Глиатилин капсулы по 400 мг №14 (блистер)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

ГЛИАТИЛИН®

Халықаралық патенттелмеген атауы

Холин альфосцераты

Дәрілік түрі, дозасы

Капсулалар 400 мг

Фармакотерапиялық тобы

Жүйке жүйесі. Жүйке жүйесі ауруларын емдеуге арналған басқа препараттар. Парасимпатомиметиктер. Басқа парасимпатомиметиктер. Холин альфосцераты.

АТХ коды N07AX02

Қолданылуы

- дегенеративті және инволюциялық психоорганикалық синдромдарда және егде жастағы адамдарда жадының бұзылумен, сананың шатасуымен, бағдардан адасумен, мотивацияның, бастамашылдықтың және зейін қою қабілетінің төмендеуімен сипатталатын есте сақтау функциясының бірінші және екінші қайтара бұзылуы сияқты цереброваскулярлық жеткіліксіздік салдарында

- егде жастағыларда эмоционалдық және мінез-құлық жағынан өзгерістерде: эмоционалдық ауытқуларда, қатты ашушаңдық, қоршаған ортаға қызығушылықтың төмендеуінде, қарттық жалған депрессияда

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

- жүктілік және лактация кезеңі

Басқа дәрілік препараттармен өзара әрекеттесуі

Басқа препараттармен клиникалық маңызды өзара әрекеттесуі анықталған жоқ.

Арнайы ескертулер

Бұл дәрілік заттың құрамында бір капсулада 41 мг сорбитол бар. Құрамында сорбит (немесе фруктоза) бар дәрілік заттарды бір мезгілде қабылдаудың және тағаммен күнделікті сорбит (немесе фруктоза) қабылдаудың аддитивті әсерін назарда ұстау керек. Пероральді дәрілік препараттардағы сорбитолдың мөлшері бір мезгілде енгізілетін басқа пероральді дәрілік препараттардың биожетімділігін өзгертуі мүмкін. Сорбитол орташа іш жүргізетін әсер көрсетуі мүмкін.

Бұл дәрілік препараттың құрамында глицерол бар, ол бас ауыруын, асқазан-ішек жолдарының бұзылуын, диареяны тудыруы мүмкін.

Бұл дәрілік препараттың құрамында аллергиялық реакциялар (оның ішінде баяу дамитын реакциялар) тудыруы мүмкін натрий этилпарагидроксибензоаты және натрий пропилпарагидроксибензоаты бар.

Бұл дәрілік препараттың капсуласында 1 ммоль (23 мг) аз натрий бар, сондықтан іс жүзінде натрий жоқ.

Педиатрияда қолдану

Балаларда препаратты қолданудың тиімділігі мен қауіпсіздігі жеткілікті зерттелмеген. Препарат балаларда пайдалануға арналмаған.

Жүктілік немесе лактация кезінде

Жүктілік және лактация кезінде препаратты қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Көлік құралын немесе қауіптілігі зор механизмдерді басқару қабілетіне әсері туралы деректер жоқ.

Қолдану бойынша ұсынымдар

Дозалау режимі

Капсулалар тәулігіне 2-3 рет 400 мг (1 капсула) ішке қабылданады.

Дәрігердің ұйғарымы бойынша тәуліктік дозаны арттыруға болады.

Енгізу әдісі мен жолы

Ішке.

Емдеу ұзақтығы

Емдеу ұзақтығы жай-күйдің ауырлығымен анықталады.

Артық дозаланғанда қабылдануы қажет шаралар

Симптомдары: жүрек айнуы.

Емі: осы симптомдар пайда болған кезде препараттың дозасын төмендету ұсынылады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Әдетте, препарат ұзақ уақыт қолданған кезде де жақсы көтерімді.

Мүмкін

- жүрек айнуы (допаминергиялық белсенділіктің салдары ретінде)

- аллергиялық реакциялар

Өте сирек

- іштің ауыруы, қысқа мерзімді сананың шатасуы.

Жағымсыз реакциялар пайда болған жағдайда, оның ішінде медициналық қолдану жөніндегі нұсқаулықта көрсетілмеген жағдайда дәрігерге жүгіну қажет.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат - холин альфосцераты 400 мг,

қосымша заттар: глицерин, тазартылған су.

капсула қабығының құрамы: желатин, ішінара сусызданған сұйық сорбитол, натрий этилпарагидроксибензоаты, натрий пропилпарагидроксибензоаты, титанның қостотығы (Е 171), темір тотығы (Е 172), глицерол.

Сыртқы түрінің, иісінің, дәмінің сипаттамасы

Сопақша пішінді, жұмсақ мөлдір емес сары түсті желатинді капсулалар.

Капсуланың ішіндегісі – тұтқыр ерітінді.

Шығарылу түрі және қаптамасы

14 капсуладан мөлдір емес поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынады.

1 пішінді қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

Сақтау мерзімі

3 жыл

Препаратты жарамдылық мерзімі өткеннен кейін қолдануға болмайды!

Сақтау шарттары

30оС-ден аспайтын температурада сақтау керек

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

«ИТАЛФАРМАКО С.п.А.», Виале Фульвио Тести, 330, Милан, Италия

Телефон нөмірі: +390264431

Электронды пошта: info@italfarmaco.com

Тіркеу куәлігінің ұстаушысы

«ИТАЛФАРМАКО С.п.А.», Виале Фульвио Тести, 330, Милан, Италия

Телефон нөмірі: +340264431

Электронды пошта: info@italfarmaco.com

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«Медэкспорт Италия» консорциумы өкілдігі, Алматы қ., Әйтеке би, 88

Телефон нөмірі: +7 727 279 99 00

Электрондық пошта мекенжайы: officealmaty@gmail.com