Вамелан

Капсулалар

Жүйке жүйесі. Психолептиктер. Ұйықтататын және тыныштандыратын дәрілер. Ұйықтататын және тыныштандыратын басқа препараттар.

АТХ коды N05CM

Вамелан тыныштандыратын дәрі ретінде тағайындалады:

- жүйке қозғыштығының жоғарылауы кезінде

- жүйке ширығуы кезінде

- ашушаңдық кезінде

- үрейлену, жабығу кезінде

- ұйқының бұзылуы, ұйқысыздық кезінде

Қолдануды бастағанға дейін қажетті мәліметтер тізбесі

- әсер етуші затқа (заттарға) немесе қосымша заттардың кез келгеніне аса жоғары сезімталдық

- депрессия, орталық жүйке жүйесінің бәсеңдеуімен қатар жүретін аурулар

- жүктілік және емшек емізу кезеңі

- 18 жасқа дейінгі балалар және жасөспірімдер

Препаратты тоқтатқан кезде тоқтату синдромы дамымайды.

Препарат ұйқы бұзылуының және жүйке қозғыштығының жеңіл түрі кезінде қолданылады.

Басқа дәрілік препараттармен өзара әрекеттесуі

Препаратты орталық жүйке жүйесіне бәсеңдеткіш әсер ететін дәрілік заттармен бір мезгілде қолданғанда Вамелан олардың әсерін күшейтеді.

Арнайы ескертулер

Жүктілік және лактация

Препарат жүктілік және емшек емізу кезеңінде ұсынылмайды.

Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері

Вамелан препараты көлік құралдарын басқару және механизмдермен жұмыс істеу қабілетіне орташа әсер етеді.

Дозалау режимі

Вамелан препаратының тәуліктік дозасы тәулігіне 2-3 рет 1-2 капсуланы құрайды.

Ұйқысыздық кезінде препарат дозасы ұйқыға дейін бір – екі сағат бұрын 1-2 капсуланы құрайды.

Енгізу әдісі және жолы

Препарат ішке қабылдау арқылы (пероральді) қабылданады.

Қабылдау уақытын көрсететін қолдану жиілігі

Тәулігіне 2-3 рет

Емдеу ұзақтығы

Әдетте тиімсіз болған кезде емдеу курсы 2-4 аптаға созылады. Емдеуді жалғастыру қажеттілігі туралы мәселені шешу үшін дәрігердің кеңесі қажет. Қажет болса, емдеу курсын қайталауға болады.

Артық дозаланған жағдайда қолдану қажет шаралар

Симптомдары: жағымсыз әсерлердің көбеюі.

Емі: асқазанды шаюға болады, қажет болған жағдайда симптоматикалық ем.

Дәрілік препаратты қабылдамас бұрын кеңес алу үшін дәрігерге немесе фармацевтке жүгініңіз

Сирек

- аллергиялық реакциялар

- жүрек айнуы, асқазанның түйілуі

- іш қату (ұзақ қолданған кезде)

- сылбырлық, жабығу, әлсіздік, жұмыс істеу қабілетінің төмендеуі (жоғары дозада қабылдаған кезде)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей электронды пошта:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау Ұлттық Орталығы» РМК ШЖҚ

http://www.ndda.kz

Қосымша мәліметтер

Бір капсула құрамында

белсенді заттар: шүйгіншөп қышқылы бойынша стандартталған дәрілік шүйгіншөп құрғақ экстрактісі (гидроксивалериан, ацетоксивалериан және валериан қышқылдары қосындысы ретінде) 125 мг, гүлшетен қышқылы арқылы стандартталған құрғақ сермене экстрактісі 25 мг, бұрыш жалбызы құрғақ экстрактісі 25 мг,

қосымша заттар: тазартылған соя майы, пальма майы, кокос майы, ара балауызы, соя лецитині,

капсула құрамы: желатин, глицерин, темірдің қара тотығы (Е 172), хинолинді сары (Е 104), титанның қостотығы (Е 171), хлорофильді мыс кешені (Е 141).

Сопақша пішінді, тегіс және жылтыр беті бар, корпусы мен қақпағы жасыл түсті, жұмсақ желатинді капсулалар.

Капсула құрамы – өзіне тән иісі бар қою қара-қоңыр майлы сұйықтық.

ПВХ/ПВДХ үлбірден және алюминий фольгадан жасалған пішінді ұяшықты қаптамада 15 капсуладан.

2 пішінді ұяшықты қаптамадан қазақ және орыс тілдерінде қолдану жөніндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

15°С-ден 25°С-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз

П.П.Ф. ХАСКО – ЛЕК С.А.

51 – 131 Вроцлав, Жмигродзка к-сі, 242 Е, Польша

Тел.: (+48 71) 352 95 22

Факс: (+48 71) 352 76 36

E-mail: hasco@hasco-lek.pl

«УОРЛД МЕДИЦИН ЛИМИТЕД»

Граунд Фло, Гадд Хаус, Аркадия Авеню, Финчли, Лондон қ. N3 2JU, ҰлыбританияТел: +44 (0) 845 0 66 33 00

Факс: +44 (0) 845 0 66 33 01

E-mail: info@worldmedicine.co.uk

«RIN PHARM» (РИН ФАРМ) ЖШС

Қазақстан Республикасы, Алматы, Түрксіб ауданы, Сүйінбай даңғ, 222 б

Тел/факс: 8 (7272) 529090

E-mail: www.worldmedicine.kz

«TROKA-S PHARMA» ЖШС, Алматы, Сүйінбай даңғ, 222 б

Ұялы тел: +7 701 786 33 98, (24-сағат қол жетімді).

E-mail: pvpharma@worldmedicine.kz