бойынша іс-шаралар талап етілмейді.

Препаратты қабылдау бойынша сұрақтар туындаған жағдайда дәрілік препаратты қолдану тәсілін түсіндіру үшін медицина қызметкеріне кеңес алу үшін жүгінуді ұсынамыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Төменде тізілген жағымсыз әсерлері постмаркетингтік тәжірибеден белгілі, сондықтан олардың жиілігін нақты бағалау мүмкін емес.

- негізінен терідегі көріністер түріндегі аллергиялық реакциялар: есекжем, ангиодистрофия, беттің ісінуі, қышынумен және онсыз тері бөртпесі.

- Аса жоғары сезімталдық реакциялары (анафилаксиялық реакциялар).

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

ҚР ДСМ Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК.

http://www.ndda.kz

Қосымша мәліметтер

Бір капсуланың құрамында

белсенді зат – мебеверин гидрохлориді 200 мг,

қосымша заттар: магний стеараты, метакрил қышқылының сополимері (Eudragit E30D), тальк, гипромеллоза, метакрил және этакрил қышқылының сополимері (Eudragit L30D), глицерол триацетаты,

капсула қабығы: желатин, титанның қостотығы (E171),

сия құрамы: шеллак, темірдің қара тотығы (Е172), пропиленгликоль, аммиак ерітіндісі (күшті), калий гидроксиді.

Ақ түсті корпусы мен қақпақшасы бар, корпусында “245” таңбасы бар, өлшемі №1 қатты желатинді капсулалар. Капсуланың ішіндегісі – ақ немесе ақ дерлік түйіршіктер.

15 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

Түпнұсқалық қаптамада 5С-ден 25С-ге дейінгі температурада сақтау керек.

Балалардың қолы жетпейтін жерде сақтау керек!

Рецептсіз

Майлан Лабораториз САС

Рут де Бельвилль, Майар 01400, Шатийон-сюр-Шаларон, Франция

Тіркеу куәлігінің ұстаушысы

Эбботт Хелскеа Продактс Б.В.,

C.J. van Houtenlaan 36 Weesp 1381CP, Нидерланды.

тел.:+31(0)294–477000, факс: +31(0)294–480253, электронды пошта: pv.qppv@abbott.com

Өндірушінің Қазақстан Республикасы аумағындағы уәкілетті өкілі:

«Абботт Казахстан» ЖШС

050060, Қазақстан, Алматы қ., Еділ Ерғожин к-сі 1 үй, 90 кеңсе.

Тел.: +7 7272447544, +7 7272447644,

e-mail: pv.kazakhstan@abbott.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Абботт Казахстан» ЖШС

050060, Қазақстан, Алматы қ., Еділ Ерғожин к-сі 1 үй, 90 кеңсе.

Тел.: +7 7272447544, +7 7272447644,

e-mail: pv.kazakhstan@abbott.com