Вессел

Вессел Дуэ Ф

Сулодексид

Инъекцияға арналған ерітінді, 600 ЛБ/2 мл

Қан және қан түзу ағзалары. Тромбозға қарсы препараттар. Гепарин тобы. Сулодексид.

АТХ коды B01AB11

Созылмалы веналық ойық жараларды емдеу.

Қолдануды бастағанға дейін қажетті мәліметтер тізбесі

- Белсенді затқа, немесе препараттың кез келген қосымша заттарына, немесе гепарин мен гепариноидтарға аса жоғары сезімталдық.

- Геморрагиялық диатез және геморрагиялық аурулар.

Қадағалануы

Биологиялық дәрілік заттардың қадағалануын жақсарту үшін енгізілген дәрілік заттың атауы мен сериясының нөмірін мұқият жазып алу қажет.

Сулодексидтің фармако-токсикологиялық қасиеттеріне байланысты препарат қолдану кезінде ерекше сақтық шараларын қажет етпейді. Алайда, антикоагулянттармен емдеу кезінде қанның коагуляция параметрлерін мезгіл-мезгіл бақылау керек.

Қосымша заттардың мөлшері

Вессел Дуэ Ф құрамында доза бірлігіне 1 ммольден (23 мг) аз натрий бар (жұмсақ капсула немесе ампула), яғни іс жүзінде "натрий жоқ".

Сулодексид гепарин тәрізді молекула болғандықтан, ол бір мезгілде қолданғанда гепариннің өзі мен пероральді антикоагулянттардың антикоагулянттық әсерін күшейте алады.

Педиатрияда қолдану

Балалар мен 18 жасқа дейінгі жасөспірімдерде препаратты қолданудың қауіпсіздігі мен тиімділігі анықталмаған.

Жүктілік немесе лактация кезінде

Сулодексидті жүкті әйелдерге қолдану туралы деректер шектеулі (300 жағдайдан аз).

Сақтық шарасы ретінде жүктілік кезінде Вессел Дуэ Ф қолданудан аулақ болған жөн.

Сулодексидтің немесе оның метаболиттерінің адамның немесе жануарлардың емшек сүтіне бөлінетіні белгісіз. Емшек сүтімен қоректенетін сәбилер үшін қауіпті жоққа шығаруға болмайды. Вессел Дуэ Ф бала емізу кезінде қолдануға болмайды.

Фертильділік

Жануарларға жүргізілген зерттеулерде сулодексидтің еркектердің немесе әйелдердің фертильділігіне тікелей немесе жанама зиянды әсері анықталған жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Вессел Дуэ Ф көлік жүргізу және механизмдермен жұмыс істеу қабілетіне әсер етпейді немесе аздаған ғана әсер етеді.

Бұл препаратты әрдайым дәрігеріңіздің нұсқауы бойынша қабылдаңыз. Егер сіз бір нәрсеге сенімді болмасаңыз, дәрігермен кеңесіңіз.

Дозалау режимі

1 ампуланың ішіндегісін күніне бір рет бұлшықет ішіне немесе вена ішіне 15-20 күн бойы енгізеді.

Пациенттердің ерекше топтары

Балалар

Балалар мен 18 жасқа дейінгі жасөспірімдерде сулодексидті қолданудың қауіпсіздігі мен тиімділігі анықталмаған.

Енгізу әдісі мен жолы

Бұлшықет ішіне немесе вена ішіне.

15-20 күндік емдеуден кейін 30-40 күн ішінде Вессел Дуэ Ф капсулаларын қабылдауға көшу ұсынылады.

Емдеудің толық курсын жылына кемінде екі рет қайталау керек.

Дозалар мен енгізу режимін емдеуші дәрігердің ұйғарымы бойынша өзгертуге болады.

Артық дозаланған жағдайда қабылдануы тиіс шаралар

Артық дозаланғаннан кейін қан кету пайда болу мүмкін. Қан кету жағдайында гепариннен туындаған қан кетуді тоқтату үшін қолданылатын протамин сульфатын енгізу қажет.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Препаратты қолдану туралы сұрақтар туындаған жағдайда емдеуші дәрігерге қаралыңыз.

Жағымсыз реакциялардың сипаттамасы

Жағымсыз реакциялардың жиілігін жіктеу үшін мынадай терминология пайдаланылады: өте жиі (≥ 1/10), жиі (≥1/100-ден < 1/10-ға дейін), жиі емес (≥1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), жиілігі белгісіз (қолда бар деректер негізінде анықталуы мүмкін емес).

Жиі

- бас айналуы (вертиго)

- құрсақ қуысының жоғарғы бөлігінің ауыруы, диарея

- бөртпе

Жиі емес

- бас ауыруы, естен тану

- асқазаннан қан кету

- экзема, есекжем

- инъекция орнында қан кету, шеткері ісіну (әсіресе тобық пен аяқтың)

Белгісіз

- анемия

- плазма ақуыздарының алмасуының бұзылулары

- дереализация (бұрмаланған шындық сезімі)

- құрысулар, тремор

- көру қабілетінің бұзылулары

- жүректің қағуы

- ысынулар

- қан түкіру (гемоптизис)

- мелена (асқазан-ішектен қан кету симптомы), эпигастралгия ("асқазандағы" ауырсыну), құсу, метеоризм, диспепсия (іштің жоғарғы бөлігіндегі жайсыздық немесе ауырсыну сезімі), жүрек айнуы

- Квинке ісінуі, эритема (терінің қызаруы), пурпура (көгеруге ұқсас дақтар), экхимоздар (тері астындағы қан кету), қышыну

- қуық мойнының стенозы, дизурия (несеп шығарудың қиындауы немесе ауыруы)

- полименорея (етеккір қан кетулер аралығының қысқаруы), жыныс мүшелерінің ісінуі, жыныс мүшелерінің эритемасы (қызару)

- кеуденің ауыруы, ауыру, инъекция орнындағы ауыру.

Жағымсыз дәрілік реакциялар туындаған кезде медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.

Қосымша мәліметтер

Бір ампуланың (2 мл ерітіндіcінің) ішінде

белсенді зат – сулодексид, 600 ЛБ (липопротеинлипаза бірліктері);

қосымша заттар – натрий хлориді, инъекцияға арналған су.

Ашық сарыдан сары-қоңыр түске дейінгі мөлдір ерітінді.

2 мл препараттан күңгірт шыны ампулаларда.

5 ампуладан пішінді ұяшықты қаптамада; 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

5 жыл.

Жарамдылық мерзімі өткеннен кейін қолдануға болмайды!

30 С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Альфасигма С.п.А.

Виа Э. Ферми 1, 65020 Аланно (Пескара) / Via E. Fermi 1, 65020 Alanno (Pescara), Италия

тел.: + 39 08585711

Альфасигма С.п.А.

Виа Рагацци дель ʻ99 № 5, 40133 Болонья / Via Ragazzi del ʻ99 n. 5, 40133 Bologna, Италия

тел.: + 39 0516489511

e-mail: info.it@alfasigma.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«СОНА-ФАРМЕКСИМ» ЖШС

Қазақстан, 050051, Алматы қ., Достық даңғ., 240 үй, 502 кеңсе

тел.: +7 (727) 221 90 91

e-mail: safety@eastpharm.eu