Нолаксен

Дәрілік затты медициналық қолдану

жөніндегі нұсқаулық (Қосымша парақ)

Саудалық атауы

Нолаксен

Халықаралық патенттелмеген атауы

Жоқ

Дәрлік түрі, дозасы

Қабықпен қапталған таблеткалар, 25мг/25 мг

Фармакотерапиялық тобы

Жүрек-қантамыр жүйесі. Диуретиктер. Диуретиктердің калий жинақтаушы препараттармен біріктірілімі. Генле ілмегінің кортикальды сегментіне әсер ететін диуретиктер калий жинақтаушы препараттармен біріктірілімде. Гидрохлоротиазид калий жинақтаушы препараттармен біріктірілімде.

АТХ коды C03ЕA01

Қолданылуы

Ісіну синдромы:

- іркілісті жүрек жеткіліксіздігі кезінде (организмдегі ісіну мен натрийдің шамадан тыс мөлшерін жою үшін басқа дәрілік заттармен емдеуге ішінара жауап беретін немесе оларға жақпаушылық дамитын пациенттерде; басқа дәрілік заттарды пайдалану орынсыз деп танылғанда, іркілісті жүрек жеткіліксіздігіне шалдыққан пациенттерде диуретиктерді қабылдаумен байланысты гипокалиемияны жою үшін; басқа дәрілік заттардың тиімділігі жеткіліксіз болғанда немесе оларды пайдалану орынсыз болып саналғанда, жүрек гликозидтерін қабылдап жүрген, іркілісті жүрек жеткіліксіздігіне шалдыққан пациенттерде );

- ісінумен және/немесе асцитпен қабаттасқан бауыр циррозында (бұл жағдайда қан плазмасындағы альдостерон деңгейі айтарлықтай жоғарылауы мүмкін; Нолаксен препаратымен жүргізілетін демеуші еммен қатар пациенттерге төсек режимі және сұйықтық пен натрийдің тұтынуын шектеу көрсетіледі);

- нефроздық синдромда (глюкокортикостероидтармен (ГКС) және басқа диуретиктермен емдеуге жауап бермейтін нефроздық синдромы бар пациенттерде; спиронолактон мен гидрохлоротиазидтің біріктірілімі негізгі патологиялық процеске әсер етпейді).

Артериялық (эссенциальді) гипертензия (эссенциальді гипертензиямен ауыратын пациенттерде, басқа дәрілік заттардың тиімділігі жеткіліксіз болғанда немесе оларды пайдалану орынсыз болып саналғанда; гипертензияға шалдыққан пациенттерде басқа дәрілік заттарды пайдалану орынсыз болып саналған кезде диуретиктерді қабылдауға байланысты гипокалиемияны жою үшін).

Белгіленген дозалардағы дәрілік заттардың біріктірілімдерінен тұратын препараттар аурудың бастапқы емі ретінде көрсетілмеген. Пациент үшін біріктірілім компоненттерінің әрқайсысының тиімді дозалары бөлек белгіленуі керек және егер бұл жеке белгіленген тиімді дозалар біріктірілген дәрілік препарат компоненттерінің белгіленген дозаларына сәйкес келсе, онда пациент үшін оны қолдану анағұрлым ыңғайлы болуы тиіс. Демеуші ем кезінде біріктірілім компоненттерінің қайсыбіреуінің дозасын түзету қажет болған жағдайда дәрілік заттарды бөлек қабылдауға көшу ұсынылады.

18 жасқа дейінгі балалар

Препаратты балаларда қолданудың қауіпсіздігі мен тиімділігі анықталмаған. Сондықтан препарат балаларға қолдануға арналмаған.

Егде жастағы пациенттер

Клиникалық зерттеулерге және препаратты қолданудың клиникалық тәжірибесіне сәйкес егде жастағы пациенттерде препаратты қолданудың қауіпсіздігі мен тиімділігінде айырмашылықтар бар. Препаратты бауыр және/немесе бүйрек функциясының бұзылулары бар пациенттерге қолданған кезде сақ болу керек.

Қолдануды бастағанға дейінгі қажетті мәліметтері тізімі

Қолдануға болмайтын жағдайлар

- әсер етуші затқа (заттарға) немесе қосымша заттардың кез келгеніне аса жоғары сезімталдық

- сульфаниламид туындыларына аллергиялық реакциялар

- анурия

- Аддисон ауруы

- бүйректің жедел жеткіліксіздігі немесе бүйрек функциясының ауыр бұзылулары (шумақтық сүзілу жылдамдығы (ШСЖ) < 30 мл/мин/1,73 м2)

- гиперкалиемия

- гиперкальциемия

- жүктілік кезеңі

- лактация кезеңі

- эплеренонмен бірге қолдану

- гепаринмен, төмен молекулалы гепариндермен бірге қолдану

- бауырдың ауыр немесе үдемелі аурулары

- балалар және 18 жасқа дейінгі жасөспірімдер

Қолдану кезіндегі қажетті сақтық шаралары

Құрамында калий бар препараттарды, тұз алмастырғыштарын және калий мөлшері жоғары азық-түлік өнімдерін (мысалы, банан, қара өрік, мейіз және апельсин шырыны) тұтынудан аулақ болу керек.

Басқа дәрілік препараттармен өзара әрекеттесуі

Нолаксен препаратын эплеренонмен, гепаринмен және шағын молекулалы гепариндермен біріктірілімде қолдануға болмайды.

Нолаксен препаратын құрамында калий бар препараттармен бірге қолдануға болмайды.

Мінез-құлыққа әсері

Препараттың мінез-құлыққа әсері анықталмаған.

Басқа препараттармен өзара әрекеттесуі

Төменде келтірілген басқа препараттармен өзара әрекеттесу туралы деректер өздігінен келіп түскен хабарламалардан немесе клиникалық зерттеулерден алынған; сондай-ақ, төменде маңызды болуы мүмкін немесе ауыр жағымсыз реакциялармен астасуы мүмкін өзара әрекеттесулер келтірілген (мысалы, Нолаксен препаратымен бірге қолдануға болмайтын препараттар).

Алкоголь, барбитураттар және есірткі заттары

Спиронолактон мен гидрохлоротиазидтің біріктірілімін қолдануға байланысты ортостатикалық гипотензия алкоголь, барбитураттар мен есірткі заттарын қабылдау аясында күшеюі мүмкін. Нолаксен препаратымен емдеу кезінде, әсіресе бастапқы кезеңде, алкогольді, барбитураттарды және есірткі заттарын тұтынудан аулақ болу керек.

Амфотерицин В

Амфотерицин В тиазидті диуретиктерді қабылдаудан туындаған гипокалиемияның даму қаупін арттырады, сондықтан Нолаксен препаратымен бірге қолданғанда қан плазмасындағы калий концентрациясын бақылау керек.

Диабетке қарсы препараттар (мысалы, инсулин және пероральді гипогликемиялық дәрілер)

Тиазидті диуретиктерді қабылдау қан плазмасындағы глюкоза концентрациясының өзгеруіне әкелуі мүмкін. Қан плазмасындағы калий концентрациясының төмендеуі, оларды қолдануға байланысты болуы мүмкін, шеткері тіндердің глюкоза утилизациясының төмендеуіне әкеледі. Қант диабетімен ауыратын пациенттерде инсулин мен пероральді гипогликемиялық дәрілердің дозаларын олардың ұлғаюына да, төмендеуіне де түзету қажет болуы мүмкін. Спиронолактон мен гидрохлоротиазидтің біріктірілімін бір мезгілде глибенкламидпен қолданғанда мультиформды эритеманың даму жағдайлары байқалды.

Пациенттерде ағымы латентті қант диабеті спиронолактон мен гидрохлоротиазидтің біріктірілімін қолданғанда гипергликемия мен глюкозурияның дамуымен көріністелуі мүмкін.

Қажет болған жағдайда, қан плазмасындағы глюкозаның деңгейін бақылау, оның қан плазмасындағы деңгейін қалыпты мәндер шегінде ұстап тұру үшін құрамында калий бар препараттарды қолдану, сондай-ақ Нолаксен препаратымен бір мезгілде қолданған кезде диабетке қарсы препараттардың дозаларын түзету қажет.

Циклофосфамид пен метотрексатты қоса алғанда, ісікке қарсы препараттар

Тиазидті диуретиктер цитоуытты препараттардың бүйрекпен шығарылуын төмендетіп, олардың миелосупрессивті әсерін күшейтуі мүмкін.

Нолаксен препаратын ісікке қарсы препараттармен бірге алатын пациенттерде жалпы қан талдауының нәтижелерін мұқият бақылау қажет, сонымен қатар олардың дозалау режимін түзету қажет болуы мүмкін.

Антипирин

Спиронолактон антипириннің метаболизмін күшейтеді.

Аторвастатин + фуросемид + ацетилсалицил қышқылы (АСҚ)

Спиронолактон мен гидрохлоротиазид біріктірілімімен бір мезгілде қолданғанда гепатит, панкреатит және өліммен аяқталған жағдайлар байқалған.

Өт қышқылының секвестранттары (мысалы, колестирамин, колестипол және аммоний хлориді)

Өт қышқылының секвестранттары ішектегі тиазидті диуретиктерді байланыстырады және олардың асқазан-ішек жолында (АІЖ) сіңуін 43-85%-ға төмендетеді. Өт қышқылының секвестранттарын қабылдағаннан кейін 4 сағаттан соң гидрохлоротиазидті қолданғанда оның сіңуі 30-35% - ға төмендейді.

Спиронолактонды аммоний хлоридімен немесе колестираминмен бір мезгілде қабылдаған пациенттерде гиперкалиемиямен қатар жүретін гиперхлоремиялық метаболизмдік ацидоз жағдайлары тіркелді.

Қабылдау ретін қатаң сақтау керек - тиазидті диуретиктерді өт қышқылының секвестранттарын қабылдағанға дейін 2-4 сағат бұрын немесе одан 6 сағаттан кейін қабылдау керек. Қажет болса, тиазидті диуретиктің дозасын арттыру керек, сонымен қатар артериялық қысымды (АҚ) бақылау керек.

Құрамында кальций мен D дәрумені бар препараттар

Тиазидті диуретиктер кальцийдің бүйрекпен шығарылуын азайтады және оның сүйек тінінен шығарылуына ықпал етеді.

Қан плазмасындағы кальций деңгейін бақылау керек, әсіресе Нолаксен препаратын жоғары дозада кальций бар препараттармен бірге қолданған кезде. Нолаксен препаратымен бір мезгілде қолданғанда кальций және/немесе D дәрумені препараттарының дозаларын азайту немесе тоқтату қажет болуы мүмкін.

Карбамазепин

Карбамазепин клиникалық тұрғыдан елеулі гипонатриемияны туындатуы мүмкін, оны тиазидті диуретиктермен бір мезгілде қабылдау гипонатриемияны күшейтуі мүмкін.

Қан плазмасындағы натрий концентрациясын бақылап, карбамазепинді Нолаксен препаратымен бірге қолданған кезде сақ болу керек.

ГКС және АКТГ

Спиронолактон мен гидрохлоротиазидтің біріктірілімімен ГКС немесе АКТГ бір мезгілде қолданғанда қан плазмасындағы әртүрлі иондардың, әсіресе калий деңгейінің төмендеуі байқалуы мүмкін. Осыған байланысты қан плазмасындағы калий концентрациясын бақылау және қажет болған жағдайда, бірге қолданылатын дәрілік заттардың дозаларын түзету қажет.

Дигоксин

Спиронолактон дигоксиннің жартылай шығарылу кезеңін ұзарта алатыны анықталды, бұл қан плазмасындағы дигоксин деңгейінің жоғарылауына, содан кейін оның уытты әсерінің дамуына әкелуі мүмкін. Дәрілік заттардың екі өзара әрекеттесу механизмі бар: спиронолактон және оның метаболиттері қан плазмасындағы дигоксин концентрациясын анықтау кезінде радиоиммунды талдау нәтижелеріне әсер ете алады, сонымен қатар оның фармакокинетикалық параметрлерін өзгерте алады. Жоғарыда аталған процестер қан плазмасындағы дигоксин деңгейін анықтауға қатысты зерттеу нәтижелерін түсіндіруді қиындатуы мүмкін.

Тиазидті диуретиктерді қабылдаудан туындаған гипокалиемия және гипомагниемия сияқты электролиттік теңгерімнің бұзылуы дигоксиннің уытты әсерінің туындау қаупін арттырады, бұл ауыр аритмиялардың дамуымен, соның ішінде өліммен аяқталған жағдаймен қабаттасуы мүмкін.

Дигоксинді Нолаксен препаратымен біріктірілімде сақтықпен қолдану керек, оларды бірге қолданған кезде дәрілік заттардың демеуші дозаларын түзету қажет болуы мүмкін. Пациенттерде дигоксиннің уытты әсерлерінің дамуын, сондай-ақ оны тиімсіз дозаларда қолдану жағдайларын болдырмау мақсатында қан плазмасындағы электролиттер мен дигоксин деңгейін мұқият бақылау қажет, қажет болған жағдайда, құрамында калий бар препараттарды қолдану қажет.

Диуретиктер және гипертензияға қарсы препараттар

Гидрохлоротиазид гипертензияға қарсы басқа препараттардың әсерін күшейтуі мүмкін (мысалы, гуанетидин, метилдопа, бета-блокаторлар, вазодилататорлар, кальций өзекшелерінің блокаторлары, АӨФт, АРБ, рениннің тікелей тежегіштері).

Спиронолактонды АӨФт, ҚҚСП, АРБ және альдостерон антагонистерімен қолданғанда гиперкалиемияның дамуы орын алуы мүмкін.

Нолаксен препаратымен бірге қолданған кезде гипертензияға қарсы препараттардың дозаларын азайту ұсынылады. Атап айтқанда, емдеу режиміне спиронолактон мен гидрохлоротиазид біріктірілімін қосқанда ганглиоблокаторлардың дозаларын кемінде 50%-ға төмендету керек.

Гиперкалиемияның дамуына ықпал ететін препараттар

Спиронолактонды гиперкалиемияның дамуына ықпал ететін препараттармен бір мезгілде қолдану ауыр гиперкалиемияның пайда болуымен қабаттасуы мүмкін.

АІЖ моторикасына әсер ететін препараттар, яғни атропин сияқты антихолинергиялық дәрілер және метоклопрамид, домперидон сияқты прокинетикалық дәрілер

Антихолинергиялық дәрілермен бірге қолданған кезде тиазидті диуретиктердің биожетімділігі АІЖ моторикасының төмендеуіне және асқазанды босату жылдамдығына байланысты артуы мүмкін. Прокинетикалық дәрілер, керісінше, тиазидті диуретиктердің биожетімділігін төмендетуі мүмкін. Гидрохлоротиазидтің дозасын АІЖ моторикасына әсер ететін препараттармен бірге қолданған кезде түзету қажет болуы мүмкін.

Эплеренон

Спиронолактонды альдостеронның басқа антагонистерімен бірге қолданғанда ауыр гиперкалиемияның дамуы орын алуы мүмкін.

Подаграға қарсы препараттар (аллопуринол, урикозуриялық препараттар, ксантиноксидаза тежегіштері)

Тиазидті диуретиктерді қолдану арқылы қан плазмасындағы несеп қышқылы деңгейінің жоғарылауы аясында аллопуринол мен пробенецидті қабылдау кезінде подагра ұстамасы дамуы мүмкін. Гидрохлоротиазидпен бір мезгілде қолданғанда аллопуринолға аса жоғары сезімталдық реакцияларының пайда болу жиілігі артуы мүмкін. Нолаксен препаратымен бірге қолданған кезде подаграға қарсы препараттардың дозаларын түзету қажет болуы мүмкін.

Гепарин, төмен молекулалы гепариндер

Спиронолактонды гепаринмен немесе төмен молекулалы гепариндермен бір мезгілде қолдану ауыр гиперкалиемияның дамуымен қабаттасуы мүмкін.

Құрамында литий бар препараттар

Тиазидті диуретиктер литийдің бүйрек клиренсін төмендетеді және оның уытты әсерінің даму қаупін арттырады. Құрамында литий бар препараттарды және спиронолактон мен гидрохлоротиазидтің біріктірілімін бір мезгілде қолданған пациенттерде жедел бүйрек жеткіліксіздігінің жағдайлары байқалды, олар кейде өліммен аяқталды. Нолаксен препаратын құрамында литий бар препараттармен бірге қолдану әдетте ұсынылмайды; дегенмен, егер бұл емнің қажетті шарты болса, құрамында литий бар препараттардың дозаларын 50%-ға төмендетіп, оның қан плазмасындағы концентрациясын мұқият бақылау керек.

Норадреналин

Гидрохлоротиазид те, спиронолактон да тамырлардың норадреналинге сезімталдығын төмендетеді. Нолаксен препаратын алатын пациенттерде аумақтық және жалпы анестезияны жүргізу кезінде сақ болу керек. Сондай-ақ, жоспарлы хирургиялық араласымдар кезінде препаратты қабылдауды тоқтату мүмкіндігі туралы мәселені қарастыру қажет.

ҚҚСП

АСҚ, мефенам қышқылы және индометацин сияқты ҚҚСП бүйректе простагландиндер синтезінің тежелуіне байланысты диуретиктердің натрийурездік әсерін тежейтіні анықталды; спиронолактонның диурездік әсері де төмендейді.

Индометацинді калий жинақтаушы диуретиктермен біріктірілімде қолданған кезде гиперкалиемия дамуы мүмкін.

ҚҚСП қабылдаумен байланысты организмдегі натрий мен судың іркілуі тиазидті диуретиктердің диурездік және гипертензияға қарсы әсерін азайтады.

ҚҚСП қабылдаған кезде бүйректегі простагландиндер синтезінің тежелуіне байланысты бүйректегі қан ағымының төмендеуі, сондай-ақ тиазидті диуретиктер арқылы ШСЖ төмендеуі бүйректің жедел жеткіліксіздігінің дамуына себеп болуы мүмкін, әсіресе жүрек жеткіліксіздігі бар пациенттер қауіп жоғары.

Алайда, АСҚ спиронолактонның АҚ, электролиттік деңгейіне және ҚАМ деңгейіне, сондай-ақ артериялық гипертензиясы бар пациенттерде қан плазмасындағы ренин белсенділігіне әсер етпейтіні анықталды.

ҚҚСП-ні Нолаксен препаратымен бірге қолданған кезде бүйрек функциясын, қан плазмасындағы калий концентрациясын және АҚ мұқият бақылау керек, сонымен қатар препараттардың дозаларын түзету қажет болуы мүмкін.

Серотонинді кері қармаудың селективті тежегіштері (СКҚСТ) (мысалы, циталопрам, эсциталопрам, сертралин)

Тиазидті диуретиктерді қабылдаудан туындаған гипонатриемия СКҚСТ қолдану аясында күшеюі мүмкін.

Нолаксен препаратын СКҚСТ-мен бірге сақтықпен қолдану керек, сонымен қатар қан плазмасындағы натрий концентрациясын бақылау қажет.

Кураре тәрізді препараттар тобындағы шеткері әсер ететін миорелаксанттар (мысалы, тубокурарин)

Тиазидті диуретиктер қаңқа бұлшықеттерінің кейбір шеткері әсер ететін миорелаксанттарға, мысалы, кураре тәрізді препараттар тобына сезімталдығын арттыруы мүмкін.

Топирамат

Тиазидті диуретиктер қан плазмасындағы топирамат концентрациясын жоғарылатуы мүмкін. Топираматты спиронолактон мен гидрохлоротиазидтің біріктірілімімен бірге қолданған кезде гипокалиемияның дамуы мүмкін. Нолаксен препаратымен бірге қолданған кезде топирамат концентрациясын, сондай-ақ қан плазмасындағы калий концентрациясын бақылау керек; қажет болған жағдайда топирамат дозасын түзету керек, сондай-ақ құрамында калий бар препараттарды қолдану керек.

Абиратерон

Спиронолактон андрогендік рецепторлармен байланысады және абиратерон алатын қуықасты безі обыры бар пациенттерде простата-спецификалық антиген (ПСА) деңгейін жоғарылатуы мүмкін. Абиратеронды бір мезгілде қолдану ұсынылмайды.

Тамақпен өзара әрекеттесуі

Тұз алмастырғыштар мен калий мөлшері жоғары азық-түліктерді тұтынудан аулақ болу керек.

Спиронолактонды тамақпен бір мезгілде қабылдағанда оның қан плазмасындағы ең жоғары концентрациясының (Cmax) және концентрация-уақыт қисығының (AUC) астындағы ауданының мәндері, сондай-ақ оның белсенді канренон метаболитінің ұқсас көрсеткіштері ашқарынға қабылдағандармен салыстырғанда айтарлықтай артқаны анықталды. Сонымен, спиронолактонды тамақпен бір мезгілде 200 мг дозада қабылдаған 9 субъектіде спиронолактон үшін AUC(0-24) және Cmax мәндерінің 2 есе статистикалық маңызды ұлғаюы байқалды, канренон үшін ұқсас көрсеткіштер 1,4 есе ұлғайған. Cmax және AUC(0-24) көрсеткіштерінің осындай жоғарылауының клиникалық маңыздылығы туралы мәліметтер жоқ. Нолаксен препаратын тамақпен бір мезгілде қабылдайтын пациенттердің жағдайына, мысалы, қан плазмасындағы калий деңгейінің жоғарылауы сияқты белгілердің және басқа да ауыр симптомдардың бар болу тұрғысынан мониторинг жүргізу керек, олардың пайда болуы қан плазмасындағы препарат компоненттерінің жоғары концентрациясына байланысты болуы мүмкін, әсіресе егде жастағы пациенттерде, бүйрек және бауыр функциясының бұзылуы бар пациенттерде, жүктілік және лактация кезеңіндегі әйелдерде.

Өсімдік тектес препараттармен өзара әрекеттесуі

Нолаксен препаратының өсімдік тектес препараттармен өзара әрекеттесуі анықталмаған.

Зертханалық және диагностикалық сынақтардың нәтижелеріне әсері

Қалқанша маңы безінің функциясын зерттеуді жүргізер алдында тиазидті диуретиктерді қабылдауды тоқтату керек. Тиазидті диуретиктер қан плазмасындағы ақуыздармен байланысты йодтың фракциясын қалқанша безінің функциясының бұзылу белгілерінсіз төмендетуі мүмкін. Гидрохлоротиазидтің 24 сағат ішінде 131I қармау жылдамдығын арттыруға және қалқанша безінің қалдық тінімен қармалған 131I мөлшерін арттыруға қабілетті екендігі көрсетілген.

Әдебиеттерде спиронолактон мен оның метаболиттері қан плазмасындағы дигоксин концентрациясын анықтау кезінде радиоиммунды талдау нәтижелеріне әсер етуі мүмкін екендігі туралы бірқатар есептер бар. Дені сау еріктілерде дигоксин қабылдағаннан кейін 2-24 сағат ішінде спиронолактон концентрациясы 2-4 есе жоғарылайтыны анықталды. Сондай-ақ, спиронолактонмен бірге қолданған кезде қан плазмасындағы дигоксин деңгейінің жоғарылауы байқалады. Осылайша, Нолаксен препаратын дигоксинмен біріктірілімде тағайындаған кезде препараттардың дозаларын уақтылы түзету және пациенттердің жағдайын мұқият бақылау қажет.

Арнайы ескертулер

Калийді тұтыну

Гиперкалиемияның ықтимал даму қаупіне байланысты Нолаксен препаратын қолданған кезде калий мөлшері жоғары азық-түлік өнімдерін тұтыну, құрамында калий бар препараттарды және калий жинақтаушы диуретиктер тобының басқа дәрілік заттарын қолдану ұсынылмайды.

Ұйқышылдық және бас айналу

Кейбір пациенттерде ұйқышылдық пен бас айналу жағдайлары тіркелді, олар кейде құлау мен сынуға әкелді.

Канцерогенез және мутагенез

Канцерогендік

Созылмалы уыттылық зерттеулерінде спиронолактонның канцероген болып табылатындығы анықталды. Маркетингтен кейінгі кезеңде сүт безінің обыры және басқа да жаңа түзілімдер (ішектің, ұйқы безінің және т. б.) тіркелді.

Меланомалы емес тері обыры (МЕТО, NMSC)

Кейбір зерттеулерде гидрохлоротиазидті қолданғаннан кейін МЕТО (базальды-жасушалы карцинома (БХК, BCC) және жалпақ жасушалы обыр (ЖЖО, SCC) қаупі артады деген хабарламалар бар. Бұл ретте қауіп дәрежесі гидрохлоротиазид әсерінің кумулятивтік дозасы ұлғайған сайын артады. Гидрохлоротиазидтің фотосезімталдық әсері МЕТО-ның ықтимал туындау себебі болуы мүмкін.

Гидрохлоротиазидті қабылдайтын пациенттерге МЕТО дамуының ықтимал қаупі туралы хабардар ету қажет. Пациенттер терінің беткейін жаңа түзілімдердің пайда болу немесе бұрыннан бар өзгерістер тұрғысынан үнемі тексеріп отыруы керек және гистологиялық зерттеулер мен биопсияны қоса, дереу зерттелуі тиіс, кез келген күмәнді тері зақымданулары туралы уақтылы хабарлауы керек. Сондай-ақ, тері обырының даму қаупін азайту мақсатында пациенттер күн сәулесінің теріге әсерін шектеуі керек, жасанды күнге күюді жасау үшін косметиканы қолданудан аулақ болу керек немесе теріге күн сәулесі немесе УК-сәулелер әсер еткенде қорғаныс құралдарын (мысалы, жергілікті қолдануға арналған күннен қорғайтын заттар (кремдер, лосьондар және т. б.) SPF 30 немесе одан жоғары ауқымын, киім, бас киімдерді) қолдану қажет.

МЕТО даму қаупі жоғары пациенттерде (мысалы, бозғылт тері, анамнездегі тері обыры, жақын туыстарындағы тері обыры, иммуносупрессивті ем және т. б.) гидрохлоротиазидке балама болып табылатын дәрілік заттарды қолдану туралы мәселені қарастыру керек.

Жүрек-қантамыр жүйесі тарапынан бұзылулар

Спиронолактон мен гидрохлоротиазидтің біріктірілімін пайдаланған кезде ортостатикалық гипотензия дамуы мүмкін, ол алкоголь, барбитураттар мен есірткі заттарын қабылдау аясында күшеюі мүмкін.

Жүргізу және механизмдерді басқару қабілетіне әсері

Препаратпен жүргізілетін бастапқы емге жауап анықталғанға дейін автокөлікті жүргізу немесе механизмдерді басқару кезінде сақтық таныту ұсынылады.

Эндокриндік жүйе және зат алмасу

Гинекомастия

Дәрігерлер спиронолактонды қолданған кезде гинекомастия пайда болуы мүмкін екенін білуі керек. Гинекомастияның дамуы спиронолактон дозасына және емдеу ұзақтығына тікелей байланысты, әдетте, дәрілік затты қабылдауды тоқтатқан кезде қайтымды болады. Гинекомастия пайда болған жағдайда спиронолактонды қолдануды тоқтату керек. Сирек жағдайларда сүт бездерінің мөлшерінде тұрақты ұлғаю байқалуы мүмкін.

Гиперхлоремиялық метаболизмдік ацидоз

Декомпенсацияланған бауыр циррозына шалдыққан кейбір пациенттерде, тіпті бүйректің қалыпты функциясы кезінде, гиперкалиемиямен астасқан гиперхлоремиялық метаболизмдік ацидоз жағдайлары байқалды. Бауыр функциясының жедел бұзылулары бар пациенттерді емдеу кезінде сақтық таныту керек, себебі диуретиктермен жүргізілетін қарқынды ем бауыр энцефалопатиясының дамуына әкеп соғуы мүмкін.

Ацидоз және бүйрек функциясы

Спиронолактон мен гидрохлоротиазидтің біріктірілімін қолданғанда ацидоздың сирек жағдайлары байқалды.

Гипохлоремиялық алкалоз

Гипохлоремиялық алкалоз жиі кездеспейді және сирек жағдайларда ауыр сипатта болады. Натрийдің тұтынылуын негізсіз қатаң шектеу оны емдеуді қиындатуы мүмкін. Хлор ионының тапшылығын аммоний хлоридін қабылдау кезінде толықтыруға болады (пациенттерде бүйрек немесе бауыр аурулары болған жағдайларды қоспағанда), айтарлықтай дәрежеде оның дамуын натрийді/хлоридті тәуліктік қажеттілікке сәйкес мөлшерде тұтынған кезде алдын алуға болады.

Тиазидті диуретиктермен ұзаққа созылған ем қабылдаған кейбір пациенттерде қалқанша маңы безіндегі патологиялық өзгерістерге байланысты гиперкальциемия және гипофосфатемия жағдайлары байқалды.

Тиазидті диуретиктер қан плазмасындағы несеп қышқылының концентрациясын жоғарылатуы мүмкін. Анамнезінде гиперурикемиясы немесе подаграсы бар пациенттерде спиронолактон мен гидрохлоротиазидтің біріктірілімін пайдаланған кезде сақтық таныту қажет, себебі тиазидті диуретиктер подагра ұстамасының дамуын туындатуы мүмкін. Подаграға қарсы дәрілердің дозаларын түзету қажет болуы мүмкін.

Қант диабетімен және предиабетпен ауыратын пациенттерде тиазидті диуретиктер қан плазмасындағы глюкоза концентрациясын жоғарылатуы мүмкін. Инсулин немесе гипогликемиялық дәрілердің дозаларын түзету қажет болуы мүмкін.

Қан жүйесі

Электролиттік теңгерім

Диурезді әсер ететін спиронолактон мен гидрохлоротиазидтің біріктірілімін қабылдап жүрген пациенттер, гиперкалиемия, гипохлоремиялық алкалоз, гипонатриемия және қандағы азот мочевинасының (ҚАМ, BUN) жоғарылауы сияқты су мен электролит теңгерімі бұзылуының ықтимал қаупін саралау мақсатында мұқият бақылауда болу керек; бұл әсіресе егде жастағы пациенттерге және бүйрек немесе бауыр функциясының бұзылуы бар пациенттерге қатысты.

Гиперкалиемия

Калийді шамадан тыс тұтыну кезінде спиронолактон мен гидрохлоротиазидтің біріктірілімін қолданатын пациенттерде гиперкалиемия дамуы мүмкін. Бұл жүрек жұмысындағы бұзылулармен астасуы мүмкін, кейбір жағдайларда өліммен аяқталған жағдай орын алуы мүмкін. Гиперкалиемия калийді шамадан тыс тұтынбаған жағдайда да пайда болуы мүмкін, әсіресе егде жастағы пациенттерде және бүйрек функциясының бұзылуы немесе қант диабеті бар пациенттерде. Осы себепті, әдетте, Нолаксен препаратымен емдеу кезінде құрамында калий бар препараттарды қабылдау ұсынылмайды. Нолаксен препаратын басқа калий жинақтаушы диуретиктермен бір мезгілде қабылдауға болмайды. Спиронолактон мен гидрохлоротиазидтің біріктірілімін ангиотензин-өзгертетін фермент тежегіштерімен (АӨФт), қабынуға қарсы стероидты емес препараттармен (ҚҚСП), ангиотензин II рецепторларының блокаторларымен (АРБ) және альдостеронның басқа антагонистерімен бірлесіп қолдану, тіпті тиазидті диуретикті пайдаланған жағдайда да, ауыр гиперкалиемияның дамуымен астасады.

Спиронолактонды гепаринмен, төмен молекулалы гепариндермен немесе басқа дәрілік препараттармен немесе гиперкалиемияның дамуына әртүрлі жағдайларда ықпал ететін бірлесіп қолдану ауыр гиперкалиемиямен бірге жүруі мүмкін.

Жүректің орташа айқындалған немесе ауыр жеткіліксіздігі бар пациенттердегі гиперкалиемия

Гиперкалиемия өліммен аяқталған жағдайға әкелуі мүмкін болғандықтан, спиронолактон мен гидрохлоротиазидтің біріктірілімін қабылдайтын жүрек жеткіліксіздігі бар пациенттерде қан плазмасындағы калий деңгейін бақылау өте маңызды. Нолаксен препаратын калий жинақтаушы диуретиктермен бірге пайдаланудан аулақ болу керек. Қан плазмасындағы калий концентрациясы 3,5 мЭкв/л-ден асатын пациенттерге құрамында калий бар препараттарды тамақпен бірге қабылдаудан аулақ болу керек. Қан плазмасындағы креатинин концентрациясы 2,5 мг/дл-ден асатын пациенттерде және қан плазмасындағы креатинин деңгейі алдыңғы қысқа мерзімде 25%-дан асқан пациенттерде спиронолактон мен гидрохлоротиазидтің біріктірілімін қолдану туралы деректер жоқ. Қан плазмасындағы калий мен креатинин концентрациясын емдеу басталғаннан кейін бір апта ішінде немесе спиронолактон дозасын жоғарылатқаннан кейін, одан әрі алғашқы үш айда ай сайын, содан кейін бір жыл ішінде үш айда бір рет, содан кейін әр 6 айда бақылау ұсынылады. Қан плазмасындағы калий концентрациясы 5 мЭкв/л-ден жоғары немесе креатинин 4 мг/дл-ден жоғары болған кезде Нолаксен препаратымен емдеуді тоқтату немесе үзіліс жасау керек.

Қант диабетімен ауыратын пациенттердегі гиперкалиемия

Нолаксен препаратымен емдеуді қант диабетімен ауыратын пациенттерде сақтықпен жүргізу керек, себебі олардың гиперкалиемияның даму қаупі жоғары. Пациенттерде препаратты қолдануды бастамас бұрын бүйрек функциясына және қан плазмасындағы калий концентрациясына мониторинг жүргізу керек, бұл көрсеткіштерді бірнеше күннен кейін, сонан соң - қауіп тобындағы пациенттерде, әсіресе егде жастағы пациенттерде бірнеше аптадан кейін бақылау қажет. Қан плазмасындағы калий мен креатинин деңгейін мониторингілеу емдеу басталғаннан немесе спиронолактон дозасын жоғарылатқаннан кейін бір апта ішінде, алғашқы үш айда ай сайын, содан кейін бір жыл ішінде әр үш айда, содан кейін әр 6 айда жүргізу ұсынылады.

Гиперкалиемияны 1,0 г глюкозаға 0,25-0,5 бірлік инсулин есебінен глюкоза мен инсулиннің 20-50% ерітіндісін жылдам вена ішіне енгізу арқылы уақтылы түзету керек. Бұл қажет болған жағдайда қайталауға болатын уақытша шара. Бұл жағдайда Нолаксен препаратын қабылдауды тоқтатып, калий қабылдауды шектеу керек (диетаны қоса).

Гипокалиемия

Спиронолактон мен гидрохлоротиазидтің біріктірілімін қолданған кезде гипокалиемия, әсіресе қарқынды диурез салдарынан, бауырдың ауыр циррозы бар пациенттерде немесе ілмектік диуретиктермен, ГКС немесе адренокортикотропты гормонмен (АКТГ) бір мезгілде қолданғанда дамуы мүмкін. Нолаксен препаратын басқа дәрілік заттармен (мысалы, аминогликозидті антибиотиктермен, цисплатинмен, фоскарнетпен және амфотерицин В) бірге қолданған кезде қан плазмасындағы калий концентрациясын бақылау керек, олар тиазидті диуретиктермен байланысты гипокалиемияның даму қаупін арттыратыны белгілі.

Гипокалиемия аясында жүрек гликозидтерімен емдеу кезінде метаболизмдік әсерлер жоғарылауы мүмкін, әсіресе бұл миокард белсенділігіне әсер етеді. Гипокалиемия дамыған кезде Нолаксен препаратын қабылдауды тоқтатып, келесі емдеу режимдерінің бірін қолдану мүмкіндігін қарастыру қажет:

1. тек гидрохлоротиазидті және қажет болған жағдайда құрамында калий бар препараттарды қолдану;

2. тек спиронолактонды қолдану.

Гипонатриемия

Нолаксен препаратын қолданған кезде организмде натрий деңгейінің төмендеуі байқалған пациенттерде электролиттік теңгерімсіздік белгілерінің бар болуына мұқият мониторинг жүргізу қажет.

Спиронолактон мен гидрохлоротиазидтің біріктірілімі басқа диуретиктермен бір мезгілде қолданылғанда гипонатриемияны туындатуы немесе күшейтуі мүмкін, ол ауыздың құрғауымен, шөлдеумен, әлсіздікпен және ұйқышылдықпен көріністеледі.

Спиронолактонның гидрохлоротиазидпен біріктірілімін қолданғанда, сананың шатасуымен қатар жүретін шынайы гипонатриемия синдромы дамуы мүмкін, мұндай ұқсас жағдай бауыр комасында да байқалады. Бұл синдромды жалған гипонатриемиядан ажырата білген жөн, ол ең алдымен организмдегі сұйықтықтың іркілуімен астасады. Шынайы гипонатриемия синдромы кезінде диуретиктерді қабылдауды, сонымен қатар құрамында натрий бар препараттарды қолдануды тоқтату қажет.

Бауыр және өт шығару жолдары, ұйқы безі

Нолаксен препаратын бауыр функциясының әлсіз немесе орташа айқындалған бұзылулары бар пациенттерде сақтықпен пайдалану керек, себебі электролиттік теңгерімнің шамалы өзгерістері де бауыр комасының дамуына түрткі болуы мүмкін. Нолаксен препаратын үлкен дозаларда пайдалануды қажет болған бауыр циррозындағы ісінулерді/асцитті емдеу кезінде сусыздануды болдырмау мақсатында препараттың дозасын ең жоғары диурездік әсерге жеткенге дейін төмендету ұсынылады. Сананың шатасу белгілері дамыған кезде препаратты қабылдауды уақытша тоқтату керек.

Иммундық жүйе тарапынан бұзылулар

Тиазидті диуретиктерді қоса, сульфаниламидті туындыларды қолдану аясында жүйелі қызыл жегі бар пациенттерде симптомдардың үдеуі немесе аурудың өршуі туралы хабарламалар бар.

Зертханалық және аспаптық зерттеулер

Жалпы нұсқаулар

Спиронолактон мен гидрохлоротиазидтің біріктірілімін қолдану ҚАМ деңгейінің өтпелі жоғарылауымен, әсіресе емдеудің басында бұрыннан бар азотемия кезінде қатар жүруі орын алуы мүмкін. Бұл құбылыс дәрілік заттар біріктірілімінің бүйрек уыттылығының көріністеріне қарағанда концентрациялық феноменге көбірек қатысты болып көрінеді, себебі ҚАМ көрсеткіші оны тоқтатқаннан кейін қалыпты мәндер шегіне оралады. ҚАМ деңгейінің үдемелі жоғарылауы емдеу басталғанға дейін бүйрек функциясының орын алған бұзылуының бар болуына нұсқауы мүмкін.

Әдеби деректерде спиронолактон немесе оның метаболиттері қан плазмасындағы дигоксинді сандық анықтау кезінде радиоиммунды талдау нәтижелеріне әсер еткені жайлы бірнеше жағдайлар туралы мәліметтер қамтылған. Алайда, бұл әсердің дәрежесі де, ықтимал клиникалық маңыздылығы да (бұл талдау үшін спецификалық болуы мүмкін) толық анықталмаған.

Егер қан плазмасындағы кортизол концентрациясын анықтау Маттингли (Mattingli) әдісімен, яғни флуорометриялық талдау әдісімен жүргізілсе, оған дейін кем дегенде төрт күн бұрын, ал дұрысы жеті күн бұрын спиронолактонды қабылдауды тоқтату керек. Бұл ретте мұндай зерттеулердің нәтижелеріне спиронолактонның бәсекелестік ақуызды байланыстыру әдісін немесе радиоиммунды талдау әдісін қолдану кезінде ешқандай әсері табылған жоқ.

Тиазидті диуретиктер қан плазмасындағы ақуызға байланысты йодтың фракциясын қалқанша без бұзылуының маңызды белгілерінсіз төмендетуі мүмкін.

Тиазидті диуретиктерді қолданғанда қан плазмасындағы холестерин мен триглицеридтер концентрациясының жоғарылауы байқалуы мүмкін.

Бүйрекүсті веналарының катетеризациясы және қан плазмасындағы ренин белсенділігін анықтау

Альдостерон концентрациясын өлшеу немесе қан плазмасындағы ренин белсенділігін анықтау үшін бүйрекүсті веналарын катетеризациялау емшарасынан бірнеше күн бұрын спиронолактонды қабылдауды тоқтату керек.

Жүйке жүйесі

Құрамында литий бар препараттарды әдетте диуретиктермен бірге қолдану ұсынылмайды. Тиазидті диуретиктер литийдің бүйрек клиренсін төмендетеді және оның уытты әсерінің даму қаупін арттырады, жедел бүйрек жеткіліксіздігінің жағдайлары, кейде өліммен аяқталатын жағдайлар байқалды. Құрамында литий бар препараттардың дозасын түзету қажет болуы мүмкін.

Көру мүшесі

Хориоидальді жалқық, жедел миопия және салдарлы жедел жабық бұрышты глаукома

Сульфаниламидті препараттар немесе сульфанамид туындылары нәтижесінде көру өрісі бұзылған хориоидальді жалқық, өтпелі миопия мен жедел жабық бұрышты глаукомаға әкеп соғуы мүмкін, идиосинкразиялық реакцияны туындатуы мүмкін. Симптомдарға көру өткірлігі төмендеуінің жедел басталуы немесе көздің ауыруы жатады және әдетте препаратты қолдануды бастағаннан кейін бірнеше сағат немесе апта ішінде дамиды. Емделмеген жедел жабық бұрышты глаукома қайтымсыз көрмей қалуға әкелуі мүмкін. Бастапқыда гидрохлоротиазидті мүмкіндігінше жылдам тоқтату керек. Егер көзішілік қысымды бақылау мүмкін болмаса, шұғыл түрде емдік немесе хирургиялық шаралар қабылдау керек. Анамнезінде сульфонамидке немесе пенициллинге аллергия жедел жабық бұрышты глаукоманың даму қаупінің факторларының бірі болуы мүмкін.

Бүйрек және несеп шығару жолдары

Тиазидті диуретиктерді бүйрек ауруларына шалдыққан пациенттерде сақтықпен қолдану керек, мұндай пациенттерде олар азотемияның дамуына түрткі болуы мүмкін. Дәрілік заттың кумулятивті әсерінің ықпалы бүйрек функциясының бұзылулары бар пациенттерде дамуы мүмкін.

Тері

Тиазидті диуретиктерді қолданған кезде фотосезімталдық дамитыны анықталды. Ол туындаған жағдайда құрамында гидрохлоротиазид бар Нолаксен препаратымен емдеуді тоқтатқан жөн.

Тыныс алу жүйесіне жедел уытты әсер

Гидрохлоротиазидті қабылдағаннан кейін тыныс алу жүйесіне жедел уытты әсердің ауыр жағдайлары, соның ішінде жедел респираторлық дистресс-синдром (ЖРДС) туралы өте сирек хабарланды. Өкпенің ісінуі гидрохлоротиазидті қабылдағаннан кейін бірнеше минуттан соң немесе сағат ішінде дамиды. Бастапқыда симптомдарға ентігу, дене температурасының жоғарылауы, өкпе функциясының нашарлауы және артериялық гипотензия жатады. ЖРДС-ке күмән туындағанда, Нолаксен препаратын қолдануды тоқтатып, тиісті емдеуді тағайындау керек.

Гидрохлоротиазидті анамнезінде гидрохлоротиазидті қабылдағаннан кейін ЖРДС байқалған пациенттерге қолдануға болмайды.

Қосымша заттар

Нолаксен препаратының құрамында лактоза бар, сондықтан галактозаға жақпаушылықпен, лактаза жеткіліксіздігімен немесе глюкоза-галактоза мальабсорбциясымен сипатталатын сирек тұқым қуалайтын аурулары бар пациенттерге бұл дәрілік препаратты қабылдауға болмайды.

Нолаксен препаратының құрамында бір таблеткада 1 ммольден аз (23 мг) натрий бар, яғни іс жүзінде «натрий жоқ».

Жүктілік немесе лактация кезінде

Жүктілік

Нолаксен препаратын жүктілік кезінде қолдануға болмайды.

Спиронолактон

Жүкті әйелдерге зерттеулер жүргізілген жоқ.

Спиронолактон және оның метаболиттері фетоплацентарлы бөгет арқылы өтіп, кіндік қанында анықталады.

Тиазидті диуретиктер

Тиазидті диуретиктер фетоплацентарлы бөгет арқылы еніп, кіндік қанында анықталады. Оларды жүктілік кезінде, әсіресе бірінші триместрде қолдану тәжірибесі өте шектеулі. Жүктіліктің екінші және үшінші триместрінде тиазидті диуретиктерді қолдану фетоплацентарлы қан ағымының төмендеуіне, жатыр тонусының төмендеуіне және босану белсенділігінің әлсіздігіне әкелуі мүмкін және шарана мен жаңа туған нәрестеде сарғаю, электролиттік теңгерімнің бұзылуы және тромбоцитопения сияқты жағымсыз реакциялардың дамуына әкелуі мүмкін.

Тиазидті диуретиктерді жүкті әйелдердің ісінуін, гестациялық гипертензияны немесе преэклампсияны емдеу үшін қан плазмасы көлемінің төмендеу қаупіне және фетоплацентарлы қан ағымының жеткіліксіздігіне байланысты қолдануға болмайды.

Басқа дәрілік заттарды қолдану мүмкіндігі болмаған жағдайларды қоспағанда, жүкті әйелдердегі артериялық (эссенциальді) гипертензия кезінде тиазидті диуретиктерді қолдануға болмайды.

Лактация

Нолаксен препаратын қолдану лактация кезеңінде қарсы көрсетілімді.

Спиронолактон

Канренон, спиронолактонның негізгі (және белсенді) метаболиті емшек сүтінде кездеседі.

Тиазидті диуретиктер

Тиазидті диуретиктер емшек сүтімен шығарылады. Жоғары дозада қабылдаған кезде олар қарқынды диурезді туындатуы мүмкін, бұл емшек сүті өндірілуінің төмендеуіне әкеледі. Бала емізуден бас тарту немесе дәрілік затты қабылдауды тоқтату туралы шешім оның ана үшін қажеттілік дәрежесін ескере отырып қабылданады. Тиазидті диуретиктер емшек сүтінде анықталатындықтан, емшек еметін жаңа туған нәрестелерде олар жағымсыз реакциялар туындатуы мүмкін (мысалы, гипербилирубинемия, тромбоцитопения, көмірсулар метаболизмінің бұзылуы).

Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері

Нолаксен препаратын қолданған кезде көлік жүргізу немесе механизмдерді басқару кезінде сақтық таныту ұсынылады. Бастапқы емге жауап анықталғанға дейін ерекше зейін қоюды қажет ететін тапсырмаларды орындаудан бас тарту керек. Препаратты қабылдаған кезде, әсіресе бірінші дозада немесе оның дозасы төмендеген кезде, бас айналу, әлсіздік, естен тану сияқты симптомдардың дамуы мүмкін, олар құлаумен және сүйектердің сынуымен бірге жүруі мүмкін. Алкогольді қабылдау аясында дәрілік препараттан туындаған ұйқышылдық күшеюі мүмкін.

Қолдану жөнінде нұсқаулар

Дозалау режимі

Тамақ ішу Нолаксен препаратының құрамына кіретін спиронолактон мен гидрохлоротиазидтің фармакокинетикалық параметрлеріне айтарлықтай әсер етеді, осыған байланысты препараттың дозалау режимін түзету қажет болуы мүмкін.

Пациенттер үшін Нолаксен препаратының оңтайлы дозасын анықтау мақсатында оның әрбір компонентінің тиімді дозалары бөлек белгіленуі тиіс.

Дәрілік препараттың тиімділігін бағалау үшін оны кем дегенде екі апта бойы қабылдау керек.

Ұсынылған дозалар және дозалау режимін түзету

Ересектердегі ісіну синдромы (іркілісті жүрек жеткіліксіздігі, бауыр циррозы немесе нефроздық синдром): 25 мг/25 мг Нолаксен препараты үшін тәуліктік доза 2-4 таблетка немесе бір рет немесе бірнеше қабылдауға бөлінген 50 мг/50 мг Нолаксен препараты үшін тәуліктік доза 1-2 таблетка құрайды; пациенттің жағдайына байланысты тәуліктік доза 25 мг/25 мг Нолаксен препараты үшін 2-ден 8 таблеткаға дейін немесе 50 мг/50 мг Нолаксен препараты үшін 1-ден 4 таблеткаға дейін өзгеріп отырады.

Артериялық (эссенциальді) гипертензия: 25 мг/25 мг Нолаксен препараты үшін тәуліктік доза 2-4 таблетка немесе бір рет немесе бірнеше қабылдауға бөлінген 50 мг/50 мг Нолаксен препараты үшін тәуліктік доза 1-2 таблетка құрайды; пациенттің жағдайына байланысты тәуліктік доза 25 мг/25 мг Нолаксен препараты үшін 2-ден 8 таблеткаға дейін немесе 50 мг/50 мг Нолаксен препараты үшін 1-ден 4 таблеткаға дейін өзгеріп отырады.

Спиронолактон мен гидрохлоротиазидтің біріктірілімі гипертензияға қарсы басқа дәрілердің әсерін күшейтуге қабілетті, емдеу режиміне Нолаксен препаратын енгізген кезде олардың дозаларын азайту керек, атап айтқанда, ганглиоблокаторлардың дозаларын кемінде 50%-ға төмендету керек.

Пациенттердің ерекше топтары

18 жасқа дейінгі балалар

Препаратты балаларда қолданудың қауіпсіздігі мен тиімділігі анықталмаған. Сондықтан препарат балаларға қолдануға арналмаған.

Егде жастағы пациенттер

Клиникалық зерттеулерге және препаратты қолданудың клиникалық тәжірибесіне сәйкес егде жастағы пациенттерде препаратты қолдану қауіпсіздігі мен тиімділігінде айырмашылықтар бар. Препаратты бауыр және/немесе бүйрек функциясының бұзылулары бар пациенттерге қолданған кезде сақ болу керек.

Енгізу әдісі және жолы

Таблеткаларды тамақ ішуге қарамастан ішке қабылдайды.

Дәрілік препараттың бір немесе бірнеше дозасын өткізіп алу кезіндегі қажетті шаралар

Дозаны өткізіп алған жағдайда өткізіп алған дозаны қабылдауға болмайды, препаратты қабылдауды кесте бойынша келесі дозадан қайта бастау керек, бұл ретте препараттың қосарлы дозасын қолдануға болмайды.

Артық дозалану жағдайында қабылдау қажет шаралар

Симптомдары

Гидрохлоротиазидпен спиронолактон біріктірілімін қабылдаған пациенттерде (гиперкалиемиямен байланысты жағдайларды қоспағанда) өліммен аяқталатын артық дозалану жағдайлары байқалған жоқ. Жүрек айнуы мен құсу, сондай-ақ ұйқышылдық, бас айналу, сананың тежелуі, кома, сананың шатасуы, диарея, макулопапулезді немесе эритематозды бөртпе пайда болуы мүмкін. Бұл көріністеулер дәрілік заттардың біріктірілімін тоқтатқаннан кейін көп ұзамай жоғалады. Гиперкалиемиядан туындаған симптомдар нашарлауы мүмкін. Тиазидті диуретиктерді қабылдау кезінде тромбоцитопениялық пурпура мен гранулоцитопенияның даму жағдайлары сипатталған.

Емі

Спецификалық антидот жоқ. Гидрохлоротиазидпен спиронолактон біріктірілімін қолданғанда тұрақты уытты әсерлер туындамады және күтілмейді. Дәрілік заттардың біріктірілімін қолдануды тоқтатып, калийді (диетаны қоса) тұтынуды шектеу керек.

Препаратпен болжамды артық дозалануды емдеу мақсатында уыттануды емдеу мамандандырылған өңірлік орталығына жүгіну керек.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

ДП стандартты қолдану кезінде білінетін жағымсыз реакциялардың сипаттамасы және осы жағдайда қолданылуы керек шаралар

Спиронолактон

Жалпы бұзылыстар және енгізу орнындағы бұзылулар: дімкәстану.

Асқазан-ішек жолы тарапынан: диарея және ауырсынатын түйілулер, асқазаннан қан кету, гастрит, жүрек айнуы, ойық жаралардың түзілуі, құсу.

Қан және лимфа жүйесі тарапынан: лейкопения (гранулоцитозды қоса), тромбоцитопения, анемия.

Иммундық жүйе тарапынан: дене температурасының жоғарылауы (дәрілік қызба), есекжем, макулопапулезді немесе эритематозды тері бөртпелері, анафилаксиялық реакциялар, васкулит, қышыну, бөртпе.

Бауыр және өт шығару жолдары тарапынан: аралас холестаздық/ гепатоцеллюлярлық уыттылық (кейбір жағдайларда өліммен аяқталған).

Зат алмасу және тамақтану тарапынан: электролиттік теңгерімнің бұзылуы (гипохлоремиялық алкалоз, гипонатриемия, гипокалиемия, гиперкалиемия).

Қаңқа-бұлшықет және дәнекер тін тарапынан: бұлшықеттің түйілуі, рабдомиолиз, миалгия, әлсіздік.

Психика бұзылулары: сананың шатасуы, либидо бұзылыстары.

Жүйке жүйесі тарапынан: атаксия, бас ауыруы, ұйқышылдық, бас айналу, әлсіздік.

Бүйрек және несеп шығару жолдары тарапынан: бүйрек функциясының бұзылуы (бүйректің жедел жеткіліксіздігін қоса).

Жыныс мүшелері мен сүт безі тарапынан: гинекомастия, эректильді дисфункция (эрекцияға жете алмау немесе ұстап қалу қабілетсіздігі), шәуһеттің сапалық және сандық құрамының өзгеруі (сперматозоидтар санының төмендеуі және олардың қозғалғыштығы), етеккір оралымының бұзылулары және аменорея, менопаузадан кейінгі қан кетулер, сүт безінің қатерсіз жаңа түзілімдері, сүт бездерінің ауырсынуы, сүт безінің обыры (ерлердегі жағдайларды қоса).

Тері және теріасты тіндері тарапынан: Стивенс-Джонсон синдромы, уытты эпидермалық некролиз, эозинофилиямен және жүйелік симптомдармен дәрілік реакция (DRESS), алопеция, гипертрихоз.

Гидрохлоротиазид

Қантамырлар тарапынан: ортостатикалық гипотензия (алкоголь, барбитураттар мен есірткі заттарын қабылдау аясында күшеюі мүмкін).

Жүйке жүйесі тарапынан: бас айналу, вертиго, парестезия, бас ауыруы, ксантопсия.

Көру мүшесі тарапынан: жедел миопия және жедел жабық бұрышты глаукома.

Асқазан-ішек жолы тарапынан: анорексия, асқазанның тітіркенуі, жүрек айнуы, құсу, ауырсынатын түйілулер, диарея, іш қату, сарғаю (бауырішілік холестаздық), жедел панкреатит, сиалоаденит.

Қан және лимфа жүйесі тарапынан: лейкопения, тромбоцитопениялық пурпура, агранулоцитоз, аплазиялық анемия, гемолиздік анемия.

Иммундық жүйе тарапынан: пурпура (тромбоцитопенияны қоса), фотосезімталдық, бөртпе, есекжем, некроздалған васкулит, қышыну және мультиформды эритема, респираторлық дистресс-синдром, соның ішінде пневмонит және өкпенің ісінуі, қызба, анафилаксиялық реакциялар.

Тыныс алу жүйесі, кеуде қуысының ағзалары және көкірек ортасы тарапынан: өте сирек - жедел респираторлық дистресс-синдром (ЖРДС).

Қатерсіз, қатерлі және анықталмаған жаңа түзілімдер: меланомалы емес тері обыры (базальді-жасушалы карцинома және жалпақ жасушалы обыр) (жиілігі белгісіз).

Басқа бұзылулар: бұлшықеттің түйілуі, әлсіздік, мазасыздық, азотемия, гипокалиемия, гипергликемия, глюкозурия, гипомагниемия, гипонатриемия, гиперурикемия, көру жітілігінің өтпелі бұзылуы, алопеция.

Маркетингтен кейінгі жағымсыз реакциялар

Меланомалы емес тері обыры: бірнеше зерттеулерде гидрохлоротиазидті ұзақ уақыт бойы қолданған кезде БЖК және ЖЖО даму қаупі едәуір артатыны анықталды.

Көру мүшесінің тарапынан бұзылулар: хориоидальді жалқық, жедел миопия, жедел жабық бұрышты глаукома (жиілігі белгісіз).

Маркетингтен кейінгі жағымсыз реакциялар туралы барлық хабарламалар өте сирек параметрімен сипатталады.

Спиронолактон мен гидрохлоротиазид біріктірілімін қолдану мен төменде көрсетілген жағымсыз реакциялардың пайда болуы арасында нақты себеп-салдарлық байланыс орнатылмаған. Жұлдызшамен белгіленген жағымсыз реакциялар (*) спиронолактон мен гидрохлоротиазидтің біріктіріліміне жатпайды, олар спиронолактонның басқа тиазидті диуретиктермен (спиронолактон/бутизид және спиронолактон/гидрофлуметиозид) біріктірілімдерін пайдаланған кезде орын алды.

Қан және лимфа жүйесі тарапынан: тромбоцитопения, агранулоцитоз, анемия, лейкопения.

Жүрек тарапынан: брадикардия, миокард инфарктісі*, тахикардия, аритмия*, атриовентрикулярлық блокада*, жүрекшелер фибрилляциясы*, Гис шоғыры тармағының блокадасы, Гис шоғырының оң тармағының блокадасы*, жүрек жеткіліксіздігі (+/- іркілісті ), сол жақ қарыншаның жеткіліксіздігі *, «пируэт» типті тахикардия *.

Есту мүшесі тарапынан және лабиринттік бұзылулар: вертиго.

Эндокриндік жүйе тарапынан: антидиурездік гормонның (АДГ) гиперсекреция синдромы, қан плазмасындағы АДГ концентрациясының қалыпты мәндерден ауытқуы*, гипертиреоз*.

Асқазан-ішек жолы тарапынан: құсу, жүрек айнуы, диарея, жедел панкреатит (некрозданған, қайталанатын), іштің ауыруы, асқазан-ішектен қан кету (тік ішектен қан кету), іш қату, мелена.

Жалпы бұзылыстар және енгізу орнындағы бұзылулар: дімкәстану, астения, пирексия, кеуде қуысының ауыруы, ісіну (шеткері + өзге), кенеттен болған өлім*.

Бауыр және өт шығару жолдары тарапынан: сарғаю, холестаз, гепатит*, гепатомегалия*, бауыр стеатозы/некроз/жеткіліксіздік (реакциялардың әрқайсысы туралы бір-бірден хабарланған).

Инфекциялық және паразиттік аурулар: пневмония*, ортаңғы отит.

Зертханалық және аспаптық зерттеулердің нәтижелеріне әсері: дене салмағының төмендеуі*, қан плазмасындағы креатинин деңгейінің жоғарылауы*, гамма-глутамилтрансфераза деңгейінің жоғарылауы*, аспартатаминотрансфераза деңгейінің жоғарылауы*, аланинаминотрансфераза деңгейінің жоғарылауы*, трансаминаза деңгейінің жоғарылауы*, шеткері ісінудің ұлғаюына байланысты дене салмағының жоғарылауы * (генерикалық препаратпен емдеуге ауысқаннан кейін).

Иммундық жүйе тарапынан: аса жоғары сезімталдық реакциялары.

Зат алмасу және тамақтану тарапынан: гипонатриемия, гипомагниемия, гиперкалиемия, гипохлоремия, гиперкальциемия, сусыздану, тәбеттің төмендеуі, метаболизмдік ацидоз, іш тұсындағы май тіні көлемінің ұлғаюы* (1 жыл емдеуден кейін), гипогликемия*.

Қаңқа-бұлшықет және дәнекер тін тарапынан: рабдомиолиз*, миалгия, бұлшықет әлсіздігі, жүйелі қызыл жегі.

Қатерсіз, қатерлі және анықталмаған жаңа түзілімдер (кисталар мен полиптерді қоса): сүт безінің обыры (әйелдер мен ерлерде), қатерлі жаңа түзілім: жатырдың лейомиомасы*, ұйқы безі аденокарциномасы, бауырдағы метастаздық обыр, өкпедегі қатерлі жаңа түзілім*, лимфома.

Жүйке жүйесі тарапынан: ұйқышылдық, бас айналу/тепе-теңдіктің бұзылуы, кома (бауыр тарапынан қоса алғанда), естен айырылу /сананың бұзылуы*/сананың тежелуі*, естен тану*, құрысулар, ми қанайналымының бұзылуы/оның ішінде жедел*, мидың ісінуі* , парестезия.

Психиканың бұзылуы: сананың шатасуы, бағдардан адасу, депрессия, озбырлық*, ажитация*, аномальді мінез-құлық*, суицид әрекеті*.

Бүйрек және несеп шығару жолдары тарапынан: бүйрек жеткіліксіздігі (жедел, созылмалы), бүйрек функциясының бұзылуы, тубулоинтерстициальді нефрит*, олигурия, анурия*.

Тыныс алу жүйесі, кеуде қуысының ағзалары және көкірек ортасы тарапынан: ентігу, өкпе фиброзы, тыныс алу жеткіліксіздігі*, өкпе эмболиясы, өкпе ісінуі*, өкпенің интерстициальді ауруы*, жөтел*.

Тері мен теріасты тіндері тарапынан: пурпура, қышыну, макулопапулезді және эритематозды бөртпе, фотосезімталдық, буллезді дерматит*, экзема*, уытты эпидермалық некролиз / бөртпе*, пемфигоид*.

Қантамырлар тарапынан: ортостатикалық гипотензия, артериялық гипотензия, тамырлық коллапс*, артериосклероз, геморрагиялық шок*, қан кету.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау  комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК 

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді заттар: 25 мг спиронолактон, 25 мг гидрохлоротиазид,

қосымша заттар: жүгері крахмалы, лактоза, микрокристалды целлюлоза, повидон (К30), натрий крахмалгликоляты, магний стеараты,

қабықтың құрамы: гипромеллоза (Е15), титанның қостотығы (Е171), сансет сары лагы (Е110), тальк, пропиленгликоль.

Сыртқы түрінің, иісінің, дәмінің сипаттамасы

Дөңгелек, екі жақ беті дөңес, бір жағында «NOLX» өрнегі бар және басқа жағы тегіс, қызғылт-сары қабықпен қапталған таблеткалар.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Құрғақ жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

«Уорлд Медицин Илач Сан. ве Тидж. А.Ш.»

15 Теммуз Мах., Джами Йолу Джад. № 50, Гюнешли, Багджылар, Стамбул, ТүркияТел.: +90 (212) 474 70 50, факс: +90 (212) 474 09 01

Электрондық пошта: info@worldmedicine.com.tr

Тіркеу куәлігінің ұстаушысы

«Уорлд Медицин Илач Сан. ве Тидж. А.Ш.»

15 Теммуз Мах., Джами Йолу Джад. №50, Гюнешли, Багджылар, Стамбул, Түркия

Тел.: +90 (212) 474 70 50, факс: +90 (212) 474 09 01

Электрондық пошта: info@worldmedicine.com.tr

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс жасау деректері (телефон, факс, электрондық пошта)

«РИН Фарм» ЖШС, Қазақстан Республикасы, Алматы қ., Сүйінбай даңғ., 222Б

Тел./факс: 8(7272)529090, электрондық пошта: rin_pharma@mail.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс жасау деректері (телефон, факс, электрондық пошта)

«РИН Фарм» ЖШС, Қазақстан Республикасы, Алматы қ., Сүйінбай даңғ., 222Б

Ұялы телефон: +7 701 786 33 98

Электрондық пошта: pvpharma@worldmedicine.kz