Прожестожель

Прожестожель

Прогестерон

Сыртқа қолдануға арналған гель 1%

Несеп-жыныс жүйесі және жыныс гормондары. Жыныс гормондары және жыныс жүйесінің модуляторлары. Прогестагендер. Прегнен туындылары. Прогестерон.

АТХ коды G03DA04

Прогестеронның абсолютті немесе салыстырмалы жергілікті тапшылығымен байланысты сүт бездерінің қатерсіз ауруларын емдеу:

- мастодиния;

- диффузды фиброзды-кистозды мастопатия.

Қолдану басталғанға дейін қажетті мәліметтер тізбесі

- препараттың кез келген компонентіне жеке аса жоғары сезімталдық

- әсер етуші затқа немесе қосымша заттардың кез келгеніне аса жоғары сезімталдық

- фиброзды-кистозды мастопатияның түйінді түрлері

- сүт безінің обыры

Тек сыртқа қолдануға арналған. Гельді жаққаннан кейін қолды жуу керек.

Прожестожельдің басқа дәрілік заттармен өзара әрекеттесуіне зерттеу жүргізілген жоқ. Бүгінгі күнге дейін дәрілік өзара әрекеттесулері туралы белгісіз.

Ер адамдарда қолдануға арналмаған. Тек сыртқа қолдану үшін, сондықтан ішке қабылдауға болмайды.

Препаратты қолданған кезде қолдың және сүт бездерінің тазалығын қадағалап отыру қажет. Прожестожельді сүт бездеріне аппликатор-дозатордың көмегімен жағу керек, екі омырау тері беткейіне толық сіңгенше біркелкі таратып жағады. Сүт бездерін ысқылап сылауға және уқалауға болмайды.

Тері жабынының бүтіндігі бұзылған жағдайда прогестеронның резорбциясы (жүйелі әсер ету) қаупі бар. Бұл жағдайда Прожестожель қолдану ұсынылмайды.

Бұл дәрінің құрамында 2,5 г гель үшін 1,2 г спирт (этанол) болады. Бұл зақымдалған теріде ашыту сезімін тудыруы ықтимал. Бұл дәрі құрғағанша, жеңіл тұтанатын болуы мүмкін.

Гельді қолданғаннан кейін тікелей түсетін күн сәулесінен аулақ болу керек.

Прожестожель пероральді контрацептивтерді қабылдаумен, пубертатты кезеңмен, пременопаузамен, етеккір алды синдроммен байланысты мастодиния кезінде тағайындалуы мүмкін.

Тұрақты емес етеккір циклінде микрондалған прогестеронмен немесе пероральді прогестинмен қосымша ем ұсынуға болады.

Контрацептив емес.

Бұл препарат құрамында тері реакциясын тудыруы мүмкін майсана майы болады.

Педиатрияда қолдану

Балаларға қолданылмайды.

Жүктілік немесе лактация кезінде

Жүктілік

Жүкті әйелдерде Прожестожельді қолданудың жеткілікті тәжірибесі жоқ, сондықтан жүктілік кезінде препаратты қолдану ұсынылмайды. Алайда, прогестеронның шаранаға қандай да бір теріс әсері туралы клиникалық деректер жоқ.

Бала емізу

Прожестожельді бала емізу кезінде қолдануға болмайды, себебі препарат анасының сүтіне ішінара енуі мүмкін. Алайда, прогестеронның шаранаға қандай да бір теріс әсері туралы клиникалық деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автомобильді немесе жұмыс механизмдерін басқару қабілетіне препараттың ықтимал әсері туралы зерттеулер жүргізілген жоқ.

Қолдану бойынша ұсынымдар

Дозалау режимі

Прожестожельді аппликатор-дозатордың көмегімен құрғақ таза теріге жағу керек. Әр омырауға өлшенген гель жолағын (әрбір омырауға 2,5 г) аппликатор-дозатор көмегімен және ареол аймағына тигізбей, сүт бездерінің беткейіне біркелкі таратып жағу керек. Жуғаннан кейін гельді екі омыраудың барлық беткейіне өнім сіңгенше таратып жағыңыз. Жаққаннан кейін қолыңызды жуыңыз.

Ең жоғары күндізгі доза 5 г құрайды.

Прожестожельді үздіксіз режимде – етеккір күндерін қоса алғанда, цикл бойы күн сайын қолданған жөн.

Емнің орташа ұзақтығы-3-6 айды құрайды.

Қайталанатын емдеу курсы дәрігермен кеңескеннен кейін ғана тағайындалуы мүмкін.

Өткізіп алған дозаның орнын толтыру үшін қосарлы дозаны қабылдаудың қажеті жоқ.

Енгізу әдісі мен жолы

Сыртқа қолдануға арналған (трансдермальді) препарат .

Қабылдау уақыты көрсетілген қолдану жиілігі

Күн сайын, күніне бір рет.

Емнің орташа ұзақтығы-3-6 айды құрайды.

Артық дозалану жағдайында қабылдануы қажет шаралар

Прожестожельді қолдану кезінде артық дозалану жағдайлары туралы хабарланбаған.

Трансдермальді енгізу жолына байланысты және сіңірілу жүйесінің төмендігі нәтижесінде прогестеронмен артық дозалану ықтималдығы аз.

Етеккір мерзімінен 1-2 күн бұрын басталғанда препаратты етеккір циклінің 10-нан 25 күніне дейін қолдану ұсынылады.

Дәрілік препараттың бір немесе бірнеше дозасын өткізіп алған кезде қажетті шаралар

Өткізіп алған дозаның орнын толтыру үшін қосарлы дозаны қабылдаудың қажеті жоқ.

Тоқтату симптомдары қаупінің болуын көрсету

Қатысты емес.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Препаратты қолданар алдында қосымша парақты мұқият оқып шығыңыз, өйткені онда сіз үшін маңызды ақпарат бар.

Препаратты қолдану тәсілі бойынша қосымша сұрақтар туындаған жағдайда емдеуші дәрігерге қаралу қажет.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Прожестожелді пайдалану бойынша ұсыныстарды сақтаған кезде трансдермальді енгізу жолының ерекшеліктеріне байланысты прогестеронның организмге жүйелік әсерінің ықтималдығы аз.

Өте сирек

- препарат компоненттеріне жоғары сезімталдық - гель аппликациясы орнындағы эритема, аса жоғары сезімталдық реакциялары

- еттеккір кезеңі оның ағымына әсер етпестен 1-2 күнге дейін қысқаруы мүмкін.

Алайда, тері бөгетінің зақымдануы жағдайында жүйелік жағымсыз әсерлер туындауының қаупі артады.

Сирек

- етеккір циклінің өзгеруі (аменорея, интеркуррентті етеккіраралық қан кету), бас ауыруы байқалуы мүмкін

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға күтілетін реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz немесе

«Безен Хелскеа Чехия с.р.о» Қазақстандағы компаниясының өкілдігі

Алматы қ., Луганский к-сі, 34 үй, 1 пәт., кеңсе тел.+7 (727) 344 12 60;

+7 777 950 43 50 ashalmanova@besins-healthcare.com

Қосымша мәліметтер

100 г гельдің құрамында

белсенді зат - 1 г микрондалған прогестерон,

қосымша заттар: Октилдодеканол, Карбомер (Карбопол ® 980 НФ), Макроглицерол гидроксистеараты, Троламин (немесе Триэтаноламин), Этанол 96% , Тазартылған су.

Спирт иісі бар түссіз, жартылай мөлдір, аздап бозаңданатын гель

80 г препараттан бұралатын ақ түсті қақпағы бар алюминий сықпаға салынады.

1 сықпадан шпатель-дозатормен және медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Безен Мэньюфекчуринг Белджиум

Гроот- Бийгаарденстраат 128, 1620 Дрогенбос, Бельгия

+33(0) 155 65 36 36 lbenedicte@besins-healthcare.com

Безен Хелскеа СА, Бельгия

рю Вашингтон 80, 1050 Икселль, Бельгия

+32(0) 2629 43 14

abesins@besins-healthcare.com

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Безен Хелскеа Чехия с.р.о» Қазақстандағы компаниясының өкілдігі

Алматы қ., Луганский к-сі, 34 үй, 1 пәт., кеңсе тел.+7 (727) 344 12 60;

+7 777 950 43 50 ashalmanova@besins-healthcare.com