Норматин

Норматин

Тимолол

Көзге тамызатын дәрі, 0,5 %

Сезім мүшелері. Офтальмологиялық препараттар. Глаукомаға қарсы препараттар және миотиктер. Бета-блокаторлар. Тимолол.

АТХ коды S01ЕD01

- жоғары көзішілік қысым (офтальмогипертензия)

- созылмалы ашық бұрышты глаукома

- жабық бұрышты глаукома кезінде көзішілік қысымды төмендетуге арналған қосымша дәрі ретінде (миотиктермен біріктірілімде)

- екіншілік глаукома, оның ішінде афакиялық, увеальді, жарақаттан кейінгі туа біткен глаукома (басқа емдік шаралардың тиімсіздігі кезінде)

Қолдануды бастағанға дейін қажетті мәліметтер тізбесі

- бронх демікпесі немесе тыныс алу жолдарының басқа да ауыр созылмалы обструктивті аурулары (оның ішінде анамнезінде);

- синустық брадикардия;

- жасанды ырғақ жүргізушісінсіз II немесе III дәрежедегі атриовентрикулярлық блокада;

- декомпенсацияланған созылмалы жүрек жеткіліксіздігі;

- кардиогенді шок;

- синустық түйіннің әлсіздік синдромы;

- синоатриальді блокада;

- тимололға немесе препараттың басқа компоненттеріне аса жоғары сезімталдық;

- балалар мен 18 жасқа дейінгі жасөспірімдер.

Норматин 0.5% қолданар алдында дәрігермен кеңесіңіз.

Осы дәрілік затты қолдануды бастар алдында, егер сізде мыналар болса немесе бұрын болған болса, дәрігерге хабарлаңыз:

- жүректің ишемиялық ауруы, жүрек жеткіліксіздігі, төмен қан қысымы;

- баяу жүрек соғысы сияқты жүрек ырғағының бұзылуы;

- тыныс алу проблемалары, демікпе немесе созылмалы обструктивті өкпе ауруы;

- қан айналымы проблемалары (мысалы, Рейно ауруы немесе Рейно синдромы);

- қант диабеті, өйткені тимолол қандағы қанттың төмендік белгілері мен симптомдарын бүркемелей алады;

- қалқанша безінің гиперфункциясы, өйткені тимолол белгілер мен симптомдарды бүркемелей алады.

Жоспарланған операциядан бұрын дәрігерге 0.5% Норматинді қолданып жүргеніңізді хабарлаңыз, өйткені тимолол анестезия кезінде қолданылатын кейбір дәрілердің әсерін өзгерте алады.

Тимолол малеатының дәрілермен өзара әрекеттесуіне зерттеулер жүргізілген жоқ.

Офтальмологиялық бета-адреноблокаторларды және кальций өзекшелері блокаторларының пероральді түрлерін, бета-адреноблокаторларды, аритмияға қарсы дәрілерді (амиодаронды қоса), оймақгүл гликозидтерін, раувольфия алкалоидтарын, парасимпатомиметиктерді, гуанетидинді бірге қолданғанда гипотензиямен және/немесе айқын брадикардиямен көрініс табатын аддитивті әсер ету мүмкіндігі бар. Тимололдың қарашық мөлшеріне әсерінің болмауына қарамастан, бета-адреноблокаторлар мен адреналинді бірге қолданғанда мидриаз дамуы мүмкін.

Тимолол мен CYP2D6 изоферменті тежегіштерін (хинидин, флуоксетин, пароксетин) бірге қолданғанда депрессия және жүрек жиырылуы жиілігінің төмендеуі сияқты бета-адреноблокада симптомдарын көтермелеуге болады. Пероральді бета-адреноблокаторлар клонидинді тоқтату аясында рикошеттік гипертензия ағымын ауырлатуы мүмкін. Аддитивті әсердің және гипотензияның және/немесе айқын брадикардияның даму мүмкіндігіне байланысты бета-блокаторды және симпатолитиктерді (резерпин сияқты) бірге қолданған жағдайда пациенттерге мұқият мониторинг талап етіледі, олар өз кезегінде вертиго, естен тану немесе ортостаздық гипотензия себебі болуы мүмкін.

Пероральді қолдануға арналған кальций өзекшелерінің блокаторларын бета-адреноблокаторлармен біріктіріп жүректің функционалдық жағдайы қалыпты кезінде ғана қолдануға болады, ал жүрек жұмысының бұзылуы кезінде оларды қолданудан аулақ болу керек, өйткені кальций өзекшелерінің блокаторын бета-блокаторлармен емдеу сызбасына қосқан кезде гипотензия дамуы, атриовентрикулярлық жүргізудің бұзылуы, сол жақ қарыншалық жеткіліксіздік болуы мүмкін. Жүрек-қантамыр жүйесі тарапынан болатын бұзылулардың сипаты емде қолданылатын кальций өзекшелерінің блокаторы типіне байланысты. Нифедипин сияқты дигидропиридин туындылары гипотензияның дамуына әкелуі мүмкін, ал верапамил мен дилтиазем бета-блокаторлармен бірге қолданғанда атриовентрикулярлық жүргізудің бұзылуына және сол жақ қарыншалық жеткіліксіздіктің дамуына ықпал етеді. Вена ішіне енгізуге арналған кальций өзекшелерінің блокаторларымен қатарлас емде бета-адреноблокаторларды сақтықпен қолдану керек. Бета-адреноблокаторларды, дигиталис және дилтиазем немесе верапамил препараттарын бірге қолдану атриовентрикулярлық жүргізудің анағұрлым айқын баяулауына әкелуі мүмкін.

Арнайы ескертулер

Жергілікті қолдануға арналған басқа офтальмологиялық препараттар сияқты тимолол жүйелі қан ағымына өтеді. Тимолол бета-адреноблокатор болып табылатындықтан, оны офтальмологияда жергілікті қолданғанда пероральді қолдануға арналған бета-адреноблокаторлармен емдеу жағдайындағыдай жүрек-қантамыр, тыныс алу жүйелері тарапынан жағымсыз құбылыстар, сондай-ақ басқа да бұзылулар дамуы мүмкін. Офтальмологияда қолданғанда жүйелі жағымсыз құбылыстардың даму жиілігі бета-адреноблокаторлардың пероральді түрлерін қолданғанға қарағанда төмен. Жүйелі абсорбцияны төмендету жөніндегі шаралар «Дозалау режимі және қолдану тәсілі» бөлімінде ұсынылған.

Жүрек тарапынан бұзылулар

Жүрек-қантамыр аурулары (жүрек жеткіліксіздігі, Принцметал стенокардиясы) бар пациенттерде бета-адреноблокаторлармен ем жүргізу қажеттілігі басқа фармакотерапиялық топтардың препараттарын қолдану мүмкіндігін қарастыра отырып, мұқият бағалануы тиіс. Көрсетілген аурулар ағымының нашарлау және жағымсыз реакциялардың даму симптомдарын уақтылы анықтау үшін жүрек-қантамыр аурулары бар пациенттердің жағдайына мониторинг жүргізу қажет. Жүргізу уақытына теріс әсер етуіне байланысты I дәрежелдегі атриовентрикулярлық блокадасы бар пациенттерді емдеуде бета-адреноблокаторларды сақтықпен қолдану керек. Жүрек жеткіліксіздігінің ағымы тимололмен ем басталғанға дейін өтелуге тиіс. Ауыр жүрек аурулары бар пациенттер жүрек жиырылу жиілігін бақылай отырып, жүрек жеткіліксіздігін уақтылы анықтау үшін мұқият бақылауда болуы тиіс.

Қантамыр тарапынан бұзылулар

Шеткері қан айналымының ауыр бұзылулары (Рейно ауруының немесе Рейно синдромының ауыр түрлері) бар пациенттерге бета-адреноблокаторларды тағайындағанда сақ болу керек.

Тыныс алу ағзалары тарапынан бұзылулар

Офтальмологияда жергілікті қолдану үшін кейбір бета-адреноблокаторларды қолданғанда бронх демікпесі бар пациенттерде бронх түйілуінен болатын өлімді қоса, тыныс алу органдары тарапынан бұзылулар туралы хабарламалар бар.

Тимололды қолдану өкпенің созылмалы обструктивті ауруы жеңіл және орташа ауырлықтағы пациенттерде және егер болжамды пайдасы ықтимал қауіптен асқан жағдайда ғана сақтықпен жүзеге асырылуы тиіс.

Гипогликемия/қант диабеті

Бета-адреноблокаторлардың жедел гипогликемия симптомдарын бүркемелеу қабілетіне байланысты спонтанды гипогликемия бейімділігі немесе қант диабетінің лабильді ағымы бар пациенттерге бета-адреноблокаторларды сақтықпен тағайындау керек.

Бета-адреноблокаторлар тиреотоксикоз симптомдарын бүркемелеуі мүмкін.

Мөлдір қабық ауруы

Офтальмологияда жергілікті қолдануға арналған бета-адреноблокаторлар көз құрғауы дамуын тудыруы мүмкін. Мөлдір қабық аурулары бар пациенттерге осы топтағы препараттармен емді сақтықпен тағайындау керек.

Басқа бета-адреноблокаторлар

Бета-адреноблокаторлармен жүйелі емге қосымша тимолол алатын пациенттерде көзішілік қысымға әсері және бета-адренорецепторлар блокадасының белгілі көріністері күшеюі мүмкін. Мұндай пациенттерде тимололмен гипотензиялық емге жауап мұқият бақылануы тиіс. Офтальмологияда жергілікті қолдануға арналған екі бета-адреноблокаторды бірге тағайындау ұсынылмайды. Бета-адреноблокаторлармен емдеу аясында бөртпелердің және/немесе «құрғақ» көз синдромының дамуы байқалды. Емді тоқтату кезіндегі симптомдардың даму көріністері туралы хабарламалар. Жоғарыда аталған жағдайлардың дамуына басқа себептер болмаған жағдайда препаратты қолдануды тоқтату мүмкіндігін қарастыру қажет. Бета-адреноблокаторлармен емді тоқтату біртіндеп жүзеге асырылады.

Көздің тамырлы қабығының ажырауы

Операциядан кейінгі кезеңде фистулиздеуші хирургиялық араласулар кезінде көзішілік сұйықтық (тимолол, ацетазоламид) өндірілуін төмендетуге бағытталған гипотензиялық ем қабылдап жүрген пациенттерде қантамыр қабығы ажырауының даму жағдайлары байқалды.

Интраоперациялық анестезия

Офтальмологияда жергілікті қолдануға арналған бета-адреноблокаторлар бета-адреномиметиктердің (мысалы, адреналин) әсерін бөгеуі мүмкін. Анестезиологқа пациенттің тимололды қабылдайтыны туралы хабарлау керек.

Тимололды глаукомасы бар пациенттер жақсы көтерді, олар әдеттегі қатты жанаспалы линзаларды қолданады. Қатты жанаспалы линзаларды өндіру үшін пайдаланылатын полиметилметакрилаттан басқа материалдан жасалған жанаспалы линзаларды пайдаланатын пациенттерде тимололды қолдануға зерттеу жүргізілген жоқ.

Норматин препаратының құрамына консервант ретінде бензалконий хлориді кіреді, ол жұмсақ жанаспалы линзалармен сіңірілуі мүмкін. Тимололды жұмсақ жанаспалы линзаларды пайдаланатын пациенттерге қолдануға болмайды. Жанаспалы линзаларды инстилляциялау алдында алып тастау және препаратты тамызғаннан кейін 15 минуттан кейін қайта салу қажет.

Жабық бұрышты глаукоманы емдеудің негізгі патогенетикалық аспектісі алдыңғы камераның бұрышын ашу. Бұл әсер миотиканы қолдана отырып, қарашықтың тарылуы кезінде жүзеге асырылады. Тимолол қарашықтың көлеміне әсер етпейді. Жабық бұрышты глаукоманың гипотензиялық емінде тимололды миотиктермен біріктірілген ем құрамында ғана қолдануға болады.

Пациенттер қатарлас патология (мысалы, жарақаттық зақымданулар, хирургиялық араласулар, көру ағзасының инфекциялық аурулары) дамыған жағдайда қазіргі уақытта пациент қолданатын офтальмологияда жергілікті қолдануға арналған дәрілік препараттарды көп реттік дозалауға арналған контейнерде препаратты одан әрі қолдану туралы мәселені шешу үшін емдеуші дәрігерге мүмкіндігінше тез қаралу қажет екендігі туралы ескертілуі тиіс. Офтальмологияда жергілікті қолдануға арналған дәрілік препараттарды көп реттік дозалауға арналған контейнерлерді қолданумен астасқан бактериялық кератиттің дамуы туралы хабарламалар бар.

Анафилаксиялық реакциялар

Тимололды атопиясы немесе анамнезінде түрлі аллергендерге ауыр патологиялық реакциялары бар пациенттердің қолдануы түрлі аллергендерді енгізуге жауап ретінде анағұрлым ауыр реакцияларды тудыруы мүмкін. Мұндай пациенттер анафилаксиялық реакцияларды басу үшін адреналиннің әдеттегі дозаларын енгізуге әлсіз жауап беруі мүмкін.

Педиатрияда қолдану

Балалар мен 18 жасқа дейінгі жасөспірімдердегі дәрілік заттың тиімділігі мен қауіпсіздігі жөніндегі деректер жоқ.

Жүктілік немесе лактация кезінде

Тимололды жүкті әйелдерде қолдану туралы жеткілікті деректер жоқ. Жүктілік кезінде нақты қажет жағдайларды қоспағанда қолдануға болмайды. Жүйелік әсерді азайту үшін «Қолдану тәсілі және дозалау режимі» бөлімін қараңыз.

Эпидемиологиялық зерттеулер бета-блокаторларға шаранадағы туа біткен даму кемістіктерінің дамуына әсерін (тератогендік әсері) анықтаған жоқ, алайда пероральді қолданғанда құрсақішілік өсудің тежелуін көрсетті. Егер бета-блокаторлар босанғанға дейін қолданылса, бета-блокаданың белгілері мен симптомдары (брадикардия, гипотензия, репираторлық дистресс-синдром, гипогликемия) жаңа туған нәрестелерде байқалды. Егер тимолол босануға дейін қолданылса, нәрестелерді өмірінің алғашқы күндерінде мұқият бақылау қажет.

Бета-блокаторлар емшек сүтімен бөлінеді. Алайда, нәрестелерде бета-блокаданың клиникалық симптомдарының дамуын тудыру үшін тимололдың емшек сүтінде жеткілікті мөлшерде болуы екіталай. Жүйелі абсорбцияның төмендеуі, «Қолдану тәсілі және дозалау режимі» бөлімін қараңыз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емдеу кезінде көрудің бұзылуы, бас айналуы, қажу, артериялық қысымның төмендеуі мүмкін, автокөлік жүргізу және жоғары зейін қоюды және психомоторлық реакциялардың жылдамдығын талап ететін басқа да қауіптілігі зор қызмет түрлерімен айналысу кезінде сақ болу қажет. Препаратты қолданғаннан кейін көру қабілетінің уақытша бұзылуы мүмкін, көру қалпына келгенге дейін автокөлікті басқару және қозғалыстағы механизмдермен жұмыс істеу ұсынылмайды.

Дозалау режимі

Емдеуді тимололды 0,25% концентрациясында тәулігіне 2 рет 1 тамшыдан зақымданған көзге қолдана отырып бастайды. Жеткілікті клиникалық әсер болмаған жағдайда тимололды 0,5% концентрациясында 1 тамшыдан тәулігіне 2 рет зақымданған көзге қолданады.

Қажет болған жағдайда Норматин препаратын көзішілік қысымды төмендететін басқа дәрілермен біріктіруге жол беріледі. Екі бета-адреноблокаторды бір мезгілде қолдану ұсынылмайды.

Көзішілік қысымды бақылау препаратты қолдануды бастағаннан кейін 4 аптадан соң жүзеге асырылады, өйткені тимололдың көзішілік қысымға әсері бірнеше аптадан кейін басталуы мүмкін.

Егер қанағаттанарлық көзішілік қысымға қол жеткізілсе, дозалау режимі тәулігіне 1 рет 1 тамшыдан қолдануға өзгертілуі мүмкін.

Басқа гипотензиялық емнен ауысу

Бета-адреноблокатор тобынан басқа препаратпен емнен тимололмен емге ауысқанда бұрын қолданылған гипотензиялық препаратпен емнің толық күнін аяқтау, ал келесі күні тимололды әрбір зақымданған көзге 0,25% концентрациясында тәулігіне 2 рет 1 тамшыдан инстилляциялауды бастау ұсынылады. Жеткілікті гипотензиялық әсер болмаған кезде дозалау режимі тимололдың 0,5% концентрациясында әрбір зақымданған көзге 1 тамшыдан тәулігіне 2 рет инстилляциясына өзгертілуі мүмкін.

Басқа топтағы гипотензиялық препаратпен (бета-адреноблокаторларға емес) емге ауысқан кезде тимолол инстилляциясын тәулігіне 2 рет әрбір зақымданған көзге 1 тамшыдан 0,25% концентрациясында қоса отырып, бұрын тағайындалған препараттың инстилляциясын жалғастырады. Келесі күні бұрын қолданылған емдеуді тоқтату жүзеге асырылады және тимололмен емдеу жалғасады. Жеткілікті гипотензиялық әсер болмаған кезде дозалау режимі тимололдың 0,5% концентрациясында әрбір зақымданған көзге 1 тамшыдан тәулігіне 2 рет инстилляциясына өзгертілуі мүмкін.

Пациенттердің ерекше топтары

Егде жастағы пациенттер

Егде жастағы пациенттерде тимололды қолданудың үлкен тәжірибесі жинақталған. Жоғарыда келтірілген дозалау режимі егде жастағы адамдарда препаратты қолдану тәжірибесін ескереді.

Балалар

18 жасқа дейінгі балаларда дәрілік заттың тиімділігі мен қауіпсіздігі жөніндегі деректер жоқ.

Енгізу жолы және тәсілі

Жергілікті қолданылатын бета-адреноблокаторлардың жүйелі сіңірілуін мұрын-жас каналын қыса отырып және инстилляциядан кейін 2 минут бойы көз жұмып тұрып төмендетуге болады.

Ерітіндінің микробтық ластануының алдын алу үшін сақ болу керек және тамшылатқышты қабаққа, көз айналасындағы жерлерге және басқа беткейлерге тигізбеу керек. Ластанған ерітінділерді қолдану көздің инфекцияларына әкелуі мүмкін және кейіннен көру қабілетінің жоғалуына әкелуі мүмкін.

Бета-адреноблокаторларды жүйелі қолданғанда ұқсас жүйелі реакциялардың дамуымен тимололдың байқаусызда артық дозалануы туралы хабарламалар бар: бас айналуы, бас ауыруы, ентігу, брадикардия, бронх түйілуі, жүректің тоқтауы, жедел жүрек-қантамыр жеткіліксіздігі, артериялық гипотензия

Артық дозаланғанда келесі шараларды жүргізу қажет:

1. Кездейсоқ жұтып қойғанда – асқазанды шаю. Тимолол диализ кезінде нашар шығарылатыны көрсетілген.

2. Брадикардия дамыған кезде кезбе жүйкенің блокадасын индукциялау үшін 0,25 мг-ден 2 мг-ға дейінгі дозада атропин сульфатын вена ішіне енгізу ұсынылады. Тұрақты брадикардияда сақтық таныта отырып, изопреналин енгізу көрсетілген. Рефрактерлі брадикардия кезінде жасанды ырғақ жүргізушісін орнату мәселесін қарастыру керек.

3. Артериялық гипотензияда допамин, добутамин, норепинефрин сияқты симпатомиметиктерді енгізу, әсері болмаған кезде – глюкагон енгізу ұсынылады.

4. Бронх түйілуінде: изопреналин гидрохлориді, аминофиллинді қолдануға болады.

5. Жедел жүрек жеткіліксіздігі дамығанда тырнақгүл препараттарын және диуретиктерді дереу енгізу, сондай-ақ оттегі терапиясы, тиімсіз болса – аминофиллинді вена ішіне енгізу ұсынылады. Сосын, қажет болса, глюкагонды енгізуге болады (оның тиімділігі көрсетілген).

6. Екінші немесе үшінші дәрежедегі атриовентрикулярлық блокада дамыған кезде изопреналин гидрохлоридін енгізу немесе жасанды ырғақ жүргізушісін орнату көрсетіледі.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолдану тәсілін түсіндіру үшін медицина қызметкерінің және емдеуші дәрігердің кеңесіне жүгіну ұсынылады.

Жергілікті қолданылатын өзге де офтальмологиялық препараттарға ұқсас, тимолол жүйелі қан ағымына сіңеді. Бұл жүйелі бета-адреноблокаторларды қолдануға ұқсас жағымсыз реакцияларға әкелуі мүмкін. Жергілікті офтальмологиялық қолданудан кейін жүйелі жағымсыз реакциялардың туындау жиілігі жүйелі енгізумен салыстырғанда төмен. Төменде келтірілген жағымсыз реакциялар клиникалық зерттеулер барысында және тіркеуден кейінгі бақылау кезінде тимололды инстилляциялау кезінде байқалды. Тимололды жүйелі қолдану кезінде байқалған жағымсыз реакциялар қосымша ұсынылған, олар оны жергілікті қолдану кезінде маңызды болуы мүмкін.

Көру ағзасы тарапынан бұзылулар:

Инстилляция кезінде: көз тітіркенуінің белгілері мен симптомдары (шымылдату, бату, қышу, жас ағуы, қызару), конъюнктивит, блефарит, кератит, «құрғақ» көз синдромы, мөлдір қабық сезімталдығының төмендеуі, көрудің бұлдырауы, мөлдір қабықтың эрозиясы, көрудің бұзылуы, оның ішінде миотиктермен емді тоқтатқаннан кейінгі рефракцияның өзгеруі, диплопия, птоз және тамыр қабығының ажырауы (операциядан кейінгі кезеңде фистулиздеуші глаукомаға қарсы хирургиялық араласуларда). Мөлдір қабығы едәуір зақымдалған кейбір пациенттерде құрамында фосфаты бар көз тамшыларын пайдалануға байланысты мөлдір қабықтың кальцификациясы жағдайлары өте сирек хабарланды.

Есту ағзасы және тепе-теңдік тарапынан бұзылулар:

Инстилляция кезінде: құлақтың шыңылдауы.

Жүрек тарапынан бұзылулар:

Инстилляция кезінде: брадикардия, кеуденің ауыруы, аритмия, жүректің өткізуші жүйесінің блокадасы, созылмалы жүрек жеткіліксіздігі, жүрек қағуын сезіну, жүрек тоқтауы, атриовентрикулярлық блокада, жүрек жеткіліксіздігі, ісінулер.

Жүйелі қолданғанда: II немесе III дәрежедегі атриовентрикулярлық блокада, синоатриальді блокада, өкпе ісінуі, артериялық жеткіліксіздіктің күшеюі, стенокардия ағымының нашарлауы, вазодилатация.

Қантамыр тарапынан бұзылулар:

Инстилляция кезінде: ара-кідік ақсақтық, артериялық гипотензия, Рейно феномені, қол ұшы мен өкшенің суықтығы.

Тыныс алу, көкірек қуысы және көкірек ортасы ағзалары тарапынан бұзылулар:

Инстилляция кезінде: бронх түйілуі (көбінесе анамнезінде бронхообструктивті аурулары бар пациенттерде), тыныс алу жеткіліксіздігі, ентігу, жөтел.

Жүйелі қолданғанда: сырыл.

Жалпы бұзылулар және енгізген жердегі бұзылулар:

Инстилляция кезінде: астения, әлсіздік.

Жүйелі қолданғанда: қол-аяқтың ауыруы, дене жүктемесіне толеранттылықтың төмендеуі.

Тері және тері асты тіндері тарапынан бұзылулар:

Инстилляция кезінде: алопеция, тері бөртпесі, псориаздың өршуі немесе псориаз тәрізді бөртпе.

Жүйелі қолданғанда: тершеңдік, эксфолиативті дерматит.

Иммундық жүйе тарапынан бұзылулар:

Инстилляция кезінде: жүйелі қызыл жегі, қышыну.

Жүйелі қолданғанда: анафилаксиялық реакцияларды, Квинке ісінуін, есекжемді, жайылған және орналасқан бөртпені қоса, аллергиялық реакциялардың белгілері мен симптомдары.

Психика тарапынан бұзылулар:

Инстилляция кезінде: депрессия, ұйқысыздық, түндегі қорқынышты түстер, есте сақтаудың төмендеуі.

Жүйелі қолданғанда: зейін қоюдың төмендеуі, түс көру жиілігінің жоғарылауы.

Жүйке жүйесі тарапынан бұзылулар:

Инстилляция кезінде: естен тану, ми қан айналымының бұзылуы, ми ишемиясы, бас айналуы, миастения gravis белгілері мен симптомдарының ұлғаюы, парестезия, бас ауыруы.

Жүйелі қолданғанда: бас айналуы, әлсіздік.

Асқазан-ішек жолы тарапынан бұзылулар:

Инстилляция кезінде: жүрек айнуы, диарея, диспепсия, ауыздың құрғауы, дәмнің бұрмалануы, іш ауыруы, құсу.

Ұрпақ өрбіту жүйесі тарапынан бұзылулар:

Инстилляция кезінде: Пейрони ауруы, жыныстық дисфункция (мысалы, белсіздік).

Жүйелі қолданғанда: несеп шығарудың қиындауы.

Метаболизмнің бұзылуы және тамақтану бзылыстары:

Инстилляция кезінде: гипогликемия.

Жүйелі қолданғанда: гипергликемия.

Тірек-қимыл аппараты және дәнекер тін тарапынан бұзылулар:

Инстилляция кезінде: миалгия.

Жүйелі қолданғанда: артралгия.

Қан және лимфа жүйесі тарапынан бұзылулар:

Жүйелі қолданғанда: тромбоцитопениялық емес пурпура.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл препараттың құрамында

белсенді зат – тимолол (6,83 мг тимолол малеаты түрінде) 5,00 мг,

қосымша заттар: натрий дигидрофосфаты моногидраты, сусыз динатрий фосфаты, бензалконий хлориді, натрий гидроксиді, инъекцияға арналған су.

Сыртқы түрінің, иісінің, дәмінің сипаттамасы

Аздаған өзіне тән иісі бар, мөлдір түссіз немесе сәл сарғыш сұйықтық

5 мл препараттан тамшылатқыш тығыны және сақтандырғыш сақинамен жабдықталған бұралатын қорғағыш қалпақшасы бар пластик құтыға салынады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

5 жыл

Жарамдылық мерзімі өткеннен кейін қолдануға болмайды.

25 °С-ден аспайтын температурада сақтау керек.

Құтыны ашқаннан кейінгі қолдану кезеңі – 28 күн ішінде.

Балалардың қолы жетпейтін жерде сақтау керек!

Рецепт арқылы

«Уорлд Медицин Илач Сан. ве Тидж. А.Ш.», Түркия

15 Теммуз Мах., Джами Йолу Джад. № 50, Гюнешли, Багджылар, Стамбул

Телефон: +90 (212) 474 70 50

Факс: +90 (212) 474 09 01

e-mail: info@worldmedicine.com.tr

«Уорлд Медицин Илач Сан. ве Тидж. А.Ш.», Түркия

15 Теммуз Мах., Джами Йолу Джад. № 50, Гюнешли, Багджылар, Стамбул

Телефон: +90 (212) 474 70 50

Факс: +90 (212) 474 09 01

e-mail: info@worldmedicine.com.tr

«RIN Pharm» (РИН Фарм) ЖШС

Қазақстан Республикасы, Алматы қ., Сүйінбай даңғ., 222 Б

Тел/факс: 8 (7272) 529090

е-mail: rin_pharma@mail.ru

«RIN Pharm» (РИН Фарм) ЖШС

Қазақстан Республикасы, Алматы қ., Сүйінбай даңғ., 222 Б

Ұялы тел +7 701 786 33 98

е-mail: pvpharma@worldmedicine.kz