Карсил

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Карсил® Макс

Халықаралық патенттелмеген атауы

Жоқ

Дәрілік түрі, дозасы

Капсула, 110 мг

Фармакотерапиялық тобы

Өт шығару жолдары мен бауыр ауруларын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар. Силимарин.

АТХ коды: A05BA03

Қолданылуы

Бауырдың созылмалы қабыну аурулары, бауыр циррозы және бауырдың уытты зақымдануы (бауырдың уытымен туындатылған) демеуші емдеу үшін.

Дәрілік зат жедел улануларды емдеу үшін көрсетілмеген.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді затқа немесе қосымша заттардың кез келгеніне аса жоғары сезімталдық;

Қолдану кезіндегі қажетті сақтық шаралары

- Осы препаратпен емдеу диетаны сақтаудың немесе алкогольді пайдалануды тоқтата тұрудың орнын баса алмайды.

- Карсил Макс қабылдағанда сарғаюдың болуына ерекше назар аудару керек (терінің ақшыл сарыдан күңгірт сарыға дейінгі рең иеленуі, көз ағының сарғаюы); бұл жағдайда дәрігермен кеңесу қажет.

- Балаларда силимариннің тиімділігі және қауіпсіздігі туралы жеткілікті

деректер жоқ, сондықтан Карсил Макс препараты 12 жастан кіші балаларға ұсынылмайды.

Дәрілік препараттың құрамында:

Маннитол – үлкен дозаларда (10 грамнан жоғары) жеңіл босаңсыту әсерін туғызуы мүмкін.

Натрий - бұл препараттың бір капсуласында 2,595 мг немесе 0,113 ммоль натрий бар - бір капсулада 1 ммольден (23 мг) аз натрий, яғни натрий іс жүзінде жоқ.

Басқа дәрілік препараттармен өзара әрекеттесуі

Егер Сіз басқа дәрілерді, соның ішінде рецептсіз қолжетімді дәрілерді қабылдап жүрсеңіз немесе жақында қабылдаған болсаңыз, дәрігеріңізге немесе фармацевтке хабарлауыңызды сұраймыз.

Белгілі өзара әрекеттесулер жоқ.

Арнайы ескертулер

Жүктілік немесе лактация кезінде

Егер Сіз жүкті болсаңыз немесе емізіп жүрсеңіз, жүкті болуым мүмкін деп ойласаңыз немесе жүктілікті жоспарлап жүрсеңіз, осы дәрілік затты қабылдамас бұрын дәрігерден немесе фармацевтен кеңес алыңыз.

Жүктілік және бала емізу кезінде препаратты қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын немесе қауіптілігі зор механизмдерді басқару қабілетіне әсер етпейді.

Қолдану бойынша ұсынымдар

Дозалау режимі

Ересектер және 12 жастан асқан балалар

Бауырдың ауыр зақымдануын емдеу күніне 3 рет 1 капсула дозадан басталады.

Жеңіл жағдайларда және орташа ауырлықтағы жағдайларда дозасы 1 капсуладан күніне 2 рет болады.

Енгізу әдісі мен жолы

Капсулаларды сұйықтықтың мол мөлшерімен ішіп, ішке қабылдайды.

Емдеу ұзақтығы

Дәрілік препаратты қанша уақыт қабылдайтыныңызды дәрігер белгілейді. Карсил Максты қабылдағанға қарамастан шағымдар сақталса, дәрігермен кеңесу керек. Карсил Макстың әсері тым күшті немесе тым әлсіз деп ойласаңыз, дәрігермен немесе фармацевтпен кеңес алуға сұраймыз.

Артық дозаланған жағдайда қабылдануы қажет шаралар

Силимариннің артық дозалану жағдайлары туралы хабарламалар жоқ.

Артық дозаланған жағдайда сипатталған жанама әсерлер көбірек болуы мүмкін. Карсил Макстың артық дозалануына күдіктенсеңіз, дәрігерге хабарлаңыз. Арнайы антидот белгісіз.

Дәрілік препараттың бір немесе бірнеше дозасын өткізіп алған кезде қажетті шаралар

Егер Сіз бір дозаны қабылдауды өткізіп алсаңыз, оны мүмкіндігінше тезірек қабылдаңыз. Егер келесі дозаның уақыты келсе, ұмытылған дозаны өткізіп жіберіп, оны әдеттегідей қабылдаңыз. Ұмытылған дозаның орнын толтыру үшін еселі дозаны қабылдамаңыз. Дәріні қабылдауды осы нұсқаулықта сипатталғандай жалғастырыңыз.

Дәрілік препаратты қолдану тәсілін түсіндіру үшін медициналық қызметкердің кеңесіне жүгіну жөніндегі ұсынымдар

Егер Сізде осы препаратты қолдануға қатысты қосымша сұрақтарыңыз болса, дәрігерге немесе фармацевтке хабарласыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Сирек

- бауыр мен өт қабының жұмысының жоғарылауы нәтижесіндегі диарея.

Өте сирек

- терінің аллергиялық реакциялары – қышыну, бөртпе.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат: Шұбар алатікен жемістері құрғақ экстрактісі (Silybi mariani fructus extractum siccum raffinatum et normatum) 200,0-275,0 мг, силибинин бойынша анықталған 110 мг силимаринге баламалы

қосымша заттар: маннитол, повидон, полисорбат, натрий лаурилсульфаты, натрий крахмалы гликоляты, магний стеараты, сусыз коллоидты кремнийдің қостотығы, натрий гидрокарбонаты, тазартылған су.

Капсула корпусы: темірдің қызыл тотығы (Е172), темірдің сары тотығы (Е172) титанның қостотығы (Е171), желатин.

Капсула қақпақшасы: темірдің қара тотығы (E172), темірдің қызыл тотығы (E172), титанның қостотығы (E171), желатин.

Сыртқы түрінің, иісінің, дәмінің сипаттамасы

Цилиндр пішінді, өлшемі №0, корпусы мөлдір емес, қызғылт-қоңыр (карамель) түсті және қақпақшасы мөлдір емес қоңыр (шоколад секілді қоңыр) түсті қатты желатинді капсулалар.

Капсуланың ішіндегісі – бозаң-сарыдан сары-қоңыр түске дейінгі агломераттары бар ұнтақ тәрізді масса, сәл спецификалық иісі бар.

Шығарылу түрі және қаптамасы

6 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салады.

5 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.

Сақтау мерзімі

5 (бес) жыл.

Жарамдылық мерзімі өткеннен кейін қолдануға болмайды!

Сақтау шарттары

Ылғалдан қорғау үшін түпнұсқалық қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші

«СОФАРМА» АҚ

Илиенское шоссе көш., 16

1220 София, Болгария

Тел: (359 2)  8177413

факс: (359 2) 974 3759 

E-mail: mail@sopharma.bg

Тіркеу куәлігінің ұстаушысы

«СОФАРМА» АҚ

Илиенское шоссе көш., 16

1220 София, Болгария

Тел: (359 2) 8177413

факс: (359 2) 974 3759 

E-mail: mail@sopharma.bg

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты  ұйымның атауы, мекенжайы және байланыс деректері (телефон, факс, электронды пошта)

«Софарма Қазақстан» жауапкершілігі шектеулі серіктестігі Алматы қ., Қазақстан, 050036, «Мамыр 4» ш.а., 190 үй

Телефон нөмірі: 7 (727) 380 01 03, 380 01 37, 380 01 42 (ішкі 108)

Факс нөмірі: 7 (727) 381 63 86

Электронды пошта: info@sopharma.kz