Тримедат

Босап шығуы ұзаққа созылатын, үлбірлі қабықпен қапталған таблеткалар, 300 мг

Асқорыту жүйесі және заттардың алмасулары. Функционалды асқазан-ішек бұзылуларын емдеуге арналған препараттар. Ішектің функционалды бұзылуын емдеуге арналған препараттар. Синтетикалық холиноблокаторлар – үштік амин тобы эфирлері. Тримебутин.

АТХ коды А03АА05

Іштің ауырсынуын, түйілуін және жайсыздығын, іш кебуді сезінуді (метеоризмді), нәжіс жиілігінің өзгеруімен ішектің моторлы функциялары бұзылуларын (диарея немесе іш қату), диспепсияны, қыжылды, кекіруді, жүрек айнуын, асқазан-ішек жолының және өт жолдарының функционалдық ауруларына байланысты құсуды симптоматикалық емдеу (гастроэзофагеальді рефлюкс ауруының эрозиялық емес түрі; өт тас ауруы; өтшығару жолдарының дисфункциясы; ішектің тітіркенуі синдромы; Одди сфинктерінің дисфункциясы, постхолецистэктомиялық синдром)

Операциядан кейінгі салданған ішек өтімсіздігі

Қолдануды бастағанға дейін қажетті мәліметтер тізбесі

Әсер етуші затқа немесе қосымша заттардың кез келгеніне аса жоғары сезімталдық

Жүктілік кезеңі

18 жасқа дейінгі балалар

Қолданған кездегі қажетті сақтандыру шаралары

Тримедат® форте препаратын емшекпен емізу кезеңінде сақтықпен қолдану керек, өйткені оның емшек сүтіне енуі туралы деректер жоқ.

Басқа дәрілік препараттармен өзара әрекеттесуі

Тримедат® форте препаратының дәрілік өзара әрекеттесуі сипатталмаған.

Арнайы ескертулер жоқ.

Жүктілік және лактация кезінде қолдану.

Эксперименттік зерттеулерде препараттың тератогендігі мен эмбриоуыттылығы туралы деректер анықталған жоқ. Дегенмен, қажетті клиникалық деректердің болмауына байланысты Тримедат® форте препаратын жүктілік кезеңінде қолдануға болмайды.

Тримедат® форте препаратын емшекпен емізу кезеңінде сақтықпен қолдану керек, өйткені оның емшек сүтіне енуі туралы деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат седативті әсер етпейді, психомоторлық реакция жылдамдығына әсер етпейді және ол әртүрлі мамандық иелерімен, соның ішінде жоғары назар мен қозғалыстарды үйлестіруді қажет ететін адамдармен қолданыла алады. Дегенмен, көрсетілген қабілеттерге әсер етуі мүмкін жағымсыз әсерлерді (бас айналу және басқалар) ескере отырып, автокөлікті басқару және басқа да қауіпті қызмет түрлерімен айналысу кезінде сақ болу керек.

Дозалау режимі

Ересектерге 1 таблеткадан.

Енгізу әдісі мен жолы

Ішке қабылдауға арналған, тамақтану уақытына қарамастан, таблетка ішке жұту үшін жеткілікті болатын сұйықтық мөлшерімен ішіледі.

Қабылдау уақыты көрсетілген қолдану жиілігі

Күніне 2 рет 12 сағаттық үзіліспен.

Емдеу ұзақтығы

Асқазан-ішек жолдары мен өт жолдарының функционалды ауруларына байланысты абдоминальді ауыруды емдеу курсы - 28 күн.

Қажет болған жағдайда препаратты қабылдау ұзақтығы ұзартылуы мүмкін. Препаратты қабылдау курстары арасында үзіліс қажет емес.

Ремиссия кезеңінде жүргізілген емдеу курсынан кейін ішектің тітіркенуі синдромының қайталануын болдырмау үшін тәулігіне 300 мг дозада 12 апта бойы қабылдауды жалғастыру ұсынылады.

Артық дозаланған жағдайда қабылдануы тиіс шаралар

Тримедат® форте препаратының артық дозалану жағдайлары осы уақытқа дейін тіркелген жоқ.

Емі: препаратты тоқтату, асқазанды шаю, белсендірілген көмірді тағайындау, симптоматикалық ем. Арнайы антидоттар жоқ.

Дәрілік препараттың бір немесе бірнеше дозасын өткізіп алған жағдайда қажетті шаралар

Жекелеген дозаларды өткізіп алған жағдайда препараттың қос дозасын қабылдауға болмайды.

Тоқтату симптомдары қаупінің болуын көрсету

Осы уақытқа дейін тоқтату симптомдары туралы хабарланған жоқ.

Дәрі-дәрмекті қабылдамас бұрын дәрігермен кеңесіп алыңыз.

Жиілігі белгісіз

ауыздың құрғауы, жағымсыз дәм сезінулер, диарея, диспепсия, жүрек айнуы, іш қату

ұйқышылдық, шаршау, бас айналу, бас ауруы, мазасыздық

несепті ұстап қалу, етеккір оралымының бұзылу себептері, тері бөртпесі, кеуде бездерінің ауырсынуы

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат – тримебутин малеаты - 300 мг;

қосымша заттар: микрокристалды целлюлоза, повидон (К 25), гипромеллоза, магний стеараты,

қабықтың құрамы:

Опадрай II 85F18422: жартылай гидролизденген поливинил спирті, макрогол-3350, титанның қостотығы Е 171, тальк

Дөңгелек, екі беті дөңес, бір жағына тамшы тәрізді екі элемент түрінде ойып түсірілген символ бар ақ түсті үлбірлі қабықпен қапталған таблеткалар. Көлденең қимасында ақ немесе ақ дерлік түсті ядро болады.

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада немесе тесіктері бар пішінді ұяшықты қаптамада.

2 немесе 6 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды!

Түпнұсқа қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

«Валента Фарм» АҚ, Ресей

141101, Ресей, Мәскеу облысы, Щелково қаласы, Фабричная көшесі, 2-үй.

Телефоны: +7 (495) 933-48-62, факс +7 (495) 933-48-63

Электронды пошта: info@valentapharm.com

«Валента Фарм» АҚ, Ресей

141101, Ресей, Мәскеу облысы, Щелково қаласы, Фабричная көшесі, 2-үй.

Телефоны: +7 (495) 933-48-62, факс +7 (495) 933-48-63

Электронды пошта: info@valentapharm.com

«Валента Фармацевтика» акционерлік қоғамының Қазақстан Республикасындағы өкілдігі

Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1106 кеңсе

Тел: +7 (727) 3341551 іш.4027

Моб. +7 771 779 79 37

Электронды пошта: asia@valentapharm.com