Дицинон таблетки по 250 мг №100 (10 блистеров х 10 таблеток)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Дицинон®

Халықаралық патенттелмеген атауы

Этамзилат

Дәрілік түрі

Таблеткалар, 250 мг

Фармакотерапиялық тобы

Қан және қан түзу ағзалары. Геморрагияға қарсы препараттар. К дәрумені және басқа гемостатиктер. Басқа жүйелік гемостатиктер. Этамзилат.

АТХ коды В02ВХ01

Қолданылуы

Хирургия

- Оториноларингологияда, гинекологияда және акушерлікте, урологияда, стоматологияда, офтальмологияда, пластикалық және реконструктивтік хирургияда аса мұқияттылықты талап ететін және көп тамырланған тіндерді қамтитын араласуларда операция алдындағы, операциядан кейінгі капиллярлы қан кетулердің профилактикасы және емдеу.

Ішкі аурулар

- Шығу тегі және орналасуы әртүрлі капиллярлық қан кетулердің профилактикасында және емдеуде: гематурия, гематемезис, мелена, мұрыннан қан кету, қызылиектің қанағыштығы.

Гинекология

- Метроррагия, меноррагия, бастапқы меноррагияда немесе органикалық патологиясы жоқ жатырішілік контрацептивтер пайдаланатын әйелдердегі меноррагияда.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- этамзилатқа немесе кез келген қосымша заттарына аса жоғары сезімталдық

- фруктоза жақпаушылығы, Lapp-лактаза ферменті тапшылығы, глюкоза-галактоза мальабсорбциясы

- жедел порфирия

- 6 жасқа дейінгі балаларға

Қолдану кезінде қажетті сақтық шаралары

Егер Дицинон® препаратын шамадан тыс және/немесе ұзақ етеккірлік қан кетуді азайту үшін қолданылса және жақсарту байқалмаса, болуы мүмкін патологиялық себептерді жоққа шығару керек.

Басқа дәрілік препараттармен өзара әрекеттесуі

Басқа дәрілік заттармен өзара әрекеттесуі белгісіз.

Арнайы ескертулер

Жүктілік және лактация кезеңі

Дицинон® препаратын жүктілік кезінде қолдануға қатысты клиникалық деректер жоқ.

Этамзилаттың емшек сүтіне енуі туралы деректер жоқ, сондықтан Дицинон® препаратын қолдану кезінде бала емізу ұсынылмайды. Егер бала емізу жалғасып жатса, балама ретінде тоқтата тұруға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлік жүргізу және механизмдерді басқару қабілетіне әсерін зерттеу бойынша зерттеулер жүргізілмеген.

Қолдану жөніндегі нұсқаулар

Дозалау режимі

Дицинон® таблеткалары препаратын азғана мөлшердегі сумен тамақтану кезінде қабылдайды.

Ересектер мен 14 жастан асқан жасөспірімдер

Операция алдындағы кезеңде: Дицинон® препаратының бір-екі таблеткасын (250-500 мг) операцияға дейін бір сағат бұрын тағайындайды.

Операциядан кейінгі кезеңде: Дицинон® препаратының бір-екі таблеткасын (250-500 мг) әр 4-6 сағат сайын қан кетудің даму қаупі жоғалғанға дейін тағайындайды.

Ішкі аурулар: Дицинон® препаратын екі таблеткадан тәулігіне 2-3 рет (1000-1500 мг) тағайындайды. Тамақтану кезінде судың аздаған мөлшерімен қабылдау керек.

Гинекологияда, мено-/метроррагияда: Дицинон® препаратын етеккірдің болжамды басталуының 5-күнінен бастап, келесі етеккір оралымының 5-күніне дейін 10 күн бойы тәулігіне 3 рет екі таблеткадан (1500 мг) тағайындау керек.

Балалар

Балалар үшін доза ересектерге арналған Дицинон® препараты дозасының жартысын құрайды.

Егде жастағы пациенттер

Деректер жоқ

Бауыр жеткіліксіздігі бар пациенттер

Дозалануы бойынша ұсыныстарға қатысты клиникалық деректер жеткіліксіз, сондықтан мұндай пациенттерде Дицинон® препаратын сақтықпен қолдану керек.

Бүйрек жеткіліксіздігі бар пациенттер

Дозалануы бойынша ұсыныстарға қатысты клиникалық деректер жеткіліксіз, сондықтан мұндай пациенттерде Дицинон® препаратын сақтықпен қолдану керек.

Артық дозаланған жағдайда қолдану қажет шаралар

Симптомдары: қазіргі сәтте артық дозалану симптомдары белгісіз.

Емі: симптоматикалық.

Дицинон® препаратының қолдану тәсілін түсіну үшін медицина қызметкерінің кеңесіне жүгініңіз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда (қажет кезде) қолдану керек шаралар

Сирек

- бас ауыруы

- жүрек айнуы, диарея, іштің ауыруы

- тері бөртпесі

- арқаның/белдің ауыруы

Өте сирек

- қызба

- тромбоэмболия

- агранулоцитоз, нейтропения, тромбоцитопения

- аса жоғары сезімталдық реакциялары

- аллергиялық реакциялар

- жедел порфирия

Көп жағдайда барлық жағымсыз әсерлері әлсіз және өтпелі болады, алайда егер симптомдар қайтпаса, дозаны төмендету немесе емді тоқтату мәселесі қарастырылуы тиіс.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препаратың құрамы

Бір таблетканың құрамында

белсенді зат – 250 мг этамзилат бар,

қосымша заттар: сусыз лимон қышқылы, жүгері крахмалы, лактоза моногидраты, повидон, магний стеараты, этанол 96%*.

* Өндіріс үдерісінде жойылады.

Сыртқы түрінің, иісінің, дәмінің сипаттамасы

Дөңгелек пішінді, екі беті дөңес, ақтан ақ дерлік түске дейінгі таблеткалар.

Шығарылу түрі және қаптамасы

10 таблеткадан поливинилхлоридті/поливинилиденхлоридті үлбірден және алюминий фольгадан жасалған пішінді ұяшықты қаптамаға салынған.

10 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапқа салынған.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Сақтау шарттары

Жарықтан және ылғалдан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

Новартис Фармасьютикал Мэньюфекчуринг ЖШҚ, Словения

Verovskova 57, 1000 Ljubljana, Slovenia

Тел. +386 1 580 2111, Факс: +386 1 568 3517

e-mail: info.lek@sandoz.com

Тіркеу куәлігінің ұстаушысы

Лек Фармасьютикалс д.д., Словения

Verovskova 57, 1526 Ljubljana, Slovenia

Тел. +386 1 580 2111, Факс: +386 1 568 3517

e-mail: info.lek@sandoz.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Сандоз Казахстан» жауапкершілігі шектеулі серіктестігі

Қазақстан Республикасы, Алматы қ., 050022, Құрманғазы көш. 95

Телефон: +7 (727) 258 10 48.

E-mail: patient.safety.cis@sandoz.com (жағымсыз құбылыстар үшін)

E-mail: complaint.eaeu@sandoz.com (сапаға қатысты шағымдар үшін)