Дротаверин-Тева таблетки по 40 мг №100 (5 блистеров х 20 таблеток)

Дротаверин-Тева

Дротаверин

Таблеткалар 40 мг

Ас қорыту жолы және зат алмасу. Асқазан-ішектің функционалдық бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Папаверин және оның туындылары. Дротаверин.

АТХ коды А03АD02

- бауыр және өт шығару жолдарының ауруларымен байланысты тегіс бұлшықеттердің спазмдары: өт-тас ауруы, холецистит, перихолецистит, холангит, папиллит

-несеп шығару жүйесінің тегіс бұлшықеттерінің спазмдары: несеп-тас ауруы, пиелит, цистит, қуық тенезмдері.

Қосымша ем ретінде:

- АІЖ тегіс бұлшықеттерінің түйілу кезінде: асқазан мен он екі елі ішектің ойық жара ауруы, гастрит, кардия және қақпа спазмдары, энтерит, іш қатумен және метеоризммен қатар жүретін колит

- тензорлық бас ауыруы кезінде

- дисменореяда.

Қолдануды бастағанға дейін қажетті мәліметтер тізбесі

- әсер етуші затқа немесе 6.1-тармақта көрсетілген кез келген қосымша заттарға жоғары сезімталдық.

- бауырдың немесе бүйректің ауыр жеткіліксіздігі

- жүректің ауыр жеткіліксіздігі (жүректің төмен лықсыту синдромы)

- сирек тұқым қуалайтын лактоза жақпаушылығы, Лапп лактаза тапшылығы аурулары немесе глюкоза/галактоза сіңірілуінің бұзылу синдромы бар пациенттер

- 6 жасқа дейінгі балалар

Дротаверин қолданғанда әсіресе артериялық қысымның бастапқы цифрлары төмен пациенттерде симптоматикалық гипотония туындауы мүмкін. Препаратты айқын артериялық гипотензияда (гипотония) және әсіресе, шок жағдайында (систолалық АҚ 90 мм.с.б. төмен) қолдануға болмайды.

Дротаверинді коронарлық артериялардың айқын атеросклерозы бар пациенттерде жүрек-қантамыр жүйесінің жағдайын алдын ала мұқият бағалағаннан кейін және жоғары сақтықпен қабылдау қажет.

Папаверин сияқты фосфодиэстераза тежегіштері, леводопаның паркинсон  ауруына қарсы әсерін төмендетеді. Дротаверин бір мезгілде қолданғанда леводопаның паркинсон ауруына қарсы әсерін төмендетуі, яғни тремор және сіресудің күшеюі мүмкін.

Папаверинмен, бендазолмен және басқа спазмолитиктермен (оның ішінде м-холиноблокаторлармен) бір мезгілде қолданғанда олардың спазмолитикалық әсері күшеюі мүмкін.

Фенобарбитал дротавериннің спазмолитикалық әсерін күшейтеді.

Дротаверин қолданғанда әсіресе артериялық қысымның бастапқы цифрлары төмен пациенттерде симптоматикалық гипотония туындауы мүмкін. Препаратты айқын артериялық гипотензияда (гипотония) және әсіресе, шок жағдайында (систолалық АҚ 90 мм.с.б. төмен) қолдануға болмайды.

Дротаверинді коронарлық артериялардың айқын атеросклерозы бар пациенттерде жүрек-қантамыр жүйесінің жағдайын алдын ала мұқият бағалағаннан кейін және жоғары сақтықпен қабылдау қажет. Дротаверин-Тева 40 мг бір таблеткасында 67 мг лактоза бар. Дротаверин-Тева лактоза жақпаушылығынан зардап шегетін пациенттерде асқазан-ішек шағымдарын тудыруы мүмкін.

Құрамында лактоза болуына байланысты лактоза жақпаушылығы, Lapp лактаза тапшылығы немесе глюкоза/галактоза сіңуінің бұзылуы сияқты сирек тұқым қуалайтын ауруларға шалдыққан пациенттерге бұл дәріні қабылдауға болмайды.

Балалар

Клиникалық зерттеулерде дротаверинді балаларға қолдану бағаланбаған.

Жүктілік немесе лактация кезінде

Дротавериннің тератогендік және эмбриоуыттылық әсері жоқ. Алайда Дротаверин-Тева  препаратын болжамды пайдасы мен ықтимал қаупін мұқият таразылап алғаннан кейін ғана пайдалану ұсынылады.

Қажетті клиникалық деректердің болмауына байланысты Дротаверин-Тева препаратын бала емізу кезінде тағайындау ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дротаверин-Тева препаратын емдік дозада ішке қабылдағанда жоғары зейін қою мен психомоторлық реакциялар жылдамдығын қажет ететін қауіптілігі зор қызмет түрлерімен айналысу қабілетіне әсер етпейді.

Препаратты қабылдағаннан кейін бас айналу пайда болған жағдайда көлік құралдарын басқару және қозғалыстағы механизмдермен жұмыс істеу сияқты қауіптілігі зор қызмет түрлерімен айналысудан аулақ болған жөн.

Дозалау режимі

Ересектерге: әдеттегі тәуліктік доза күніне 3-6 таблетканы (120-240 мг) (2-3 қабылдауға бөлінген) құрайды.

6-12 жастағы балалар: 1 таблеткадан күніне 1-2 рет қабылдау үшін. Ең жоғары тәуліктік доза – 2 таблетка (бұл 80 мг-ға сәйкес келеді).

12 жастан асқан балалар: 1 таблеткадан күніне 1-4 рет немесе 2 таблеткадан күніне 1-2 рет қабылдау үшін. Ең жоғары тәуліктік доза – 4 таблетка (бұл 160 мг сәйкес келеді).

Емдеу ұзақтығы көрсеткіштерге байланысты. Препаратты қабылдаған кезде препарат қабылдаудың ұсынылатын ұзақтығы әдетте 1-2 күнді құрайды. Дротаверинді көмекші ем ретінде қолданылған жағдайда, емдеу ұзақтығы (2-3 күнге дейін) ұзағырақ болуы мүмкін. Егер ауырсыну синдромы сақталса, пациент дәрігерге қаралу керек.

Енгізу әдісі мен жолы

ішке, сұйықтықтың жеткілікті мөлшерімен ішу арқылы.

Дротаверин-Тева препаратымен артық дозалану жөнінде деректер жоқ.

Симптомдары: жүрек аритмиясы және өткізгіштіктің бұзылуы (оның ішінде Гис шоғыры тармақтарының толық блокадасы), тіпті өліммен аяқталатын жүректің тоқтап қалуы.

Емі: асқазанды шаю, симптоматикалық ем.

Сирек

- жүрек айну, іш қату

- бас ауыру, бас айналу, ұйқысыздық

- жүрек соғуының жиілеуі

- аллергиялық реакциялар (ангионевроздық ісіну, есекжем, бөртпе, қышыну)

-артериялық қысымның төмендеуі.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат - дротаверин гидрохлориді 40,0 мг,

қосымша заттар: лактоза моногидраты, повидон К25, микрокристалды целлюлоза РН 102, натрий кроскармеллозасы, магний стеараты.

Дөңгелек пішінді, беті тегіс, сары түсті, диаметрі 7 мм таблеткалар.

20 таблеткадан мөлдір поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1, 3 немесе 5 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Adipharm EAD

Симеоновский тас жолы бульвары 130,

1700 София, Болгария

Тел.: +357-25867600

Электронды пошта: office@adipharm.com

Teva Pharmaceutical Industries Limited

124 Dvora HaNevia St., 6944020, Тель-Авив, Израиль

Тел: 972-3-9267267

info@tevapharm.com

«ратиофарм Казахстан» ЖШС,

050059 (А15Е2Р), Алматы қ., Әл-Фараби даңғ., 17/1,

«Нұрлы Тау» БО, 5Б, 6-қабат.

Тел.: (727)3251615;

е-mail: info.tevakz@tevapharm.com; веб сайт: www.kaz.teva.