Медотилин

Медотилин

Холин альфосцераты

Бұлшықет ішіне және вена ішіне енгізуге арналған ерітінді 1000 мг/4 мл

Жүйке жүйесі. Жүйке жүйесінің ауруларын емдеуге арналған басқа препараттар. Парасимпатомиметиктер. Басқа парасимпатомиметиктер. Холин альфосцераты.

ATХ коды N07AX02

- дегенеративті және инволюциялық психоорганикалық синдромдарда және егде жастағы адамдарда жадының бұзылумен, сананың шатасуымен, бағдардан жаңылумен, мотивацияның, бастамашылдықтың және зейін қою қабілетінің төмендеуімен сипатталатын есте сақтау функциясының бастапқы және салдарлы бұзылуы сияқты цереброваскулярлық жеткіліксіздік салдарында

- егде жастағылардағы эмоционалдық және мінез-құлық жағынан өзгерістерде: эмоционалдық ауытқуларда, қатты ашушаңдық, қоршаған ортаға қызығушылықтың төмендеуінде, қарттық жалған депрессияда

Қолдануды бастағанға дейін қажетті мәліметтер тізбесі

- препарат компоненттеріне аса жоғары сезімталдық

- жүктілік және лактация кезеңі

- балалар мен 18 жасқа дейінгі жасөспірімдер

Басқа дәрілік препараттармен өзара әрекеттесулері

Басқа препараттармен клиникалық маңызды өзара әрекеттесуі анықталған жоқ.

Педиатрияда қолданылуы

Балаларда препаратты қолданудың тиімділігі мен қауіпсіздігі жеткілікті зерттелген жоқ. Препарат балаларда пайдалануға арналмаған.

Жүктілік немесе лактация кезінде

Препаратты жүктілік және лактация кезінде қолдануға болмайды.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Медотилин пациенттің көлік құралын немесе қауіпті механизмдерді басқару қабілетіне әсер етпейді.

Дозалану режимі

Препаратты бұлшықет ішіне немесе вена ішіне тәулігіне 1 г дозада (1 ампула) енгізеді.

Енгізу жолы мен әдісі

Ерітіндіні бұлшықет ішіне немесе вена ішіне баяу енгізеді.

Тәуліктік доза дәрігердің тағайындауы бойынша арттырылуы мүмкін.

Емдеу ұзақтығы әдетте 10 күн, бірақ қажет болған жағдайда емдеуді оң динамика пайда болғанша жалғастыруға болады.

Артық дозаланған жағдайда қолданылуы қажет шаралар

Симптомдары: жүрек айнуы.

Емі: препаратты тоқтату, симптоматикалық емдеу.

ДП стандартты қолдану кезінде көрініс беретін жағымсыз реакциялардың сипаттамасы

- жүрек айнуы (дофаминергиялық процестерді стимуляциялау нәтижесі)

- аллергиялық реакциялар (бөртпе, есекжем)

Әдетте, препарат ұзақ уақыт бойы қолданғанда жақсы көтерімді

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі медициналық және фармацевтикалық бақылау комитетінің «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

және «РИН Фарм» ЖШС, Қазақстан Республикасы, Алматы қ., Сүйінбай даңғ., 222Б.

Ұялы тел.: +7 701 786 33 98

Эл.пошта: pvpharma@worldmedicine.kz

Қосымша мәліметтер

Бір ампуланың ішінде

белсенді зат - холин альфосцераты 1000 мг (холин альфосцераты гидратына баламалы 1222,34 мг)

қосымша зат - инъекцияға арналған су.

Мөлдір түссіз немесе ашық сары түсті ерітінді.

4 мл препараттан шыны ампулаларда.

3 ампуладан пішінді ұяшықты қаптамада.

1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

Сақтау мерзімі

4 жыл

Жарамдылық мерзімі өткеннен кейін қолдануға болмайды!

25 оС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

«Уорлд Медицин Илач Сан. ве Тидж. А.Ш.», Түркия

ЧОСБ Г.О. Паша Мах. 6. Джад. №30 Черкезкёй, Текирдаг.

Тел.: + 90 (212) 474 70 50

Факс: + 90 (212) 474 09 01

Электрондық пошта: info@worldmedicine.com.tr

«Уорлд Медицин Илач Сан. ве Тидж. А.Ш.», Түркия

15 Теммуз Мах. Джами Йолу Джад. №50, Гюнешли, Багджылар, Стамбул.

Тел.: + 90 (212) 474 7050

Факс: + 90 (212) 474 09 01

Электрондық пошта: info@worldmedicine.com.tr

Қазақстан Республикасы аумағында тұтынушылардан өнімнің (тауар) сапасы жөніндегі шағымдарды қабылдайтын ұйымның атауы, және мекенжайы

«РИН Фарм» ЖШС, Қазақстан Республикасы, Алматы қ., Сүйінбай даңғ., 222Б

Тел/факс: 8 (7272) 529090

Электрондық пошта: rin_pharma@mail.ru

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«РИН Фарм» ЖШС, Қазақстан Республикасы, Алматы қ., Сүйінбай даңғ., 222Б

Ұялы тел.: + 7 701 786 33 98

Электрондық пошта: pvpharma@worldmedicine.kz