Полькортолон

Дәрілік түрі

Таблеткалар, 4 мг

Құрамы

Бір таблетканың құрамында

белсенді зат: триамцинолон 4 мг,

қосымша заттар: картоп крахмалы, магний стеараты, лактоза моногидраты.

Сипаттамасы

Бір жағында «о», ал екінші жағында «4|mg» таңбасы ойылып жазылған, екі беті жайпақ, дөңгелек пішінді, ақ немесе ақ дерлік түсті, ойығы бар, және диаметрі 9,5-тен 10,5 мм дейін таблеткалар.

Фармакотерапиялық тобы

Жүйелі қолдануға арналған гормональді препараттар. Жүйелі қолдануға арналған кортикостероидтар. Глюкокортикостероидтар. Триамцинолон.

АТХ коды H02AB08

Фармакологиялық қасиеттері

Фармакокинетикасы

Пероральді қабылдағаннан кейін триамцинолонның биологиялық жетімділігі 20-дан 30% дейін құрайды. Тамақ бастапқы сатыда триамцинолонның сіңуін баяулатады, бірақ препараттың жалпы биожетімділігіне әсер етпейді. Триамцинолон сарысу ақуыздарымен, негізінен глобулиндермен 40% байланысады, байланысуы жоғары тектестікпен, бірақ аз сиымдылықпен, альбуминдермен керісінше сипатталады. Препараттың бос фракциясының таралу көлемі дене салмағының 0,6-2 дм3(кг құрайды. Триамцинолон бауырда, аз дәрежеде бүйректе метаболизденеді. Триамцинолонның қан сарысуынан жартылай шығарылу кезеңі 2-ден 5 сағаттан астамға дейін, тіндерден 18-36 сағатты құрайды.

Организмнен негізінен белсенді емес метаболиттер түрінде несеппен шығарылады, 15%-дан кемі өзгермеген триамцинолонды құрайды.

Триамцинолон плацентарлық бөгет арқылы өтеді, сондай-ақ ана сүтіне енеді.

Фармакодинамикасы

Полькортолон преднизолон туындысымен фторланған, қабынуға қарсы күшті әсері бар синтетикалық глюкокортикостероид болып табылады. Тиімділігі 1-2 сағаттан соң басталып, 6-8 сағатқа жуық уақыт бойы сақталады. Әсер ету уақыты 2,25 күн құрайды.

Препараттың 4 мг дозасының қабынуға қарсы әсері 4 мг метилпреднизолонның, 5 мг преднизалонның, 0,75 мг дексаметазонның, 0,6 мг бетаметазонның және 20 мг гидрокортизонның қабынуға қарсы әсеріне теңдес деп есептеледі. Әлсіз минералокортикоидты әсерге ие. Полькортолон оның себеп-салдарына әсер етпестен қабыну симптомдарының дамуын тежейді. Макрофагтардың, лейкоциттер мен басқа да жасушалардың қабыну ошағы аймағында шоғырлануын тежейді. Лизосомды ферменттердің фагоцитозын, босап шығуын, сондай-ақ химиялық қабыну медиаторларының синтезі мен босап шығуын тежейді. Қылтамырлардың кеңеюі мен өткізгіштігі азаюын, лейкоциттер миграциясының тежелуін мен ісінулердің түзілуін туғызады. Арахидон қышқылын фосфолипидті жарғақшадан босатып шығарып, оның синтезін бірмезгілде тежейтін, липомодулиннің, А2 фосфолипаза тежегішінің синтезін күшейтеді.

Иммунодепрессиялық әсерінің механизмі соңына дейін зерттелмеген, бірақ Полькортолон иммундық жауапқа байланысты арнайы механизмдер сияқты жасушалық иммунологиялық реакцияларды тежей алады. Т-лимфоциттердің, моноциттер мен ацидофильді гранулоциттердің мөлшерін азайтады. Сондай-ақ иммунглобулиндердің жасушалар беткейіндегі рецепторларға қосылуын азайтады және Т-лимфоциттер бласттрансформациясын тежеу мен ерте иммундық жауапты әлсірету жолымен интерлейкиндердің синтезін немесе босап шығуын тежейді. Айналымдағы иммундық кешендердің негізгі жарғақшалар арқылы өтуін тежейді және комплемент компоненттері мен иммуноглобулиндердің концентрациясын азайтады. Полькортолон гипофизбен АКТГ сөлінісін тежейді, бұл бүйрек үсті безі қыртысының кортикостероидтар мен андрогендерді өндіруінің азаюына әкеледі. Бүйрек үсті безінің қыртысы жеткіліксіздігінің дамуы мен оның функциясының қалпына келу уақыты ең алдымен емдеу ұзақтығына және аз дәрежеде дозаға, препаратты қабылдау ұзақтығы мен жиілігіне, сонымен бірге оның жартылай шығарылу кезеңіне байланысты болады.

60-тан 100 мг дейінгі триамцинолонды бір рет қабылдағанда, бүйрек үсті безінің белсенділігі 24-48 сағат бойы бәсеңдеген күйінде қалады және 30-40 күн бойы қалпына келеді. Іс жүзінде Полькортолонды күніне 12-16 мг дозада 7-10 күннен астам қабылдаған әрбір науқаста бүйрек үсті безінің жеткіліксіздігі дамуы мүмкін. Үлкен дозаларды ұзақ уақыт қабылдағаннан кейін бүйрек үсті безінің функциясы шамамен 1 жылдың ішінде қалпына келуі, ал кейбір пациенттерде бүйрек үсті безінің жеткіліксіздігі өмір бойы сақталуы мүмкін.

Полькортолон ақуыздардың катаболизмін күшейтеді және аминқышқылдарының метаболизміне қатысатын ферменттерді индукциялайды. Лимфалық, дәнекер, бұлшық ет пен тері тініндегі ақуыздар синтезін тежейді және деградациясын күшейтеді. Ұзақ қолданғанда бұл тіндердің атрофиясы байқалуы мүмкін.

Препарат бауырдағы глюконеогенез ферменттерін индукциялау, ақуыздар катаболизмін көтермелеу (бұл глюкогенезге арналған аминқышқылдар мөлшерін арттырады) және шеткергі тіндерде глюкозаның пайдаланылуын азайту жолымен глюкозаның утилизациясын арттырады. Бұл гликогеннің бауырда артық аккумуляциясына, қанда глюкоза концентрациясының артуына және инсулинге резистенттіліктің артуына әкеледі. Липолизді күшейтеді және майлы тіндерден май қышқылдарын көшіреді, бұл қан сарысуындағы май қышқылдардың концентрациясын арттырады. Ұзақ емдеген кезде майлардың қайта таралуынның бұзылуы байқалады. Сүйек тіндерінің синтезін бәсеңсітеді және оның резорбциясын күшейтеді. Қан сарысуындағы кальцийдің концентрациясын төмендетеді, бұл қалқанша маңы безінің салдарлы гиперфункциясына және остеокластардың бірмезгілде стимуляциялануы мен остеобластардың тежелуіне әкеледі. Бұл әсерлер ақуыздар катаболизмі нәтижесіндегі ақуыз компоненттері мөлшерінің қайталап азаюымен бірге, балалар мен жасөспірімдерде сүйегі өсуінің тежелуіне және барлық жастағы науқастарда остеопороздың дамуына әкелуі мүмкін.

Эндо- және экзогенді катехоламиндердің әсерін күшейтеді.

Қолданылуы

бүйрек үсті безі қыртысының жедел жеткіліксіздігінде, бүйрек үсті безі қыртысының бастапқы жеткіліксіздігінде (Аддисон ауруында) және салдарлы адреногенитальді синдромында (бүйрек үсті безінің гиперплазиясында), операция алдындағы дайындықта, бүйрек үсті безі қыртысының жеткіліксіздігімен науқастардағы ауыр аурулар мен жарақаттарда

тиреоидитте (іріңсіз)

басқа препараттармен емдеуге резистентті аллергиялық ауруларда (жанаспалы дерматитте, атопиялық дерматитте, сарысу ауруында, дәрілік препараттарға жоғары сезімталдық реакцияларында, тұрақты немесе маусымдық поллинозда (аллергиялық ринитте)

жүрек пен дәнекер тіннің ауруларында: ревматизмдік және ревматизмдік емес миокардите, перикардитте, дерматомиозитте, жүйелі қызыл жегіде, қайталанатын полихондритте, ревматизмдік полимиалгияда, қантамырлардың қабынуында, ревматизмдік ауруларда (асқыну кезеңіндегі қосымша дәрі ретінде): шорбуынданатын спондилитте, артропатиялық псориазда, ревматизмдік артритте, жасөспірімдердегі ревматизмдік артритте (емдеудің басқа да әдістеріне резистентті жағдайларда), жедел подагралық артритте, остеоартритімен науқастардағы бурситте, Рейтер ауруында, ревматизмдік қызбада

васкулиттерде, грануломатозды алып жасушалы мезоартериитте, тораптық периартериитте

терінің ауыр ауруларында: эксфолиативті дерматитте, герпес тәрізді буллезді дерматитте, ауыр себореялық дерматитте, ауыр көпформалы эритемада (Стивенс-Джонсон синдромында), микозда, күлбіреуікте, экземаның ауыр түрі мен псориазда, пемфигоидта

спецификалық емес ойық жаралы колитте, Крон ауруында, ауыр дәрежедегі целиакияда

жүре пайда болған гемолитикалық анемияда, іштен туа біткен апластикалық анемияда, сүйек кемігінің селективті гипоплазиясы салдарынан болатын анемияда, ересектердегі қайталанған тромбоцитопенияда, ересектердегі идиопатиялық тромбоцитопениялық пурпурада (Верльгоф ауруында)

энцефалопатиямен алкогольді гепатитте, бауыр энцефалопатиясында

онкологиялық аурулар немесе саркоидоз кезіндегі гиперкальциемияда

жедел және жеделге жуық бурситте, эпикондилитте, арнайы емес жедел тендовагинитте, жарақаттан кейінгі остеоартритте

жедел және созылмалы лимфобласты лейкозда, гранулезді және агранулезді лимфомаларда, сүт безінің обырында, қуық түбі безінің обырында, миелома ауруында, онкологиялық ауруға байланысты қызбада (онкологиялық еммен бірге паллиативті ем ретінде)

нефроздық синдромда: ЖҚЖ кезінде диурезді күшейту үшін, қайталанудың профилактикасында және уремиясыз идиопатиялық бүйрек синдромы кезіндегі протеинурияда

ликвор бөгетімен туберкулезді менингитте (бактерияға қарсы емнің құрамында), диссеминацияланған өкпе туберкулезіне

асқыну кезеңіндегі жайылған склерозда, ауыр миастенияда (40 жастан асқан науқастардағы тимэктомиядан кейін миастенияға қарсы басқа препараттармен емдеуге (ұзақ емдеуге) резистентті)

иридоциклитте, хориоретинитте, жайылған артқы увеитте, көру жүйкесінің қабынуында, симпатикалық хориоидитте, аллергиялық конъюнктивитте, кератитте (шығу тегі вирустық және зеңдік емес) мөлдір қабықтың аллергиялық шеткергі ойық жарасында

басқа препараттармен емге резистентті герпестік емес стоматитте

бронхтық демікпеде, бериллиозда, Леффлер синдромында, аспирациялық пневмонияда, симптоматикалық саркоидозда, өкпенің созылмалы эмфиземасында (аминофилиндер мен бета-миметиктермен емдеуге резистентті)

имплантат ажырауының (басқа иммундепрессанттармен бірмезгілде) профилактикасында.

Қолдану тәсілі және дозалары

Ауруға және емге реакциясына байланысты жекелей тағайындалады.

Препаратты тәуліктік ырғаққа сәйкес әдетте күніне бір рет таңертең қабылдау ұсынылады. Дегенмен кейбір жағдайларда Полькортолонды неғұрлым жиі қабылдау да қажет болуы мүмкін.

Ересектер мен 14 жастан асқан жасөспірімдерге: тамақтан кейін күніне бір рет немесе бірнеше рет қабылданатын 4 мг-ден 48 мг-ге дейін.

Балаларға: әдетте тәулігіне бір немесе бірнеше рет қабылданатын дене салмағына 0,416 - 1,7 мг/кг немесе дене беткейінің м2 12,5 - 50 мг.

Бүйрек үсті безі қыртысының жеткілісіздігінде: тәулігіне бір немесе бірнеше рет қабылданатын дене салмағына 0,117 мг/кг немесе дене беткейіне 3,3 мг/ м2.

Қабылдауды өткізіп алған жағдайда препаратты мүмкіндігінше жылдам қабылдау немесе келесі қабылдау уақыты жақындап қалса бұл дозаны өткізіп жіберу керек.

Екі дозаны қатарынан қабылдамау керек.

Жағымсыз әсерлері

Басқа глюкокортикостероидтарды қабылдаған кездегідей, триамцинолонды қысқа уақыт қолдану айрықша жағдайларда ғана жағымсыз әсерлерге әкеледі. Төменде сипатталған жағымсыз әсерлер қаупі алдымен триамцинолонды ұзақ уақыт қабылдап жүрген науқастарға қатысты.

Жиілігі белгісіз (қолжетімді деректердің негізінде бағалануы мүмкін емес)

натрий мен сұйықтықтың іркілісі, қан айналымының жеткіліксіздігі, калийді жоғалту, гипогликемиялық алкалоз, артериялық қысымның жоғарылауы

бұлшық еттің әлсіреуі, стероидты миопатия, бұлшық ет массасының азаюы, остеопороз, сүйектің сынуы

пептикалық ойық жара мен оның салдары: тесілулер, қан кетулер; әсіресе ішек аймағында қабыну үдерісімен науқастарда тоқ ішек пен аш ішектің тесілулері; панкреатит; метеоризм; ойық жара эзофагиті, ас қорытудың бұзылуы, тәбеттің жоғарылауы, жүрек айнуы

атрофиялық стриялар, безеулер, жаралардың баяу жазылуы; терінің жұқаруы; петехиялар мен гематомалар; эритема; қатты тершеңдік

құрысулар; көру жүйкесі бүртігінің іркілісімен бассүйекішілік қысымның жоғарылауы; бас айналуы мен бас ауыруы, психикалық бұзылулар, ұйқының бұзылуы

етеккір оралымының бұзылулары; Иценко-Кушинг синдромы; балалар өсуінің тежелуі; бүйрек үсті безі қыртысы мен гипофиздің салдарлы жеткіліксіздігі, әсіресе ауру, жарақат, хирургиялық операция сияқты стресстік жағдайлардағы; диабетті анықтау мен манифестік диабетпен науқастардағы инсулинге және диабетке қарсы препараттарға деген қажеттіліктің жоғарылауы; гирсутизм

катаракта; көзішілік қысымның артуы; глаукома; экзофтальм, көрудің бұлыңғырлығы

азоттың теріс теңгерімі, қан мен несептегі глюкоза концентрациясының артуы

аса жоғары сезімталдық реакциялары (аллергиялық дерматит, есекжем, ангионевроздық ісіну), облитерацияланған тромбофлебит; дене салмағының артуы

Қолдануға болмайтын жағдайлар

триамцинолонға немесе препараттың басқа да компоненттеріне жоғары сезімталдық

фруктозаны тұқым қуалай көтере алмаушылығымен, Lapp-лактаза ферменті тапшылығымен, глюкоза-галактоза мальабсорбциясымен тұлғаларға

жүйелі зеңдік инфекциялар (парентеральді және оральді қолдануға болмайды)

6 жасқа дейінгі балаларға

Вакцинация, әсіресе құрамында тірі вирустар бар вакциналармен.

Дәрілермен өзара әрекеттесуі

Полькортолонды бірге қолдану:

қабынуға қарсы стероидты емес препараттар, алкоголь: ойық жара түзілуі мен асқазан-ішек жолынан қан кетудің жоғары қаупі

амфотерицин В, карбоангидраза тежегіштері: гипокалиемия, жүрек бұлшық етінің гипертрофиясы, қан айналымының жеткіліксіздігі

парацетамол: гипернатриемия, ісінулер, кальций шығарылуының артуы, гипокальциемия мен остеопороз қаупі. Парацетамолдың гепатоуыттылығы қаупінің жоғарылауы

анаболикалық стероидтар, андрогендер: ісінулер, безеулер

холинолитикалық препараттар (атропин): көзішілік қысымның жоғарылауы

антикоагулянттар (кумарин туындылары, индадион, гепарин, стрептокиназа, урокиназа): олардың тиімділігінің төмендеуі, ал кейбір науқастарда жоғарылауы; ойық жара түзілуі мен ас қорыту жолынан қан кету қаупінің жоғарылауы

пероральді диабетке қарсы препараттар, инсулин: диабетке қарсы тиімділігінің әлсіреуі

тиреоидқа қарсы препараттар, қалқанша без гормондары: қалқанша без белсенділігінің өзгеруі, дозаны өзгерту немесе тиреоидқа қарсы препараттарды немесе қалқанша без гормондарын қабылдауды тоқтату қажет болуы мүмкін

пероральді ұрықтануға қарсы құрамында эстрогендер бар препараттар: триамцинолон тиімділігінің күшеюі

оймақгүл гликозидтері: жүрек ырғағының бұзылуы мен гликозидтер уыттылығының арту қаупі

несеп айдағыш препараттар: диуретиктер тиімділігінің төмендеуі, гипокалиемия

фолий қышқылы: осы препаратқа қажеттіліктің артуы

иммунодепрессанттар: инфекцияның, лимфома мен басқа да лимфопролиферативтік аурулардың даму қаупінің жоғарылауы;

изониазид: негізінен жылдам ацетилденуімен тұлғаларда қан плазмасындағы изониазид концентрациясының төмендеуі; дозаны өзгерту қажет болуы мүмкін

мексилетин: мексилетин метаболизмінің жылдамдауы мен оның қан плазмасындағы концентрациясының төмендеуі

натрий: ісінулер, гипертония, емдәмде натрий және натрийдің құрамы жоғары дәрілік препараттарды шектеу қажет болуы мүмкін; глюкокортикостероидтарды қолдану, кейде натрийді қосымша енгізуді қажет етеді

құрамында тірі вирустар бар вакциналар: глюкокортикостероидтардың иммундепрессивті дозаларын қолдану кезеңінде вирустық аурулардың дамуы мүмкін; екпе тиімділігі төмендейді

басқа вакциналар: неврологиялық асқынулар қаупінің жоғарылауы және антиденелер өндірілуінің төмендеуі

Айрықша нұсқаулар

Инфекцияның күшею қаупіне байланысты триамцинолонды жүйелі зеңдік инфекцияларымен науқастарға қолдануға болмайды. Зеңдік инфекцияларды В амфотерацинмен емдегенде кейде оның жағымсыз әсерлерін азайту үшін қолданылуы мүмкін, дегенмен бұл жағдайларда қан айналымының жеткіліксіздігі мен жүрек көлемінің ұлғаюын, сондай-ақ ауыр гипокалиемияны туғызуы ықтимал. Кортикостероидтар қабылдайтын науқастарда стрестің жоғарылауы жағдайында жылдам әсер ететін глюкокортикостероидтың ұлғайған дозаны енгізу керек.

Ауыз қуысы ауруын емдеуді бастар алдында герпес вирусы туғызған өзгерістерді: десквамозды гингивитті (егер диагноз иммунфлюоресценция әдісімен биопсияны зерттелуі расталса), аурумен қатар жүретін қызыл жегі, күлбіреуік, пемфигоид, Стивенс-Джонсон синдромы, жайпақ теміреткі сияқты глюкокортикостероидтармен емдеуге келетін ауыз қуысындағы өзгерістерді жоққа шығару керек.

Триамцинолон қабылдайтын науқастарға тірі вирусты вакциналарды егуге болмайды. Мысалы, Аддисон ауруы кезінде орын басу емі ретінде глюкокортикостероидтарды қабылдайтын науқастарға еккенде болмаса, белсенділігі жойылған вирусты және бактериялық вакцинаны енгізу, антиденелер мөлшелерінің күткендегідей артуын туғызбауы мүмкін.

Туберкулездің белсенді түрімен пациенттерге Полькортолонды тек диссеминирленген немесе шұғыл дамыған түрлерінде және туберкулезге қарсы химиятерапиямен үйлестіріп қана тағайындауға болады. Жасырын туберкулез немесе жағымды туберкулиндік сынамасы бар, триамцинолон қабылдайтын науқастар туберкулездің даму ықтималдығы ескеріліп, дәрігердің бақылауында болуы тиіс. Глюкокортикостероидтармен ұзақ емдеген жағдайда мұндай пациенттер бактерияға қарсы препараттарды профилактикалық қабылдаулары тиіс.

Триамцинолон инфекцияның сиптомдарын бүркемелеуі, инфекцияға төзімділікті және оны оқшаулау қабілетін төмендетуі мүмкін. Жасырын амебиаздың анықталуы мүмкін. Тропикалық елдерден келген тұлғаларда немесе белгісіз себептерден туындаған дизентериямен науқастарда глюкокортикостероидтармен емдеу алдында дизентериялық амеба жұқтырмағанын анықтап алу керек.

Қалқанша безінің гипофункциясымен немесе бауыр циррозымен науқастарда триамцинолонның әсері күшейе түседі. Көзге түскен белдеулі теміреткі жағдайында, мөлдір қабықтың тесілу қаупіне байланысты триамцинолонды абайлап қолдану керек.

Көрудің бұзылуы кортикостероидтарды жүйелік және жергілікті қолдану нәтижесінде байқалуы мүмкін. Егер пациентте мынадай симптомдар мысалы, анық көрмеу немесе көрудің басқа бұзылыстары пайда болса, кортикостероидтарды жүйелік және жергілікті қолданғаннан кейін байқалатын катаракта, глаукома немесе сирек аурулар, мысалы орталықтық серозды ретинопатия (ағылшынша Central Serous Chorioretinopathy, CSCR) жататын ықтимал себептерді анықтау мақсатында офтальмологиялық кеңес алу мүмкіндігін қарастыру керек.

Гипопротромбинемиясымен науқастарды триамцинолонмен және аспиринмен бірмезгілде емдеген кезде абай болу керек.

Балалар мен нәрестелерді ұзақ емдеген кезде олардың жүйке-психикалық дамуын қадағалау керек.

Глюкокортикостероидтарды қолдану кейбір жағдайларда АИТВ-инфекциясымен байланысты кейбір ауруларды қосымша емдегенде пайдалы болуы мүмкін. Алайда инфекциялар мен жаңа түзілістерді емдеуге ауыр, резистентті инфекциялардың даму қаупіне байланысты АИТВ-жұқтырған және ЖИТС синдромы дамыған науқастарға глюкокортикостероидтарды қолдану туралы шешімді пайда мен қауіпті мұқият қарастырғаннан кейін қабылдау керек.

Құрамында кобицистат бар препараттарды қоса, CYP3A тежегіштерін бірмезгілде қолдану жүйелік жағымсыз әсерлердің қаупін арттырады деп есептелінеді. Пациент үшін әлеуетті пайда глюкокортикостероидтарды қолданғаннан кейін жүйелік жағымсыз әсерлердің туындау қаупін арттыратын жағдайларды қоспағанда, препараттарды бірмезгілде қолданудан аулақ болу керек; мұндай жағдайда пациентті глюкокортикостероидтардың жүйелік әсерлерін анықтау мақсатында қадағалау керек.

Жүктілік пен лактация кезеңі

Тек ана үшін болжанатын пайда шарана үшін зор қауіптен артқан жағдайларда ғана препаратты жүктілік кезінде қолдану мүмкін болады. Бала тууға қабілетті жастағы әйелдер шарана үшін болатын зор қауіп туралы ескертілуге тиіс.

Триамцинолон емшек сүтімен аздаған мөлшерде бөлінеді. Алайда препаратты лактация (емшек емізу) кезеңінде әсіресе ұзақ немесе жоғары дозаларда қолдану бала өсуінің тежелуін немесе бүйрек үсті безі қыртысының эндогенді гормондар сөлінісінің бұзылуын туғызуы мүмкін.

Препаратты лактация кезеңінде ұзақ қолдану қажет болған кезде емшек емізуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат әдетте психомоторлы қабілетке әсер етпейді. Алайда кейде бас айналуын, бас ауыруын, тіпті психикалық бұзылуларды туғызуы мүмкін.

Арнайы ескертулер мен сақтық шаралары

Триамцинолонды ең төмен тиімді дозаларда қолдану керек. Егер дозаны төмендету мүмкін болса, оны біртіндеп азайту керек.

Емдеуді кенеттен тоқтату бүйрек үсті безі қыртысының жеткіліксіздігі дамуын туғызуы мүмкін, сондықтан триамцинолонның дозасын біртіндеп қысқату керек.

Препаратты ұзақ қабылдағаннан кейін емдеуді тоқтату температураның көтерілуі, бұлшық ет пен буын аурулары, жай-күйдің нашарлауы сияқты глюкокортикостероидтарды тоқтату синдромы деп аталатын симптомдарды туғызуы мүмкін. Бұл симптомдар тіпті бүйрек үсті безі қыртысының жеткіліксіздігі байқалмаған жағдайда да пайда болуы мүмкін.

Триамцинолон үлкен дозаларда артериялық қысымның жоғарылауын, су мен натрийдің іркілуін, сондай-ақ калий шығарылуының артуын туғызуы мүмкін. Диетада натрийді шектеу және калийді арттыру қажет болуы мүмкін. Триамцинолон сондай-ақ кальцийдің көптеп шығарылуын туғызады.

Триамцинолонды ұзақ қолдану көру жүйкелерінің зақымдануынан болуы мүмкін катаракта мен глаукоманы туғызуы мүмкін, сондай-ақ қайталанған зеңдік немесе вирустық инфекциялардың қаупін арттырады.

Триамцинолонмен емдеу кезінде эйфория, ұйқысыздық, көңіл-күйдің күрт өзгеруі, жеке бастың өзгеруі, ауыр депрессия, психоз симптомы сияқты психикалық бұзылулар пайда болуы мүмкін. Емдеу кезінде бұрын болған эмоциялық тұрақсыздық пен психоздық бейімділіктер күшеюі мүмкін.

Егер тесілу қаупі болса, триамцинолонды спецификалық емес ойық жара колитінде абайлап қолдану керек; абсцестерде немесе басқа да іріңді инфекцияларда, ішек дивертикулезінде, ішектің жаңадан пайда болған анастамоздарында, белсенді немесе жасырын пептикалық ойық жарада, бүйрек жеткіліксіздігінде, гипертонияда, остеопорозда, миастенияда, диабетте, бауырдың гипофункциясында, глаукомада, зеңдік немесе вирустық инфекцияларда, гиперлипидемияда, гипоальбуминемияда триамцинолонды абайлап қолдану керек.

Триамцинолонды үлкен дозаларда қабылдайтын науқастарда ас қорыту жолының тесілуі болған жағдайда перитониттің симптомдары болмашы болуы немесе мүлдем пайда болмауы мүмкін.

Полькортолон препаратының құрамында лактоза бар. Галактозаны тұқым қуалай төзімсіздіктің сирек кездесетін түрімен, Лапп типіндегі лактаза тапшылығымен немесе глюкозо-галактоза мальабсорбциясымен пациенттерге қолдануға болмайды.

Артық дозалануы

Жедел улану қаупі іс жүзінде болмайды, бірақ әсіресе үлкен дозаларда триамцинолонды ұзақ қолданғанда артық дозалану қаупі болады.

Симптомдары: қысымның көтерілуі мен ісінулер. Бұдан бөлек триамцинолонның артық дозалануы жоғарыда сипатталған жағымсыз әсерлердің пайда болуымен көрініс беруі мүмкін.

Емі: препаратты тоқтату немесе дозаны азайту.

Шығарылу түрі мен қаптамасы

25 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

2 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.