Пирантел

Пирантел

Пирантел

Таблеткалар, 250 мг

Паразитке қарсы препараттар, инсектицидтер және репелленттер. Гельминттерге қарсы препараттар. Нематодозды емдеуге арналған препараттар. Тетрагидропиримидин туындылары. Пирантел.

АТХ коды P02CC01

Пирантел 250 мг, таблеткалар, ересектер мен 6 жастан асқан балаларға арналған.

- энтеробиоз (острица жұқтыру)

- аскаридоз

- анкилостомоз

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- 6 жасқа дейінгі балалар

Қолдану кезіндегі қажетті сақтау шаралары

Бауыр аурулары болған жағдайда дәрігерге ескерту қажет. Бауыр жеткіліксіздігі жағдайында дозаны азайтады.

Энтеробиоз: қайталап жұқтыруды болдырмау үшін гигиена ережелерін қатаң сақтау керек: анальді аумақты күнделікті жуу, қолды жуу, тырнақты алу және тазалау, шат аумағын қасымау, төсек-орын мен іш киімді үнемі ауыстырып отыру. Бір уақытта барлық отбасы мүшелерін емдеу ұсынылады. Инфекция жұқтыру ешқандай симптомдармен білінбеуі мүмкін.

Қазіргі кезде қолда бар деректер клиникалық маңызды өзара әрекеттесулерін дәлелдемейді.

Жүктілік немесе лактация кезінде

Жүктілік

Жүктілік кезінде дәрігер анықтайтын шарана үшін пайда/қауіп арақатынасын мұқият бағалағаннан кейін қатаң көрсеткіштер бойынша өте қажет болған жағдайда ғана қолдану және ұсынылған дозаларды қатаң сақтау керек. Егер Сіз емделіп жүргенде жүкті екеніңізді білсеңіз, дәрігерге барыңыз, өйткені емдеуді жалғастырудың қажеттілігі туралы шешімді тек дәрігер қабылдай алады.

Лактация

Зерттеулердің жеткіліксіздігіне байланысты тек қатаң қажет болған жағдайларды қоспағанда, препаратты бала емізу кезінде қолдануға болмайды.

Фертильділік

Еркектер немесе әйелдер фертильділігіне әсері анықталмаған.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану бойынша ұсынымдар

Дозалау режимі

Балалар

Пирантел 250 мг, таблеткалар ересектер мен 6 жастан асқан балаларға арналады. 6 жасқа дейінгі балалар үшін ең қолайлы түрі - ішуге арналған суспензия.

Энтеробиоз және аскаридоз

Әдеттегі доза 10 мг/кг-нан 12 мг/кг-ға дейін бір реттік доза түрінде болады, яғни:

- балаларға: 20 кг дене салмағына бір рет 1 таблетка

- салмағы 75 кг-нан аз ересектерге: бір қабылдауға 3 таблетка (750 мг)

- салмағы 75 кг-нан асатын ересектерге: бір қабылдауға 4 таблетка (1000 мг).

Энтеробиоз кезінде паразиттерден біржола құтылу үшін қатаң гигиеналық шараларды ұстану, сондай-ақ отбасы мүшелерін емдеу қажет. Қайталап жұқтыруын болдырмау үшін екінші дозаны біріншіден соң 3 аптадан кейін қабылдау керек.

Анкилостомоз

Necator americanus жұқтырған жағдайда немесе Ankylostoma duodenale ауыр жұқтыруы жағдайында эндемиялық аумақтарда 2-ден 3 күнге дейін дозасы тәулігіне 20 мг/кг (1 немесе 2 қабылдауға) болады, яғни:

- балаларға: әрбір 10 кг дене салмағына тәулігіне 1 таблеткадан

- салмағы 75 кг-нан аз: тәулігіне 6 таблетка (1500 мг)

- салмағы 75 кг-нан асатын: тәулігіне 8 таблетка (2000 мг).

Эндемия аймағынан тыс (жеңілдеу жүреді) Ankylostoma duodenale жұқтыру жағдайында бір қабылдауға 10 мг/кг дозада тағайындайды.

Қолдану тәсілі

Ішке қабылдау үшін, тамақтану кезінде немесе одан кейін сумен ішеді.

Таблетканы жұту алдында оны мұқият шайнау немесе үгіту керек.

Артық дозалану жағдайында қабылдануы қажет шаралар

Сіңу жылдамдығы төмен болғандықтан, препараттың қан плазмасындағы концентрациясы төмен. Айқын артық дозаланудың өзі ауыр уыттану белгілерін туындатпайды, асқорытудың елеусіз бұзылыстары және орталық жүйке жүйесі тарапынан өтпелі бұзылыстар (астения, бас айналу, бас ауыруы) болуы мүмкін. Артық дозалану кейде бауыр трансаминазаларының (аспартатаминотрансфераза) ұлғаюына әкеледі.

Емі: симптоматикалық, асқазанды ертерек шаю, сондай-ақ респираторлық және жүрек-қантамырлар функциясына мониторинг ұсынылады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Бұл дәрілік препаратты әрдайым тура осы нұсқаулықта сипатталғандай немесе дәрігердің немесе фармацевтің ұсынымы бойынша қабылдау керек.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Сирек

- асқазан-ішек бұзылыстары (анорексия, жүрек айну, құсу, іштің ауыруы, диарея)

- «бауыр» трансаминазалары белсенділігінің шамалы қысқа мерзімді жоғарылауы

Белгісіз

- бас ауыруы, бас айналу, астения, тері бөртпесі, ұйқының бұзылуы.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат – 720 мг пирантел эмбонаты (250 мг пирантелге баламалы),

қосымша заттар – картоп крахмалы, повидон, коллоидты кремнийдің қостотығы, этилцеллюлоза, магний стеараты, апельсин хош иістендіргіші.

Апельсиннің дәмі және иісі бар, екі жақ беті тегіс, бөлетін сызығымен, аздаған теңбілдері бар сұр-жасыл реңді сарғыш-құм түсті, дөңгелек таблеткалар. Таблеткалар жарықтың әсерінен күңгірттеніп, түсі сарғыш-қоңырға өзгереді.

3 таблеткадан алюминий фольгадан жасалған пішінді ұяшықсыз қаптамада.

1 қаптамадан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады

5 жыл

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

«ПОЛЬФАРМА» АҚ фармацевтикалық зауыты

Пельплиньска к-сі 19, 83-200 Старогард Гданьски, Польша

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610151)

Жауап беру нөмірі: +7 7252 (561342)

Электронды пошта: infomed@santo.kz

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610150)

Жауап беру нөмірі +7 7252 (561342)

Электронды пошта: complaints@santo.kz, phv@santo.kz