Палора Форте сироп по 100 мл (флакон)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

ПАЛОРА Форте

Халықаралық патенттелмеген атауы

Жоқ

Дәрілік түрі, дозасы

Шәрбат, 100 мл

Фармакотерапиялық тобы

Жүйке жүйесі. Психолептиктер. Ұйықтататын және тыныштандыратын дәрілер. Ұйықтататын және тыныштандыратын басқа препараттар.

АТХ коды N05CM

Қолданылуы

- неврастения

- климактериялық және преклимактериялық кезеңдер

- жүйке тозуының артуы

- ұйқының бұзылуы

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді затқа немесе қосымша заттардың кез келгеніне аса жоғары сезімталдық

- миокард инфаркті

- стенокардия

- ми және жүрек тамырларының атеросклерозы

- қант диабеті

- созылмалы алкоголизм

- эпилепсия

- бауыр аурулары

- тұқым қуалайтын фруктоза, сахароза-изомальтаза жақпаушылығы немесе

глюкоза-галактоза мальабсорбциясы

- балалар мен 18 жасқа дейінгі жасөспірімдер

- жүктілік және лактация кезеңі

Қолдану кезінде қажетті сақтық шаралары

Асқазан-ішек жолдарының ауыр органикалық ауруларында (ойық жара ауруы, гастроэзофагеальді рефлюкс ауруы (ГЭРА), қатерлі ісіктер, өт-тас ауруы, созылмалы панкреатит) сақтықпен тағайындайды.

Басқа дәрілік препараттармен өзара әрекеттесуі

ПАЛОРА® Фортені орталық жүйке жүйесін бәсеңдететін заттармен (алкоголь, барбитураттар, транквилизаторлар) бірге қолдану тыныштандыратын және ұйықтататын әсердің күшеюін туындатуы мүмкін. ПАЛОРА Форте препаратын дисульфираммен бірге қолданудан аулақ болу керек. Аспартам (фенилкетонурия кезінде) қабылдайтын адамдарда несепте шөгінді пайда болуы мүмкін. Спазмолитиктердің әсерін күшейтеді.

Препаратты моноаминоксидаза (МАО) тежегіштерімен бір уақытта қабылдаудан бас тарту керек.

Арнайы ескертулер

Препарат құрамында 96% этил спирті бар, сондықтан алкоголизммен, эпилепсиямен, бауыр ауруларымен зардап шегетін адамдарға, балаларға, жүкті және бала емізетін әйелдерге қарсы көрсетілімде.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері

ПАЛОРА Форте препаратымен емдеу кезінде көлік құралдарын басқарудан және қауіптілігі зор механизмдермен жұмыс істеуден аулақ болу керек.

Қолдану жөніндегі нұсқаулар

Дозалау режимі

Ересектер

ПАЛОРА Форте тәулігіне 3 рет 5 мл (1 шай қасық) препараттан қабылданады. Қажет болғанда тәуліктік дозаны тәулігіне 3 рет 10 мл дейін ұлғайтуға болады. Жағымсыз мәңгіру пайда болғанда таңертеңгі және күндізгі дозаны жартысына дейін азайту және 2,5 мл, ал кешке 5 мл қабылдау қажет. Дозаны пациенттің реакциясына байланысты өзгертуге болады. Препаратты қабылдаулар арасындағы аралық 8 сағат болуы тиіс.

Енгізу әдісі және жолы

Қоса берілген өлшегіш қасықпен ішке қабылдауға арналған.

Емдеу ұзақтығы

Емдеу курсының ұзақтығы аурудың клиникалық көрінісіне байланысты.

Орташа емдеу курсы-20-30 күн.

Артық дозаланған жағдайда қолданылуы қажет шаралар

Симптомдары: ұйқышылдық, жабырқау сезімі, кешірек – жүрек айнуы, жеңіл бұлшықет әлсіздігі, буын аурулары, асқазандағы ауырлық сезімі.

Емі: асқазан шаю, симптоматикалық ем жүргізу. Спецификалық антидоты жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қабылдамас бұрын кеңес алу үшін дәрігерге немесе фармацевтке жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Бірлі-жарым жағдайларға қарағанда жиі кездесетін жағымсыз реакциялар келесі градацияға сәйкес санамаланған: өте жиі (≥1/10); жиі ( ≥1/100-ден <1/10 дейін); жиі емес (≥1/1000-нан <1/100 дейін); сирек (≥1 /10000-нан <1/1000 дейін); өте сирек (<1/10000), жиілігі белгісіз (қолда бар деректер бойынша реакциялардың пайда болу жиілігін бағалау мүмкін емес).

Сирек

- ұйқышылдық

- шаршау сезімі

- бас айналуы

- бұлшықет әлсіздігі

- аллергиялық реакциялар

- экзантема

- асқазан-ішек жолының бұзылыстары (жүрек айнуы, құсу, түйілулер, қыжыл, диарея, іш қатуы)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

5 мл препараттың құрамында

белсенді зат - пассифлора шөбінің сұйық экстрактісі 1050.00 мг;

қосымша заттар: рафинадталған қант, глицерин, этил спирті 96%, калий сорбаты, тазартылған су.

Сыртқы түрінің, иісінің, дәмінің сипаттамасы

Қою-қоңыр түсті мөлдір сұйықтық.

Шығарылу түрі және қаптамасы

100 мл препараттан алғашқы ашылуы бақыланатын бұрандалы пластик қақпағы бар күңгірт шыны құтыға салынады. Құтыға өздігінен жабысатын заттаңба желімделеді.

1 құтыдан өлшегіш қасықпен немесе өлшегіш стақанмен және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ-сы, Шевченко к-сі 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электрондық поштасы nobel@nobel.kz

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ-сы, Шевченко к-сі 162 Е

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ-сы, Шевченко к-сі 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электрондық поштасы nobel@nobel.kz