Церетон

ЦЕРЕТОН®

Холин альфосцераты

Вена ішіне және бұлшықет ішіне енгізуге арналған ерітінді, 250 мг/мл

Жүйке жүйесі. Жүйке жүйесінің ауруларын емдеуге арналған басқа препараттар. Парасимпатомиметиктер. Басқа да парасимпатомиметиктер. Холин альфосцераты.

АТХ коды: N07AX02

ЦЕРЕТОН®, вена ішіне және бұлшықет ішіне енгізуге арналған ерітінді ересектерде қолдануға арналған:

— мнестикалық функцияның есте сақтаудың нашарлауымен, сананың шатасуымен, бағдардан жаңылумен, ынталанудың, бастамашылдықтың және зейін қою қабілетінің төмендеуімен сипатталатын бастапқы және екінші реттегі бұзылулар сияқты цереброваскулярлық жетіспеушіліктің салдары мен дегенеративті және инволюциялық психоорганикалық синдромдар;

— егде жастағыларда болатын эмоциялық және мінез-құлық саласының өзгерістері: эмоционалды құбылу, қатты ашушаңдық, қоршаған ортаға қызығушылықтың төмендеуі, егде жастағы адамдарда жалған депрессия.

Қолдануды бастағанға дейін қажетті мәліметтер тізбесі

–препараттың компоненттеріне аса жоғары сезімталдық

–жүктілік және лактация кезеңі

–18 жасқа дейінгі балалар мен жасөспірімдер.

Қолданған кездегі қажетті сақтандыру шаралары

Балаларда қолдану

Препаратты балаларға қолданудың тиімділігі мен қауіпсіздігі жеткіліксіз зерттелген. Препарат педиатриялық тәжірибеде қолдануға арналмаған.

Басқа препараттармен клиникалық маңызды өзара әрекеттесулер анықталмаған.

Жүктілік немесе лактация кезінде

ЦЕРЕТОН® препаратын жүктілік кезінде және емшек емізу кезеңінде қолдануға болмайды. ЦЕРЕТОН® препаратымен емдеу кезінде бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару немесе зейін қоюдың жоғарлауын және/немесе психомоторлық реакциялардың жылдамдылығын талап ететін басқа да қызмет түрлерімен айналысу кезінде сақ болған жөн.

Дозалау режимі

Жедел жағдайларда бұлшықет ішіне немесе вена ішіне тәулігіне 1 г дозада (1 ампула). Тәуліктік дозаны дәрігердің қалауы бойынша арттыруға болады.

Енгізу әдісі мен жолы

Ерітіндіні бұлшықет ішіне немесе вена ішіне баяу енгізеді.

Емдеу курсының ұзақтығын ауруды, дәрілік заттың жағымдылығын және емдік нәтижені ескере отырып, дәрігер анықтайды.

Артық дозаланған жағдайда қабылдануы тиіс шаралар

Симптомдары: жүрек айнуы.

Емі: аталған симптом пайда болғанда препарат дозасын төмендету керек.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Бұл препаратты әрдайым емдеуші дәрігеріңіздің ұсынымдарына сәйкес қолданыңыз. Күмән туындаған жағдайда емдеуші дәрігерге хабарласыңыз.

–жүрек айнуы (допаминергиялық белсендірудің салдары ретінде);

–аллергиялық реакциялар.

Өте сирек

–іштің ауыруы, қысқа мерзімдік сананың шатасуы;

–инъекция орнының ауыруы.

Жағымсыз, оның ішінде медициналық қолдану жөніндегі нұсқаулықта көрсетілмеген реакциялар туындаған жағдайда дәрігерге жүгіну қажет.

Күтілген дәрілік реакциялар туындаған кезде медициналық қызметкерге, фармацевтика қызметкеріне немесе ДП тиімсіздігі туралы хабарламаны қоса, дәрілік препараттарға жағымсыз реакциялар бойынша ақпараттық деректер базасына тікелей хабарласыңыз (пошта, электрондық пошта бойынша)

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір ампуланың ішінде:

белсенді зат – холин альфосцерат полигидраты (сусыз холин альфосцератына шаққанда) 1000 мг,

қосымша зат – инъекцияға арналған су.

Мөлдір түссіз сұйықтық.

Вена ішіне және бұлшықет ішіне енгізуге арналған ерітінді, 250 мг/мл.

4 мл-ден түрлі түсті сындыру сақинасы немесе түрлі түсті нүктесі мен кертігі бар І типті түссіз бейтарап шыныдан жасалған ампулаларға құйылады. Ампулаларға қосымша бір, екі немесе үш түрлі түсті сақина және/немесе екі өлшемді штрих-код және/немесе әріптік-сандық код салады немесе қосымша түрлі түсті сақиналары, екі өлшемді штрих-коды, әріптік-сандық коды жоқ болады. 3 немесе 5 ампуладан поливинилхлоридті үлбірден және полимер үлбірден жасалған немесе үлбірсіз пішінді ұяшықты қаптамаға салынады.

1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

5 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«ФармФирма «Сотекс» ЖАҚ, Ресей Федерациясы

141345, Мәскеу обл., Сергиев Посад қ., Беликово к., 11 үй

Тел.: +7 (495) 956-29-30

«ФармФирма «Сотекс» ЖАҚ, Ресей Федерациясы

141345, Мәскеу обл., Сергиев Посад қ., Беликово к., 11 үй

Тел.: +7 (495) 956-29-30

Электрондық пошта: info@sotex.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Утегенова Б.А.» ЖК

050022, Алматы қ., Мәуленов көш., 123 «а» үй, 7 п.

Тел.: +7701-707-61-81

Электрондық пошта: b.utegenova_ip@mail.ru